Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
12.01.2018 09:12
“Turizm haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının QanunuAzərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci və 23-cü bəndlərini rəhbər tutaraq, “Turizm haqqında” Azərbaycan Respublikasının Qanununu “Azərbaycan Respublikasının Miqrasiya Məcəlləsində dəyişikliklər edilməsi haqqında” Azərbaycan Respublikasının 2017-ci il 30 iyun tarixli 761-VQD nömrəli Qanununa uyğunlaşdırmaq məqsədi ilə qərara alır: “Turizm haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 1999, № 7, maddə 394; 2004, № 4, maddə 203, № 6, maddə 396; 2007, № 8, maddə 751; 2014, № 11, maddə 1341; 2016, № 12, maddə 2035; 2017, № 6, maddə 1030, № 7, maddə 1276) 7-1.6-cı maddəsinə “günü” sözündən sonra “, elektron vizanın sürətləndirilmiş qaydada alınması üçün müraciət edildikdə isə ən geci 3 saat” sözləri əlavə edilsin.   İlham Əliyev Azərbaycan Respublikasının Prezidenti Bakı şəhəri, 29 dekabr 2017-ci il. ..
11.01.2018 09:10
Prezident: “Turizmin inkişafı ilə bağlı əlavə tədbirlər görüləcək”Turizmin inkişafı ilə bağlı bu il də əlavə tədbirlər görüləcək. 2016-cı ildə xarici turistlərin gəlişi 24 faiz artıb, keçən il isə əlavə daha 20 faiz artım olub və rekord səviyyəyə çatıb”. Bunu Azərbaycan prezidenti İlham Əliyev Nazirlər Kabinetinin 2017-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında deyib. Dövlət başçısı bildirib ki, Azərbaycana 2,7 milyon xarici vətəndaş gəlib: “Bu, çox müsbət haldır. Bunun səbəbləri var, - əlbəttə, mən bu barədə dəfələrlə danışmışam, - həm sabitlik, təhlükəsizlik, qonaqpərvərlik, müasir infrastruktur, tarixi abidələrimiz və turizm sahəsinə göstərilən dövlət dəstəyi və əminəm ki, eyni zamanda, beynəlxalq tədbirlər, beynəlxalq yarışlar turistləri ölkəmizə cəlb edir. Sevindirici hal ondan ibarətdir ki, keçən il turistlər bank kartları ilə 70 faiz çox pul xərcləmişlər. Turistlərin sayı cəmi 20 faiz artmışdır, amma xərclənən pul 70 faiz artmışdır. Bu da çox müsbət haldır. Turizm də ixracın bir növüdür, çünki turizm ölkəyə valyuta gətirir”. ..
10.01.2018 09:16
Dünya ölkələrinin mədəniyyətlərindən yazan “The Culture Trip” portalı Azərbaycan haqqında silsilə məqalələr yayıbDünya ölkələrinin mədəniyyətlərindən yazan “The Culture Trip” portalı Azərbaycan haqqında silsilə məqalələr yayıb. Məqalələrdə ölkəmizin görməli yerləri və turizm potensialı barədə ətraflı məlumat verilib. Müəllif Sam Bedford təqdim etdiyi reportajlarında Azərbaycanın təbiəti, paytaxt Bakının simvolu olan Qız qalası, “Alov qüllələri” kompleksi, Atəşgah məbədi barədə ətraflı söz açır. O, Azərbaycanda turistlərin diqqətini cəlb edə biləcək kifayət qədər gözəl məkanların olduğunu vurğulayır. “Azərbaycana gəlmək üçün 11 səbəb“ adlı məqalədə Bakının tarixi yerləri, qədim tikililəri və müasir binaları haqqında məlumatlar yer alıb. Dünyanın böyük şəhərlərində təmizliyin