Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
20.04.2018 17:27
Şəmkir hərbi birliyinin hərbi şəhərciyində “İsgəndərin sorağında” sənədli filminin nümayişi olub18 aprel 2018-ci il tarixində Mədəniyyət və Turizm Nazirliyi tərəfindən Müdafiə Nazirliyinin Şəmkir hərbi birliyinin hərbi şəhərciyində “İsgəndərin sorağında” sənədli filminin nümayişi təşkil olunmuşdur.   Dövlət sifarişi ilə “Yaddaş” studiyasında “Azərbaycanın Milli Qəhrəmanları” sənədli filmlər silsiləsindən çəkilən film Milli Qəhrəman İsgəndər Aznaurovun həyatından və Qarabağ döyüşlərində keçdiyi şərəfli döyüş yolundan bəhs edir. Milli Qəhrəmanın ölümünün 25-ci ildönümü münasibəti ilə keçirilən təqdimatda Millət vəkili Sona Aliyeva, Şəmkir rayon icra hakimiyyəti başçısının müavini Aynur Abdullayeva, Mədəniyyət və Turizm Nazirliyinin Kinematoqrafiya şöbəsinin əməkdaşı Almaz Sultanzadə, Şəmkir hərbi birliyinin şəxsi heyəti, məktəblilər və rayon ictimaiyyətinin nümayəndələri iştirak etmişlər. Tədbirdə çıxış edənlər torpaqlarımızın azadlığı uğrunda canını fəda etmiş qəhrəmanlarımızın insanlara daha yaxından tanıdılmasında, xüsusən gənc nəslin vətənpərvərlik ruhunda formalaşmasında bu cür filmlərin mühüm əhəmiyyətindən danışmışlar. Tədbirdə Şəmkir Kür Mədəniyyət Evi hərbi-vətənpərvərlik mövzusunda bədii kompozisiya ilə çıxış etmişdir. Sonra filmin nümayişi olmuş və tamaşaçılar tərəfindən böyük maraqla qarşılanmışdır. Qeyd edək ki, bugünədək “Azərbaycanın Milli Qəhrəmanları” sənədli filmlər silsiləsindən “Yaddaş” və “Salnamə” studiyalarında dövlət sifarişi ilə 70-dən artıq film çəkilmiş, həmin filmlərin paytaxtda və ölkənin müxtəlif bölgələrindəki Mədəniyyət mərkəzlərində, hərbi hissə və hərbi məktəblərdə, ali və orta ümumtəhsil məktəblərində nümayişləri təşkil olunmuşdur. ..
19.04.2018 16:31
“Beynəlxalq abidələr və tarixi yerlər” günü münasibətilə silsilə tədbirlər təşkil olunubBərdə Regional Mədəniyyət və Turizm İdarəsi “Beynəlxalq abidələr və tarixi yerlər” günü münasibətilə regional idarənin tabeliyində olan mədəniyyət müəssisələrində silsilə tədbirlər təşkil edib. 18-i dünyada “Beynəlxalq abidələr və tarixi yerlər”  günü kimi qeyd olunur. Bu əlamətdar gün Tarixi Yerlər və Abidələrin Mühafizəsi Şurasının (İCOMOS) təklifi üzrə UNESCO tərəfindən 1983-cü ildə təsis olunub. Məqsəd insanların diqqətini abidələrin və tarixi yerlərin qorunmasına yönəltməkdir. Təkcə XX əsrdə baş vermiş iki dünya müharibəsi nəticəsində nə qədər dağıntılar olub. Hazırda dünyada minlərlə abidə məhv olmaq təhlükəsindədir. Bu baxımdan Beynəlxalq Abidələr və Tarixi Yerlər Gününün təsis olunması böyük əhəmiyyətə malikdir. Dünya xalqlarının keçmişi, həyat tərzi onun tarixi abidələrində və yerlərində təcəssüm olunur. Nələrsə bu günümüzə bütöv gəlib çatıb, nələrdənsə xarabalıqlar qalıb, nələrsə öz izini yalnız nağıllarda, əfsanələrdə saxlayıb. Bunun da təbii fəlakətlər, müharibələr, “bərpa” adı altında məqsədli dəyişmələr, dağıdılma və nəhayət, zaman kimi səbəbləri var. Ölkəmiz dünyada bəşər sivilizasiyasının ilkin meydana gəldiyi