Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
20.09.2017 11:51
Şəmkir Regional Mədəniyyət və Turizm İdarəsinin müəssisələrində kino mövsümünə start verilibAzərbaycan Respublikası Prezidentinin Sərəncamı ilə təsdiq edilmiş “Azərbaycan kinosunun 2008-2018-ci il üzrə inkişafına dair Dövlət Proqramı”na, eləcə də Mədəniyyət və Turizm Nazirliyinin “Milli kinonun inkişafına dair tədbir haqqında” 8 avqust 2017-ci il tarixli, əmrinə əsasən ölkədə film nümayişlərinə başlanmışdır. Şəmkir Regional Mədəniyyət və Turizm İdarəsində Şəmkir rayon Heydər Əliyev Mərkəzində, Gədəbəy rayon Aşıq məktəbi və Mədəniyyət Mərkəzində, Göygöl rayonun Heydər Əliyev və Mədəniyyət Mərkəzində, Daşkəsən rayonun Mədəniyyət Mərkəzində  kino mövsümünün açılış günü keçirilmişdir. Qeyd olunan hər bir müəssisə üzrə Elxan Cəfərovun “Yarımçıq xatirələr” filmi nümayiş olunmuşdur. Nümayişdə Mədəniyyət və Turizm Nazirliyinin əməkdaşları iştirak etmiş, bundan başqa rayonun bir sıra dövlət müəssisələrinin əməkdaşları dəvətlilər arasında olmuşdur. Kinonun mövzusu vətənpərvərlik ruhunda olduğundan Dövlət Sərhəd Xidmətinin  zabit və əsgər heyəti də izləyicilər arasında olmuşdur. Açılış mərasimində Şəmkir rayon Heydər Əliyev Mərkəzində Regional İdarənin aparıcı mütəxəssisi Novruz Kərimov çıxış edərək regionda kino nümayişinin vacibliyini vurğulamışdır. ..
19.09.2017 17:35
Balakəndə kino mövsümünün açılışı münasibətilə tədbir keçirilmişdirBalakən Rayon Heydər Əliyev Mərkəzində Azərbaycan filmlərinin nümayiş olunması ilə əlaqədar təqdimat mərasimi keçirilmişdir. Açılışı Şəki Regional Mədəniyyət və Turizm İdarəsinin Balakən rayonu üzrə baş məsləhətçisi Şəfəq Hacıyeva etmişdir. Öz çıxışında nümayiş olunacaq filmlər haqqında qısa məlumat vermişdir. Daha sonra “Qırmızı bag” filmi nümayiş etdirilmişdir. ..
19.09.2017 17:20
Zaqatala rayon Heydər Əliyev Mərkəzində kino mövsümünün açılışı olmuşdurZaqatala rayon Heydər Əliyev Mərkəzində Azərbaycanda kino mövsümünün açılış günü ilə əlaqədar olaraq  təqdimat keçirilmişdir. Tədbirdə Şəki Regional Mədəniyyət və Turizm İdarəsinin Zaqatala rayon üzrə  baş məsləhətçisi Zümrüd Ağakişiyeva, Gənclər və İdman idarəsinin rəisi Araz Əliyev, Mərkəzləşdirilmiş Kitabxanalar Sisteminin direktoru Gülniyar Məmmədova,  Mədəniyyət Mərkəzinin direktoru Səmirət Hümbətova   iştirak etmişdilər. Tədbiri giriş sözü ilə Zümrüd Ağakişiyeva açaraq Azərbaycan kino tarixindən, kinomuzun keçdiyi geniş inkişaf yolundan, hal hazırki vəziyyəti haqqında ətraflı məlumat vermişdir. O, çıxışında vurğulamışdır ki, Ümummilli lider Heydər Əliyevin mədəniyyət və incəsənət xadimlərinə, kino sahəsində çalışanlara göstərdiyi diqqət və qayğı hazırda Prezident İlham Əliyev tərəfindən uğurla davam etdirilir. Daha sonra Mərkəzin direktoru Famil Rəhimov çıxış edərək Azərbaycan kino sənətinin ötən müddətdə əlamətdar hadisələrlə zəngin inkişaf yolu keçərək, xalqımızın mədəni-mənəvi həyatında mühüm rol oynamasından, onun mədəniyyətimizə təsirindən bəhs etmişdir. Tədbir iştirakçıları daha sonra 2011-ci il Azərbaycan istehsalı olan “Buta” bədii filminə tamaşa etmişlər.   ..