problem olduğunu deyən müəllif Bakının indiyədək gördüyü ən təmiz şəhərlərdən biri olduğunu vurğulayır: “Bakı bulvarı Bayraq və Azadlıq meydanları daxil olmaqla bir neçə kilometr uzanır. “Ağ Şəhər”dən başlayaraq “Alov qüllələri”nədək olan istiqamətdə bulvar boyunca alış-veriş mərkəzləri, kafe və restoranlar yerləşir. Digər paytaxt şəhərlərlə müqayisədə Bakı təhlükəsiz məkandır. Burada gecələr də rahat gəzib istirahət etmək mümkündür”. Müəllifin “Azərbaycanda 24 saatı necə keçirmək olar”, “Azərbaycana 2 həftəlik səyahət marşrutu”, “Azərbaycana ən yaxşı turlar”, “Bakıda 20 görməli yer”, “5 ən yaxşı çimərlik” başlıqlı yazılarında qədim İçərişəhər, Şirvanşahlar sarayı, Azərbaycan Xalça Muzeyi, məşhur Nizami küçəsi, Bakı Venesiyası və digər məkanlardan söz açılır. Sam Bedford bu məkanları dünyanın bir çox məşhur yerləri ilə müqayisə edir. Həmçinin müəllif Şəki, Gəncə, Quba, Lənkəran, Şamaxı, Qəbələ və Qazax haqqında da turizm həvəskarlarına məlumat verir. Yazılarda Azərbaycanda “ASAN Viza” sisteminin tətbiqindən də bəhs edilir. Müəllif “Azərbaycanda turistlərə lazım olacaq 21 ifadə” yazısında ölkədə rus dilinin ikinci ən çox işlənən dil olduğunu bildirir. O, “salam”, “bəli”, “xeyr”, “buyur”, “sağ”, “sol”, “hələlik” də daxil olmaqla 21 ifadənin ingiliscə qarşılığını göstərərək səyahətə gələnlərin bu sözləri diqqətlə öyrənmələrini tövsiyə edir. Sam Bedford, həmçinin Azərbaycan musiqisi barədə məlumat verir. “Azərbaycanın ən yaxşı pop musiqiləri” başlıqlı məqaləsində müəllif tanınmış estrada və pop ifaçılarına diqqət çəkir. 2011-ci ildə keçirilən “Avroviziya” mahnı müsabiqəsindən sonra Azərbaycanın daha çox məşhurlaşdığını bildirən müəllif muğamlarımıza və meyxana janrına da diqqət çəkir. ..
09.01.2018 17:30
“Elm tədqiqatdan başlayır” layihəsi çərçivəsində təlim keçirilibAzərbaycan Turizm və Menecment Universitetinin Xidmət mühəndisliyi fakültəsi “Beynəlxalq münasibətlər” kafedrasının təşkilatçılığı ilə “Sosial iş” ixtisası üzrə təhsil alan tələbələr, magistr və doktorantlar üçün “Elm tədqiqatdan başlayır” layihəsi çərçivəsində təlim keçirilib. Təlimin təşkilatçısı kafedra müdiri Kənan Allahverdiyev və təlimin moderatoru isə kafedranın müəllimi Ayşəm Balayeva  idi. Təlimlərin keçirilməsində məqsəd elm sahəsində mövcud kadr potensialını, o cümlədən elmi tədqiqat problemləri ilə məşğul olan gənc mütəxəssislərin, eləcə də elmdə peşəkar idarəçilik funksiyalarını həyata keçirməyə qadir olan kadrların hazırlığını təmin etməklə, elmi potensialı ölkənin sosial-iqtisadi və mədəni-mənəvi inkişafına yönəltməkdir. Təlimlər zamanı gənclərə düzgün elmi tədqiqatın aparılması, tədqiqat nəticələrinin təhlili ilə bağlı məlumatlar verilib, xüsusi analiz proqramı olan SPSS proqramında bazanın yaradılması, məlumatların daxil edilməsi və təhlili ilə bağlı biliklər verilib, tələbələrə, magistr və doktorantlara proqramda işləmə texnikası öyrədilib.  ..