ərazilərdən biridir. Arxeoloji qazıntıların nəticəsində Azıx mağarasından tapılmış və azıxantrop adlandırılan qədim insanın çənə sümüyü Azərbaycanın dünyada ən qədim ibtidai məskənlərindən biri olmasını sübut edir. Qobustanda aşkar edilmiş yaşayış məskənləri bu ərazidə ən qədim dövrlərdən insanların məskunlaşdığını təsdiqləyir. Tarixi abidələrimizin qorunması və gələcək nəsillərə çatdırılması sahəsində dövlətimizin başçısı İlham Əliyevin, Azərbaycanın birinci xanımı Mehriban Əliyevanın ölkə daxilində və xaricində həyata keçirdikləri böyük işlər hər kəs üçün ən gözəl örnəkdir. İçərişəhər memarlıq kompleksi, Qobustan Dövlət Tarixi-Bədii Qoruğu UNESCO-nun Dünya İrsi Siyahısına daxil edilib. Qobustandakı muzey isə 2013-cü ildə Avropanın ən yaxşı muzeyləri sırasında olub. Bütün bunlar isə Azərbaycanın qlobal dünyaya öz maddi və mənəvi mədəniyyəti ilə birgə inteqrasiyasını təmin edir. bir xalq öz tarixi keçmişi ilə tanınır. Tarixi vərəqlədikcə xalqımızın necə bir ulu xalq olduğunu görüb fərəhlənir, mədəniyyətimizin çox böyük dövrləri əhatə etdiyinin şahidi oluruq. Qürur hissi ilə qeyd etməliyik ki, dünyanın nəhəng ölkələri ilə müqayisədə ərazimiz nə qədər kiçik olsada zəngin mədəniyyətimiz daim diqqət mərkəzində olmuşdur. Azərbaycanın ilkin yaşayış yerlərindən, qədim mədəniyyət mərkəzlərindən biri də tarixin özü qədər qocaman Bərdə şəhəridir. O Bərdə ki, 500 il ölkənin baş şəhəri, paytaxtı olmuşdur. O Bərdə ki, adı şərqin ulu və möhtəşəm şəhərləri ilə bir sırada çəkilərək Reylə, Bağdadla müqayisə olunmuşdur. Dəfələrlə yadellilərin hücumlarına məruz qalmasına baxmayaraq Bərdə şəhərinin tarixi, mədəniyyət abidələri bu günümüzə qədər gəlib çatmışdır. Sözü gedən əlamətdar gün Bərdə Regional Mədəniyyət və Turizm İdarəsinin Bərdə rayon nümayəndəliyində geniş şəkildə qeyd edilib. 1322-ci ilə dövrünün məhşur memarı Əhməd İbn Əyyub Əl Hafiz Naxçıvani tərəfindən inşa edilmiş və ölkə prezidentinin müvafiq sərəncamı ilə yenidən əvvəlki görkəminə qaytarılmış məhşur “Allah-Allah” türbəsində keçirilən tədbirdə əlamətdar gündən, şəhərin zəngin tarixə malik olmasından geniş söz açılıb, konsert proqramı təşkil edilib. “Tariximiz keçmişdən gələcəyə” devizi altında keçirilən tədbir Bərdə şəhər 4 nömrəli uşaq incəsənət məktəbinin rəsm sinfinin şagirdlərinin açıq havada çəkdikləri rəsm əsərlərinin sərgisi ilə başlanıb. Tədbiri giriş sözu ilə regional idarənin məsləhətçisi Validə Nabatova açaraq Bərdə rayonunda olan tarixi abidələr haqqında ətraflı məlumat verib, Azərbaycan Respublikası Prezidenti İlham Əliyevin diqqəti və qayğısı nəticəsində Bərdə türbəsinin yenidən bərpa olunmasından, 2018-ci ilin mart ayında Prezidentin Bərdəyə səfəri zamanı türbədə olaraq aparılmış təmir-bərpa prosesi ilə yaxından tanış olmasından bəhs edib. Çıxış edən Bərdə Turizm İnformasiya mərkəzinin mütəxəssisi  Rüstəm İslamlı rayonda və regionda yerləşən zəngin tarixi abidələrin turizm potensialının inkişafındada danılmaz rolu olduğunu qeyd edib. Sonda isə o, babalarımızdan bizə miras qalan bu tarixi