Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
376

Muzey Mərkəzində rəssam Vüqar Əlinin “Rənglərin ritmi” adlı fərdi sərgisi açılıb

Oktyabrın 4-də Muzey Mərkəzinin sərgi qalereyasında rəssam Vüqar Əlinin “Rənglərin ritmi” adlı fərdi sərgisi açılıb.

Mədəniyyət Nazirliyi və Mədəniyyət və İncəsənət Universitetinin birgə təşkilatçılığı ilə reallaşan sərgidə nümayiş edilən əsərlərin əksəriyyəti son iki il ərzində ərsəyə gəlib və caz musiqisinə həsr olunub.

Sərginin açılışından öncə Mədəniyyət Nazirliyinin rəsmisi Qalib Qasımov çıxış edərək rəssamın yaradıcılığından, onun əsərlərinin məna və məzmun baxımından gözəlliyindən söz açıb. Bildirilib ki, hazırkı sərginin konsepsiyası vəhdət şəklində birləşərək özündə geniş caz obrazlarının qalereyasını əks etdirir və dünyaca məşhur musiqi janrına Azərbaycanın verdiyi töhfələri nümayiş etdirir.

Qeyd edilib ki, müəllifin ifaçı və bəstəkarlardan tutmuş şlyagerlərin portretlərinə qədər, bədii dillə bizə çatdırdığı bütün yaradıcılıq nümunələrində musiqi mövzusu xüsusi yer tutur. Musiqiyə xas olan duyğuları sənətkar rəng və cizgilərin dili ilə mükəmməl ifadə edir.

Onun 2016-cı ildə Bakıda Beynəlxalq Caz Festivalı çərçivəsində keçirilən fərdi sərgisinə gələn qonaqlara milli və xarici cazmenlərin portretləri, onlardan - Emma Fidcerald, Lui Armstrong, Rafiq Babayev, Pərviz Rüstəmbəyov, Vaqif Mustafazadə, İsfar Sarabski, Rain Sultanov, Şahin Növrəsli və caz musiqisinə həsr olunmuş kompozisiyaları təqdim olunub.

Sərginin ideyası həmin festivalın davamı olaraq yarandığına görə ekspozisiyanın “ürəyi” olan caz musiqisinin yerli və xaricdən olan 30-dan çox korifeyinə həsr olunmuş əsərlərdən ibarətdir. Vaqif və Əzizə Mustafazadələr, Ennio Morrikone, Henri Mancini, maestro Niyazi, Nina Simon, BB Kinq, Natiq Şirinov, Dilarə Kazımova və başqaları bu sırada yer alır.

Həmin mövzu bu sərgidə Azərbaycan folklor musiqisinə həsr olunmuş bəzi işlərlə səsləşir. Vüqar Əlinin bahar təravətli çiçək açmış gənc gözəllərə həsr etdiyi əsərlərinin bir hissəsini tamaşaçılara nümayiş etdirdi.

Mədəniyyət və İncəsənət Universitetinin rektoru Ceyran Mahmudova və Azərbaycan Rəssamlar İttifaqının katibi, Xalq rəssamı Ağaəli İbrahimov rəssamın yaradıcılıq axtarışlarından danışıb, onu növbəti sərgisinin açılışı münasibətilə təbrik ediblər.

Bildirilib ki, qalereyada rəssamın yaradıcılığının erkən dövrünə aid digər silsilələrindən olan əsərləri də nümayiş olunub. Bunlardan biri kristalloqrafiya bilikləri əsasında yaradılıb. O, bu əsəri tanınmış mineralogiya üzrə mütəxəssis, akademik Xudu Məmmədovun rəhbərliyi altında bir neçə həvəskar entuziast rəssamla birgə yaratmışdır. Kristalloqrafiya işləri xalça ornamentlərini xatırladan riyazi kompozisiyası ilə fərqlənir.

Rəssamın digər silsiləsi öz adını mif qəhrəmanı olan nar pərisindən götürmüş Nargilədir. Bu sərgidə müəllifin nara həsr olunmuş bir çox əsərlərini görmək olar.

Vurğulanıb ki, Vüqar Əli Gənc Tamaşaçılar Teatrında baş rəssam vəzifəsində çalışıb. Həmçinin o, 8 il əsərləri daimi ekspozisiyada sərgiləndiyi Muzey Mərkəzində işləyib. Muzey Mərkəzində çalışdığı müddətdə məşhur sərgi layihələri olan Bakı Beynəlxalq Müəllif Kuklaları Bienalesi, “Gözəllik nuru”, “Kofe rəngi” və bir sıra digər layihələrin dizaynını hazırlayıb.