19.09.2017 17:17
Ağdaş Regional Mədəniyyət və Turizm İdarəsinin təşkilatçılığı ilə Azərbaycanda Kino mövsümünün açılışı gününə həsr olumuş tədbir keçirilmişdirAğdaş rayon Heydər Əliyev Mərkəzində Ağdaş Regional Mədəniyyət və Turizm İdarəsinin təşkilatçılığı ilə  Azərbaycanda Kino mövsümünün açılışı gününə həsr olumuş tədbir keçirilmişdir. Tədbiri giriş sözü ilə açan Regional İdarənin rəisi Tahir Əliyev ölkəmizdə kino sənayesinin inkişafı istiqamətində atılan addımlardan danışaraq bildirmişdir ki, gələn il Azərbaycan kinosunun 120 illiyi qeyd olunacaq. Daha sonra o qeyd etmişdir ki, bu ildən etibarən sentyabrın 15-i ölkəmizdə həm də kino mövsümünün başlandığı gün kimi qeyd olunacaq.  Belə ki, mədəniyyət və turizm naziri cənab Əbülfəs Qarayevin imzaladığı əmrə əsasən 2017-ci ildən etibarən hər il ölkəmizin paytaxtında və regionlarda kino mövsümünə həmin gündən start veriləcək. Nəzərdə tutulan ekran əsərləri ölkəmizin paytaxtında və regionlarda fəaliyyət göstərən Heydər Əliyev mərkəzlərində, mədəniyyət saraylarında, həmçinin film nümayişi üçün müvafiq imkanları olan digər mədəniyyət müəssisələrində göstəriləcək. Eyni zamanda Respublikanın bütün regionlarında olduğu kimi Ağdaş Regional Mədəniyyət və Turizm İdarəsinə aid olan Ağdaş,Göyçay,Ucar və Zərdab rayonlarında da bu gündən etibarən həftədə üç gün Azərbaycanda istehsal olunmuş bədii, sənədli və cizgi filmlərinin ödənişsiz nümayişi həyata keçiriləcəkdir. Tədbirin sonunda “Heydər Əliyev Azərbaycan mədəniyyətinin hamisidir” sənədli filmi nümayiş olunmuşdur. 15 sentyabr- “Azərbaycanda Kino Mövsümünün Açılışı Günü”nə həsr olumuş tədbirlər Ağdaş rayonu ilə yanaşı Göyçay, Ucar və Zərdab rayonlarında da yüksək səviyyədə təşkil olunmuş və tədbirlərdə Regional İdarənin aparatının məsul işçilərinin iştirakı təmin olunmuşdur. ..
19.09.2017 12:25
Ağdamda kino mövsümünün açılışı ilə bağlı müşavirə keçirilibAğdam rayon Quzanlı qəsəbə Mədəniyyət evində  Azərbaycan Respublikasının Prezidenti Cənab İlham Əliyevin təsdiq etdiyi “Azərbaycan kinosunun 2008-2018-ci illər üzrə inkişafına dair” Dövlət Proqramına uyğun olaraq Mədəniyyət və Turizm Naziri cənab Əbülfəs Qarayevin “Milli kinonun inkişafına dair tədbirlər haqqında” 08 avqust 2017-ci il tarixli 186 saylı əmrin icrasının təmin olunması məqsədilə müşavirə keçirilib. Müşavirədə  Ağcabədi Regional Mədəniyyət və Turizm idarəsinin rəisi Rza Quluyev, Ağdam rayon icra hakimiyyətinin başçısı Raqub Məmmədov,  Cəfər Cabbarlı adına Azərbaycan Film Kino-Studiyasının direktoru Müşfiq Hətəmov və Ağdam rayon ictimaiyyətinin kinosevər nümayəndələri iştirak edirdilər. Ağcabədi Regional Mədəniyyət və Turizm idarəsinin rəisi Rza Quluyev Azərbaycan Xalqının Ümummilli lideri Heydər Əliyevin “Azərbaycan Xalqının bir çox nəsilləri kino sənəti ilə tərbiyələnib, kinonun təsiri altında formalaşıb, inkişaf edib və mədəniyyətə qovuşublar. Xalqımızın inlkişaf yolunda Azərbaycan kinosunun xidmətləri əvəzsizdir” sözləri ilə açaraq “Dövlət sifarişi ilə çəkilmiş milli kinomuzun təbliği ” mövzusunda  məruzə ilə çıxış etdi. R.Quluyev Azərbaycan kinosunun böyük bir dövrünün inkişafının Ümummilli lider Heydər Əliyevin adı ilə bağlı olduğunu, “Uzaq sahillərdə”, “İstintaq”, “Bir cənub şəhərində”, “Nəsimi”, “Babək” və s. kimi filmlərin yaranmasında  və sovet senzurasından keçirilməsində xüsusi xidmətləri olduğunu bildirdi.   