Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
399

Azərbaycan Milli Xalça Muzeyi Mərakeş muzeyləri ilə əməkdaşlığa başlayıb

Azərbaycan Milli Xalça Muzeyi bu gün dünyanın aparıcı muzeyləri ilə sıx əməkdaşlıq edir. Bu əməkdaşlıq nəticəsində muzeylər arasında imzalanmış Anlaşma Memorandumlarına əsasən xarici muzeylərdə Azərbaycan xalçalarından ibarət tematik sərgilər və mühazirələr təşkil olunur, iki ölkə mədəniyyət sahəsində birgə layihələr həyata keçirilir, elmi konfranslar təşkil olunur, xarici kolleksiyalarda qorunan Azərbaycan xalçaları üzərində elmi-tədqiqat işləri aparılır, xalçalarımız kataloqlaşdırılır. Bütün bunlar Azərbaycan Respublikasının Prezidenti cənab İlham Əliyevin xalça sənətinin qorunması, saxlanılması və inkişaf etdirilməsi sahəsində imzalanmış sərəncamlara əsasən həyata keçirilir.

Ölkəmizin muzey tarixində ilk dəfə olaraq Azərbaycan Milli Xalça Muzeyi Afrika-Ərəb regionuna daxil olan Mərakeş muzeyləri ilə əməkdaşlıq əlaqələri qurub.

Mərakeş Krallığının Azərbaycan Respublikasındakı Səfirliyi və bu ölkənin Milli Muzeylər Fondunun dəstəyi ilə Mərakeşdə səfərdə olan Azərbaycan Milli Xalça Muzeyinin direktoru Şirin Məlikova bir sıra görüşlər keçirib, əməkdaşlıq protokolu imzalayıb.

Mərakeş Krallığının Mədəniyyət, Gənclər və İdman naziri cənab Əlhəsən Abyaba ilə görüş zamanı nazir iki ölkənin mədəniyyətini birləşdirən proqramın keçirilməsini təklif edib. Proqram çərçivəsində ölkələrimizin musiqisi, muzey işi və milli mədəni irsin təbliği sahəsində müxtəlif layihələrin keçirilməsi nəzərdə tutulub.

Nazir Ə.Abyaba ilə görüş zamanı Ş.Məlikova Azərbaycan Respublikasının Mədəniyyət naziri Əbülfəs Qarayevin salamlarını ona çatdırmış, ölkəmizdə dövlət tərəfindən aparılan siyasi-iqtisadi və mədəni sahədə, xüsusilə milli irsin qorunması istiqamətində aparılan uğurlu işlər barədə ətraflı məlumat verib, iki ölkə arasında mədəni əlaqələrin qurulması, birgə layihələrin həyata keçirilməsi məsələlərini müzakirə edib.

Görüşün sonunda Azərbaycan Milli Xalça Muzeyinin 50 illik fəaliyyətinə həsr olunmuş kitab Mərakeş nazirinə hədiyyə olunub.

Səfər zamanı Mərakeş Milli Muzeylər Fondunda da görüş keçirilib. 2011-ci ildə yaranmış Mərakeş Milli Muzeylər Fondunun məqsədləri – ölkədə muzey sahəsinin inkişafı, muzey kadrlarının yetişdirilməsi, dünyada tanınmış muzey sərgilərinin Mərakeşdə nümayiş olunması, Mərakeş incəsənətinin dünyaya təbliğidir. Bu günə qədər təşkilat tərəfindən beş muzey fəaliyyətə başlayıb. Onların sırasında Tarix və Sivilizasiyalar Muzeyi, VI Məhəmməd Müasir İncəsənət Muzeyi və Milli Fotosənəd Muzeyi (Rabat şəhəri), Dar Al Başa Muzeyi və Dar Si Said Xalça və Toxuculuq Muzeyi (Marrakeş şəhəri) qeyd etmək olar. Təqdirəlayiq haldır ki, muzeylər tarixi binalarda yerləşdirilərək onların bərpası və qorunması da həyata keçirilir. Bütün quruculuq və konsepsiya işləri yerli mütəxəssislər tərəfindən reallaşdırılır.

