Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1052

VI Bakı Beynəlxalq Kitab Sərgi-Yarmarkasının təntənəli açılış mərasimi keçirildi

Sentyabrın 27-də Mədəniyyət Nazirliyinin təşkilatçılığı ilə VI Bakı Beynəlxalq Kitab Sərgi-Yarmarkasının açılış mərasimi keçirildi.

Bakı İdman Sarayında təşkil olunan və üç gün boyunca davam edəcək ənənəvi sərgi-yarmarka böyük Azərbaycan şairi, mütəfəkkir İmadəddin Nəsiminin 650 illiyinə həsr olunub. Sərgidə 81 yerli və 22 ölkədən 40 xarici nəşriyyat, poliqrafiya müəssisəsi, kitab evləri və s. qurumlar öz nəşrlərini təqdim edir.

Mərasimdə Baş nazirin müavini Əli Əhmədov, Prezident Administrasiyası Humanitar siyasət məsələləri şöbəsinin müdiri Fərəh Əliyeva, Mədəniyyət naziri Əbülfəs Qarayev, TÜRKSOY-un baş katibi Düsen Kaseinov, dövlət və hökumət rəsmiləri, millət vəkilləri, elm və mədəniyyət xadimləri, ictimaiyyət nümayəndələri iştirak edirdi. 

Kitablar insan zəkasını zənginləşdirən xəzinədir 

Mədəniyyət naziri Əbülfəs Qarayev mərasimdə çıxış edərək qonaqları salamladı, hər dəfə olduğu kimi, bu ildə sərgi-yarmarkaya marağın böyük olduğunu bildirdi. Sərginin dahi şair, mütəfəkkir İmadəddin Nəsiminin 650 illiyinə həsr olunduğunu deyən nazir Azərbaycan xalqının mənəvi dünyasında kitab həmişə özünəməxsus dəyərli yer tutduğunu diqqətə çaldırdı: “Avesta”dan, “Kitabi-Dədə Qorqud” dastanlarından başlayaraq xalqımız öz ədəbiyyatına və mədəniyyətinə böyük diqqətlə yanaşıb. Biz böyük ədiblərimizin adı ilə həmişə fəxr etmişik. Onların yazdığı dəyərli bədii nümunələri əsrlərlə nəsildən-nəslə ötürərək bu günümüzə gətirib çatdırmışıq. Bu ədəbi nümunələr incəsənətin bütün sahələrinə sirayət edib. Bu əsərlər əsasında musiqilər yazılıb, tamaşalar səhnəyə qoyulub, rəsm əsərləri yaradılıb, filmlər çəkilib. Məqsədimiz ondan ibarətdir ki, xalqımızın kitaba sevgi ənənəsini qoruyaq, daha da inkişaf etdirək, gənclərimizə ötürək. Müasir texnoloji inqilablara baxmayaraq, kitaba sevgini yaşatmalıyıq. Kitab keçmişdə də olub, bu gün də var və gələcəkdə də olacaq. Çünki kitablar insan zəkasını zənginləşdirən xəzinədir”.  

Əbülfəs Qarayev son illərdə ölkəmizdə poliqrafiya sənətinin inkişafından söz açaraq bildirdi ki, Azərbaycan hər il beynəlxalq kitab sərgi-yarmarkalarında təmsil olunur və kitablarımız ən yüksək mükafatlara layiq görülür: “Sevindirici haldır ki, bu il Moskvada keçirilən MDB-nin "Kitab sənəti" beynəlxalq müsabiqəsində Nizami Gəncəvinin “Xosrov və Şirin” kitabı Qran-pri mükafatını qazanıb. Həmçinin müxtəlif nominasiyalarda iştirak müsabiqədə iştirak edən daha bir neçə kitabımız da mükafat və diplomlara layiq görülüb. Beynəlxalq kitab sərgilərinə təqdim olunan məhsullar arasında həm dövlət, həm özəl nəşriyyatların, eləcə də Heydər Əliyev Fondunun nəşrləri yer alır. Fondun bir sıra kitabları nəşriyyat işinin ən yaxşı nümunələri sırasındadır”.