abidələri, dünənimizdən bu günümüzə işıq salan bu sənət incilərini qoruyub saxlamaq, yaşatmaq və gələcək nəsillərə çatdırmağın hər birimizin vətəndaşlıq borcu olmasını vurğulayıb. Daha sonra çıxış edən Bərdə rayon Tarixi abidə mühafizəçisi Sevinc Qasımova isə keçmişimizi unutmamağa və zəngin tariximizi təbliğ etməyə səsləyib. Tədbir sonda Bərdə rayon Mədəniyyət Mərkəzinin və şəhər 4 nömrəli uşaq incəsənət məktəbinin təşkil etdiyi konsert proqramı ilə davam edib.  Növbəti tədbir regional idarənin Yevlax şəhər nümayəndəliyində qeyd edilib. Tədbirdə Yevlax şəhər Heydər Əliyev Mərkəzi, Yevlax şəhər Tarix-Diyarşünaslıq muzeyi, Yevlax şəhər abidə mühafizəçiləri iştirak edib. Tədbir zamanı Yevlax şəhərinin zəngin tarixindən söz açılaraq bunun gənc nəsillərə tanıdılması sahəsində mədəniyyət müəssisələrinin fəaliyyətindən danışılıb.  Yevlax şəhəri Azərbaycanın Aran bölgəsində yerləşir və bu ərazidə xeyli sayda tarixi abidələr, memorial abidələr, kurqanlar mövcuddur. Belə tarixi abidələrdən biri də Ərəş yaşayış yeridir. Yevlax şəhərinin ərazisinin bir hissəsini Ağdaş, Mingəçevir şəhərinin isə tam ərazisini əhatə edir. XVIII əsrin 50-ci illərində Şəki xanlığının vassalına çevrildikdən sonra 1795-ci ildə Ərəş sultanlığı ləğv edilib və mahal olaraq xanlığa qatılıb. Hal-hazırda ərazi dövlət tərəfindən mühafizə edilir və qorunur. Sözü gedən tədbirlərdən biri də Bərdə Regional Mədəniyyət və Turizm İdarəsinin tabeliyində olan Mingəçevir şəhər Tarix muzeyində keçirilib. “Məhv olmuş abidələr” adlı dəyirmi masada  çıxış edən muzeyin direktoru Nofər Məmmədəliyev dünya abidələri və Qarabağda əsirlikdə qalmış abidələr haqqında geniş məlumat verib. Mingəçevir şəhər abidə mühafizəçisi Lalə Məmmədova Mingəçevir şəhərindəki abidələr haqqında danışıb və  tədbir iştirakçıları ilə dioloq aparılıb. Daha sonra “Məhv olmuş abidələr” başlığı altında  mühazirə oxunub və Dünya  abidələrini və Qarabağda əsirlikdə olan abidələri əks etdirən video çarx nümayiş etdirilib. Sonda eyni adlı sərgiyə baxış keçirilib. Silsilə tədbirlərdən biri də  Mingəçevir şəhər Heydər Əliyev Mərkəzində keçirilib.   “Tarixi abidələrin qorunması və mühafizəsi hər bir vətəndaşın borcudur” mövzusunda  tədbir təşkil olunan tədbirdə zəngin tariximizdən söz açılıb və bu sahədə dövlətin uğurlu siyasətindən danışılıb.  Tədbiri giriş sözü ilə Heydər  Əliyev Mərkəzinin direktoru Bəxtiyar Mustafayev açaraq 1983-cü ildən etibarən 18 aprel “Beynəlxalq Abidələr və Tarixi Yerlər  Günü” kimi qeyd olunmasını qeyd edib. O, bildirib ki, ümumiyyətlə, İslamdan əvvəl və sonra ölkəmizin ərazisində qiymətli abidələr inşa olunub. Orta əsrlərə aid abidələr (Möminə Xatun, Qarabağlar, Gülüstan, Bərdə türbələri, Şirvanşahlar sarayı, Şəki xan sarayı, Şuşa şəhərinin abidələri və s.) nəinki Şərq, hətta dünya memarlığının ən gözəl incilərindəndir. Sonda tədbir iştirakçılarına Mingəçevir şəhərində olan abidələrə aid video-çarx nümayiş olunub. Qeyd edək ki, silsilə tədbirlər regional idarənin tabeliyində olan Tərtər rayon nümayəndəliyində də qeyd edilir. ..