Tədbirdə çıxış edən Ağdam rayon icra hakimiyyətinin başçısı Raqub Məmmədov Milli kinomuzun himayədarı Ulu Öndər Heydər Əliyevin 2000-ci ilin 18 dekabr tarixli Sərəncamı ilə hər il 2 avqust tarixinin Azərbaycanda kino günü kimi qeyd olunduğunu bildirdi.  Ümummilli Lider Heydər Əliyevin mədəniyyət və incəsənət xadimlərinə, kino sahəsində çalışanlara göstərdiyi diqqət və qayğının hazırda Prezident Cənab İlham Əliyev tərəfindən uğurla davam etdirildiyini diqqətə çatdırdı. Cəfər Cabbarlı adına Azərbaycan Film Kino-Studiyasının direktoru Müşfiq Hətəmov çıxışında milli kinonun inkişafında qarşıya çıxan çətinliklərdən və nailiyyətlərdən danışaraq dövlətin bu sahəyə diqqətinin getdikcə artdığını təqdirəlayiq hal kimi qiymətləndirdi.  M.Hətəmov böyüməkdə olan gənc nəslin formalaşmasında və milli ruhda tərbiyə olunmasında filmlərin əvəzsiz rol oynadığını,  bu sahədə rəqabətin davamlı olmasının vacibliyini bildirdi.  Müasir dövrdə çəkilmiş filmlərin baxımlı olması üçün peşəkar mütəxəssislərin üzərinə böyük məsuliyyət düşdüyünü vurğuladı. Tədbirdə  Ağcabədi Regional Mədəniyyət və Turizm İdarəsinin Ağdam rayonu üzrə nümayəndəsi Şahin Qasımov, Ağdam Mərkəzi Kitabxana Sisteminin biblioqrafı Kəmalə Fərəcova çıxış edərək milli kinonun inkişafında təbliğat işinin vacib olduğunu bildirdilər. Əhali, xüsusən gənclər arasında təbliğatın düzgün qurulmasının böyüməkdə olan gənc nəslin təlim-tərbiyəsində , müasir dövrün tələblərinə cavab verən peşəkar filmlərin çəkilməsində və nümayişində böyük məsuliyyətin tələb olunduğunu qeyd etdilər. Müşavirənin sonunda “YARIMÇIQ XATİRƏLƏR” filmi nümayiş olundu.   ..
19.09.2017 12:16
Qusar Dövlət Ləzgi Dram Teatrının 145-ci yeni teatr mövsümünün açılışı olubQusar  Dövlət Ləzgi Dram Teatrında  baş rejissor Laləzər Hüseynovanın quruluş verdiyi A.Saqarellinin “Xanuma” komediyası ilə yeni mövsümün açılışı keçirilib. Tamaşanın quruluşçu rəssamı - Marina Mahmudova, musiqi tərtibatı – Şaik Qardaşovdur. Rollarda Azərbaycan Respublikasının fəxri Mədəniyyət İşçisi- Bağır Əhmədov, Azərbaycan Respublikasının fəxri Mədəniyyət İşçisi-Kifayət Yusifova, Lalə Qurbanova,Sədaqət Əlimuradova, Kəmalə Qasımova, Namik Mustafayev, Pirverdi ,Pirverdiyev, Rəhilə Hacıbəyova, Yuriy Kərimov və başqaları iştirak edir. Müfləşmiş və yaşlı Vano Pantiaşvili borclarını ödəmək və girov qoyduqlarını geri almaq üçün zəngin bir gəlin axtarır. Tiflisin ən yaxşı yengələri sayılan Xanuma və Kobato demək olar ki, Knyazı evləndirmək üçün yarışırlar. Xanuma knyaza çirkin, yaşı ötmüş Gulikonu tapır. Kabato isə varlı, gənc, gözəl Ketonu tapır. Süjet boyu davam edən hadisələrdən sonra Xanuma işlətdiyi hihlələrdən sonra Gulikonu knyaza Vano Pantiaşvili ilə evləndirir.  Gözəl Ketonu isə Knyazın qardaşı oğlu Kote Pantiaşvili ilə evləndirir. Əsər xoşbəxt sonluqla bitir. ..
