Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
22.11.2017 17:55
Sumqayıt Regional Mədəniyyət və Turizm idarəsinin tabe müəssisələrində“Uşaq hüquqları aylığı” ilə əlaqədar silsilə tədbirlər keçirilibSumqayıt şəhər S.Vurğun adına Mərkəzi Kitabxananın uşaq şöbəsinində keçirilən tədbirdə 31 və Abşeron rayon Saray kəndinin 3 saylı orta məktəbinin şagirdləri iştirak edib. Tədbirdə “Qanunun Aliliyi  Hüquq  Resurs Mərkəzi” nin əməkdaşı hüquqşünas Ruslan Mustafazadə çıxış edərək uşaqların cəmiyyətdə müdafiə olunması, sağlamlıqlarının qorunması, müstəqil həyata hazırlanması ilə bağlı fikirlərini bildirib.  Uşaqların yüksək keyfiyyətlər–ləyaqət, azadlıq, vətənpərvərlik, həmrəylik, bərabərlik ruhunda tərbiyə olunmasının vacibliyini bildirən hüquqşünas onların yaşaması və inkişafı üçün zəruri olan şəxsi toxunulmazlıq, iqtisadi, mədəni, sosial hüquqlara malik olması istiqamətində dövlətin və valideynlərin qarşısında duran əsas vəzifələrdən söhbət açıb. Ruslan Musatafazadə eyni zamanda uşaqların cəmiyyətdə davranış qaydalarına əməl etməsi, Azərbaycan Respublikasının dövlət rəmzlərinə bələd olması, biliklərə yiyələnməsi, özünü faydalı əməyə hazırlaması, valideynlərinə, xalqına, onun adət-ənənələrinə hörmətlə yanaşması, ətraf mühiti, tarix və mədəniyyət abidələrini qoruması və s.kimi əsas vəzifələrindən bəhs edib, uşaqları maraqlandıran  sualları  cavablandırıb.Görüşdə “Hüquqlarımızı bilirikmi” başlığı altında sərgi nümayiş olunub. Şəhər Mədəniyyət Evində keçirilən tədbirdə “Pepe” və 7 saylı uşaq bağçalarının kiçik və orta yaşlı uşaqları üçün “Narbala” kukla tetarının ifasında “Dovşanın evi” tamaşası göstərilib. Tamaşada nağıl qəhrəmanlarını Mətanət Əmrullayeva, Vəfa Qurbanova, İlqar İbrahimov canlandırıb. Tamaşaya maraqla baxan uşaqlar sonda nağıl qəhrəmaları ilə rəqs edib, xatirə şəkli çəkdiriblər. Abşeron rayonu Ceyranbatan qəsəbə uşaq incəsənət məktəbində tədbir keçiriliən tədbirdə məktəbin nəzəriyyə, rəqs, fotepiano, nağara, xalq çalğı alətləri şöbələrinin şagirdləri konsert proqramı ilə çıxış ediblər. Rəqs şöbəsi şagirdlərinin ifasında Azərbaycan milli rəqsləri maraqla izlənilib. Tədbirdə həmçinin məktəbin rəsm şöbəsi şagirdlərinin rəsm işləri nümayiş olunub.       ..
