Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
371

Xalq artisti Məlik Dadaşovun xatirəsi yad edilib

İyunun 21-də Dövlət Film Fondunda Xalq artisti Məlik Dadaşovun 95 illik yubileyinə həsr olunmuş xatirə gecəsi keçirilib.

Gecədə Məlik Dadaşovun çəkildiyi filmlərdən ibarət slayd-şou göstərilib, sənət yoldaşları öz çıxışlarında aktyorla bağlı fikirlərini bölüşüblər.

Tədbirdə Azərbaycan Respublikası Kinematoqrafçılar İttifaqının birinci katibi, Əməkdar incəsənət xadimi Cəmil Quliyev bildirib ki, Məlik Dadaşov Azərbaycanda ilk rolunu 1947-ci ildə “Fətəli xan“ filmində oynayıb. Bu rol kiçik də olsa, yaddaqalan olub. Məhz bu tarixi gündən sonra o, kinomuzda onlarla yaddaqalan, maraqlı, zəngin, özünəməxsus dəstxəti ilə seçilən obrazlar yaradıb. “Məlik Dadaşovun Azərbaycan kinosunda yaratdığı hər bir obrazın özünəməxsus tarixçəsi var. İllər keçdikcə bu rollar daha da müasirləşir və tamaşaçıların rəğbətini qazanır”, - deyə C.Quliyev qeyd edib.

Kinorejissor, Əməkdar incəsənət xadimi Cahangir Mehdiyev aktyorla bağlı xatirələrini bölüşüb, onun milli kinomuzun inkişafında göstərdiyi xidmətlərdən danışıb.

Tədbirdə kinoşünas, Əməkdar mədəniyyət işçisi Əlisəftər Hüseynov çıxışında Məlik Dadaşovu Azərbaycan aktyorluq məktəbinin formalaşmasında, inkişaf etməsində və yeni mərhələyə qalxmasında çox böyük xidmətləri olan qüdrətli sənətkar kimi xarakterizə edib. Onun yaratdığı obrazların kiçik-böyük, mənfi-müsbət, zəif-qüvvətli prinsipləri ilə təsnif etməyin mümkün olmadığını bildirən Ə.Hüseynov aktyorun yaratdıqlarını yüksək sənətkarlıqla ortaya qoyduğunu diqqətə çatdırıb. Kinoşünas bildirib ki, o, Azərbaycanın həm teatr sənətinin, eyni zamanda kinonun inkişafında misilsiz xidmətləri olan bir şəxsiyyətdir. İstər epizodik rolda, istərsə də baş rolda çəkilməyin Məlik Dadaşov üçün heç bir əhəmiyyəti yox idi. “Onun üçün əsas, yaratdığı obrazı tamaşaçının yaddaşına hopdurmaq, həmin obrazın qısa zaman kəsiyində tərcümeyi-halını ortaya qoymaq olub. Bu mənada Məlik Dadaşovla Azərbaycan aktyorluq sənətində rəqabət aparacaq insan azdır”, - deyə Ə.Hüseynov bildirib.

Qeyd edilib ki, M.Dadaşov tarixi keçmişimizdən bəhs edən “Dəli Kür” bədii filmində bir sıra xarakterik obrazları oynayıb, onların daxili aləmini məharətlə açıb. Həmin filmdə onun böyük sənətkarlıqla canlandırdığı obraz Molla Sadıqdır. O, “Qarlı aşırım” filmində əvvəlki personajlardan tam fərqli olan Qəmlo obrazını da böyük sənətkarlıqla oynayıb. Görkəmli aktyor kinoda N.Nərimanov (“Birisi gün, gecəyarı”), Şeyx Nəsrullah (“O dünyadan salam”), Armen Xaçaturyans (“Fəryad”) Ohan yüzbaşı (“Hacı Qara”), müstəntiq (“Güllələnmə təxirə salınır”) kimi yaddaqalan, maraqlı obrazlara da ekran həyatı verib. Aktyorun yaradıcılığında Şeyx Nəsrullah və Qəmlo obrazları zirvədə dayanır.

XƏBƏRLƏR

21.09.2019 13:51
Çin Xalq Respublikasının nümayəndə heyəti Milli Xalça Muzeyində olub
21.09.2019 12:30
Neftçilərin Üzeyir Hacıbəyli festivalına musiqi töhfəsi
21.09.2019 10:58
Milli Dram Teatrı “Ölülər”i növbəti dəfə təqdim edəcək
20.09.2019 18:43
Dövlət Xidmətinin rəisi Maltanın UNESCO üzrə Milli Komissiyasının sədri ilə görüşüb
20.09.2019 18:05
Nazir Gəncə şəhərində mədəniyyət müəssisələrinin fəaliyyəti ilə tanış olub
20.09.2019 17:31
“Tarixi bilgilərin mədəniyyətin inkişafında rolu” mövzusunda növbəti seminar təşkil edilib
20.09.2019 14:56
Beynəlxalq Muğam Mərkəzində “Rast” dünyası” adlı konsert təqdim olunub
20.09.2019 11:54
Neftçilərin Üzeyir Hacıbəyli festivalına musiqi töhfəsi
20.09.2019 11:46
Şəhər və rayonlarda vətəndaşların növbəti qəbulları keçirilib
20.09.2019 10:53
Türkiyədə akademik Nizami Cəfərovun “Azərbaycan ədəbiyyatı tarixinin etüdləri” kitabı oxuculara təqdim olundu
20.09.2019 09:17
Qax rayonunda III Bal bayramı keçirilib
20.09.2019 09:06
Qobustan qoruğunda “Avropa irs günləri” qeyd olunub
20.09.2019 09:03
“Qədim Avropaya səyahət” adlı konsert proqramı təqdim olundu
19.09.2019 16:07
Qobustan qoruğunda "Avropa İrs Günləri" qeyd olunub
19.09.2019 15:10
Nizami Kino Mərkəzində “Azərbaycanda Rusiya filmləri həftəsi”nin açılış mərasimi keçiriləcək
19.09.2019 12:53
Ölkəmiz MDB ölkələri Mədəni Əməkdaşlıq Şurasının iclasında təmsil olunur
19.09.2019 10:18
Vüqar Əlinin “Rənglərin ritmi” adlı fərdi sərgisi
19.09.2019 10:03
Qarabağ Muğam Mərkəzində Üzeyir Hacıbəylinin əsərlərindən ibarət konsert proqramı təqdim olunub
19.09.2019 09:02
Bakıda Üzeyir Hacıbəyli XI Beynəlxalq Musiqi Festivalının təntənəli açılış mərasimi olub
18.09.2019 19:29
Üzeyir Hacıbəyli dühası: "Xəlqilik, millilik, beynəlmiləllik”
18.09.2019 16:36
Özbəkistanda “Azərbaycan kinosu günləri” keçiriləcək
18.09.2019 15:50
Milli Musiqi Gününə həsr edilmiş növbəti tədbir Üzeyir Hacıbəylinin ev-muzeyində təşkil edilib
18.09.2019 15:45
Milli Kitabxanada “Üzeyir Hacıbəyli – milli mədəniyyət mücahidi” adlı tədbir təşkil edilib
18.09.2019 14:31
Bakı Musiqi Akademiyasında Milli musiqi günü ilə bağlı mərasim keçirilib
18.09.2019 13:33
Ölkəmizdə Milli musiqi günü qeyd olunur