19.04.2018 16:30
Sumqayıtın Tarixi Muzeyində Beynəlxalq Abidələr və Tarixi Yerlər günü ilə əlaqədar tədbir keçirilibSumqayıt Regional Mədəniyyət və Turizm idarəsinin təşəbbüsü ilə Sumqayıtın Tarixi Muzeyində  Beynəlxalq Abidələr və Tarixi Yerlər günü ilə əlaqədar tədbir keçirilib. Tədbir “Naxçıvan İslam mədəniyyətinin paytaxtı–2018” mədəniyyət ili çərçivəsində Azərbaycanın gözəl güşələrindən olan Naxçıvan Muxtar Respublikasındakı tarixi abidələrə həsr olunub. Bu münasibətilə hazırlanmış “Azərbaycan memarlıq abidələri” adlı mühazirə oxunub. Bildirilib ki, Azərbaycan tarixində xüsusi yeri olan Naxçıvan qədim abidələrlə zəngindir. Burada 1162 tarixi-mədəniyyət abidəsi var ki, onların da 58-i dünya əhəmiyyətlidir. Sonra Beynəlxalq Abidələr və Tarixi Yerlər günü ilə əlaqədar tərtib olunmuş sərgi iştirakçılara təqdim olunub. Sərgidə Naxçıvandakı tarixi abidələrlə yanaşı, respublikamızın zəngin keçmişini özündə yaşadan abidələr, o cümlədən Sumqayıtdakı yaxın və uzaq keçmişi özündə qoruyub saxlayan abidələri əhatə edən materiallar haqqında iştirakçılara məlumat verilib. ..
18.04.2018 17:38
Qəbələ rayonunda “Kitabsevərlər klubu” nun növbəti toplantısı keçirilmişdirCari ilin 18 aprel tarixində Azərbaycan Respublikası Mədəniyyət və Turizm Nazirliyinin Qəbələ rayon üzrə pilot layihəsi çərçivəsində  Mədəniyyətşünaslıq üzrə Elmi-Metodiki Mərkəz tərəfindən  mədəniyyət müəssisələrinin tanıdılması və kitab oxumaq ənənələrinin bərpası məqsədilə  Çuxur Qəbələ kənd orta məktəbində “Kitabsevərlər klubu”nun növbəti toplantısı keçirilmişdir.  Sözügedən toplantıda Mədəniyyətşünaslıq üzrə Elmi-Metodiki Mərkəzin direktoru Asif Usubəliyevin Nazirliyin təşəbbüsü ilə icra olunan layihə haqqında, kitabxanaların fəaliyyətinin, kitab oxuma mədəniyyətinin əhəmiyyəti haqqında çıxışından sonra Mərkəzin şöbə müdirləri və digər mütəxəssislər öz geniş məruzələri ilə çıxış etmişlər. Klubun üzvləri, Çuxur Qəbələ kəndinin sakinləri tədbir zamanı çıxış edərək Nazirliyin sözügedən layihəsini yüksək qiymətləndirmiş və uşaqların tərbiyə, habelə biliyə qarşı marağının artırılmasına xidmət edən layihə olduğunu bildirmişlər. “Kitabsevərlər klubu”nun üzvləri arasında kitab oxuma ənənələrinin bərpası, mədəniyyət müəssisələrinə, o cümlədən kitabxanalara marağın artırılması haqqında fikir mübadiləsi aparılmışdır. Tədbir çərçivəsində sözügedən məktəbin direktoru Müşfiq Əzizova Mərkəz tərəfindən xatirə hədiyyəsi, ədəbiyyat müəllimi Nigar Məmmədyarovaya və məktəbin şagirdlərinə keçirilən viktorinada fəal iştiraklarına görə sertifikat və Mərkəz tərəfindən hazırlanmış “Qarabağ açıqcaları” hədiyyə edilmişdir. Xatırladaq ki, “Kitabsevərlər klubu” artıq Qəbələ rayon Bum qəsəbəsində, Tikanlı və Xırxatala kənd kitabxanalarının nəzdində də təsis edilmiş, klubun kənd məktəblərində görüşləri təşkil olunmuşdur. ..