Bu gün Mərakeş Milli Muzeylər Fondu Quqqenhaym, Dövlət Ermitajı, Çin Milli Muzeyi, Luvr, Orsey, Jorj Pompidu Mədəniyyət Mərkəzi kimi mədəniyyət ocaqları ilə əməkdaşlıq edir, birgə layihələr həyata keçirir. Sevindirici haldır ki, bu muzeylər sırasında Azərbaycan Milli Xalça Muzeyi də var.

Azərbaycan Milli Xalça Muzeyinin direktoru Şirin Məlikova Mərakeş Milli Muzeylər Fondunun prezidenti Mehdi Qotbi ilə görüş keçirib. İkitərəfli görüşdə birgə layihələr müzakirə olunub və əməkdaşlıq memorandumu imzalanıb. Xüsusi ilə qeyd edək ki, muzey sahəsində Azərbaycanda ilk dəfə Mərakeş muzeyləri ilə əməkdaşlıq sazişi imzalanıb. Fondun prezidenti cənab Mehdi Qotbi bildirmişdir ki, dost Azərbaycanın milli mədəni irsi, adət-ənənələri və müasir incəsənəti 44 milyon əhalisi olan Mərakeş Krallığında böyük maraqla qarşılanacaq. Bu gün dünyada xalça sahəsində qabaqcıl muzeylərdən biri olan Azərbaycan Milli Xalça Muzeyi tərəfindən tekstil eksponatlarının qorunması, sərgilənməsi və bərpa təcrübəsinin Mərakeş muzeylərində tanıdılması, Azərbaycan-Mərakeş ənənəvi xalça toxuculuğu üzrə mübadilə proqramları, birgə sərgilərin keçirilməsi məsələləri müzakirə olunub.

Mərakeş Milli Muzeylər Fonduna “Ənənəvi texnologiya” şöbəsində hazırlanan “Malıbəyli” xalçası və muzeyin nəşrləri – “Azərbaycan Xalça Muzeyi 50”, “Azərbaycan Xalça Muzeyinin kolleksiyasından bədii tikmələr” və “Lətif Kərimov” kitabları hədiyyə edilib.

Mərakeş Krallığına səfər zamanı Şirin Məlikova Rabat şəhərində fəaliyyət göstərən muzeylər – Tarix və Sivilizasiyalar Muzeyi, VI Məhəmməd Müasir İncəsənət Muzeyi ilə tanış olub. Müasir İncəsənət Muzeyinin direktoru Abdelaziz El İdrissi ilə görüş zamanı bu muzeylərdə birgə layihələrin keçirilməsi, iki ölkənin xalça irsinin təbliği məqsədi ilə sərgilərin təşkili haqqında fikir mübadiləsi aparılıb.

Qeyd edək ki, VI Məhəmməd Müasir İncəsənət Muzeyi Mərakeşin aparıcı muzeyidir. Burada Fransanın Luvr və Orsey, Jorj Pompidu Müasir İncəsənət muzeyləri, İspaniyanın Pablo Pikasso Muzeyinin sərgiləri keçirilib, Rabat incəsənət biennaleləri təşkil olunur.

Mərakeş Krallığına səfər çərivəsində Azərbaycan Milli Xalça Muzeyinin direktoru Şirin Məlikova Marrakeş şəhərinin Dar El Başa Muzeyi, Dar si Said xalça və toxuculuq muzeyi, Bərbər tayfalarına həsr olunan muzeyi və İv San Loran muzeyinin ekspozisiyası ilə tanış olub. Dar El Başa Muzeyi və Dar Si Said Xalça və Toxuculuq Muzeyinin direktoru Salima Aitmbareklə görüş zamanı iki mədəniyyət ocaqları arasında gələcək əməkdaşlıq, o cümlədən, xalça toxuculuğu üzrə ustad dərsləri və mühazirələrin mübadilə proqramları, bizim və bərbər tayfalarının xalçaçılıq sənəti sahəsində mədəni irsin elmi araşdırılması müzakirə olunub.

Qeyd edək ki, Marrakeş şəhəri ölkənin turist paytaxtı sayılır. Bura il ərzində çoxsaylı qonaqlar gəlir, beynəlxalq musiqi və film festivalları təşkil olunur, bunun nəticəsində muzeyləri ziyarət edən qonaqlar sırasında dünya şöhrətli simalar da var.