19.09.2017 12:06
Sumqayıt Regional Mədəniyyət və Turizm İdarəsi filmlərin nümayişinə başlayıbAzərbaycan Respublikası Prezidentinin 4 avqust 2008-ci il tarixli, 2961 nömrəli Sərəncamı ilə təsdiq edilmiş “Azərbaycan kinosunun 2008-2018-ci illər üzrə inkişafına dair Dövlət proqramı“na və Mədəniyyət və Turizm Nazirinin müvafiq əmrinə əsasən Sumqayıt Regional Mədəniyyət və Turizm İdarəsi artıq filmlərin nümayişinə başlayıb. Sumqayıt şəhər Heydər Əliyev Mərkəzində “Cavad xan” filminin nümayişi ilə açılışı olan tədbirə Xalq şairi Sabir Rüstəmxanlı, tanınmış regissor Rövşən Almuradlı və Sumqayıt Gənclər İdman Baş idarəsinin rəisi Mübariz Bəşirov qatılıblar. Tədbiri giriş sözü ilə açan Sumqayıt Regional Mədəniyyət və Turizm idarəsinin rəisi Mehman Şükürov qonaqları və tədbir iştirakçılarını salamlayaraq yeni layihə haqqında məlumat verib. O bildirib ki, “Azərbaycan və dünya kinomatoqrafçılarının istehsalı olan filmlər Sumqayıt Regional Mədəniyyət və Turizm idarəsinin şəbəkəsinə daxil olan müəssisələrdə nümayiş etdiriləcək. Hər gün 3 dəfə olmaqla (saat 11.00; 15.00; 17.00) nümayiş etdirilən filmlər arasında bədii, sənədli və cizgi filmləri yer alıb. Daha sonra çıxış edən Xalq şairi Sabir Rüstəmxanlı Azərbaycan filmlərinin nümayişinin tədqirəlayiq hal olduqunu bildirib. Xalq şairi qeyd edib ki,  “Cavad xan” filmi də daxil olmaqla  insanlarda yurd, vətən, torpaq sevgisi aşılayan filmlərin nümayişi uşaqların və gənc nəslin şüurunda mühüm yer tutacaq.  “Film öz ömrünü yaşayan insan kimidir. Hər bir filmin qiymətini zaman verir” deyən ”“Cavad xan” filminin rejissoru Rövşən Almuradlı Sumqayıtın mədəni həyatının inkişafında belə  tədbirlərinin kecirilməsinin mühüm əhəmiyyət kəsb etdiyini vurğulayıb və bu işdə əməyi keçən hər kəsə təşəkkürünü bildirib. Tədbir Xalq Şairi Sabir Rüstəmxanlının “Ölüm zirvəsi” romanının motivləri əsasında Rövşən Almuradlının rejissorluğu ilə çəkilən “Cavad xan” filminin nümayişi ilə yekunlaşıb. Qeyd edək ki, gün ərzində Sumqayıt şəhər N.Nərimanov adına Mədəniyyət Mərkəzində “40-cı qapı”, Qubadlı rayon V.Əliyev adına Mədəniyyət Evində “Dolu”, Xızı rayon Altıağac qəsəbə Diyarşünaslıq evində “İkinci ömür“, Şuraabad qəsəbə Sənətkarlıq evində “Tütək səsi“, Abşeron rayon Mədəniyyət Mərkəzində “Güllələnmə təxirə salınır“, Şuşa rayon Malıbəyli kənd Mədəniyyət Evində “Azərbaycanın Milli Qəhrəmanları”, Zəngilan rayon Mədəniyyət Evində “Bizim Cəbiş müəllim” filmləri nümayiş olunub. ..
