Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
18.05.2018 18:29
“Kitab işıq dolu bir laləzardır, Kitab olan yerde işıqda vardır” adlı Kitab bayramı keçirildi17 May 2018-ci il tarixdə Şabran rayon Mərkəzi Kitabxanada Ümummilli lider Heydər Əliyevin anadan olmasının 95 illiyi münasibətilə “Kitab işıq dolu bir laləzardır, Kitab olan yerde işıqda vardır” adlı Kitab bayramı keçirildi. Tədbirdə rayon ziyalıları “Şabran ədəbi məclisinin üzvləri”, Siyəzən MKS-inin direktoru Şəfiqə Arzudovum, işçiləri və digər qonaqlar iştirak etdilər. Aparıcı gələn qonaqları salamladı və tədbiri açıq elan etdi. Tədbirdə rayonun həvəskar aktyorlarının ifasında səhnələşdirilmiş Nizami Gəncəvi və oglanın dialoqu Səməd Vurğunun “Xosrov və Şirin ” əsərindən bir parça ifa olundu. Şabran rayon Məmmədağa Nəzirov adına 4 №li tam orta məktəbin şagirdlərinin və 1 №li uşaq bağçasının balaca fidanlarının ifasında bir – birindən maraqlı çıxışlar alqışlarla qarşılandı. Şabran rayon Mədəniyyət Sarayının musiqi kollektivinin rəngarəng musiqi nömrələri tədbiri daha da maraqlı etdı. Qonaqlardan Şabran rayon İcra Hakimiyyətinin nümayəndəsi Daşqın Məmmədov, Siyəzən MKS-inin direktoru Şəfiqə Arzudovum çıxış etdilər. “Şabran ədəbi məclisinin üzvləri” Zakir Bayramlı, Əmircan Şabranlı öz yeni şeirlərini söylədilər. ..
18.05.2018 17:30
Sumqayıt Regional Mədəniyyət idarəsinin dəstəyi ilə Qobustan Dövlət Tarixi-bədii qoruğuna səyahət təşkil edilibSumqayıt Regional Mədəniyyət idarəsinin dəstəyi, Sumqayıt şəhər Diyarşünaslıq klubu və S.Vurğun adına Mərkəzi kitabxananın uşaq şöbəsinin birgə təşəbbüsü ilə Qobustan Dövlət Tarixi-bədii qoruğuna səyahət təşkil edilib. 18 may muzeylər günü münasibətilə təşkil olunan səyahətdə Sumqayıt şəhər Diyarşünaslıq klubunun dərnək və kurs üzvləri və S.Vurğun adına Mərkəzi kitabxananın uşaq şöbəsində faəliiyət göstərən Sabir Sarvan adına uşaq poeziya klubunun üzvləri iştirak ediblər. Səyahət zamanı ziyarətçilər qoruqda yerləşən Mezolit (orta daş dövrü) abidələri,  Qobustan muzeyi, Böyükdaş dağının yuxarı səkisində “Ana zağa”, “Öküzlər”, “Ovçular” və s. mağaralar, müxtəlif dövrlərə aid petroqliflərlə tanış olublar. Eləcə də bələdçilər tərəfindən ziyarətçilərə  muzey binasında qayaüstü təsvirlər, Qobustan abidələri, arxeoloji eksponatlar, qavaldaş, su çuxurları haqqında geniş məlumat verilib. Həmçinin ziyarətçilər Roma yazısı, tunc dövrü abidəsi və “Dairə” yaşayış yeri haqqında da məlumatlanıblar. Qeyd edək ki, səyahətin təşkil olunmasında məqsəd gənclərin və uşaqların diqqətini abidələrin və tarixi yerlərin təbliğinə və qorunmasına yönəltməkdir. ..