21.11.2017 17:53
Mingəçevir Turizm Kollecinin beynəlxalq əlaqələri genişlənməkdədir2017-ci ilin mart ayında Mingəçevir Turizm Kolleci ilə Rusiya Federasiyasının Sankt-Peterburq Turizm və Mehmanxana Servisi Kolleci arasında əməkdaşlıq müqaviləsi imzalanmışdır. Müqavilənin şərtlərinə əsasən Sankt-Peterburq  Turizm və Mehmanxana Servisi Kollecinin 6 nəfərlik nümayəndə heyəti 9-11 noyabr 2017-ci il tarixində Mingəçevir Turizm Kollecində işgüzar səfərdə olmuşdur. Səfər zamanı qonaqlar təhsil müəssisəsi ilə yaxından tanış olmuş, onlara kollecin yaranma tarixi, fəaliyyəti, tədris prosesi, beynəlxalq əlaqələri və kollektivin iştirak etdiyi beynəlxalq təhsil layihələri barədə ətraflı məlumat verilmişdir.  Görülən işlərin davamı olaraq qarşılıqlı əməkdaşlıq əlaqələrinin inkişaf etdirilməsi məqsədilə  Mingəçevir Turizm Kollecinin direktoru Əyyub Əyyubov cari ilin 12-17 noyabr tarixində Rusiya Federasiyasının Sankt-Peterburq şəhərində sözügedən kollecdə səfərdə olmuşdur. Səfər çərçivəsində kollecin direktoru Svetlana Antonova ilə tədris prosesinin təşkili, tələbələrin təcrübəsi və yekun attestasiyasının keçirilməsi haqqında müzakirələr aparılmış, həmçinin kollecin maddi texniki bazası, laboratoriya və kitabxanası ilə tanış olunmuşdur. Bundan əlavə səfər zamanı Ə.Əyyubov “Gənc peşəkərlar” Regional Açıq Çempionatının işgüzar proqramının tədbirlərində iştirak etmişdir. Eyni zamanda Sankt-Peterburq Qonaqpərvərlik İnstitutunun rektoru İ.M.Asanova ilə  görüş keçirilmiş, əməkdaşlıq və birgə layihələrin təşkili ilə bağlı fikir mübadiləsi aparılmışdır.   Səfərin sonunda kolleclər tərəfindən icrası məqsədilə 2018-ci il üzrə perspektiv birgə iş planı hazırlanmış və gələcəkdə bu istiqamətdə həyata keçirilən əməkdaşlığın daha da genişləndirilməsi qərara alınmışdır. ..
17.11.2017 17:07
Astara rayon Uşaq Musiqi Məktəbində Tofiq Quliyevin anadan olunmasının 100 illiyi münbasibətilə tədbiri keçirilmişdirAstara Uşaq Musiqi məktəbində görkəmli Azərbaycan bəstəkarı, dövlət mükafatı laureatı Tofiq Quliyevin  anadan olunmasının 100 illik yubiley tədbiri keçirilmişdir. Tədbirdə ilk öncə məktəbin nəzəriyyə şöbəsinin müdiri Leyla İskəndərova qonaqları salamlayaraq bəstəkar haqqında geniş məlumat verdi. O, bəstəkarın həyat və yaradıcılığından danışaraq qeyd etdi ki, görkəmli bəstəkar özünəməxsus  bir üslubla milli musiqi tariximizə parlaq səhifələr yazmışdır. Sonra məktəbin müəllim və şagirdlərinin ifasında bəstəkarın teatr tamaşalarına və kinofilmlərə yazdığı musiqilər, bənzərsiz mahnıları, uşaqıar üçün yazdığı fortepiano musiqisidən ibarət konsert proqramı tamaşaçılara təqdim olunmuşdur. Sonda məktəbin direktoru Çingiz Eyvazov çıxış edərək gələn qonaqlara təşəkkürünü bildirdi və məktəbdə keçirilən tədbirlər barədə məlumat verdi. Tədbirdə Lənkəran Reqional Mədəniyyət və Turizm idarəsinin baş məsləhətçi Astara rayonu üzrə nümayəndə Sadoğlan Bayramov, Astara qazetinin baş redaktoru Fəridə Ağazadə, rayon İcra hakimiyyətinin məsul işçisi Mirzə Bayramov və başqaları iştirak etmişlər. ..