18.04.2018 17:34
Biləsuvar Regional Mədəniyyət və Turizm İdarəsi ilə Nəcəf bəy Vəzirov adına Lənkəran Dövlət Dram Teatrı arasında əməkdaşlıq barədə niyyət protokolu imzalanmışdır18 aprel 2018-ci il tarixdə Biləsuvar rayon Heydər Əliyev Mərkəzində Biləsuvar Regional Mədəniyyət və Turizm İdarəsi ilə Nəcəf bəy Vəzirov adına Lənkəran Dövlət Dram Teatrı arasında əməkdaşlıq barədə niyyət protokolu imzalanmışdır. Niyyət protokolunu Biləsuvar Regional Mədəniyyət və Turizm İdarəsi tərəfindən idarənin rəisi Elçin Hüseynov, Nəcəf bəy Vəzirov adına Lənkəran Dövlət Dram Teatrı tərəfindən isə teatrın direktoru Tofiq Heydərov imzalamışlıar. Tədbiri giriş sözü ilə Biləsuvar Regional Mədəniyyət və Turizm İdarəsinin rəisi Elçin Hüseyov açaraq tədbir iştirakçılarına tədbirin mahiyyəti barədə məlumat verərək bildirmişdir ki,  əməkdaşlıq barədə bağlanmış müqavilə regional idarənin əhatə etdiyi rayonlarda xalq teatrları və bədii özfəaliyyət teatr kollektivlərinin fəaliyyətinin inkişafına təkan verəcək, yeni-yeni kollektivlərin yaranmasına kömək edəcəkdir. Tədbirdə teatrın direktoru Tofiq Heydərov çıxış edərək bu əməkdaşlığın hər iki tərəf üçün faydalı olacağını bildirmişdir.  Tədbirdə Biləsuvar rayon İcra  Hakimiyyəti Başcısının müavıni Ləman Yüzbaşova, rayon ictimaiyyətinin nümayəndələri və mədəniyyət işçiləri iştirak etmişlər. Sonda iştirakçılara Biləsuvar rayon Mədəniyyət Mərkəzinin bədii özfəaliyyət teatr  kollektivi tərəfindən “Nəsimi” filimdən səhnələşdirilmiş bir hissə təqdim edilmişdir. Tədbirdə iştirak edən Nəcəf bəy Vəzirov adına Lənkəran Dövlət Dram Teatrının rejissoru, əməkdar incəsənət xadimi Oruc Qurbanov gənc kollektivə öz tövsiyyələrini  verərək uğurlar arzulamışdır.Tədbir iştirakçılar tərəfindən maraqla qarşılanmışdır. ..
18.04.2018 12:07
Sumqayıtda Bülbül adına uşaq incəsənət məktəbində mədəniyyət işçiləri ilə görüş keçirilibSumqayıt Regional Mədəniyyət və Turizm idarəsinin rəisi Mehman Şükürov Sumqayıt şəhər Bülbül adına uşaq incəsənət məktəbində mədəniyyət işçiləri ilə görüş keçirib Görüş zamanı çıxış edən idarə rəisi Ulu öndər Heydər Əliyevin 95 illiyi, Azərbaycan Xalq Cümhuriyyətinin 100 illiyi ilə bağlı Xalq Çalğı Alətləri Orkestri və Xor kollektivinin konserti və “Buta” qızlar ansamblının təqdimatı ilə bağlı hazırlıq işlərindən danışıb, müvafiq tapşırıqlar verib. Sumqayıtın mədəniyyət müəssisələrini əhatə edən problemlər, onların həlli yolları və görüləcək işlər haqqında da fikirlərini bildirən Mehman Şükürov şəhərimizdə son aylarda keçirilən yüksək səviyyəli tədbirlərdən danışaraq bildirib ki, belə tədbirlərin sayı artırılmalıdır. İdarə rəisi həmçinin, şəhərin turizm potensialı, turizm-ekskuriya işinin inkişafı ilə bağlı irad və təkliflərini bildirib, mövsüm açılışı ilə əlaqədar şəhər daxili və ölkə daxili turlara start verməyin vacibliyini vurğulayıb. Sonra Ə.Bakıxanov adına uşaq incəsənət məktəbinin direktoru Əməkdar Mədəniyyət İşçisi Vaqif Süleymanov, N.Nərimanov adına mədəniyyət mərkəzinin direktoru Samir Şəfiyev və digərləri çıxış ediblər.  Mehman Şükürov  mədəniyyət işçilərinin fikir və təkliflərini dinləyib, tapşırıqlarını verib. ..
