Azərbaycan Respublikasının Prezidenti yanında Bilik Fondunun təşkilatçılığı, Azərbaycan Turizm və Menecment Universitetinin dəstəyi ilə ali təhsil müəssisəsində “İslam Həmrəyliyi İli”nə və 15 sentyabr - Bilik gününə həsr edilmiş “Heydər Əliyev İslam həmrəyliyi ideyasının banisidir” mövzusunda görüş təşkil olunmuşdur. Maarifləndirici tədbirdə ATMU-nun rektoru İlham Mədətov diqqətə çatdırmışdır ki,
ölkəmiz ikinci dəfə müstəqilliyinə qovuşduqdan sonra ilk üzv olduğu təşkilatlardan biri məhz İslam Əməkdaşlıq Təşkilatıdır. Azərbaycan Respublikası İƏT-nin, İSESCO-nun, həmçinin müsəlman ölkələrini birləşdirən digər mötəbər qurumların üzvü seçilərək İslam aləmi ilə qarşılıqlı faydalı münasibətlər qurmuş, qlobal əhəmiyyətli bir sıra mühüm mədəni forumların təşkilatçısı kimi çıxış etmişdir.Bölgədə müxtəlif dinlərin və mədəniyyətlərin birgəyaşayışı və həmrəyliyi istiqamətində ardıcıl siyasət yürüdən Azərbaycan İslam ölkələri arasında qarşılıqlı əlaqələrin genişlənməsi üçün mühüm addımlar atır.Təsadüfü deyil ki,Azərbaycan Respublikasının Prezidenti İlham Əliyev Nazirlər Kabinetinin 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunmuş iclasında 2017-ci ili “İslam Həmrəyliyi İli” elan etmişdir. İ.Mədətov qeyd etmişdir ki, tədbirlər paketi çərçivəsində universitetdə “Heydər Əliyev İslam həmrəyliyi ideyasının banisidir” mövzusunda Azərbaycan Yazıçılar Birliyinin katibi, yazıçı, jurnalist, "525-ci qəzet"in baş redaktoru Rəşad Məcidlə təşkil edilmiş görüş xüsusilə yaddaqalan olacaqdır.
ATMU ailəsi tərəfindən səmimi qarşılandığı üçün təşəkkür edən Rəşad Məcid Ulu öndər Heydər Əliyevin İslam həmrəyliyi ideyasının banisi olduğunu tarixi faktlar əsasında şərh etmişdir.Ümummilli lider Əliyevin ölkəyə rəhbərlik etdiyi dövrdə daim dindarların problemləri ilə maraqlandığını, dövlət - din münasibətlərinin tənzimlənməsində, multikulturalizm və tolerantlıq dəyərlərinin bərqərar edilməsi istiqamatində, xarici siyasət kursunda məhz İslam amilinə xüsusi diqqət və önəm verdiyini konkret faktlar əsasında isbatlamışdır. Prezident İlham Əliyevin “İslam həmrəyliyi” ilə bağlı çağırışını Ulu öndər Heydər Əliyevin irəli sürdüyü “İslam birliyi” ideyasının məntiqi davamı olduğunu diqqətə çatdırmışdır.
ATMU-da R.Məcidlə təşkil olunmuş maarifləndirici görüşdə iştirakçılar tərəfindən Prezident İlham Əliyevin, o cümlədən “İslam dini sülh, mərhəmət və qardaşlıq dinidir”, 2017-ci ilin ölkəmizdə “İslam Həmrəyliyi İli” elan edilməsi “Azərbaycanın öz milli-mənəvi dəyərlərinə, önun tərkib hissəsi olan İslam dininə, İslam ölkələrinin birliyinə nə dərəcədə önəm verdiyinin konkret göstəricisidir” kimi dəyərli fikirlərləri səsləndirilmişdir.