17.11.2017 16:57
Sumqayıt Regional Mədəniyyət və Turizm idarəsinin tabe müəssisələrində silsilə tədbirlər keçirilibZəngilan rayon Tarix Diyarşünaslıq muzeyində “Ölkəmizi tanıyaq” devizi altında tədbir keçirilib. Zəngilan məktəblilərinin iştirak etdiyi tədbirdə Zəngilan rayonunun tarixi, etnoqrafiyası və muzeydə əks olunan eksponatlar haqqında geniş məlumat verilib. Sumqayıt şəhər Corat qəsəbə mədəniyyət evinin kollektivi müharibə veteranları ilə birlikdə N saylı hərbi hissədə keçirilən andiçmə mərasimində konsert proqramı ilə çıxış edib. Konsertdə müqənnilər Ramella Rəvan, Nurlan Nəcəfli, Qüdrətli Aynurun ifasında səslənən mahnılar əsgərlər tərəfindən alqışlarla qarşılanıb. C.Cabbarlı adına mədəniyyət evində Uşaq Hüquqları aylığına həsr olunmuş tədbir keçirilib. Tədbirdə mövzu ilə bağlı məruzələrdən sonra “Turan“ milli rəqs qrupunun ifasında rəqs və solo tarda Ramil Əfəndiyevin ifasında musiqi nömrələri təqdim olunub. M.Ə.Rəsulzadə adına kitabxana filialda S.Vurğun adına Mərkəzi kitabxananın uşaq şöbəsi ilə birgə 17 Noyabr Dirçəliş Gününə həsr olunmuş “Xalqın oyanış günü” adlı ədəbi-bədii gecə keçirilib. Tədbirdə Milli Dirçəliş günü haqqında oxuculara geniş məlumat veriliib, onların mövzu haqqında fikirləri dinlənilib. Tədbirdə vətənpərvərlik mövzusunda şeirlər, canlı musiqilər  ifa olunub. S.Vurğun adına Mərkəzi kitabxananın uşaq şöbəsi uşaqların asudə vaxtının təşkili və mütaliəyə marağın artırılması məqsədilə Nako Edu Klub Tədris Mərkəzinin məktəbəqədər qrupu  ilə birlikdə “Kitabxanaya gedirik, kitabla dost olmağa” adlı səhərcik keçirilib. Tədbirdə uşaqlara “Sehrli torba” nağılı ucadan oxunub,  “Tıq-tıq xanım” cizgi filmi nümayiş etdirilib. Daha sonra uşaqlar Sabir Sarvan adına Uşaq  Poeziya    Klubunun üzvlərinin Məmməd Namazın “Analar və balalar” nağılı əsasında  hazırladığı səhnəciyi maraqla izləyiblər. 2-ci sinif şagirdləri ilə birlikdə keçirilən “Nağıl kitabından gələn qəhrəmanlarımız” adlı nağıl saatı da uşaqlar tərəfindən maraqla qarşılanıb. Belə ki, Sabir Sarvan adına Uşaq Poeziya Klubunun üzvlərinin hazırladığı  Tıq-tıq xanım, Göyçək Fatma, Tülkü, Hörümçək adam, Sehrbaz kimi nağıl personajlarının uşaqlarla ünsiyyəti, “Göyçək Fatma”nın atalar sözləri, “Tülkü”nün tapmacaları, “Tıq-tıq xanım”ın oxuduqu “Dost dosta tən gərək” nağılı, Sehrbazın nümayiş etdirdiyi sehrli oyunları uşaqların böyük marağına səbəb olub. Tədbirin sonunda Nako Tədris Mərkəzinin müdiri Nargilə Bədəlova körpələrə maraqlı bir gün yaşatdıqlarına görə uşaq şöbəsinin əməkdaşlarına öz təşəkkürünü bildirib. ..