18.05.2018 08:55
Musiqili Teatr Sumqayıtda çıxış edibAzərbaycan Dövlət Musiqili Teatrının kollektivi mayın 16-da “Sərhədsiz teatr” III Şəki Beynəlxalq Teatr Festivalı çərçivəsində Sumqayıt Dövlət Dram Teatrının səhnəsində teatrsevərlərə məşhur özbək yazıçısı İbrahim Sadıqovun “Molla Nəsrəddinin beş arvadı“ iki hissəli komediyasını təqdim edib. Tamaşadan öncə Sumqayıt Dövlət Dram Teatrının baş rejissoru, Azərbaycan Respublikasının əməkdar artisti Firudin Məhərrəmov çıxış edərək Respublika Mədəniyyət Nazirliyi, Şəki Şəhər İcra Hakimiyyəti və Azərbaycan Teatr Xadimləri İttifaqının birgə təşkilatçılığı ilə keçirilən festivalın Ümummilli Lider Heydər Əliyevin anadan olmasının 95, Azərbaycan Xalq Cümhuriyyətinin yaradılmasının 100 və Azərbaycan milli peşəkar teatrının 145 illiyinə həsr oluduğunu diqqətə çatdırıb.  F. Məhərrəmov mayın 19-dək davam edəcək festivalda ölkəmizlə yanaşı, İran, Gürcüstan, Meksika, Kolumbiya və Rusiyanın tanınmış teatr kollektivlərinin də iştirakını və bu cür beynəlxalq tədbirlərin mədəniyyətlərin yaxınlaşmasına, teatr kollektivləri arasında işgüzar əlaqələrin qurulmasına xidmət etdiyini vurğulayıb. Rejissor, Əməkdar incəsənət xadimi Əsgər Əsgərovun quruluşunda təqdim edilən bu dinamik hadisələr, gözlənilməz və qəhqəhə dolu situasiyalarla zəngin “Molla Nəsrəddinin beş arvadı” tamaşası Sumqayıt teatrsevərləri tərəfindən sürəkli alqışlarla qarşılanıb. Quruluşçu-rəssamı Nabat Səmədova, quruluşçu-baletmeysterləri Əməkdar artist Zakir Ağayev və Yelena Ağayeva olan bu məzmunlu səhnə əsərində rolları Respublikanın Əməkdar artistləri Əkbər Əlizadə, Nahidə Orucova, aktyorlar Gülnarə Abdullayeva, Elnarə Nağdəliyeva, Gülnarə Əzizova, Mehriban Zalıyeva, Əliməmməd Novruzov, Ağaxan Şərifov, Pərviz Məmmədov, Fərid Rzayev ifa edirdilər. Musiqili Teatrın Mətbuat xidmətindən bildirilib ki, sonda Sumqayıtlı tamaşaçılar maraqla izlədikləri bu komediya haqqında xoş təəssüratlarını dilə gətiriblər və  aktyorlarla xatirə şəkilləri çəkdiriblər. “Zamanla səsləşən və professional aktyor heyətinin ifasında təqdim edilən bu tamaşa çox gözəl idi...  Çox böyük zövq aldıq. Hətta mən deyərdim ki, burada vurğulanan  incə və sətiraltı mənalar cəmiyyətə bir ismarıcdır, qadın hüquqlarının qorunmasına çağırışdır”, -deyə Sumqayıt şəhəri, 22 saylı məktəbin ədəbiyyat müəlliməsi Ceyran Əliyeva bildirib.   Tamaşadan sonra Azərbaycan Dövlət Musiqili Teatrının rejissoru Əsgər Əsgərova maraqlı, düşündürücü və heç zaman aktuallığını itirməyən bu dəyərli tamaşaya görə Beynəlxalq Teatr Festivalının diplomu təqdim olunub. ..
17.05.2018 15:57
Xaçmaz Regional Mədəniyyət İdarəsi tərəfindən regionda sənətkarların əl işlərinin sərgisinə start verildiXaçmaz Regional Mədəniyyət İdarəsi tərəfindən regionda dekorativ-tətbiqi sənət növləri ilə məşğul olan sənətkarların əl işlərinin sərgisinə start verilib. Ümummilli lider Heydər Əliyevin 95 və Azərbaycan Xalq Cümhuriyyətinin 100 illiyinə həsr edilmiş belə sərgilərin keçirilməsində əsas məqsəd bu sənət növlərinin yaşadılması, inkişaf etdirilməsi və gələcək nəsillərə ötürülməsidir. İlk sərgi 17 may 2018-ci il tarixində Xaçmaz Dövlət Rəsm Qalereyasında Metal üzərində bəddi döymə ustası Zeydulla Ağayevin əl işlərindən ibarət sərgi təşkil edilib. Tədbiri giriş sözü ilə açan Xaçmaz Regional Mədəniyyət İdarəsinin rəisi Nazim Ağayev regionda dekorativ-tətbiqi sənət növünün yaşadılması və inkişafı məqsədilə regional idarə tərəfindən xüsusi layihə hazırlandığını və gələcəkdə sənətkarların əl işlərinin satışı məqsədilə sərgi-satış mərkəzlərinin yaradılmasının nəzərdə tutulduğunu bildirdi. Həmçinin bu sənət növlərinin gələcək nəsillərə ötürülməsi məqsədilə dərnəklərin yaradılmasının vacibliyini xüsusi qeyd etdi. Daha sonra çıxış edən Xaçmaz Rayon İcra Hakimyyətinin Başçısının 1-cü müavini İlhamə Nəzərova belə sərgilərin keçirilməsinin sənətkarların fəaliyyətinə xüsusi təkan verəciyini açıqladı və Z.Ağayevə fəaliyyətində uğurlar arzuladı. Daha sonra Zeydulla Ağayevə Xaçmaz Regional Mədəniyyət İdarəsinin Fəxri fərmanı və hədiyyə təqdim edildi. Sonda sərgiyə baxış keçirildi. Belə sərgilərin növbəti günlərdə regiona daxil olan Quba, Qusar, Şabran və Siyəzən rayonlarında da təşkil edilməsi nəzərdə tutulmuşdur. ..
