Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
334

Xalq rəssamı Arif Hüseynovun “Qarabağnamə. Tarixin səhifələri” kitabının təqdimatı olub

Fevralın 24-də Bakı Kitab Mərkəzində Xalq rəssamı Arif Hüseynovun “Qarabağnamə. Tarixin səhifələri” kitabının təqdimat mərasimi keçirilib.

Tədbirdə kitaba daxil edilən qravürlərdən ibarət ekspozisiya nümayiş olunub.

Mərasimdə çıxış edən Mədəniyyət nazirinin birinci müavini Vaqif Əliyev qanlı fevral gecəsində baş verənlərin erməni vandalizminin ifadəsi olmaqla yanaşı, həm də həmin gün son nəfəsinədək döyüşən və şəhid olan igid və mübariz oğullarımızın torpağa, Vətənə olan sədaqət və qəhrəmanlıq nümunəsi olduğunu bildirib. “Arif Hüseynovun ərsəyə gətirdiyi bu kitab Xocalı uğrunda şəhid olanların xatirəsinə ehtiramın ifadəsidir. “Qarabağnamə” aktual mövzudur və bu kitab, həmçinin ideoloji-siyası və tarixi yük daşıyır”, - deyə Vaqif Əliyev qeyd edib.

Əməkdar incəsənət xadimi, sənətşünas Ziyadxan Əliyev öz çıxışında deyib: “Xalqımızın tarixində və qan yaddaşında yaşayan elə unudulmaz hadisələr var ki, illər, qərinələr keçsə də, həmişə xatırlanacaq və unudulmayacaq. 1992-ci il fevralın 25-dən 26-na keçən gecə Xocalıda törədilən soyqırımı qan yaddaşımızda iz qoyan həmin faciələrdən biridir. “Qarabağnamə. Tarixin səhifələri” kitabında toplanan əsərlər də erməni qəddarlığının növbəti ifadəsi olan həmin məşum gecədə baş verənlərə qoyulan bir sənət abidəsidir”.

Xalq yazıçısı Anar tarixi mövzuda yazılmış altı “Qarabağnamə” olsa da, görkəmli rəssamın bu kitabını təsviri sənətdə ilk “Qarabağnamə” kimi dəyərləndirib.

Miniatür Kitab Muzeyinin təsisçisi və rəhbəri Zərifə Salahova kitabın cəmi 200 nüsxə çap olunmağından təəssüfləndiyini bildirib və belə kitabların daha böyük tirajla nəşr olunaraq sərgi salonlarında, muzeylərdə, habelə müxtəlif mərasimlərdə xalqımızın haqq səsini ucaldan sənət əsəri kimi nümayiş edilməsinin zəruriliyini diqqətə çatdırıb.

Xalq rəssamı, professor Ağəli İbrahimov, Əməkdar incəsənət xadimi Aydın Kazımzadə, Xalq yazıçısı Natiq Rəsulzadə və başqaları bəstəkar Üzeyir Hacıbəyli, şairə Xurşidbanu Natəvan, Qarabağ xanəndələri, görkəmli hərbçilər Cəmşid Naxçıvanskı, İbrahim ağa Vəkilov və Səməd bəy Mehmandarovun, eləcə də xarı-bülbülün, hər qarışı qanla suvarılan torpaq uğrunda gedən qanlı döyüşlərin əks olunduğu qravürləri yüksək bədii dəyərə malik əsərlər kimi səciyyələndiriblər. Onlar kitaba daxil olan qrafik rəsmlərdə işğalçı erməni quldurlarının təkcə əsassız ərazi iddialarının deyil, həm də tariximizə aid iddialarının, Qarabağ müharibəsi, Xocalı faciəsinin son dərəcə təsirli və yaddaqalan şəkildə canlandırıldığını bildiriblər.

Təqdimat mərasimində Arif Hüseynov çıxış edərək kitabda əksini tapan əsərlərin əksəriyyətinin keçən il Xocalı soyqırımının ildönümü münasibətilə təşkil edilən sərgidə nümayiş olunduğunu bildirib: “Ümid edirəm ki, kitabda əks olunan rəsmlər Qarabağın düşməndən azad ediləcəyi günlərdə ağrılı-acılı tariximizin unudulmaz bir parçası kimi yad ediləcək”.

Mərasimdə Əməkdar artist Yasəf Eyvazov, beynəlxalq müsabiqə laureatları Vüsal Aydəmirov və İbrahim Babayev, gənc müğənni Qızılgül Babayeva musiqi nömrələri ifa ediblər.

XƏBƏRLƏR

31.03.2020 14:39
31 mart - tarixi yaddaşımızdan silinməyən soyqırımı
30.03.2020 14:47
Lənkəran Dövlət Dram Teatrı Koronavirusla Mübarizəyə Dəstək Fonduna vəsait köçürüb
30.03.2020 12:54
Rəqəmsal mühitdə yeni mədəni xidmətlər
30.03.2020 10:15
Bu gün görkəmli aktrisanın 75 yaşı tamam olur
29.03.2020 10:09
Mədəniyyət Nazirliyi yeni layihəyə start verib
28.03.2020 10:06
Mədəniyyət Nazirliyi televiziya kanallarına müraciət edib
27.03.2020 18:21
Rauf Yusuf oğlu Babayev
26.03.2020 17:38
Əməkdar rəssam Rəşid Həsənov (Şerif) vəfat edib
26.03.2020 15:43
Mərkəzi İncəsənət məktəbində “Bizi birləşdirən mədəniyyət” layihəsinin çəkilişlərinə start verildi
26.03.2020 14:04
Milli İncəsənət Muzeyi onlayn iş rejiminə keçib
26.03.2020 14:01
“Yuğ” Teatrı Koronavirusla Mübarizəyə Dəstək Fonduna vəsait köçürüb
25.03.2020 13:55
Teatr Xadimləri İttifaqı Koronavirusla Mübarizəyə Dəstək Fonduna vəsait köçürüb
25.03.2020 13:42
“Bizi birləşdirən mədəniyyət” layihəsinə start verilir
23.03.2020 14:27
Əbülfəs Qarayev Mədəniyyət Nazirliyinin rəsmi facebook səhifəsi vasitəsilə ictimaiyyətə müraciət ünvanlayıb
23.03.2020 10:39
Muzeyləri onlayn ziyarət etmək imkanı yaradıldı
19.03.2020 17:38
Mədəniyyət naziri Novruz bayramı münasibətilə ölkəmizin mədəniyyət ictimaiyyətini təbrik edib
19.03.2020 14:12
“Vətənimizə virtual səyahət” layihəsi çərçivəsində Gəncə şəhəri haqqında videoçarx hazırlanıb