17.11.2017 16:54
Lənkəran Dövlət Dram Teatrı beynəlxalq festivala gedəcək Lənkəran Dövlət Dram Teatrının truppası beynəlxalq teatr festivalında iştirak edəcək. 24-cü Beynəlxalq Uşaq və Gənclər Teatr Festivalı İran İslam Respublikasının Həmədan şəhərində keçiriləcək və dekabrın 1-dən 6-a kimi davam edəcək. Teatr kollektivi gənc yazıçı Pərvin Nurəliyevanın “Dəcəl keçi” əsəri ilə festival tamaşaçıları qarşısında çıxış edəcək. Qeyd edək ki, Azərbaycan Dövlət Gənc Tamaşaçılar Teatrının baş rejissoru, əməkdar incəsənət xadimi Bəhrəm Osmanovun quruluşunda hazırlanmış bu səhnə əsərində keçinin timsalında xudpəsəndlik, tənbəllik, yalan və lovğalıq kimi mənfi cəhətlər tənqid olunur. Tamaşada rolları Qızılgül Quliyeva, Əbülfəz Axundov, Niftulla Əsgərov, Təranə Fərəcova, Sayad Əliyev, Emin Fərzullayev, Ülkər Quliyeva  və  Nizami Qurbanov ifa edirlər. ..
17.11.2017 16:16
Şabranda “Xalq teatrları və dram dərnəkləri: problemlər və perspektivlər” müzakirə olunmuşdur16 noyabr 2017-ci il tarixində Şabran şəhər Mədəniyyət Sarayında Mədəniyyətşünaslıq üzrə Elmi-Metodiki Mərkəzin və Xaçmaz Regional Mədəniyyət və Turizm İdarəsinin və birgə təşkilatçılığı ilə “Xalq teatrları və dram dərnəkləri: problemlər və perspektivlər” mövzusunda diskussiya həyata keçirilmişdir. Diskussiyada İdarənin nəzdində olan mədəniyyət mərkəzləri (filialları ilə birlikdə), digər mədəniyyət evləri və klublarda fəaliyyət göstərən xalq teatrlarının və dram dərnəklərinin rəhbərlərinin, habelə yerli ictimaiyyət nümayəndələrinin iştirak etmişlər. Tədbirin məqsədi regionlarda fəaliyyət göstərən xalq teatrları və dram dərnəklərinin fəaliyyətinin təkmilləşdirilməsi, sahə üzrə mövcud problemlərin həlli yollarının müzakirəsi, xalq teatrları və dərnəklər arasında əlaqələrin genişləndirilməsidir. Tədbirdə Xaçmaz Regional Mədəniyyət və Turizm İdarəsinin məsləhətçisi Xalidə Əsgərova,  Elmi-Metodiki mərkəzin direktoru Asif Usubəliyev, şöbə müdirləri Sənan Talıbov, Məzahir Qarayev, Şabran rayon üzrə nümayəndəsi Əhməd Səmədov çıxış etmişlər. İlk öncə Şabran rayon Mədəniyyət Mərkəzində fəaliyyət göstərən dram dərnəyinin hazırladığı “Cəsurlar” uşaq tamaşası nümayiş etdirilmişdir. Daha sonra mərkəzin əməkdaşları Elnarə Hacıyevanın “Xalq teatrları və dram dərnəklərinin fəaliyyətinin təşkili”, Afaq Ağayevanın  “Xalq teatrlarında repertuar seçimi”, Aygün Balabəyovanın “Xalq teatrları, dram dərnəkləri  və təbliğat” mövzularında çıxışları dinlənilmişdir. Çıxışlar və nümayiş  ətrafında  geniş diskussiyalar yaranmışdır. Şabran rayon  Mədəniyyət Mərkəzinin direktoru Şəfiqə Məmmədova, dram dərnəyinin rəhbəri  Cabir Əmrahov, “Xnayaxdı” folklor kollektivinin bədii rəhbəri Bayram Ağasıyev diskussiyada dram dərnəklərin və xalq teatrlarının gələcək fəaliyətinə dair təkliflər səsləndiriblər. ..