17.04.2018 12:35
Gədəbəy Aşıq Məktəbində "İsgəndərin sorağında" filminin təqdimatı olub17 aprel 2018-ci il tarixində Gədəbəy Aşıq Məktəbində Azərbaycanın Milli Qəhrəmanı İsgəndər Aznaurova həsr edilmiş “İsgəndərin sorağında“ sənədli filminin təqdimatı olmuşdur. Tədbirdə Gədəbəy Aşıq Məktəbinin direktoru Etibar Əliyev, Mədəniyyət və Turizm Nazirliyinin Kinematoqrafiya şöbəsinin əməkdaşı Almaz Sultanzadə, filmin ssenari müəllifi və rejissoru, Əməkdar İncəsənət xadimi Nizami Abbas, Milli Qəhrəmanın döyüş yoldaşları Məzahir Hüseynov, Qəzənfər Həsənov və Kərəm Nəbiyev çıxış edərək, torpaqlarımızın azadlığı uğrunda canını fəda etmiş qəhrəmanlarımızın insanlara daha yaxından tanıdılmasında, xüsusən gənc nəslin vətənpərvərlik ruhunda formalaşmasında bu cür filmlərin mühüm əhəmiyyətindən danışmışlar. Sonra filmin nümayişi olmuşdur. Dövlət sifarişi ilə “Yaddaş” studiyasında “Azərbaycanın Milli Qəhrəmanları” sənədli filmlər silsiləsindən çəkilən film tamaşaçılar tərəfindən böyük maraqla qarşılanmışdır. ..
13.04.2018 09:14
“Turizm yeni perspektivlər vəd edən inkişaf sahəsidir” adlı tədbir keçirdi13.04.2018-сi il tarixdə rayon MKS-nin mərkəzi kitabxanasının oxuculara xidmət şöbəsi Quba Texniki Təmayüllü liseydə “Turizm yeni perspektivlər vəd edən inkişaf sahəsidir” adlı tədbir keçirdi. Tədbiri MKS – nin mərkəzi kitabxanasının oxuculara xidmət şöbəsinin müdiri Mehriban Məmmədova açaraq bildirdi ki, Azərbaycanda son illər turizm sürətlə inkişaf edir, ölkəyə gələn xarici qonaqların sayı durmadan artır, Bakıda və regionlarda  turizmin inkişafı üçün müasir infrastruktur yaradılması istiqamətində geniş miqyaslı işlər görülür. Azərbaycanda turizm sahəsi günü-gündən inkişaf edir və tezliklə iqtisadiyyatın ən mühüm sahələrindən birinə çevriləcəkdir. Turizm sahəsində əldə etdiyimiz uğurların ən böyük səbəbi isə Azərbaycanda bu sahəyə dövlət tərəfindən göstərilən diqqətdir. Sonra Quba Texniki Təmayüllü liseyin tədris işləri üzrə təşkilatçı müavini Nübar Qəniyeva “Azərbaycanda Turizmin inkişafı” adlı məruzə ilə çıxış edərək bildirdi ki, Azərbaycanın zəngin tarixi, mədəni və təbii irsi dünyanın hər yerindən qonaqları ölkəmizə cəlb edir. Son illər dövlətimizin bu sahəyə ayırdığı diqqət və qayğı sayəsində turizm inkişafı prioritet istiqamətlərdən birinə çevrilmişdir. Prezident İlham Əliyev tərəfindən 2011-ci ilin “Turizm ili” elan edilməsi və “Eurovision – 2012” nüfuzlu mahnı müsabiqəsinin Azərbaycanın paytaxtında keçirilməsi bütün dünyadan turistlərin ölkəmizə gəlməsi üçün şərait yaratdı və ölkənin turizm sənayesinin inkişafına güclü təkan verdi. Daha sonra Mərkəzi kitabxananın əməkdaşı Rübabə Hacıbəyova “Quba - gəzməli, görməli diyar” adlı məruzə ilə çıxış edərək bildirdi ki, Quba Azərbaycanın ən qədim yaşayış məskənlərindəndir. Turizmin inkişafı istiqamətində həyata keçirilən tədbirlər bu sahədə böyük potensialı olan Qubaya gələnlərin sayının artmasına səbəb olur. Azərbaycanın mədəni maarif mərkəzlərindən biri olan qədim Quba torpağı öz təbii-coğrafi və füsunkar gözəlliyi ilə turistləri özünə cəlb edir. Tədbirin sonunda “Turizmin inkişafı” adlı video - çarx nümayiş olundu və “Turizm - perspektivlər sahəsidir” adlı sərgiyə baxış keçirildi. ..