08.01.2018 17:06
2017-ci ildə ölkəyə gələn xarici vətəndaşların sayında artım müşahidə edilmişdir2016-cı il ilə müqayisədə 2017-ci ildə ölkəmizə gələn xarici vətəndaşların sayı 449 215 (20%) nəfər artaraq 2 691 998 nəfər olmuşdur ki, bu da indiyə qədər müşahidə edilmiş ən yüksək göstəricidir. Onlardan 853 082 Rusiya Federasiyası, 537 710 Gürcüstan, 362 597 İran, 301 553 Türkiyə, 102 360 Birləşmiş Ərəb Əmirlikləri,  62 454 İraq, 57 756 Ukrayna, 33 273 Səudiyyə Ərəbistanı, 381 213 nəfəri isə digər ölkələrin vətəndaşları olmuşdur.  Xarici vətəndaşlar daha çox iyul ayında gəlmişdir ki, bu da 313 515 nəfər olmuşdur. 2017-ci ildə ölkəmizə gələn xarici vətəndaşların ümumi sayında Rusiya, Gürcüstan, İran, Türkiyə və BƏƏ vətəndaşlarının xüsusi çəkisi daha çox olmuş və müvafiq olaraq 31,6 faiz, 19.9 faiz, 13.4  faiz, 11.2 faiz və 3.8 faiz təşkil etmişdir.    2017-ci ildə əsas artım tempi göstərən ölkələr İran, BƏƏ, Rusiya və Səudiyyə Ərəbistanı olmuşdur.  2016-cı il ilə müqayisədə 2017-ci ildə Səudiyyə Ərəbistanından 4.5 dəfə, Omandan 7.4 dəfə, BƏƏ-dən 1.9 dəfə, İrandan 1.4 dəfə, Hindistandan 2.3 dəfə çox xarici vətəndaş gəlmişdir. Lakin Türkiyədən Azərbaycana gələnlərin sayında 11 790 nəfər azalma müşahidə edilmişdir. Sevindirici haldır ki,  Avropa, Körfəz və Yaxın Şərq,  Asiya, Afrika, Amerika regionu üzrə gələnlərin sayında  artım baş vermişdir.  Daha ətraflı məlumatı aşağıdakı linkdən əldə edə bilərsiniz: http://mct.gov.az/az/turizm-statistikasi ..
05.01.2018 10:46
Özbəkistan elektron viza ilə bağlı Azərbaycanın təcrübəsini tətbiq edəcəkÖzbəkistan hökuməti elektron viza verilməsində Azərbaycanın və Gürcüstanın təcrübəsini tətbiq edəcək. Yerli medianın məlumatına görə, Özbəkistanın Dövlət Turizm Komitəsi hazırda bu məsələ üzərində işləyir. Qeyd edilib ki, elektron viza sistemi dünyanın müxtəlif ölkələrində tətbiq olunur və müsbət nəticələrini verir. Azərbaycan və Gürcüstanın təcrübəsi Özbəkistana daha çox uyğundur. Xatırladaq ki, Azərbaycan Prezidentinin fərmanı ilə 2016-cı il iyunun 1-dən ölkədə “ASAN Viza” sistemi tətbiq olunur. ..
05.01.2018 10:14
Bayram günləri Şahdağa turist axını olmuşdurArtıq 6-cı mövsümdür ki, “Şahdağ” Turizm Mərkəzində Yeni il tətilini tam fərqli abu-havada qarşılamaq istəyənlər üçün xüsusi bayram şənlikləri təşkil olunur. Sözsüz ki, bayram günləri qış turizm mövsümünün ən gözlənilən anlarıdır. Bayram tətilini əsl qış mühitində, qarlı dağların əhatəsində və təmiz dağ havasında keçirmək istəyənlər üçün isə Şahdağ ideal məkan olduğundan buraya üz tutan turistlərin sayı ilbəil durmadan artır. Hər il olduğu kimi bu il də Yeni il tədbirləri qonaqlara əsl bayram əhval-ruhiyyəsi yaşadaraq, onlarda maraqlı və unudulmaz təəssüratlar yaratmışdır. Bayram ərəfəsində 5 istirahət günü ərzində mərkəzi 16.000-dən çox turist ziyarət etmişdir. Onlardan 40 %-dən çoxu məhz xizək sürmək üçün mərkəzə üz tutan xizək həvəskarları olmuşdur. Qeyd edək ki, bayram günlərində turistlərin isirahətini və bayram tətillərini ən yüksək səviyyədə təşkil etmək üçün turizm mərkəzi gücləndirilmiş iş rejimində çalışmışdır. ..