13.11.2017 17:57
Sumqayıt Regional Mədəniyyət və Turizm idarəsi Abşeron rayon Xırdalan şəhər 11 illik musiqi məktəbində professor Cövdət Hacıyevin 100 illik yubileyinə həsr olunmuş tədbir keçirilibSumqayıt Regional Mədəniyyət və Turizm idarəsi Abşeron rayon Xırdalan şəhər 11 illik musiqi məktəbində Azərbaycan bəstəkarlıq məktəbinin görkəmli nümayəndələrindən biri, Azərbaycanın xalq artisti, Dövlət mükafatı laureatı, “Şöhrət” ordenli”, professor Cövdət Hacıyevin 100 illik yubileyinə həsr olunmuş tədbir keçirilib. Məktəbin nəzəriyyə şöbəsinin təşkilatçılığı ilə keçirilən tədbirdə, müəllim Raziyə Əliyeva bəstəkarın həyat və yaradıcılığından geniş söhbət açaraq, Azərbaycan simfonik musiqisinin yaranması və inkişafında onun əvəzsiz xidmətlərini xüsusi qeyd edib. Tədbirdə bəstəkarın Ü.Hacıbəyli adına Azərbaycan Dövlət Simfonik orkestri tərəfindən ifa olunmuş əsərləri videoçarx vasitəsilə nümayiş etdirilib. ..
13.11.2017 17:42
Qazax rayonunda 12 noyabr Konstitusiya gününə həsr olunmuş “ Bu günümüzlə səsləşən Konstitusiya” adlı ədəbi kompozisiya keçirib13 noyabr 2017-ci il tarixində N. Nərimanov qəsəbə kitabxana filial 12 noyabr Konstitusiya gününə həsr olunmuş “Bu günümüzlə səsləşən Konstitusiya” adlı ədəbi kompozisiya keçirib. Tədbirdə 2 № -li Folklor evinin işçiləri, fəal oxucular və sakinlərdən bir qrup olmaqla 22 nəfər iştirak edib. Tədbiri  kitabxana filialın müdiri Siddiqə Qələndərova açaraq  iştirakçılara  Azərbaycan Konstitusiyasının yaranma tarixi haqqında ətraflı məlumat verib. Bildirib ki, Azərbaycan Respublikası Milli Məclisinin 1995-ci il 2 may tarixli qərarına əsasən ulu öndər Heydər Əliyevin sədrliyi ilə Konstitusiya komissiyası yaradılmışdır. Çox qısa bir müddətdə inkişaf etmiş demokratik ölkələrin konstitusion quruculuq təcrübəsi öyrənilərək təhlil edilmiş və 1995-ci il 12 noyabr tarixində ümumxalq səsverməsi ilə Azərbaycan Respublikasının Konstitusiyası qəbul edilmişdir. 2 № - li Folklor evinin müdiri Səlminaz Qurbanova, kitabxana fililalının işçiləri Firuzə Vəliyeva, Cahan Qasımova çıxışlarında qeyd ediblər ki, Müstəqil Azərbaycan Respublikasının Konstitusiyası ölkəmizdə demokratik, hüquqi, dünyəvi dövlət quruculuğu prosesinə hüquqi baza yaratdı və onun inkişafına güclü təkan verdi. 1995-ci il noyabrın 12-də referendumla müstəqil Azərbaycanın ilk Konstitusiyası qəbul olunub. Müstəqil Azərbaycanın dövlət quruculuğunun əsasını təşkil edən ilk Konstitusiya 5 bölmə, 12 fəsil və 158 maddədən ibarətdir. 2002-ci ilin avqustunda referendum yolu ilə Konstitusiyaya əlavə və dəyişikliklər edilib. Fəal oxuculardan: Əliyeva Solmaz, Əsgərli Günel, Arixov Məhəmməd, Allahverdiyeva Aytac, Şərifzadə Aytac, Mustafayev Nurlan, Abdullayeva Salatın və Həsənli Salatın Azərbaycan Respublikasının Konstitusiya Gününə həsr olunmuş şeirlər söyləyiblər. Sonda  “Azərbaycan Respublikasının Konstitusiya Günü” adlı sərgiyə baxış olub.   ..
