Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
526

Bakı Yay Caz Günləri başa çatıb

Paytaxtımızda keçirilən Baku Summer Jazz Days (Bakı Yay Caz Günləri) bir-birindən maraqlı təqdimatlarla yadda qalıb.

Festival çərçivəsində Beynəlxalq Muğam Mərkəzinin səhnəsində təqdim olunan konsertlər böyük alqışlarla qarşılanıb.

Xatırladaq ki, Baku Summer Jazz Days – bir çox dünya caz ulduzlarının iştirakı ilə paytaxtımızda keçirilən konsertlərin və festivalların təşkilatçısı olmuş “Premier LTD Art Management” prodüser agentliyinin daha bir uğurlu layihəsidir. Onun direktoru – musiqişünas və mütəmadi caz tədbirlərinin təşkilatçısı Nəzakət Qasımova festivalın ümumi mahiyyətini belə izah edir: “Caz musiqisi Bakı musiqi auditoriyasının çoxdan sevdiyi janrlardan biri kimi özünü hər zaman doğruldur. Bakıda caz musiqisini təbliğ edən tədbir və festivallar mütəmadi keçirilir. Biz də bu musiqinin təbliğini daha da intensiv inkişaf etdirmək məqsədilə yay fəsli keçiriləcək bu konsertlər silsiləsini gerçəkləşdirdik. Artıq üçüncü ildir ki, festival böyük rəğbətlə qarşılanıb gözəl yaradıcı ab-havada məkan alır. Biz də bunun daha parlaq olmasına çalışırıq”.

Festivalın növbəti caz gecəsinə Gürcüstanın hazırda ən məşhur etno-caz qruplarından “İRİAO” və Avropada ən gənc və populyar fank-caz ifaçılarından olan Tom İbarranın kvinteti qoşulub.

“İRİAO” qrupu gürcü musiqi folklorunun Quriya vilayətinə məxsus krimançuli ifa ənənəsinin, gürcü xalq çalğı havalarını, eləcə də müasir etno-cazın rəngarəng aləmini bir üslubda qovuşduran nadir heyətlərdən biridir. Qrupun bədii rəhbəri, pianoçu və bəstəkar David Malazoniya, xalq çalğı alətləri ifaçısı Nuqzar Kavtaradze, bas-gitaraçı Şako Gelekva, zərbçi Levan Abşilava heyətin instrumental hissəsini təşkil edir, vokal ifa isə istedadlı müğənnilər üçlüyünə - Buba Murquliya, Mixail Cavaxişvili və Qaqa Abaşidzeyə həvalə olunur. “İRİAO” özünün “Lazuri”, “Old City” kompozisiyalarını, xalq mahnısı “Suliko”, caz standartı “Take 5” və digər bəstələri müxtəlif səs ahəngləri və improvizəli ifalarla təqdim edib. Vaqif Mustafazadənin “Günəş” adlı kompozisiyası onların gözəl ifa etdiyi lirik kompozisiyanın mövzu əsası olub və Bakı dinləyicilərinə dərin ehtiramını gürcü cazmenləri məhz həzin, milli çoxsəsli ifaları ilə ifadə etdiblər.

Festivalın proqramında, bir ənənə olaraq, gənc cazmenlər, virtuoz çalğıçılar, vokalçılar da yer alır. Gənc fransız elektrogitaraçısı və bəstəkarı Tom İbarra – LetterOne Rising Stars mükafatı laureatı, iki CD albomunu buraxmış perspektivli ifaçılardandır. Əsasən fank, fanki-füjn, jazz-rock və digər bu qəbildən olan müasir cərəyanlarda çalışan İbarra 2015-ci ildə gerçəkləşdirdiyi “Sparkling” albomundan kompozisiyalar ifa edib.

