Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
18.10.2018 19:33
Balakəndə Müstəqillik Günü münasibətilə konsert keçirildi Şəki şəhər 3 nömrəli Uşaq Musiqi Məktəbinin muğam triosu Balakən şəhərində keçirilən Müstəqillik Gününə həsr olunmuş konsertdə iştirak etmişdir. 18 oktyabr 2018-ci il tarixində Balakən şəhərində keçirilən Azərbaycanın Dövlət Müstəqilliyi Gününə həsr olunmuş konsertdə Şəki şəhər 3 nömrəli Uşaq Musiqi Məktəbinin muğam triosu – məktəbin xanəndəlik ixtisası üzrə II sinif şagirdi, muğam ifaçısı Elton Əhmədli, onu müşayiət edən Pərviz Qəniyev (müəllim), Şahin Abdullayev (tar), Babək Abdullayev (kamança) və Elşən Qaffarov (nağara) musiqi nömrələri ilə çıxış etmişdir. Elton Əhmədlinin ifasında muğam konsert iştirakçılarının rəğbətini qazanmışdır. Konsert tamaşaçılar tərəfindən maraqla qarşılanmışdır. ..
18.10.2018 14:10
Sumqayıt şəhər Gənclər kitabxanasında şair İbrahim İlyaslının “Şair olmaq zülümdür “ kitabının təqdimatı keçirilibSumqayıt şəhər Gənclər kitabxanası və 16 saylı tam Orta Məktəbin birgə təşkilatçılığı ilə şair İbrahim İlyaslının 55 illik yubileyi münasibətilə tədbir və “Şair olmaq zülümdür” kitabının təqdimatı keçirilmişdir. Tədbirdə şair İbrahim İlyaslı,Təhsil şöbəsinin metodisti Məmmədova Səbirə, 2 saylı məktəbin direktoru Xalid Adıgözəlov, 16 saylı məktəbin müəllim-şagird kollektivi iştirak etmişdir. Tədbir zamanı məktəbin müəllimi Sevil Behbudbəyli çıxış edərək şairin həyat yolu, yaradıcılığı haqqında tədbir iştirakçılarına məlumat vermişdir. Sonra şairin şeirlərindən nümunələr söylənilib, musiqi nömrələri dinlənilib. Daha sonra şair İbrahim İlyaslı çıxış edib. O, tədbirin təşkilatçılarına təşəkkür edərək bu kimi tədbirlərin keçirilməsinin oxucular və yaradıcı adamlar üçün böyük əhəmiyyətindən danışıb, şeirlərini oxuyub, şagirdlərin suallarını cavablandırıb. Sonda məktəbin direktoru Niyaz Süleymanov şairin şeirlərindən nümunələr söyləyib, tədbir iştirakçılarına və kitabxana əməkdaşlarına minnətdarlığını bildirib. ..
18.10.2018 11:46
Sumqayıt Regional Mədəniyyət İdarəsinin 9 ayın yekunlarına həsr olunmuş müşavirəsi keçirilibSumqayıt şəhər Heydər Əliyev Mərkəzində Sumqayıt Regional Mədəniyyət İdarəsinin 9 ayın yekunlarına həsr olunmuş müşavirəsi keçirildi. İdarə rəisi Mehman Şükürov müşavirəni açaraq 9 ay ərzində görülən işlər haqqında məlumat verib. Bildirib ki, hesabat dövrü ərzində tabe müəssisələrdə bir sıra tədbirlər keçirilib. Uğurlarla bərabər problemlərin də olduğunu bildirən idarə rəisi qeyd edib ki, idarənin şəbəkəsinə daxil olan mədəniyyət müəssisələri artıq ödənişli xidmətlə fəaliyyət göstərməlidir. Xüsusilə musiqi məktəbləri, muzey və rəsm qalereyalarının ödənişli xidmətə keçirilməsinin vacibliyini vurğulayan idarə rəisi klub müəssisələrində də ödənişli kursların sayının artırılması, insanların maraqlarına cavab verən kursların təşkili, eyni zamanda folklor kollektivlərinin yaradılması, sənətkarlıq növlərinin araşdırılaraq haqqında məlumatların