Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
341

Lənkəran Beynəlxalq Teatr Festivalının üçüncü günü maraqlı çıxışlarla yadda qalıb

Mədəniyyət Nazirliyi, Lənkəran Şəhər İcra Hakimiyyəti və Azərbaycan Teatr Xadimləri İttifaqının birgə təşkilatçılığı ilə “Azərbaycan teatrı 2009-2019-cu illərdə” Dövlət Proqramı çərçivəsində Lənkəran Dövlət Dram Teatrının binasında keçirilən Beynəlxalq Teatr Festivalının üçüncü günü bakılı və gəncəli aktyorlarla yanaşı, İrandan gələn “Muğan-Hünər” və “Mika” Təbriz teatr qrupları da çıxış edib.

“Muğan-Hünər” teatr qrupu 2001-ci ildə İran İslam Respublikasının Parsabad şəhərində fəaliyyətə başlayıb. Qrup 25-dən çox əsər tamaşaya qoyub, İranda və xarici ölkələrdə keçirilən Beynəlxalq Festivallarda iştirak edib.

“Mika” Təbriz teatr qrupu isə 2005-ci ildə fəaliyyətə başlayıb. İranın şimal-qərbində kukla tamaşaları ilə özünə məxsus dəstxəti olan bir qrupdur. Hazırladığı kukla tamaşaları xalq ədəbiyyatı və mədəniyyətə əsaslanır. “Mika” qrupu bütün tamaşaları Azərbaycan dilində nümayiş etdirir. Qrup Azərbaycan və İran mədəniyyətini gənc nəsillərə və uşaqlara tanıtmaq məqsədilə müxtəlif şəhər və ölkələrdə keçirilən festivallarda iştirak edib.

Tamaşaçılara təqdim olunan Əli Bərnunun “Qırmızı vız-vızı” tamaşası “Mika” və “Muğan-Hünər” teatrlarının birgə yaradıcılıq məhsuludur.

Tamaşanın quruluşçu rejissoru Əli Bərnundur

Festivalın üçüncü günü təqdim olunan ikinci səhnə əsəri-Akademik Milli Dram Teatrının “Nindza Tısbağalar və kapitan Cekin macəraları” tamaşasının rəssamı Əməkdar mədəniyyət işçisi İlham Elxanoğlu, rəqslərin quruluşçusu Lalə Hacıyeva, rejissor assistenti Könül Kərimovadır.

Səhnə əsərinin uğuru həm də ondadır ki, interaktivliyi, rəngarəng geyimləri, rəssam işi, musiqisi, maraqlı süjet xətti ilə uşaqların özlərini də iştirakçıya çevirir. Onlar yer-yerdən aktyorları səsləyir, şər qüvvələri pisləyir, xeyirxah qəhrəmanlara kömək etmək istəyirlər.

Quruluşçu rejissoru Anar Sadıqov olan tamaşada aktyorlar Mətləb Abdullayev, İlahə Həsənova, Rada Nəsibova, Nigar Güləhmədova, Elnur Qədirov, Elçin Hacıyev, Vüsal Mustafayev, İmran Qurbanov, Əlvida Cəfərov, Xədicə Novruzlu, Fəridə Şahbazova, Rüstəm Rüstəmov, Ziya Ağayev, Vüsal Məmmədov, Mehriban Xanlarova, Əminə Cəfərova və Ləman Fərmanlı iştirak ediblər.

Beynəlxalq Teatr Festivalında tamaşaçılara təqdim olunan üçüncü tamaşa Dövlət Gənc Tamaşaçılar Teatrının Azərbaycan xalq nağılı əsasında gənc yazıçı Pərvin Nurəliyevanın səhnələşdirdiyi birhissəli tamaşa nənənin bişirdiyi qoğalın başına gələn maraqlı əhvalatlardan bəhs edir.

Tamaşanın quruluşçu rejissoru Əməkdar artist Nicat Kazımov, quruluşçu rəssamı Elşən Sərxanoğlu, musiqi tərtibatçısı Məryəm Əlibəylidir.

Əsas rolları Anar Seyfullayev, Ramil Məmmədov, Zülfiyyə Alhüseynova, Günel Məmmədova, Roza İbadova və başqaları canlandırıblar.

Musiqili, əyləncəli, eyni zamanda, ibrətamiz hadisələrlə zəngin müzikl kiçik yaşlı tamaşaçıları düzlüyə, prinsipiallığa səsləyir, onlara pisi yaxşıdan ayırmaq kimi insani keyfiyyətləri aşılayır.

Fərqli üslubda hazırlanmış nağıl-müziklin süjet xətti, gözəl səhnə tərtibatı, müasir musiqiləri və aktyorların oyunu balaca tamaşaçılar tərəfindən maraqla qarşılanıb.

Sonda hər üç kollektivə Mədəniyyət Nazirliyinin diplomları təqdim olunub.

 

XƏBƏRLƏR

16.09.2019 18:07
33 nömrəli Uşaq musiqi məktəbi əsaslı təmirdən sonra istifadəyə verildi
16.09.2019 17:50
Yeni tədris ilinə böyük inamla
16.09.2019 12:45
Qoruqlarda "Avropa İrs Günləri" qeyd olunacaq
16.09.2019 10:59
İrəvan Teatrı yeni mövsümü “Soyqırımı tarixinin dastanı” ilə açıb
15.09.2019 15:23
Musiqi Mədəniyyəti Dövlət Muzeyində Arif Məlikova həsr olunan tədbir keçirilib
15.09.2019 14:46
Qubada keçirilən beynəlxalq simpoziuma beş ölkədən 50-yə yaxın alim və tədqiqatçı qatılıb
15.09.2019 12:58
Özbəkistanda keçirilən Birinci Beynəlxalq Xalq Tətbiqi İncəsənət Festivalının rəsmi açılış mərasimi olub
14.09.2019 15:55
Nazir Əbülfəs Qarayev Özbəkistandakı Daşkənd Prezident Məktəbi və “Minor” məscid kompleksi ilə tanış olub
13.09.2019 16:43
Neftçalada “Sülh aylığı” ilə əlaqədar sərgi təşkil olunub
13.09.2019 16:06
Şəkidə infotur çərçivəsində konfrans keçirilib
13.09.2019 15:57
“Tarixi Yerlər və Abidələr” I Beynəlxalq Quba Simpoziumu keçirilir
12.09.2019 19:38
Nazir media nümayəndələrini mədəni sərvətimizin təbliğində, mədəni maarifləndirmə işində daha fəal olmağa çağırdı
12.09.2019 18:02
Mədəniyyət və ədəbiyyat xadimlərinə mükafatlar təqdim olundu
12.09.2019 16:48
Azərbaycan nümayəndə heyəti Beynəlxalq Muzeylər Şurasının (ICOM) 25-ci Baş Konfransında iştirak edib