Bakı Yay Caz Günləri Festivalı Rusiyanın ən möhtəşəm və məşhur caz heyətlərindən biri - Oleq Lundstrem adına Caz Orkestrin konserti ilə öz işini başa vurub. Bu il öz fəaliyyətinin 85 illiyini qeyd edən bu məşhur heyət Bakı Dənizkənarı Bulvarda böyük bir publika toplayaraq, zəngin ənənəvi və müasir proqramlı caz axşamı təqdim etdi. “Ginnes” rekordlar kitabına ən uzunmüddətli orkestr kimi daxil olmuş bu canlı əfsanəvi heyət bakılı cazsevərlərə də öz möhtəşəm ifası ilə gözəl caz bayramı ovqatı bəxş edib.

XƏBƏRLƏR

21.09.2019 13:51
Çin Xalq Respublikasının nümayəndə heyəti Milli Xalça Muzeyində olub
21.09.2019 12:30
Neftçilərin Üzeyir Hacıbəyli festivalına musiqi töhfəsi
21.09.2019 10:58
Milli Dram Teatrı “Ölülər”i növbəti dəfə təqdim edəcək
20.09.2019 18:43
Dövlət Xidmətinin rəisi Maltanın UNESCO üzrə Milli Komissiyasının sədri ilə görüşüb
20.09.2019 18:05
Nazir Gəncə şəhərində mədəniyyət müəssisələrinin fəaliyyəti ilə tanış olub
20.09.2019 17:31
“Tarixi bilgilərin mədəniyyətin inkişafında rolu” mövzusunda növbəti seminar təşkil edilib
20.09.2019 14:56
Beynəlxalq Muğam Mərkəzində “Rast” dünyası” adlı konsert təqdim olunub
20.09.2019 11:54
Neftçilərin Üzeyir Hacıbəyli festivalına musiqi töhfəsi
20.09.2019 11:46
Şəhər və rayonlarda vətəndaşların növbəti qəbulları keçirilib
20.09.2019 10:53
Türkiyədə akademik Nizami Cəfərovun “Azərbaycan ədəbiyyatı tarixinin etüdləri” kitabı oxuculara təqdim olundu
20.09.2019 09:17
Qax rayonunda III Bal bayramı keçirilib
20.09.2019 09:06
Qobustan qoruğunda “Avropa irs günləri” qeyd olunub
20.09.2019 09:03
“Qədim Avropaya səyahət” adlı konsert proqramı təqdim olundu
19.09.2019 16:07
Qobustan qoruğunda "Avropa İrs Günləri" qeyd olunub
19.09.2019 15:10
Nizami Kino Mərkəzində “Azərbaycanda Rusiya filmləri həftəsi”nin açılış mərasimi keçiriləcək
19.09.2019 12:53
Ölkəmiz MDB ölkələri Mədəni Əməkdaşlıq Şurasının iclasında təmsil olunur
19.09.2019 10:18
Vüqar Əlinin “Rənglərin ritmi” adlı fərdi sərgisi
19.09.2019 10:03
Qarabağ Muğam Mərkəzində Üzeyir Hacıbəylinin əsərlərindən ibarət konsert proqramı təqdim olunub
19.09.2019 09:02
Bakıda Üzeyir Hacıbəyli XI Beynəlxalq Musiqi Festivalının təntənəli açılış mərasimi olub
18.09.2019 19:29
Üzeyir Hacıbəyli dühası: "Xəlqilik, millilik, beynəlmiləllik”
18.09.2019 16:36
Özbəkistanda “Azərbaycan kinosu günləri” keçiriləcək
18.09.2019 15:50
Milli Musiqi Gününə həsr edilmiş növbəti tədbir Üzeyir Hacıbəylinin ev-muzeyində təşkil edilib
18.09.2019 15:45
Milli Kitabxanada “Üzeyir Hacıbəyli – milli mədəniyyət mücahidi” adlı tədbir təşkil edilib
18.09.2019 14:31
Bakı Musiqi Akademiyasında Milli musiqi günü ilə bağlı mərasim keçirilib
18.09.2019 13:33
Ölkəmizdə Milli musiqi günü qeyd olunur