hazırlanması və bununla əlaqədar tədbirlərin keçirilməsi ilə bağlı ciddi tapşırıqlarını verib. “Mədəniyyət müəssisələrinə gənc kadrlar cəlb olunmalıdır. Yeni düşüncəyə, yeni fikrə ehtiyacımız var. Yeni təkliflər verilməli, layihələr həyata keçirilməlidir” deyən idarə rəisi ehtiyat kadrların hazırlanmasının vacibliyini vurğulayıb, işinə ciddi yanaşmayan, məsuliyyətsizlik edən, nizam-intizam qaydalarını pozan işçilər haqqında müvafiq tədbirlərin görüləcəyini bildirib. Mehman Şükürov həmçinin musiqi məktəblərində təhsil alan istedadlı uşaqların aşkara çıxarılması və onların bütün qabiliyyət və imkanlarının üzə çıxarılması ilə bağlı fikirlərini bildirib. Daha sonra idarə rəisinin müavini İlham Əhmədov çıxış edərək musiqi məktəblərində tarifikasıya işlərinin aparılması, müəssisələrdə aparılan daxili nəzarətin nəticələri ilə bağlı məlumat verib. Sonra müşavirə iştirakçıları Heydər Əliyev Mərkəzində Sumqayıt şəhər Diyarşünaslıq klubu tərəfindən Müstəqillik Gününə həsr olunmuş tədbirə qatılıblar. Tədbirdə klubun rəsm kursunun şagirdlərinin ifasında Pazl Art və digər rəsm əsərlərindən ibarət sərgi nümayiş olunub, gənc solistlərin ifasında Azərbaycana həsr olunmuş mahnılar dinlənilib, “Saz” qrupunun çıxışı, “Odlar yurdu” rəqs qrupunun ifasında rəqs nömrələri izlənilib. İstedadlı uşaqlar Sumqayıt Regional Mədəniyyət İdarəsi tərəfindən fəxri fərmanla təltif olunublar. Tədbirin sonunda idarə rəisi Mehman Şükürov çıxış edərək tədbir iştirakçılarını Müstəqillik Günü münasibətilə təbrik edib, təşkilatçılara bayram tədbirinə görə təşəkkürünü bildirib, uğurlar arzulayıb.   ..
18.10.2018 10:49
Qazax rayon MKS tərəfindən Müstəqillik Günü münasibətilə silsilə tədbirlər keçirilib17 oktyabr 2018 – ci il tarixində  Qazax rayon MKS-in  E.Hüseynov adına Mərkəzi Kitabxana sı “Açıq kitabxana” layihəsi çərçivəsində “18 oktyabr - Azərbaycanın Dövlət Müstəqilliyi Günü”nə həsr olunmuş  “Müstəqilliyimiz daimidir, əbədidir, sarsılmazdır” adlı ədəbi kompozisiya keçirib. Tədbirdə Qazax Dövlət Rəsm Qalereyasının işçiləri, şəhər məktəbliləri və mədəniyyət işçilərindən   bir qrup  iştirak etmişdir. Tədbirin əvvəlində şagirdlərin ifasında Azərbaycanın Dövlət Himni səsləndirilib. Kitabxananın Uşaq şöbəsinin əməkdaşı Aytəkin Quluyeva Azərbaycanın Dövlət Müstəqilliyinin yaranması haqqında məlumat verərək bildirib ki,  XX yüzilliyin sonlarında SSRİ-nin süquta uğraması ilə yaranan əlverişli şərait və taleyin bəxş etdiyi imkan nəticəsində Azərbaycan xalqı ikinci dəfə müstəqillik bayrağını qaldırdı. 1991-ci il oktyabrın 18-dən Azərbaycan müstəqil, suveren bir dövlətdir. Tədbir zamanı məktəblilər vətənə aid bir birindən rəngarəng şeirlər söyləyb, mahnılar oxuyublar. Sonda tədbir iştirakçıları “18 oktyabr-Azərbaycanın Dövlət Müstəqilliyi Günü ” adlı sərgi ilə tanış oldular. Qeyd edək ki, Müstəqillik Günü ilə əlaqədar Qazax rayon MKS-in şəhər 1 nömrəli, Xanlıqlar, Daş Salahlı, Ürkməzli, İkinci Şıxlı kənd kitabxana filiallarında tədbirlər keçirilib. ..