Mərakeş Krallığının mədəniyyət ocaqları və Azərbaycan Milli Xalça Muzeyinin əməkdaşlığı iki dost xalq arasında mədəni əlaqələrin inkişafına böyük təkan verəcək.

XƏBƏRLƏR

28.02.2020 18:17
Milli mədəni irsin təbliği və inkişafında mədəni marşrutların rolu
28.02.2020 17:50
Əbülfəs Qarayev Türkiyə Mədəniyyət və Turizm Nazirliyinin nümayəndə heyəti ilə görüşüb
28.02.2020 16:27
“Azərbaycanın mədəni marşrutlar potensialı” mövzusunda Respublika müşavirəsi keçirildi
28.02.2020 14:50
Fortepiano alətinin təmiri və köklənməsi üzrə növbəti təlim kursları başa çatıb
28.02.2020 14:35
Milli Kitabxana ilə Qazaxıstan kitabxanaları arasında əməkdaşlıq böyük əhəmiyyət kəsb edir
28.02.2020 14:14
“Oyun”un “Solğun sevgilər”i yenidən səhnədə
28.02.2020 09:37
İrəvan Teatrı “Xocalıya ədalət!” kompozisiyasını təqdim edib
27.02.2020 17:45
Böyük Britaniya Baş Nazirinin Azərbaycan üzrə ticarət elçisi Baroness Emma Nikolson ilə görüş keçirilib
27.02.2020 16:39
Kukla Teatrının direktoru beynəlxalq festivalda ölkəmizi təmsil edib
27.02.2020 15:32
YARAT Müasir İncəsənət Mərkəzində “Mədəniyyət biznesi forumu: mövcud vəziyyət və perspektivlər” mövzusunda ictimai müzakirə təşkil edilib
27.02.2020 15:31
İçərişəhərin UNESCO-nun Ümumdünya İrs Siyahısına daxil edilməsinin 20 illiyinin qeyd olunması haqqında Azərbaycan Respublikası Prezidentinin Sərəncamı
27.02.2020 15:29
Milli Kitabxanada argentinalı yazıçının kitabının təqdimatı olacaq
27.02.2020 09:11
Milli Qəhrəmanımıza həsr edilən “Ulu türkün Təbrizi” sənədli filmi təqdim olunub
26.02.2020 15:47
Regionlarda fəaliyyət göstərən mədəniyyət ocaqlarında Xocalı soyqırımı ilə bağlı silsilə tədbirlər keçirilib
26.02.2020 15:06
Qəbələ qoruğunda Xocalı soyqırımı qurbanlarının xatirəsi yad olunub
26.02.2020 14:27
Sumqayıtın mədəniyyət müəssisələrində Xocalı soyqırımı ilə bağlı anım tədbirləri keçirilib
26.02.2020 14:24
Xocalı faciəsi bəşəriyyətə qarşı yönəlmiş ən ağır soyqırımı cinayətlərindən biridir
26.02.2020 10:36
Tanınmış pianoçu Adilə Əliyevanın ustad dərsləri keçiriləcək
26.02.2020 09:42
“Söz” ədəbi layihəsinin növbəti tədbiri Xocalıya ithaf edilib
26.02.2020 09:35
Heydər Əliyev Sarayında Xocalı soyqırımının 28-ci ildönümü ilə bağlı anım tədbiri keçirilib
26.02.2020 09:33
“Xocalı ağrısı” tədbirində soyqırımı gecəsində baş verənlər xatırlanıb
26.02.2020 09:29
Məktəblilər Xocalı faciəsinə həsr olunan kompozisiya ilə çıxış ediblər
26.02.2020 09:25
Xocalı soyqırımı bütün bəşəriyyətə qarşı törədilən ən qəddar cinayətlər siyahısında yer alır
25.02.2020 14:59
Beşinci Buktreyler Festivalında iştirak üçün 8 addım
25.02.2020 14:24
Vətəndaşların təklifləri mədəniyyətin inkişafına həssas münasibətdən xəbər verir
25.02.2020 14:09
Milli Kitabxanada “Xocalı – XX əsrin soyqırımı” adlı kitab sərgisi açılıb
25.02.2020 14:00
Özbəkistanda Əbdürrəhim bəy Haqverdiyevin 150 illiyi ilə bağlı tədbirlər keçiriləcək