19.09.2017 12:04
İsmayıllıda kino mövsümünün açılışı keçirilibİsmayıllı Regional Mədəniyyət və Turizm İdarəsinin tabeliyində fəaliyyət göstərən müəssisələrdə kino mövsümünün açılışı ilə əlaqədar silsilə tədbirlər keçirib. İsmayıllı rayon Heydər Əliyev adına Mədəniyyət Mərkəzində baş tutan tədbirdə İsmayıllı Regional Mədəniyyət və Turizm İdarəsinin rəisi Elnur Hüseynov çıxış edərək kino sahəsinin inkişafına yönəlmiş layihə barədə ətraflı məlumat verib. Bildirib ki, ümummilli lider Heydər Əliyevin mədəniyyət və incəsənət xadimlərinə, kino sahəsində çalışanlara göstərdiyi diqqət və qayğı hazırda Prezident İlham Əliyev tərəfindən uğurla davam etdirilir. Elnur Hüseynov qeyd edib ki, regionlarda film nümayişi işinin təşkili və inkişaf etdirilməsi məqsədilə mədəniyyət və turizm naziri Əbülfəs Qarayev əmr imzalayıb: “Əmrə əsasən, hər il sentyabrın 15-i ölkəmizdə kino mövsümünün başlanğıcı kimi qeyd olunacaq. Bu tarixdən başlayaraq regionlarda fəaliyyət göstərən Heydər Əliyev mərkəzlərində, mədəniyyət saraylarında, eyni zamanda film nümayişi üçün müvafiq imkanları olan digər mədəniyyət müəssisələrində ekran əsərləri nümayiş etdiriləcək. Bununla da Bakıda və regionlarda milli filmlərin nümayişi müntəzəm olaraq həyata keçiriləcək”. İsmayıllı Regional Mədəniyyət və Turizm İdarəsinin tabeliyində olan digər rayonlarda da kino mövsümünün açılış günü qeyd olunub. Milli fillər nümayiş olunub. ..
19.09.2017 12:03
Lənkəran Regional Mədəniyyət və Turizm İdarəsi tərəfindən “15 sentyabr-Kino mövsümünü açılşı” münasibətilə tədbir keçirilmişdirLənkəran Regional Mədəniyyət və Turizm İdarəsinin təşkilatçılığı ilə “15 sentyabr-Kino mövsümünün açılışı günü” ilə əlaqədar olaraq Lənkəran şəhər Heydər Əliyev Mərkəzində təqdimat keçirilmişdir.  Təqdimatda çıxış edən Lənkəran Regional Mədəniyyət və Turizm İdarəsinin rəisi Vüsal Nəsirli republika rəhbərliyi tərəfindən mədəniyyət və incəsənət sahəsinə göstərilən diqqət və qayğıdan, kino sənətinin inkişaf etdirilməsi istiqamətində görülən işlərdən, Azərbaycan Respublikası Mədəniyyət və Turizm naziri cənab Əbülfəs Qarayevin milli kinonun inkişafına və bölgələrdə nümayişinə dair imzaladığı əmrlərdən, bu istiqamətdə Lənkəran Regional Mədəniyyət və Turizm İdarəsinin gördüyü işlərdən danışmış, 15 sentyabr tarixində Lənkəran Regional Mədəniyyət və Turizm İdarəsinin tabeliyində olan bir çox müəssisələrdə kino mövsümünün açılşı ilə əlaqədar tədbirlərin keçirildiyini, milli filmlərin nümayiş etdirildiyini qeyd etmiş və növbəti həftələrdə müəyyənləşdirilmiş qrafikə uyğun olaraq film nümayişlərinin davam etdiriləcəyini diqqətə çatdırmışdır. Sonra İki dəfə Sovet İttifaqı Qəhrəmanı Həzi Aslanovun döyüş yoluna həsr edilmiş “Mən sizi dünyalar qədər sevirdim” filmi nümayiş etdirilmişdir. ..