Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
839

YUNESKO-nun Dünya İrs Komitəsinin 43-cü sessiyası çərçivəsində “Dünya irsi. Gənc Peşəkarlar Forumu” işə başladı

İyunun 30-dan iyulun 10-dək Bakıda UNESCO-nun Dünya İrs Komitəsinin 43-cü sessiyası keçiriləcək. Mötəbər tədbir çərçivəsində iyunun 24-də Azərbaycan Memarlıq və İnşaat Universitetində “Dünya irsi. Gənc Peşəkarlar Forumu”nun açılış mərasimi keçirildi.

Memarlıq və İnşaat Universitetinin rektoru, professor Gülçöhrə Məmmədova çıxış edərək qonaqları salamladı. Bildirdi ki, Dünya İrs Komitəsinin 43-cü sessiyası ərəfəsində “Gənc peşəkarların forumu”nun təhsil ocağında keçirilməsi böyük əhəmiyyət kəsb edir.

Ölkəmizin zəngin mədəni irsi haqqında söz açan rektor Şirvanşahlar sarayı və Qız qalası ilə birlikdə İçərişəhər və Qobustan qoruğunun UNESCO-nun Dünya irsi siyahısına salınaraq bəşəri status qazandığını vurğuladı.

Gülçöhrə Məmmədova forum iştirakçılarına ölkəmizdə olduqları müddətdə Azərbaycanın memarlıq abidələri ilə yaxından tanış olmağı tövsiyə etdi və tədbirin işinə uğurlar arzuladı.

Mərasimdə çıxış edən UNESCO-nun Dünya İrs Komitəsinin Bakıda təşkil olunacaq 43-cü sessiyası ilə bağlı yaradılmış Təşkilat Komitəsinin sədri, mədəniyyət naziri Əbülfəs Qarayev forum iştirakçılarını salamladı. Qeyd etdi ki, Dünya İrs Komitəsinin Bakıda təşkil olunacaq 43-cü sessiyasının ilk tədbiri öz işinə başlayır. Belə bir tədbirin Azərbaycanda keçirilməsi ölkəmizin böyük uğurudur: “Biz bu uğura ölkə başçısı cənab İlham Əliyev və Birinci vitse-prezident, UNESCO-nun xoşməramlı səfiri Mehriban xanım Əliyevanın sayəsində imza atmışıq. Bu tədbirin gerçəkləşməsində Dünya İrs Komitəsinin səylərini və nazirliyin əməkdaşlarının da fəaliyyətini qeyd etmək lazımdır”.

Nazir diqqətə çatdırdı ki, sessiya üzrə ilk tədbir gənc nəslin dünya mədəni irsinin qorunmasına cəlb olunmasına həsr edilib: “UNESCO ilə Azərbaycan hökuməti dünya üzrə 800 namizəd arasından 30 nəfər seçərək bir həftə müddətində onların bizim təcrübəmizlə tanış olmağına imkan yaradıb. Forum çərçivəsində gənclər qarşılıqlı fikir mübadiləsi aparacaq və Azərbaycanın tarixi məkanlarına səfər edərək bu məkanların qorunma sistemi ilə tanış olacaqlar. Forumun sonunda iştirakçılar öz hesabatlarını təqdim edəcəklər. Gənclərin gözü ilə Azərbaycanda gedən proseslər haqqında fikirlər səslənəcək və mən əminəm ki, ölkəmizdə tarixi abidələrin qorunması sahəsindəki işlər müsbət qiymətləndiriləcək”.

Nazir ölkəmizin Dünya İrs Komitəsinin əməkdaşları üçün maraqlı olacağını dedi: “Onlar paytaxtın və regionların tarixi abidələri ilə tanış olmaq imkanı qazanacaqlar. Qonaqlar həmçinin müasir unikal tikililərlə də qarşılaşacaqlar”.

Daha sonra Dünya İrs Mərkəzinin direktoru Mextild Rosslerin iştirakçılara videomüraciəti təqdim edildi.

Müraciətdən sonra UNESCO üzrə Azərbaycan Respublikası Milli Komissiyasının baş katibi Elnur Sultanov çıxış etdi. O, Azərbaycan-UNESCO əlaqələrinin daha da genişlənməsində Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın müstəsna xidmətlərinin olduğunu vurğuladı.

Baş katib təşkilatla dinamik əməkdaşlığın həyata keçirildiyini, bir sıra mühüm nailiyyətlərin qazanıldığını və bu əməkdaşlığın daha da inkişaf etdirilməsi üçün geniş potensialın mövcud olduğunu diqqətə çatdırdı.

Elnur Sultanov onu da vurğuladı ki, Ermənistanın işğalı nəticəsində Azərbaycanın mədəni abidələri talan edilib, yaxud mənimsənilib.