Nazir qeyd etdi ki, Azərbaycan dövləti nəşriyyat-poliqrafiya sahəsinin inkişafına qayğı göstərir: “Əsas məqsəd kitab nəşri sahəsində ən müasir texnologiyaların ölkəmizə gətirilməsinə nail olmaq, kitabın təbliği və yayılması, dərsliklərin, lüğətlərin, tərcümə və elmi ədəbiyyatların işıq üzü görməsinə yönəlmiş qərar və göstərişlərin icrasını vaxtında təmin etmək, gənc nəslin kitaba maraq və sevgisini daha da artırmaq, Azərbaycan oxucusunu dünyanın aparıcı nəşriyyatlarının məhsulları ilə tanış etməkdir. Bu istiqamətdə görülən işlər Prezident İlham Əliyevin Azərbaycan dilində latın qrafikası ilə kütləvi nəşrlərin həyata keçirilməsi və dünya ədəbiyyatının Azərbaycan dilində çap edilməsi haqqında imzaladığı müvafiq sərəncamlara uyğun olaraq reallaşdırılır”.

Son illər Azərbaycanda beynəlxalq tədbirlərin mütəmadi olaraq keçirilməsini yüksək qiymətləndirən Əbülfəs Qarayev belə tədbirlərin dünya ictimaiyyəti tərəfindən də rəğbətlə qarşılandığını qeyd etdi. Bildirdi ki, bu günlərdə davam edən XI Üzeyir Hacıbəyli Beynəlxalq Musiqi Festivalı, sentyabrın 28-dən oktyabrın 1-dək təşkil olunacaq Nəsimi festivalı və digər tədbirlər ölkəmizin həyatında mühüm mədəni hadisə kimi yaddaşlara yazılacaq. Bu mühüm mədəniyyət təbirləri Prezident İlham Əliyev və Birinci vitse-prezident Mehriban xanım Əliyevanın davamlı diqqət və qayğısı nəticəsində reallaşdırılır.

Nazir çıxışının sonunda sərgi-yarmarkanın iştirakçılarına uğurlar arzuladı.

“Heç bir inkişafı kitabsız, biliklərsiz təsəvvür etmək mümkün deyil”

Mərasimdə çıxış edən Baş nazirin müavini Əli Əhmədov kitab bayramı münasibətilə bütün oxuculara təbriklərini çatdırdı. Bildirdi ki, bu, ölkəmizin həyatında əlamətdar hadisə olmaqla bərabər Azərbaycanda kitabın tanıdılması üçün həyata keçirilən mühüm təşəbbüsdür: “Kitab bilik, mədəniyyət deməkdir. Kitab insanın, cəmiyyətin inkişafı deməkdir. Bütövlükdə cəmiyyətin mədəni və intellektual inkişafı öz başlanğıcını məhz kitabdan götürür. Kitaba məhəbbət bu mənada insanların, xüsusilə də gənclərin biliklərə, elmlərə həvəsinin artırılmasına səbəb olur. Azərbaycan xalqı həmişə elmə-biliyə həvəsli olub. Prezident İlham Əliyevin diqqət və qayğısı sayəsində beynəlxalq kitab sərgiləri, eyni zamanda digər beynəlxalq tədbirlər ölkəmizdə belə yüksək səviyyədə keçirilir. Prezidentin özünün də qeyd etdiyi kimi insan kapitalının inkişafı Azərbaycan cəmiyyətinin yüksəlişinin, tərəqqisinin bünövrəsini təşkil edir. Bu inkişaf isə kitabsız, biliklərsiz təsəvvür etmək mümkün deyil. Azərbaycanda kitaba həmişə böyük sevgi və hörmət olub. Bu il altıncı dəfə təşkil olunan sərgi-yarmarka da kitaba hörmət və məhəbbətin bariz  nümunəsidir”.

Əli Əhmədov qeyd etdi ki, bu gün insanlar informasiya və bilikləri müxtəlif elektron vasitələrdən əldə edirlər: “Bütün bunlara baxmayaraq gənclərdə biliyə maraq və ehtiram formalaşdırarkən kitabın əvəzedilməzliyini aşılamalıyıq. Kitaba məhəbbətin təbliğ edilməsində böyük layihələr reallaşdıran Mədəniyyət Nazirliyinə təşəkkür edirəm. Bu layihələr kitabın təbliğatı baxımından böyük əhəmiyyət kəsb etməklə bərabər Azərbaycan kitabını beynəlxalq aləmdə tanıdır. Hesab edirəm ki, gənc nəslin kitaba məhəbbətini daha da gücləndirməklə cəmiyyətimizi daima irəli apara biləcəyik. Bu mənada Heydər Əliyev Fondu və Fondun prezidenti Mehriban xanım Əliyevanın həyata keçirdiyi nəşr layihələrinin böyük əhəmiyyəti var”.

Baş nazirin müavini bütün iştirakçılara uğurlar arzuladı. 

Sonra qonaqlar sərgi-yarmarka ilə yaxından tanış oldular.

