Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1072

Əhmədiyyə Cəbrayılovun anadan olmasının 100 illiyi qeyd olunub

Azərbaycan Respublikası Prezident cənab İlham Əliyevin 11 avqust 2020 – ci il Azərbaycan xalqının igid övladı, İkinci Dünya müharibəsi dövründə antifaşist Müqavimət hərəkatının görkəmli nümayəndəsi, əfsanəvi partizan Əhmədiyyə Mikayıl oğlu Cəbrayılovun anadan olmasının 100 illiyi qeyd edilməsi haqqında imzaladığı sərəncama əsasən Azərbaycan İstiqlal Muzeyində 18 sentyabr 2020 – ci ildə Zoom internet proqramı üzərindən online tədbir – sərgi keçirilib.

Əhmədiyyə Cəbrayılov bəşəriyyətin XX əsrdə məruz qaldığı qorxunc faşizm təhlükəsindən xilas edilməsində və nasizm üzərində qələbə çalınmasında böyük xidmətlər göstərmiş Azərbaycan xalqının mərd oğlu kimi rəşadətli döyüşyolu keçib. Əhmədiyyə Cəbrayılovun yüksək bacarıqla həyata keçirdiyi çoxsaylı kəşfiyyat əməliyyatlarındakı misilsiz şücaətləri layiqincə qiymətləndirilib. Əhmədiyyə Cəbrayılovun Vətənimizin suverenliyi və ərazi bütövlüyünün qorunması uğrunda döyüşlərdə canını fəda edərək uca şəhidlik mərtəbəsinə yüksəlmiş oğlu Mikayıl Cəbrayılov Azərbaycanın ilk Milli Qəhrəmanlarındandır.

Tədbiri çıxış sözü ilə Azərbaycan İstiqlal Muzeyinin icraçı direktoru Sədi Mirseyibli İkinci Dünya müharibəsində Azərbaycanın rolu haqqında tədbir iştirakçılarına məlumat veriv. Sonra Fransada yaşayan əslən azərbaycanlı yazıçı, tərcüməçi Müqavimət Hərəkatının görkəmli nümayəndəsi Əhmədiyyə Cəbrayılova həsr olunmuş “Bir Ömür İki Tale” kitabının müəllifi Şahin Sinaria tədbirdə çıxış edərək kitab haqqında online tədbir iştirakçılarına ətraflı məlumat verib. Tədbirə Şəki şəhərindən qoşulmuş qəhrəmanın oğlu Cavanşir Cəbrayılov atasının döyüş yolu, həyatı və fəaliyyəti haqqında xatirələrini bölüşdü.

Azərbaycan İstiqlal Muzeyi tərəfindən Əhmədiyyə Cəbrayılovun anadan olmasının 100 illiyi münasibəti ilə 7-17 yaşlı məktəblilər üçün elan olunmuş rəsm müsabiqəsinin qalibləri 1 – ci yer Əli Qasımov, 2- ci yerin qalibi Xumar Eyvazova, 3- cü yerin qalibi Nihad Məmmədova elan olundu.

Sonda tamaşaçılar online sərgidə Əhmədiyyə Cəbrayılovun həyat və fəaliyyətini əks etdirən “Əfsanəvi Partizan” adlı sərgi ilə tanış olublar. 

Online tədbir – sərgidə UAFA Azərbaycanın üzvləri, regionlarda fəaliyyət göstərən Heydər Əliyev Mərkəzlərinin direktorları, Xətai rayonu 265 nömrəli tam orta məktəbin, Tovuz rayonu Nəsrəddin Tusi adına tam orta məktəbin, Yusif Sadıqov adına Bozalqanlı kənd tam orta məktəbinin şagirdləri, müəllimləri və doun sindromlu gənclər iştirak etdilər.   

XƏBƏRLƏR

30.10.2020 18:33
Mədəniyyət Nazirliyinin islahat strategiyasının təqdimatı keçirildi
30.10.2020 09:36
Azərbaycan Respublikasının işğaldan azad olunmuş ərazilərində müvəqqəti xüsusi idarəetmənin təşkili haqqında Azərbaycan Respublikası Prezidentinin Fərmanı
28.10.2020 19:48
“Azərbaycanın tarixi və mədəni irsinə qarşı Ermənistanın törətdiyi cinayətlər” mövzusunda brifinq keçirilib
28.10.2020 17:17
Əməkdar rəssam Faiq Abdullayev vəfat edib
27.10.2020 18:33
Əməkdar artist Etibar Qasımbəyli vəfat edib
27.10.2020 16:27
Mədəniyyət Nazirliyi sistemində kadr təyinatları
26.10.2020 17:14
Mədəniyyət Nazirliyi tərəfindən Ermənistanın təxribatları ilə bağlı xarici ölkələrə müraciət ünvanlanıb
26.10.2020 14:58
Qarabağ gerçəklərinə həsr olunan “Məzar daşı” romanı Türkiyədə işıq üzü görüb
23.10.2020 15:58
Azərbaycan Respublikası Mədəniyyət Nazirliyinin Zəngilandakı məscidin ermənilər tərəfindən təhqir olunması ilə bağlı BƏYANATI
20.10.2020 16:37
Mədəniyyət Nazirliyinin Xudafərin körpüləri ilə bağlı Bəyanatı
15.10.2020 18:02
Anar Kərimov Ermənistanın Gəncə şəhərinə raket hücumu ilə bağlı UNESCO baş direktoruna müraciət edib
14.10.2020 09:30
Şuşa qalasına həsr olunmuş virtual sərgi açılıb