17.10.2018 15:47
Füzuli Dövlət Dram Teatrı Qayıdış qəsəbələrində qastrol səfərindədirFüzuli Dövlət Dram Teatrı 1 nömrəli Qayıdış qəsəbəsində Orta Məktəb kollektivi qarşısında çıxış etmişdir. Teatr rayondan 70 km məsafədə müxtəlif istiqamələrdə yerləşən Qayıdış qəsəbələrində qastrol səfərindədir. Teatrın direktoru, Əməkdar mədəniyyət işçisi Vaqif Vəliyevin ssenarisi və quruluşu əsasında hazırlanan “Vəzirsiz saray” adlı tamaşa artıq bu gün  kollektivə təqdim olunmuşdur.  Qeyd edək ki, tamaşanın quruluşçu rəssamı Ellinaz Balaşova, musiqi tərtibatçısı Nizami Süleymanovdur. Tamaşada əsas rollarda İntizar Quliyeva, Nicat Süleymanov, Sevinc Məmmədova, Sehran Xanlarov, Əli Hüseynov, Elşən Gözəlov və başqaları çıxış edir.  Qastrol səfərinin 17-25 oktyabr tarixlərində davam etdirilməsi nəzərdə tutulmuşdur. ..
17.10.2018 15:27
Qazaxda Müstəqillik Gününə həsr edilmiş “Səyyar kitabxana” xidməti təşkil edilmişdirAğstafa Regional Mədəniyyət İdarəsinin təşəbbüsü ilə 16 oktyabr 2018-ci il tarixində S.Vurğun adına İstirahət parkında Qazax rayon MKS tərəfindən “18 Oktyabr - Azərbaycanın Dövlət Müstəqilliyi Günü”nə həsr edilmiş “Səyyar kitabxana” xidməti təşkil edilmişdir. Tədbirdə Respublikanın müstəqillik illərində qazandığı uğurları, “Müstəqil dövlətçiliyimizin parlaq səhifəsi”, “Ucalan bayraqlı Azərbaycanım”, “Ordum varsa, yurdum var”, “Aprel döyüşləri bizim şanlı qələbəmizdir”, “2018-ci il Azərbaycan Xalq Cümhuriyyəti ili” mövzularına həsr edilmiş kitab və jurnallar nümayiş olunmuşdur. Kitabxananın əməkdaşları tədbir iştirakçılarına ölkəmizdə, eyni zamanda rayonumuzda gedən quruculuq işlərindən ətraflı məlumat vermişdir. Sərgi ilə tanış olan bir qrup iştirakçı kitabxanaya üzv yazılmışdır. ..
17.10.2018 15:21
Sumqayıtda Dövlət Müstəqilliyi Günü qeyd olunduSumqayıt Dövlət Dram Teatrında 18 Oktyabr – Azərbaycanın Dövlət Müstəqilliyi Günü qeyd olunub. Tədbirdə çıxış edən teatrın direktoru, Əməkdar artist Mübariz Həmidov müstəqilliyə aparan yolun çətinliyindən danışıb, milli məfkurənin formalaşması üçün keşməkeşli yollar qət edildiyini bildirib. Vurğulanıb ki, Şərqdə ilk demokratik respublika olan Azərbaycan Xalq Cümhuriyyətinin ömrü qısa olsa da, dövlətçilik salnaməsinə qızıl hərflərlə yazıldı. Mübariz Həmidov 1991-ci il oktyabrın 18-də Müstəqillik aktının qəbul olunduğunu, 1992-ci ildə az qala itirilməkdə olan müstəqilliyimizin Heydər Əliyev tərəfindən xilas edildiyini söyləyib. Qeyd edib ki, bu gün qüdrətli Azərbaycan Ordusunun peşəkar zabitlərinin əksəriyyəti vaxtı ilə ümummilli liderin yaratdığı C.Naxçıvanski adına Hərbi Ləktəbin yetirmələridir.  Daha sonra teatrın baş rejissoru, Xalq artisti Firudin Məhərrəmov, quruluşçu rejissor, Əməkdar artist Namis Şirməmmədov, ərazi təşkilat sədri Samirə Məlikova fikirlərini bölüşüb. Görkəmli siyasətçi, dövlət xadimi Heydər Əliyevin qürurla söylədiyi “Azərbaycanın müstəqilliyi əbədidir, dönməzdir, sarsılmazdır!” kəlamı tədbirin leytmotivi kimi səslənib. ..
15.10.2018 12:29
Lənkəran teatrında uşaqlar üçün yeni tamaşanın premyerası olubOktyabrın 14-də Lənkəran Dövlət Dram Teatrında şair-publisist Əjdər Olun “Biri vardı, biri yox” pyesi əsasında hazırlanmış “Meşəbəyinin dostları” musiqili nağıll-tamaşasının premyerası oub. Uşaqlarda xeyirxahlıq, mərhəmət, ətrafdakılara köməklik göstərmək kimi nəcib hissləri aşılayan tamaşanın quruluşçu rejissoru Emil Əskərov, quruluşçu rəssamı Tərlan Sadıqov, musiqi tərtibatçısı Fərahim Fərəcovdur.  Rolları aktyorlardan Allahverən Babayev, Emin Fərzullayev, Səyad Əliyev, Rauf Zeynalov, Ülkər Quliyeva və Nizami Qurbanov ifa ediblər. ..