29.12.2017 14:31
“Baku Guide” bələdçi kataloqunun növbəti sayı çapdan çıxıb“Baku Guide” bələdçi kataloqunun yeni il üçün ilk sayı çapdan çıxıb. Mədəniyyət və Turizm Nazirliyinin dəstəyi ilə ingilis və rus dillərində nəşr olunan kataloqun 2018-ci il yanvar buraxılışı da müxtəlif zövqə malik səyahət həvəskarlarının ürəyincə olacaq informasiyalarla zəngindir. Kataloqda “Sənət və mədəniyyət”, “İnfo-bələdçi”, “Mədəni irs və tarixi məkanlar”, “Əyləncə”, “Şopinq” və digər başlıqlarda olan məlumatlar paytaxtımıza təşrif buyuran qonaqlara, eləcə də ölkə vətəndaşlarına istirahətlərini rahat və gözəl şəkildə təşkil etməkdə yardımçı olacaq. Bələdçinin “Bakını tanı” bölməsində “Salam Bakı”, “Paytaxtdakı möcüzələr”, “Muğam – damarda axan qan kimi”, “Odlar ölkəsinin qış nağılı”, “Paytaxtın qış menyusu”, “Milli geyimlər” adlı məqalələr ilk səhifədən ölkənin mədəni mənzərəsini seyr etmək imkanı yardır. “Sənət və mədəniyyət”  bölməsində rəngarəng illüstrasiyalarla təqdim olunan yazılarda qədim şəhərin həm ənənəvi, özünəməxsus koloriti, həm də ultramüasir yenilikləri, eləcə də mövsümə uyğun özəllikləri diqqəti çəkir. Yeni il tətilini Azərbaycan paytaxtında keçirmək istəyənlər bayram əhvallarına rəng qatmaq üçün mədəniyyət müəssisələri – teatrlar, muzeylər, qalereyalar, konsert salonları haqqında məlumatlarla tanış ola bilərlər. Bu məlumatlar sübut edir ki, paytaxtımıza gələn hər bir səyahətçini maraqlı istirahət və əyləncə gözləyir. “Yemək və içkilər” bölməsində düşbərədən xingala, xaş və pitidən dolmayadək Azərbaycan mətbəxinin ləziz yeməkləri haqqında dadlı məlumat verilir. Həmçinin milli mətbəximizin sevilən dadı dolmanın 2017-ci ildə UNESCO-nun Qeyri-maddi mədəni irs siyahısına Azərbaycan ənənəsi kimi daxil olması haqqında məlumat dərc edilib. Bakının çay mədəniyyəti, simvola çevrilən armudu stəkan, milli şirniyyatlar haqqında da eyni bölmədə məlumat almaq mümkündür. Paytaxtımıza uşaqları ilə gəlmək istəyən qonaqlar “Bakı ən balacalar üçün” başlıqlı yazını diqqətlə oxuya bilərlər. Paytaxtda uşaqların əyləncə məkanları, onların sevincinə sevinc qatacaq oyunlar və daha nələr lakonik şəkildə oxucuya təqdim edilir. Minilliklərin vərəqləndiyi Qobustan, Yanardağ  və Atəşgah qoruqlarına baş çəkə, “Bakının memarlıq inciləri”ni gözdən keçirə, Azərbaycanın milli geyimləri haqqında məlumat əldə edə və təbii ki, şəhərimizdən bir də xoş xatirəli hədiyyə ilə getmək istəyirsinizsə, “Turist Bakıda nə ala bilər” yazısını oxuya bilərsiniz. Ənənəvi olaraq “Baku Guide” bələdçisinin bu sayında da paytaxtın teatr və konsert müəssisələrinin aylıq repertuarı, yanvar ayında gözlənilən əlamətdar mədəniyyət tədbirlərinin afişası, kino nümayişi mərkəzləri haqqında məlumatlar yer alıb. Azərbaycanda təbii iqlim müxtəlifliyi ilboyu istirahət üçün geniş imkanlar açır. Kataloqda son illər ölkədə qış turizminin populyar ünvanı olan Qusar rayonundakı Şahdağ Turizm Mərkəzi haqqında məlumat, Odlar yurdunda qış istirahəti imkanları barədə ətraflı informasiya verilir. Kataloqun bu sayında həmçinin turistlər üçün maraq kəsb edən “ASAN Viza” xidməti, hotellər, şəhərdəki məşhur restoran və kafelər, şopinq həvəskarları üçün iri ticarət mərkəzləri, əyləncə axtaranlar üçün karaoke və gecə klubları, kinoteatrlar barədə məlumatlar da oxuculara bələdçilik edir. Bu məlumatlara turistlər üçün zəruri bilgilər, turizm informasiya mərkəzlərinin, paytaxtımızdakı xarici ölkə səfirliklərinin və s. ünvan və telefonları da əlavə olunur. ..