17.05.2018 15:56
“Xilas edilmiş mədəni sərvətlər” adlı növbəti sərgi-seminar18 may Beynəlxalq Muzeylər günü hər il muzeylər tərəfindən bir sıra tədbirlərlə qeyd olunur ki, bu ölkəmizdə muzey işinə və muzeylərə verilən əhəmiyyət, göstərilən  diqqət və qaygı ilə əlaqədardır. Öz növbəsində muzeylər də tariximizin, mədəniyyətimizin, elmimizin inkişafının şahidi və sübutu olan mədəni sərvətlərimizi gələcək nəsillərə ötürmək üçün qoruyur, onların aşınmasının  qarşısının alınması istiqamətində müxtəlif tədbirlər görürlər.  Belə ki, Mərkəz bu məqsədlə təkcə müxtəlif muzeylərin toplularına məxsus muzey əşyalarının bərpa və konservasiyasını həyata keçirmir, həm də mütəmadi olaraq regionlarda muzey, qalereya, Heydər Əliyev Mərkəzlərinin əməkdaşları üçün maarifləndirici kurslar, treninq və sərgi–seminarlar keçirir. Növbəti “Xilas olunmuş mədəni sərvətlər” adlı belə sərgi–seminar 14-16 may tarixlərində Agcabədi rayonunun tarix-diyarşünaslıq muzeyində Agcabədi, Laçın, Agdam rayonlarının muzey, qalereya və Heydər Əliyev Mərkəzlərinin əməkdaşları üçün keçirildi. Tədbir zamanı Mərkəzin  fəaliyyətini, muzey əşyalarının bərpa proseslərini əks etdirən video–çarxlar, təqdimatlar nümayiş etdirildi, Agcabədi tarix–diyarşünaslıq muzeyinin, Azərbaycan Xalça Muzeyinin Şuşa filialının toplularından bərpa olunmuş əşyaların fotosərgisi keçirildi. Sonda isə iştirakçıların sualları Mərkəzin əməkdaşları tərəfindən ətraflı cavablandırıldı. ..
17.05.2018 15:52
Qusar Dövlət Ləzgi Dram teatrı Xaçmaz rayonunda “Pəri Cadu” tamaşası ilə çıxış edibAzərbaycan Respublikasının Mədəniyyət Nazirliyi, Şəki şəhər İcra Hakimiyyəti və Azərbaycan Teatr Xadimləri İttifaqı ilə birgə təşkil edilən Ümummilli lider Heydər Əliyevin 95, Azərbaycan Xalq Cümhuriyyətinin 100 və milli peşəkar teatrın yaradılmasının 145 illiyinə həsr edilmiş “Sərhədsiz teatr” III Şəki Beynəlxalq Teatr Festivalı çərçivəsində 16 may 2018-ci il tarixində Qusar Dövlət Ləzgi Dram teatrı Heydər Əliyev adına Xaçmaz rayon Mədəniyyət Mərkəzində Əbdürrəhim bəy  Haqverdiyevin “Pəri Cadu” tamaşası ilə çıxış etmişdir. Tamaşanın quruluçu rejissoru Laləzar Hüseynova, quruluçu rəssamı Marina Mahmudova və musiqi tərtibatçısı Şaiq Qardaşovdur. Tamaşadan öncə tamaşaçılar Mədəniyyət Mərkəzinin foyesində  təşkil edilmiş sərgi ilə tanış olmuşdur. ..