10.11.2017 17:46
Xaçmaz Rayon Mərkəzi Kitabxanasında Molla Pənah Vaqifin 300 illiyi ilə əlaqədar ədəbi-bədii kompozisiya keçirildiAzərbaycan Respublikasının Prezidenti cənab İlham Əliyevin bu il yanvarın 12-də imzaladığı “Böyük Azərbaycan şairi Molla Pənah Vaqifin 300 illik yubileyinin keçirilməsi haqqında“ Sərəncamına əsasən 07.11.207-ci il tarixində  Xaçmaz Rayon Mərkəzi Kitabxanasında   Molla Pənah Vaqifin 300 illiyi ilə əlaqədar ədəbi-bədii kompozisiya keçirildi. Tədbiri giriş sözü ilə Xaçmaz rayon MKS-nin metodika-biblioqrafiya şöbəsinin müdiri açıq elan edərək Molla Pənah Vaqifin  həyat yolu ilə  əlaqədar ətraflı məlumat verərək bildirdi ki, Molla Pənah Vaqif öz ənənələri ilə seçilən ədəbi məktəb yaratmış ölməz sənətkardır. O, əhəmiyyətini əsrlərdən bəri qoruyub saxlayan bənzərsiz poeziya nümunələri meydana gətirməklə milli ədəbiyyatın yeni istiqamətdə inkişafına təkan vermişdir. Azərbaycan şeiri Vaqifin sayəsində tarixinin növbəti mərhələsinə qədəm qoymuşdur. Onun klassik bədii fikir salnaməmizin parlaq səhifələrindən birini təşkil edən irsi müasir dövrdə də insanların əxlaqi-mənəvi kamilləşməsinə xidmət göstərir. Azərbaycan tarixinə həmçinin siyasi xadim kimi daxil olan Vaqif taleyüklü məsələlərin həllində müdriklik və uzaqgörənlik nümayiş etdirmişdir. Tədbirdə şairin yaradıcılığı ilə bağlı çıxış edən  Xaçmaz MKS-nin direktoru A.Əlifxanov  bildirdi ki, Molla Pənah Vaqifin şeir dili canlı, koloritli xalq dili idi. Ərəb-fars sözləri və tərkibləri ilə “bəzənmiş” klassik lirikadan fərqli olaraq, Molla Pənah Vaqifin şeirlərində doğma ana dili kəskin surətdə üstünlük qazanmışdır. Xalq şairi Səməd Vurğun haqlı olaraq şairin bədii dilinin özünəməxsusluğunu “Vaqifin şirin dili” adlandırmışdır. Böyük Azərbaycan şairi Molla Pənah Vaqifin yubileyi Azərbaycan xalqının ölməz ədəbi-tarixi ənənələrinə dönməz sədaqətinin və ümummilli iftixar hissinin daha bir əməli təzahürüdür. Bu, həm də Vaqifin simasında xalqı və vətəni ilə daim bir olan, ümummilli ideallara sədaqətlə xidmət edən sənətkarların hər zaman Molla Pənah səviyyəsində qiymətləndirilməsinin əyani sübutudur. Tədbirin ikinci hissəsində  məktəblilərin ifasında Səməd Vurğunun “Vaqif“ dramından bir parça “Vaqif və Vidadi”nin deyişmələri nümayiş etdirildi. Şagirdlərdən İlham Mirzəyev, Rüstəm Manafov, Çahbala Çahbalazadə, Emil Heydərov, Əli Qasımov, Süleyman Yaqubov, Vüsal Səmədov, Sadiq Əmirovun   tərəfindən hazırlanmış müxtəlif kompozisiyalar, səhnəciklər  və ifaları rəğbətlə qarşılandı. Tədbirin sonunda iştirakçılar M.P.Vaqifin əsərlərindən ibarət sərgi ilə tanış oldular.   ..