26.12.2017 12:57
ATMU-da cari il ərzində respublika üzrə 117 , beynəlxalq səviyyəli jurnallarda isə 35 elmi tədqiqat işinin nəticələrinə dair məqalə çap edilibAzərbaycan Turizm və Menecment Universitetində elmi-tədqiqat fəaliyyətinin həyata keçirilməsi istiqamətində 10 kafedra və 1 şöbə (Tədqiqat və İnkişaf) fəaliyyət göstərir. Bu qurumlarda elmi potensiallı 10 elmlər doktoru və 103 elmlər namizədi çalışır. ATMU-nun “Tədqiqat və  inkişaf”  şöbəsinin bölmə rəhbəri, kimya üzrə fəlsəfə doktoru Qahirə Məmmədova 22 dekabr 2017-ci il tarixində ali təhsil müəssisəsində cari ilin elmi tədqiqat işlərinin yekunlarına həsr olunan ümumuniversitet konfransında qeyd etdi ki, universitet əməkdaşları müxtəlif elm sahələri üzrə 10 elmi istiqamətdə 53 elmi-tədqiqat işi aparır. Elmi-tədqiqat işlərinin əksəriyyəti Azərbaycan Respublikasında tarixi-mədəni və rekreasiya potensialının, rekreasiya turizminin inkişaf etdirilməsinin strateji istiqamətlərinin, marketinq mühitinin yaradılması və yeni marketinq strategiyalarının tətbiqi xüsusiyyətlərinin və Azərbaycanın tarixinin, mədəniyyətinin müxtəlif aspektlərdən araşdırılması və onun turizm sferasında təmsil edilməsi problemlərinin tədqiqinə həsr olunub.  Daha sonra diqqətə çatdırılıb ki, 2017-2020-ci illəri əhatə edən mövzu planına uyğun olaraq kafedralarda hesabat ili daxil olmaqla ATMU-da Turizmin inkişafı məqsədilə Azərbaycan Respublikasında tarixi-mədəni və rekreasiya potensialının tədqiqi; Turizm sahəsində dövlət siyasətinin prioritet istiqamətlərini nəzərə almaqla qonaqpərvərlik sənayesinin inkişafı; Effektiv menecment vasitəsilə təşkilatların davamlı inkişafının optimal mexanizmlərinin qurulma prosesi; Sosial sahələrdə yeni marketinq modellərinin yaradılması istiqamətləri; Turizm sektorunun investisiyalaşdırılması və maliyələşdirilməsi problemləri; Turizmin inkişafı məqsədilə Azərbaycan Respublikasında turizm sahəsi üçün kadr hazırlığının təkmilləşdirilməsi; Müxtəlif dil fənlərinin tədrisi prosesində informasiya kommunikasiya texnologiyalarından istifadə; Azərbaycanda mədəni turizmin inkişafında humanitar aspektlərin araşdırılması; Azərbaycan Respublikasının milli təhlükəsizliyinin etnosiyasi amilləri; Turizmin inkişafı məqsədilə Azərbaycan Respublikasında informasiya texnologiyalarının inkişafına dair araşdırmalar uğurla davam etdirilir. Bundan başqa dissertasiya mövzuları üzrə 46 nəfər doktorant araşdırma aparır. Hesabat dövründə Tədqiqat və İnkişaf şöbəsində 9 tədqiqat layihəsi həyata keçirilib. Onlardan 5-də tədqiqat tam şəkildə aparılıb, 4 layihə üzrə arayış hazırlanaraq müvafiq təşkilatlara təqdim edilib. ..