11.10.2018 17:14
Qazaxda Xalq şairi Məmməd Arazın anadan olmasının 85 illiyi ilə əlaqədar silsilə tədbirlər keçirildi11 oktyabr 2018-ci il tarixində Qazax rayon E. Hüseynov adına Mərkəzi Kitabxana tərəfindən Azərbaycanın Xalq şairi Məmməd Arazın anadan olmasının 85 illiyi ilə əlaqədar “İstiqlal şairi –Məmməd Araz” adlı fləşmob keçirib. Tədbirdə kitabxananın Uşaq şöbəsinin əməkdaşları Məmməd Araz poeziyası barədə şəhər sakinlərinə məlumat verdilər. Fəal oxuculardan bir qrupu şairin “Dünya mənim, dünya sənin” , “Ata millət, ana millət, ağlama”, “Ayağa dur Azərbaycan”, “Bizi vətən çağırır” və başqa şeirlərini söylədi, latın və kiril qrafikası ilə nəşr olunmuş kitablarını nümayiş etdirdilər. Tədbir tamaşaçılar tərəfindən maraqla qarşılandı.   ***   Qazax rayon MKS-nin təşkilatçılığı ilə Nəriman Nərimanov qəsəbə kitabxana filialı Xalq şairi Məmməd Arazın anadan olmasının 85 illiyi münasibətilə “Vətən mənə oğul desə nə dərdim” adlı məruzə keçirilmişdir. Tədbirdə mədəniyyət  işçiləri və fəal oxuculardan bir qrup iştirak etmişdir. Tədbiri kitabxana filialın əməkdaşı Firuzə Vəliyeva açaraq Məmməd Arazın həyat və yaradıcılığından danışmış, şairin “Əməkdar mədəniyyət işçisi”, “Əməkdar incəsənət xadimi”, “Xalq şairi” fəxri adlarına, dövlət mükafatına layiq görüldüyünü və “İstiqlal” ordeni ilə təltif edildiyini bildirmişdir. Qeyd etmişdir ki, görkəmli söz ustadının xatirəsi indi də əziz tutulur.   Tədbir zamanı kitabxanaçı Cahan Qasımova, Folklor evinin müdiri Səlminaz Qurbanova məruzə ətrafında şairlə bağlı fikirlərini bölüşüblər. Sonda fəal oxuculardan Osmanova Nahidə, Həsənova Simuzər, Hacılı Cəfər, Əliyeva Rəna Məmməd Arazın şeirlərini söyləyiblər.   ***   Görkəmli şairin yubileyi çərçivəsində daha bir tədbir Qazax şəhər 1 nömrəli kitabxana filialı tərəfindən keçirilmişdir. Kitabxana filialında “Yeni kitablar” adlı sərgi təşkil edilmişdir. Sərgidə Qazax şəhər S. Vurğun adına 2 nömrəli tam Orta Məktəbin müəllim və şagird kollektivindən ibarət qrup iştirak etmişdir. Sərgidə Azərbaycan və dünya yazarlarının əsərləri nümayiş edilmişdir. Kitabxana filialın müdiri Fəridə Xudiyeva tədbir zamanı kitabın rolundan söz açmış, sərginin əhəmiyyətini vurğulamışdır. Bildirmişdir  ki, sərginin məqsədi uşaqlarda kitaba sevgi aşılamaq, mütaliəyə həvəsləndirmək, onları milli dəyərlərimizə bağlamaq və bu dəyərlərimizi yaşatmaq, ölkəmizdə son illərdə nəşr olunan  kitablarla  tanış etməkdir. Tədbirdə kitabxana filialının əməkdaşı Sevinc Nəbiyeva çıxış edərək kitabın, mütaliənin əhəmiyyətindən, uşaqlar üçün kitabların onların gələcəkdə müstəqil Azərbaycanımıza layiq bir vətəndaş kimi böyüməsindən, dünyagörüşlərinin formalaşmasındakı rolundan danışmışdır.  Sonra tədbir iştirakçıları sərgi ilə tanış olmuşlar. “Nağıllar aləmində”, “Sizin sevimli yazıçılarınız”,  “Azərbaycan - yurdum mənim”  və s. başlıqları altında tərtib olunan sərgi maraqla qarşılanıb.  Qeyd edək ki, tədbirin sonunda kitabxanaya yeni oxucular üzv yazılmışdır. ..