17.05.2018 12:33
İrəvan Teatrı “Sərhədsiz teatr” III Şəki Beynəlxalq Teatr Festivalında çıxış edib“Azərbaycan teatrı 2009-2019-cu illərdə” Dövlət Proqramının icrasını təmin etmək məqsədilə Mədəniyyət Nazirliyi, Şəki Şəhər İcra Hakimiyyəti və Azərbaycan Teatr Xadimləri İttifaqının təşkilatı dəstəyi ilə ölkəmizdə “Sərhədsiz teatr” III Şəki Beynəlxalq Teatr Festivalı keçirilir. Festival Ümummilli lider Heydər Əliyevin anadan olmasının 95, müsəlman Şərqində ilk parlamentli respublikanın - Azərbaycan Xalq Cümhuriyyətinin yaranmasının 100 və milli peşəkar teatrın yaradılmasının 145 illiyinə həsr edilib. Festival çərçivəsində C.Cabbarlı adına İrəvan Dövlət Azərbaycan Dram Teatrı mayın 13-də Xırdalandakı Mədəniyyət Mərkəzində görkəmli dramaturq Cəfər Cabbarlının “Vəfalı Səriyyə” tamaşası ilə çıxış edib. Bu barədə teatrın mətbuat katibi Teymur Bayramov məlumat verib. O, bildirib ki, tamaşadan öncə Sumqayıt Regional Mədəniyyət İdarəsinin Abşeron rayonu üzrə təmsilçisi, Əməkdar mədəniyyət işçisi İlham Manafov və İrəvan Dövlət Azərbaycan Dram Teatrının direktoru, Əməkdar mədəniyyət işçisi İftixar Piriyev tamaşaçılara festival haqqında məlumat veriblər. Sonra İrəvan teatrının baş rejissoru, Əməkdar artist Sərvər Əliyevdə olmaqla kollektivə mükafatlar, hədiyyələr və diplom təqdim edilib. Daha sonra tamaşa nümayiş olunub. Abşeronluların qonağı olan teatr kollektivi tamaşadan sonra alqışlarla qarşılanıb. Tamaşanın quruluşçu rejissoru Nicat Mirzəzadə, rejissor və musiqi tərtibatı Tural Xəlilzadə, rəssamı Vahid Mürsəliyevdir. Səhnədə rolları Əməkdar artistlər Vaqif Kərimov, Rəşid Rzayev, aktyorlar Əmrulla Nurullayev, Niyaməddin Səfərəliyev, Şəbnəm Cəbrayılova, Ruhiyyə Eyvazova, Müdvər Nemətova, Rövşən Cəfərov, Natiq Həziyev, Ceyhun Əliyev, Məmməd Zeynalov, Tural Xəlilzadə və Bəhruz Hikmətoğlu ifa ediblər. Əsər ailə-məişət mövzusundadır. Burada bir-birinə səmimi hisslər bəsləyən Səriyyə ilə “student” Rüstəmin məhəbbəti ön planda təsvir olunur. Səriyyənin anası Çimnaz onu qardaşı oğlu qoçu Qurbana ərə vermək istəyir. Dayısı Həmzə də Səriyyənin anası ilə həmfikirdir. Müəllif bu əsərində cəmiyyətdəki ədalətsizlikdən bəhs edir, gördüyü haqsızlıqlara qəzəb və nifrətini bildirirdi. Əsərdə burjua-mülkədar cəmiyyətində hökm sürən nadanlığın, cəhalətin və avamlığın bir-birini təmiz məhəbbətlə sevən gənclərin həyatlarına böyük maneə olduğu göstərilir. Mühafizəkarlığın qulu olan insanlar gənclərin məhəbbətinin qarşısını ala bilmir və sonda onlar bir-birinə qovuşurlar. Qeyd edək ki, mayın 19-dək davam edəcək festivalda Azərbaycanın 19 teatr kollektivi ilə yanaşı, İran, Gürcüstan, Meksika, Kolumbiya və Rusiyanın tanınmış teatr kollektivləri iştirak edir. Festival iki istiqamət üzrə - milli və beynəlxalq mərhələdə keçirilir. ..