Son illərdə Vüqar Əli yaradıcılıq fəaliyyəti ilə yanaşı, Azərbaycan Dövlət Mədəniyyət və İncəsənət İnstitutunda pedaqoji fəaliyyət ilə də məşğul olur.

Sonra qonaqlar sərgi ilə tanış olublar.

XƏBƏRLƏR

14.10.2019 16:21
Elmi-Metodiki və İxtisasartırma Mərkəzi yeni beynəlxalq metodiki vəsait hazırlayıb
14.10.2019 11:50
Milli Dram Teatrı “Ölülər”i növbəti dəfə təqdim edib
14.10.2019 11:39
Xalq şairi Süleyman Stalskinin 150 illiyinə həsr olunmuş təntənəli gecə keçiriləcəkdir
14.10.2019 09:17
Qubada keçirilən “Alma bayramı”nda 20 minə yaxın insan iştirak edib
12.10.2019 12:07
Rusiya folklor kollektivlərinin konsert proqramı maraqla qarşılanıb
12.10.2019 12:05
Şuşa Teatrı 2 premyera ilə tamaşaçılarının görüşünə gəlir
11.10.2019 20:44
Əfsanəvi “Beryozka” ansamblı Bakıda konsert proqramı ilə çıxış edib
11.10.2019 17:09
“Xalqların mədəniyyətləri və adət-ənənələrinin qorunmasında mədəniyyətlərarası dialoqun rolu”na həsr olunan tədbir keçirildi
11.10.2019 17:01
Qobustanda Avropa Qayaüstü İncəsənəti Günü qeyd olunub
11.10.2019 16:15
Kukla Teatrının nəzdində “Küllücə” adlı teatr-studiyası yaradılıb
11.10.2019 15:43
“Mənim yay tətilim-2019” rəsm müsabiqəsinin başa çatmasına beş gün qalıb
11.10.2019 14:28
“Xəmsə”nin özbək dilinə tərcümə olunmuş nəşrinin təqdimatı keçirilib
11.10.2019 14:03
Mədəniyyət naziri Rusiya nümayəndə heyəti ilə görüşüb
11.10.2019 12:39
Avropa Tarixi Termal Şəhərlər Assosiasiyasının növbəti Baş Assambleyası Belçika Krallığının Spa şəhərində keçirilir
11.10.2019 10:58
Respublika Uşaq kitabxanasında xarici yazarlarla görüş keçirilib
11.10.2019 09:45
Sumqayıtda Birinci Mədəniyyət Festivalı keçirilib
11.10.2019 09:41
Balakən III Xurma festivalına hazırlaşır
11.10.2019 09:38
Dahi dramaturq Cəfər Cabbarlının Xızıdakı ev-muzeyi əsaslı təmir olunur
11.10.2019 09:24
Milli İncəsənət Muzeyinin direktoru Fransanın fəxri ordeni ilə təltif olunub
11.10.2019 09:20
“YARAT” Müasir İncəsənət Məkanında 3-cü M.A.P. Beynəlxalq Teatr Festivalının açılışı olub
11.10.2019 09:17
“Azərbaycanlı ifaçılar Moskva Konservatoriyasının kamera zallarında” silsiləsindən yekun konsert olacaq
11.10.2019 09:13
Bakıda “İplər arasında harmoniya” adlı sərgi açılıb
10.10.2019 17:21
Bakıda "Xalqların mədəniyyətləri və adət-ənənələrinin qorunmasında mədəniyyətlərarası dialoqun rolu" mövzusunda tədbir keçiriləcək
10.10.2019 14:42
Bakı Musiqi Məktəbinin məzunu F.Şubert adına Vyana Konservatoriyasına qəbul olunub
10.10.2019 14:32
“Kreativ Azərbaycan: yaradıcı məhsulların “Azexport.az” portalı vasitəsilə ixrac imkanları” mövzusunda təqdimat keçirildi
10.10.2019 12:24
Milli Kitabxanada “Aida İmanquliyeva – görkəmli şərqşünas alim” adlı kitab sərgisi açılıb
10.10.2019 12:10
Qobustan qoruğunun Portuqaliyada sərgisi təşkil olunub
10.10.2019 10:43
Nazir Əbülfəs Qarayevin “Yeni Müsavat” qəzetinə müsahibəsinin son hissəsi
10.10.2019 09:14
XI Beynəlxalq Uşaq Muğam Festivalının qalibləri mükafatlandırılıb