12.04.2018 11:37
Qazax rayonunda Aşıq Şəmşirin 125 illiyinə həsr olunmuş “Saz tutub, söz qoşub yada salırıq”adlı ədəbi- bədii gecə keçirilibQazax rayon E.Hüseynov adına Mərkəzi Kitabxana Aşıq Şəmşirin 125 illiyinə həsr olunmuş “Saz tutub, söz qoşub yada salırıq”adlı ədəbi- bədii gecə keçirib. 12 aprel 2018- ci il tarixdə  saat 15:00-da Qazax rayon MKS-inin  E.Hüseynov adına Mərkəzi Kitabxana Oxu zalında   Aşıq Şəmşirin 125 illiyinə həsr olunmuş “Saz tutub, söz qoşub yada salırıq” adlı ədəbi- bədii gecə keçirib. Fəal oxucuların, 2 saylı Uşaq musiqi məktəbinin saz sinfinin şagirdlərinin və mədəniyyət işçilərinin iştirak etdiyi tədbiri giriş sözü ilə  MKS-in direktoru Solmaz Babanlı açıb: Azərbaycan aşıq poeziyasının görkəmli nümayəndəsi Aşıq Şəmşirin anadan olmasının 125 illiyinin qeyd edilməsi haqqında Azərbaycan Respublikası Prezidenti İlham Əliyevin 2 aprel 2018- ci il tarixli Sərəncamına uyğun olaraq kitabxanamızda silsilə tədbirlər keçirilir. Aşıq Şəmşir qeyri- adi səsi, orijinal ifaçılığı olan el sənətkarıdır. Metodika və biblioqrafiya şöbəsinin müdiri Fatma Hüseynova Azərbaycan aşıq poeziyasının görkəmli nümayəndəsi Aşıq Şəmşirin həyat və fəaliyyəti haqqında tədbir iştirakçılarına ətraflı məlumat verib: Azərbaycanın saz - söz sənəti sahəsində Aşıq Ələsgərdən sonra “Dədə” adı zirvəsini fəth etmiş, aşıq ədəbiyyatmızın azman ustadlarından olan Aşıq Şəmşir möhtəşəm yaradıcılığı ilə yüksəklərə ucalaraq “Əməkdar incəsənət xadimi”  adına layiq görülmüşdür.  Onun Dəlidağdan, Ceyran bulağından qaynaqlanan aşıq poeziyasına verdiyi töhfələr, əfsanələşmiş “Vurğun - Şəmşir” dastanı ondan sonrakı aşıqlara, şairlərə hikmət xəzinəsidir... Tədbirin ikinci hissəsində şəhər 2 saylı Uşaq musiqi məktəbinin şagirdləri Reyhan Mustafayeva “Köhnə Naxcivani”, Samir Həsənli “Aran gözəlləməsi”, Elmar Nəsibov “Baş dübeyti” havaları üstündə Aşıq Şəmşirin sözlərini, Elmar Nəsibov və Samir Həsənli Səməd Vurğunla Aşıq Şəmşirin deyişməsini ifa ediblər. Şəhər məktəblilərindən Nigar Kazımova, Fidan Məmmədova, Şahin Mustafayev, Kənan Mahmudov sazın müşaiyətilə  Aşıq Şəmşirin şeirlərini söyləyiblər. Sonda Aşıq Şəmşirin yaradıcılığına həsr olunmuş “Saz tutub, söz qoşub yada salırıq” adlı sərgiyə baxış keçirilib. Mərkəzi Kitabxananın Uşaq şöbəsi Aşıq Şəmşirin anadan olmasının 125 illiyi münasibətilə “Qədim Ozan sənəti”  mövzusunda bədii qiraət keçirib.Tələbələrdən: Məmmədova Şəymən, Bədəlova Aytən, Məmmədova Könül, Tatlıyeva Nərmin və başqaları Aşıq Şəmşirin “Gülbəniz”, “Zinyət”, “Əskinaz”, “Reyhan”, “Pəri”, “Tutu”, “Kəklik” qoşmalarını söyləyiblər. ..