17.05.2018 12:24
Sumqayıtda Xalq şairi Sabir Rüstəmxanlı ilə görüş keçirilibSumqayıt Regional Mədəniyyət idarəsinin dəstəyi, S.Vurğun adına Mərkəzi Kitabxananın təşkilatçılığı ilə Xalq şairi Sabir Rüstəmxanlı ilə oxucuların görüşü keçirilib. Tədbiri giriş sözü ilə açan S.Vurğun adına Mərkəzi kitabxananın direktoru Yeganə Əhmədova şairi salamlayaraq dəvəti qəbul etdiyinə görə təşəkkürünü bildirib. Tədbirin aparıcısı  şair Əşrəf Şəfiyev çıxış edərək Sabir Rüstəmxanlının yaradıcılığı və həyat yolu haqqında məlumat verib. Sonra Xalq şairi Sabir Rüstəmxanlı çıxış edib. O, tədbirin təşkilatçılarına təşəkkür edərək belə tədbirlərin keçirilməsinin oxucular və yaradıcı adamlar üçün böyük əhəmiyyətindən danışıb. Şair çıxışında Azərbaycanın müstəqillik qazanması, milli ideologiya, Qarabağ problemi, Azərbaycan dilinə sevgi, dilin qorunması və digər məsələlərlə  bağlı fikirlərini bölüşüb. “Gənclərimiz ləyaqətli vətəndaş kimi yetişməli, vətənpərvər ruhda tərbiyə olunmalıdır” deyən şair onları Azərbaycan ədəbiyyatından uzaqlaşmamağa, Azərbaycan yazarlarının əsərlərini mütaliə etməyə çağırıb. Həmçinin. “Ədəbiyyat əbədi işdir” deyən şair ədəbiyyata gəlişi, yazdığı “Gəncə qapısı” əsəri və “Cavad xan” filmi haqqında danışıb. Daha sonra rejissor Rövşən Almuradlı, şairlər Rafiq Yusifoğlu, Gülnarə Cəmaləddin, Almaz Əliyeva, Xatirə Fərəcli və digərləri çıxış ediblər. Sonda Sabir Rüstəmxanlı oxucuların suallarını cavablandırıb, tələbələrə tövsiyyələrini verib, müxtəlif illərdə yazdığı şeirlərini ifa edib. ..
17.05.2018 12:22
Azərbaycan Dövlət Gənc Tamaşaçılar Teatrı Lənkəranda “Cəza” tamaşası ilə çıxış edibMayın 15-də Azərbaycan Dövlət Gənc Tamaşaçılar Teatrı yazıçı-dramaturq Tamara Vəliyevanın “Cəza” monotamaşası ilə Lənkəran Dövlət Dram Teatrının səhnəsində çıxış edib. Sözügedən tamaşanın nümayişi “Sərhədsiz teatr” III Şəki Beynəlxalq Teatr Festivalının milli mərhələsi çərçivəsində baş tutub. Tamaşadan öncə Lənkəran Dövlət Dram Teatrının direktoru Tofiq Heydərov çıxış edərək Azərbaycan Respublikasının Mədəniyyət Nazirliyi və Şəki Şəhər İcra Hakimiyyətinin təşkilatçılığı ilə keçirilən festivalın Ümummilli Lider Heydər Əliyevin anadan olmasının 95, Azərbaycan Xalq Cümhuriyyətinin yaradılmasının 100 və Azərbaycan milli peşəkar teatrının 145 illiyinə həsr oluduğunu diqqətə çatdırıb. Onun sözlərinə görə, mayın19-dək davam edəcək festivalda ölkəmizlə yanaşı, İran, Gürcüstan, Meksika, Kolumbiya və Rusiyanın tanınmış teatr kollektivləri də iştirak edirlər. T.Heydərov bu cür beynəlxalq tədbirlərin mədəniyyətlərin yaxınlaşmasına, teatr kollektivləri arasında işgüzar əlaqələrin qurulmasına xidmət etdiyini vurğulayıb.  Daha sonra “Cəza” monotamaşasına baxış olub.  Lənkəran teatrsevərləri tərəfindən sürəkli alqışlarla qarşılanan səhnə əsərinin quruluşçu rejissoru Əməkdar incəsənət xadimi Mehriban Ələkbərzadə, quruluşçu rəssamı Elşən Sərxanoğlu, musiqi tərtibatçısı Ağasəlim Feyzullayevdir. Tək adamlıq psixoloji oyun dramı olan “Cəza“ tamaşasında əsas və yeganə rolu Əməkdar artist Kəmalə Hüseynova ifa edir. Tamaşadan sonra Azərbaycan Dövlət Gənc Tamaşaçılar Teatrının direktoru, Əməkdar artist Mübariz Həmidova maraqlı və məzmunlu tamaşaya görə Beynəlxalq Teatr Festivalının diplomu təqdim olunub. M.Həmidov Beynəlxalq Festivalın təşkilatçıları – Azərbaycan Respublikası Mədəniyyət Nazirliyinə, Şəki şəhər İcra hakimiyyətinə və göstərdikləri diqqət və qayğıya görə Lənkəran Dövlət Dram Teatrının rəhbərliyinə və əməkdaşlarına təşəkkürünü bildirdi. Məlumat üçün bildiririk ki, III Şəki Beynəlxalq Teatr Festivalı may ayının 19-dək davam edəcəkdir. ..