Xatırladaq ki, sərgi çərçivəsində tanınmış şair və yazıçıların, elm adamlarının iştirakı ilə çoxsaylı kitab təqdimatları, imza günləri və s. tədbirlər keçiriləcək.

XƏBƏRLƏR

07.12.2019 11:24
Azərbaycan Dövlət Simfonik Orkestrinin növbəti konserti
07.12.2019 10:44
Əksəriyyəti əlilliyi olan şəxslərdən ibarət yaradıcı heyətin hazırladığı “Solğun çiçəklər” tamaşasının premyerası olub
07.12.2019 10:05
“Bölgə” teatr truppası fəaliyyət sahəsini genişləndirir
06.12.2019 17:20
Nəsimi ruhuna ehtiram, ekoloji tarazlığa töhfə
06.12.2019 16:42
Azərbaycan Könüllülərinin II Həmrəylik Forumu keçirilib
06.12.2019 16:03
Nizami Gəncəvinin türk dilində nəşr olunan "Xəmsə"sinin təqdimatı keçirildi
06.12.2019 15:23
Sumqayıtda yubiley tədbiri keçirilib
06.12.2019 15:10
“Kreativ Azərbaycan” portalının təqdimatı və “Yaradıcı sənayelər: dayanıqlı inkişaf və məşğulluq üçün yeni imkanlar” mövzusunda nazirlər paneli keçiriləcəkdir
06.12.2019 14:53
Bursada qarşılıqlı əməkdaşlıq məsələləri müzakirə olunub
06.12.2019 10:49
Musiqili Teatrda “Nəsimi” kompozisiyası təqdim olunub
06.12.2019 10:29
Qusarda “Multikulturalizm Azərbaycanda həyat tərzidir” adlı tədbir keçirilib
06.12.2019 10:07
Özbəkistanlı qonaqların Lənkərana səfəri başlayıb
06.12.2019 09:17
Bakıda "Nəsimi 650: haqqın carçısı" mövzusunda beynəlxalq elmi-praktik konfrans keçirilib
06.12.2019 09:01
Filarmoniyada növbəti xeyriyyə konserti təşkil olunub
06.12.2019 08:53
Lilldə “Transsiberien” festivalı Qara Qarayevin əsərinin ifası ilə başlayacaq
05.12.2019 17:19
Əlibaba Məmmədovun 90 illiyinin qeyd edilməsi haqqında Azərbaycan Respublikası Prezidentinin Sərəncamı
05.12.2019 16:29
MDB ölkələrinin mediası Bakıda keçirilən “Sərhədsiz incəsənət” beynəlxalq seminarından yazıb
05.12.2019 14:27
Daşkənddə “Mən əbədiyyət üfüqlərində doğan eşq günəşiyəm” adlı tədbir keçirilib
05.12.2019 12:05
“Culture Guide” mədəniyyət bələdçisinin dekabr sayı çapdan çıxıb
05.12.2019 11:37
“ŞAİRƏ İTHAF” adlı açıq respublika rəsm müsabiqəsinin vaxtı 2020-ci il aprel ayının 1-dək uzadılmışdır
05.12.2019 10:57
Azərbaycan Respublikasının Mədəniyyət naziri və nazir müavinləri bölgələrdə vətəndaşları qəbul edəcək
05.12.2019 10:19
“Yeddi nar çubuğu” səhnəyə gəlir
05.12.2019 09:14
UNESKO üzrə Azərbaycan Milli Komissiyasının 25 illiyi ilə əlaqədar Dövlət İdarəçilik Akademiyasında dəyirmi masa keçirilib
05.12.2019 09:10
Mədəniyyətin səyyar təlimləri uğurla başa çatıb
05.12.2019 09:06
“Muğam dünyasına səyahət” layihəsi çərçivəsində növbəti konsert
04.12.2019 18:36
Nazir Əbülfəs Qarayev Bəhreyn Krallığının nümayəndə heyətini qəbul edib
04.12.2019 18:15
Musiqi Mədəniyyəti Dövlət Muzeyində Xalq artisti Əminə Dilbazinin xatirəsi yad olunub
04.12.2019 18:12
Xətai Sənət Mərkəzində uşaq və yeniyetmələr üçün elan edilən rəsm müsabiqəsi davam edir
04.12.2019 17:39
Azərbaycan Milli Elmlər Akademiyası Milli Azərbaycan Tarixi Muzeyinin 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı
04.12.2019 16:30
Mədəniyyət naziri Latviya, İordaniya və İndoneziyanın ölkəmizdəki səfirləri ilə görüşüb
04.12.2019 16:07
Birinci vitse-prezident Mehriban Əliyeva Xalq artisti Əlibaba Məmmədovun evində qonaq olub