Mədəniyyət Nazirliyi Aparatı rəhbərinin müavini – Beynəlxalq əlaqələr və innovativ inkişaf şöbəsinin müdiri Vasif Eyvazzadə çıxış edərək forumun proqramı haqqında məlumat verdi. Bildirdi ki, iyulun 2-dək keçiriləcək forumun mövzusu “Dünya irsi: qlobal çağırışlar üçün yerli ideyalar” adlanır. Tədbirin məqsədi XXI əsrdə dünyada mədəni irsin idarə edilməsində mövcud problemlər və imkanların üzə çıxarılmasıdır. Forumun ilk 4 gündəki tədbirləri Memarlıq və İnşaat Universiteti ilə yanaşı, “İçərişəhər” Dövlət Tarix-Memarlıq Qoruğu İdarəsi, Qobustan qoruğu və tarixi Qəbələ-İsmayıllı-Lahıc bölgəsində gerçəkləşəcək. Əcnəbi və yerli irs ekspertlərinin iştirakı ilə bir sıra təqdimatlar ediləcək, dəyirmi masalar keçiriləcək. İştirakçılar 1972-ci il “Dünya mədəni və təbii irsinin qorunması ilə bağlı Dünya İrs Konvensiyası”na dair praktiki biliklər əldə edəcəklər. Qonaqlar həmçinin BMT-nin Dayanıqlı İnkişaf Məqsədləri və Yeni Şəhər Gündəliyinin qlobal konsepsiyaları ilə tanış olacaqlar. Sonda forum iştirakçıları Dünya İrs Komitəsinin 43-cü sessiyasında öz bəyannamələrini təqdim edəcəklər.

Şöbə müdiri sonda foruma qatılan gənc iştirakçıları və qonaqları Təşkilat komitəsinin sədrinə təqdim etdi.

Açılış mərasiminin ardınca Mədəniyyət Nazirliyi ilə Azərbaycan Memarlıq və İnşaat Universiteti arasında təhsil, innovasiya, elm, ixtisasartırma və məşğulluq sahəsində əməkdaşlığa dair anlaşma memorandumu imzalandı.

Qeyd edək ki, “Dünya irsi. Gənc Peşəkarlar Forumu” üzrə günün ikinci yarısında Azərbaycan Respublikası Memarları Elm və Təhsil Komissiyasının üzvü Səbinə Hacıyevanın “Azərbaycan irsinin görünüşü: Şərq və Qərbin harmoniyası”, Raymond Lemaire Beynəlxalq Mərkəzinin prezidenti, professor Bayan Minja Yangın “Mədəni irsin qorunması və bərpası” mövzusunda məruzələri dinləniləcək. Təşkil olunacaq dəyirmi masada UNESCO-nun Şəhər dizaynı və mühafizəsi kafedrasının professoru Maykl Turner və başqalarının iştirakı ilə müxtəlif mövzularda müzakirələr aparılacaq.

XƏBƏRLƏR

18.07.2019 14:48
Bakı Uşaq Teatrı mövsümə yekun vurdu
18.07.2019 12:42
“Nəsimi poeziyasının nurunda” adlı dəyirmi masa təşkil olunub
18.07.2019 10:43
BMT təsisatlarına Azərbaycan haqqında kitablar hədiyyə olunub
18.07.2019 10:35
“Mortimer Reisemagazin” jurnalı Şəki Xan Sarayından yazır
17.07.2019 14:42
İrəvan Teatrı mövsümü “Ürəyində arzu tut” tamaşası ilə bağlayıb
17.07.2019 10:31
Ulu öndərin hakimiyyətə gəlişinin 50 illiyi münasibətilə Ağcəbədidə dəyirmi masa təşkil olunub
17.07.2019 08:34
Lənkəran teatrı 128-ci mövsümə yekun vurub
16.07.2019 19:22
Əməkdar memar, akademik Rasim Əliyevin 85 illik yubileyi qeyd olundu
16.07.2019 17:20
“YUĞ” Teatrında U.Şekspirin “III Riçard” əsərinin məşqlərinə başlanılıb
16.07.2019 15:45
Mədəniyyət Nazirliyinin dəstəyi ilə yeni kitablar işıq üzü görüb
16.07.2019 15:32
“Muzey əşyalarının daimi mühafizə portalı”nın yenidən işlənilmiş proqram təminatının istifadə qaydalarına dair təqdimat – treninqin ikinci mərhələsi keçirildi
15.07.2019 17:25
Mədəniyyət naziri Əbülfəs Qarayev Pakistan Gilgit-Baltistan əyalətinin baş naziri ilə görüşüb
15.07.2019 16:26
Azərbaycanlı tələbələr ölkəmizi Bolqarıstanda keçirilən beynəlxalq festivalda təmsil edib
15.07.2019 15:28
Ağstafada ulu öndərin hakimiyyətə gəlməsinin 50 illiyi münasibətilə tədbir keçirilib
15.07.2019 15:17
İmadəddin Nəsiminin yaradıcılığına həsr olunmuş rəsm müsabiqəsi davam edir
15.07.2019 14:11
İsmayıllıda ümummilli liderin hakimiyyətə gəlməsinin 50-ci ildönümünə həsr olunmuş tədbirlər keçirilib
15.07.2019 12:39
Şəkili Əməkdar müəllim: UNESKO-nun qərarı bütövlükdə Azərbaycan mədəniyyətinin uğuru və qələbəsidir
15.07.2019 12:32
Milli Dram Teatrı mövsümü “Qarabağnamə” ilə bağlayıb
15.07.2019 08:44
Azərbaycanın Əməkdar artisti, dirijor Əyyub Quliyev ölkəmizi beynəlxalq festivalda təmsil edib
15.07.2019 08:43
“Ürəyində arzu tut” tamaşası Şəkidə nümayiş edilib