Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
775

Müslüm Maqomayevin xatirəsi yad olundu

Avqustun 17-si görkəmli müğənni və bəstəkar, SSRİ Xalq artisti Müslüm Maqomayevin (1942-2008) anadan olmasının 76-cı ili tamam oldu. Bu münasibətlə I Fəxri xiyabanda dünya şöhrətli musiqiçinin məzarı ziyarət olundu, abidəsi önünə əklil qoyuldu, tər çiçəklər düzüldü.

Mərasimdə mədəniyyət nazirinin birinci müavini Vaqif Əliyev, Rusiya Federasiyasının ölkəmizdəki səfiri Mixail Boçarnikov, Müslüm Maqomayevin həyat yoldaşı, SSRİ Xalq artisti Tamara Sinyavskaya, eləcə də tanınmış incəsənət xadimləri, ictimaiyyət nümayəndələri iştirak edirdi.

Tədbirdə çıxış edən kinorejissor, Xalq artisti Eldar Quliyev bildirdi ki, bu gün mədəniyyətimiz üçün əlamətdar tarixdir. Azərbaycan və Rusiya mədəniyyətinə böyük töhfələr vermiş unudulmaz Müslüm Maqomayevin doğum günüdür: “O öz ifası ilə milyonlarla insanın qəlbində yaşayır. Biz fəxr edirik ki, belə bir sənətkarın müasiri olaraq onun yaradıcılıq yolunu izləmək şansı qazanmışıq, ifalarından zövq almışıq. Onunla dost olmaq mənim üçün şərəf idi. Müslümlə bir vətəndaş, bir musiqiçi kimi fəxr edirəm”.

Teatr Xadimləri İttifaqının sədri, Xalq artisti Azərpaşa Nemətov Müslüm Maqomayevlə bağlı xatirələrini bölüşdü. Müğənni ilə Bülbül adına Orta ixtisas musiqi məktəbində birgə təhsil aldıqları illərə nəzər saldı. Dünya şöhrətli musiqiçinin populyarlıq qazanması və ulduz kimi bütün dünyada parlamasından söz açdı.
Rusiyanın Azərbaycandakı səfiri Mixail Boçarnikov çıxışı zamanı diqqətə çatdırdı ki, bir sənətkar haqqında nə qədər çox danışırıqsa, onu bir o qədər də yaxından tanıtmağa nail oluruq: “Müslüm Maqomayev milyonlarla insanın sevimlisi idi və hər iki ölkəni sevərək tərənnüm edirdi. Onu sevirdilər, sevirlər və sevəcəklər”.

Müğənninin həyat yoldaşı Tamara Sinyavskaya unudulmaz ifaçını yad etməyə gələn hər kəsə dərin təşəkkürünü bildirdi: “Mənim üçün Müslüm haqqında danışmaq çox çətindir. Çünki onu bir an belə unutmuram. Hər il onun ad günündə bura gələn, Müslümü unutmayan insanlara minnətdaram. Siz onun xatirəsini özünüzlə evlərinizə və bütün Bakıya ötürürsünüz. Ondan danışır, gənc nəslə tanıdırsınız. Bu isə Müslümün xatirəsinin əbədi yaşaması deməkdir”.

Bakı Nobel İrsi Fondunun rəhbəri Toğrul Bağırov, Özbəkistandan gəlmiş müğənni Xurşənd Serov çıxışlarında Müslüm Maqomayevin unikal şəxsiyyət, təkrarsız ifaçı olduğunu vurğuladılar.

Qeyd edək ki, Müslüm Maqomayevin yaradıcılığı Azərbaycan mədəniyyəti tarixində xüsusi yer tutur. Onun səsinin sehri, zəngin yaradıcılığı unudulmaz sənət abidəsinə çevrilib. Sənətə vurğunluğu, dərin musiqi duyumu, yüksək səhnə mədəniyyəti onu Azərbaycan ifaçılıq sənətinin bir növ rəmzi kimi tanıdıb. Müslüm Maqomayev dünyanın ən möhtəşəm konsert salonlarındakı rəngarəng çıxışları ilə Azərbaycan mədəniyyətinə geniş şöhrət qazandırıb. 

O, 1968-ci ildə Azərbaycan Dövlət Konservatoriyasını SSRİ Xalq artisti, professor Şövkət Məmmədovanın sinfində bitirib. 1963-cü ildən Azərbaycan Dövlət Akademik Opera və Balet Teatrının solisti kimi fəaliyyətə başlayan Müslüm Maqomayevin C.Rossininin “Sevilya bərbəri” operasında yaratdığı Fiqaro obrazı ona böyük şöhrət gətirib.

Müğənninin ifasında “Koroğlu” (Ü.Hacıbəyli), “Şah İsmayıl” (M.Maqomayev), “Toska” (C.Puççini), “Aleko” (S.Raxmaninov) operalarından ariyalar,  Azərbaycan və xarici ölkə bəstəkarlarının onlarca estrada mahnıları xüsusi yer tuturdu. Keçmiş SSRİ-nin ən populyar estrada müğənnilərindən biri olan Müslüm Maqomayev, sözün əsl mənasında, ümumxalq  məhəbbəti qazanmışdı.

