“1 avqust Azərbaycan Əlifbası və Azərbaycan Dili günüdür” adlı kitab sərgisinin açılışı olmuşdur
İyulun 31-də Azərbaycan Milli Kitabxanasında “1 avqust Azərbaycan Əlifbası və Azərbaycan Dili günüdür” adlı kitab sərgisinin açılışı olmuşdur. Tədbiri Milli Kitabxananın direktor müavini Ədibə İsmayılova açaraq əvvəlcə tədbir iştirakçılarını salamlamış, sonra o, Azərbaycan Əlifbasının və Azərbaycan Dilinin tarixi, bugünə kimi keçdiyi şərəfli inkişaf yolu, dilimizin zənginliyi, dilimizə dövlətimiz tərəfindən göstərilən qayğı haqqında ətraflı məlumat vermişdir. Kitabxananın şöbə müdirləri Əsədova Rəna, Hüseynova Gülər Azərbaycan dilinin sadəliyindən, aydınlığından bəhs etmişlər. Sonra isə tədbir iştirakçıları “1 avqust Azərbaycan Əlifbası və Azərbaycan Dili günüdür” adlı kitab sərgisi ilə tanış olmuşlar. Sərgi tədbir iştirakçıları və oxucular tərəfindən böyük maraqla qarşılanmışdır.