O, 1974-cü ildə təşkil etdiyi Azərbaycan Dövlət Estrada-Simfonik Orkestri ilə birgə ABŞ, Kanada, Fransa, Almaniya, Finlandiya, İsveçrə, İspaniya, İtaliya, Portuqaliya, Argentina, Braziliya, Polşa və başqa ölkələrdə böyük uğurla çıxış edib.

Sənətkar 1973-cü ildə “SSRİ Xalq artisti” fəxri adına layiq görülüb, 1997-ci ildə Azərbaycanın “Şöhrət”, 2002-ci ildə “İstiqlal” ordeni ilə təltif olunub.

XƏBƏRLƏR

13.11.2018 17:08
Azərbaycan stendində Türkiyənin Mədəniyyət və Turizm Nazirliyinin əməkdaşları ilə görüş keçirilib
13.11.2018 14:11
Azərbaycan Respublikasının mədəniyyət naziri Cəlilabad şəhərində vətəndaşları qəbul edəcək
13.11.2018 11:52
“Mədəniyyət.AZ” jurnalının yeni nömrəsində
13.11.2018 09:44
Daşkənddə “Hüseyn Cavid yaradıcılığı dünya dramaturgiyasının zirvəsidir” adlı beynəlxalq elmi konfrans keçirilib
12.11.2018 17:46
Gənc musiqiçilər Agdaş şəhərində maraqlı konsert proqramı ilə çıxış ediblər
12.11.2018 17:45
Şəkidə “Bölgələrdən-bölgələrə” yaradıcılıq festivalı növbəti tədbir keçirildi
12.11.2018 15:45
Milli Dram Teatrı ölkəmizi beynəlxalq festivalda təmsil edir
12.11.2018 14:56
“START” Beynəlxalq Qısa Filmlər Festivalında 100 ekran əsəri yarışacaq
12.11.2018 10:05
Lənkəranda keçirilən Çay, çəltik və sitrus festivalı bu sahələrin inkişafını təcəssüm etdirir
12.11.2018 09:33
Azərbaycan Xalq Cümhuriyyətinin 100 illik yubileyi İstanbul Kitab Fuarında qeyd olunub
12.11.2018 09:01
Ölkəmiz İstanbulda keçirilən 37-ci Beynəlxalq Kitab Sərgisində layiqincə təmsil olunub
09.11.2018 15:18
Akademik Milli Dram Teatrı Zaqatala, Balakən və Qaxda “Vəsiyyət” tamaşasını təqdim edib
09.11.2018 14:31
Xalq artisti Amalya Pənahova ilə vida mərasimi keçirilib
08.11.2018 21:26
Türkiyədə “Azərbaycan Xalq Cümhuriyyəti - 100. Biblioqrafiya” və “Qara Qarayev. Biblioqrafiya” kitablarının təqdimatı olub
08.11.2018 21:06
Musiqili Teatrda rejissorlar üçün ustad dərsləri
08.11.2018 20:49
Azərbaycan Dövlət Teatr Muzeyində növbəti tədbir Dövlət Bayrağı Gününə həsr olunub
08.11.2018 20:43
Hüseyn Cavidin “Seçilmiş əsərləri” Daşkənddə özbək dilində işıq üzü görüb
08.11.2018 20:09
Sumqayıt Regional Mədəniyyət İdarəsinin tabe müəssisələrində Bayraq Günü münasibətilə silsilə tədbirlər keçirilib
08.11.2018 19:58
Bakı Xoreoqrafiya Akademiyasında Dövlət Bayrağı Günü qeyd olunub
08.11.2018 19:34
Ağdaşda Maqsud Şeyxzadənin anadan olmasının 110 illiyi münasibətilə tədbir keçirildi
08.11.2018 17:48
“Mədəniyyət+Afişa” nəşrinin ilk sayı böyük maraq doğurub
08.11.2018 16:08
Amalya Əliş qızı Pənahova vəfat etmişdir
08.11.2018 15:49
And yerimiz - Azərbaycan bayrağı
08.11.2018 12:47
“Mədəniyyət” qəzetinin “Afişa” əlavəsi 1 saylı “ASAN Xidmət” mərkəzində vətəndaşlara paylanılıb
08.11.2018 11:21
Azərbaycan Respublikasının Xalq artisti, Dövlət mükafatı laureatı Amalya Əliş qızı Pənahova
08.11.2018 11:05
“Azərbaycan Respublikasının Dövlət bayrağı – 100 illik istiqlalımızın qürur mənbəyi” mövzusunda elmi-praktik konfrans keçirildi
08.11.2018 10:47
Heydər Əliyev Sarayında “Estrada mahnısı” müsabiqəsinin qaliblərinin qala konserti olub
08.11.2018 10:36
“Mənim payızımın çalarları” - Muzey Mərkəzində açılan növbəti sərgi belə adlanır
07.11.2018 21:09
Görkəmli Azərbaycan bəstəkarı Tofiq Quliyevin xatirəsinə həsr olunmuş vokal musiqi axşamı keçirildi