Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
3233

Azərbaycan Milli İncəsənət Muzeyində “Türkiyədən əsən meh” adlı sərgi açılıb

Mayın 14-də Mədəniyyət Nazirliyi, Bakı Yunus Əmrə İnstitutu, Azərbaycan Milli İncəsənət Muzeyinin birgə təşəbbüsü və Türk Hava Yollarının dəstəyi ilə Azərbaycan Milli İncəsənət Muzeyində “Türkiyədən əsən meh” adlı sərginin açılışı olub.

Ölkə hüdudlarından kənarda çoxsaylı sərgilərdə iştirak etmiş akademik rəssamlar Rauf Tuncer, Hüseyin Elmas və Erkin Keskinin müxtəlif texnika və janrlarda işlənmiş 50-dən çox əsəri tamaşaçılara təqdim edilib.

Tədbirdə çıxış edən Türkiyənin Azərbaycandakı səfiri Erkan Özoral deyib: “Bu gün biz Yunus Əmrə İnstitutunun dəstəyi ilə Türkiyə və Azərbaycan arasında mədəniyyət körpüsünü qurmaqda davam edirik. Türkiyə və Azərbaycan bir-birinə yaxın ölkələrdir, lakin hər iki ölkənin mədəniyyətlərini öz aralarında tanıtmağa ehtiyac var. Bu məqsədlə də Türkiyədən üç rəssam öz işlərini sərgiləmək üçün Bakıya gəlib. Əminəm ki, sərgi azərbaycanlı sənətsevərlər tərəfindən maraqla izlənəcək”.

Bakı Yunus Əmrə İnstitutunun rəhbəri Cihan Özdəmir bildirib ki, ulu öndər Heydər Əliyevin “bir millət, iki dövlət” kimi məşhur fikri institutun istiqamətini təyin edir və bu prinsiplə fəaliyyətini gerçəkləşdirməyə çalışır. Bu sərginin tərəfləri olan Türkiyə və Azərbaycan arasında körpünü quran da məhz Yunus Əmrə İnstitutudur.

Konyadan gələn Hüseyin Elmas bildirib ki, sərgidə 15 əsəri nümayiş olunur. Bakıda ilk dəfə olan rəssam nəzərə çatdırıb ki, bu cür tədbirlərin təşkili gələcəkdə digər sərgilərin keçirilməsinə zəmin yaradır və Türkiyə ilə Azərbaycan arasında mədəni əlaqələrin möhkəmlənməsinə töhfə verir.

Bildirilib ki, bu sərgi son illər ərzində öz mövzusu, peşəkarlığı baxımından Azərbaycanda təşkil edilən ən maraqlı sərgilərdən biri sayıla bilər. Türkiyənin Bursa, Konya və İstanbul kimi qədim mədəniyyət, sənət ocaqlarında rəssam kimi formalaşan, yaşayan bu yaradıcı şəxslərin hər birinin fərdi duyumu, tablolarında canlandırdıqları həyata baxışları vardır.

Öz dəstxəti ilə seçilən Rauf Tuncer yaradıcılığının əsas qayəsi türk mədəniyyəti və İslami motivlər, onları müşayiət edən kalliqrafik yazılar üzərində qurulub. Qədim dəyərləri müasir günümüzdə yaşatmağa çalışan Rauf Tuncer yaradıcılığında Orta Asiyanın İslamdan öncə və sonrakı mədəni mirasını çağdaş vizual incəsənətlə sintez edir. Sənətkar tablolarında kalliqrafiyaya, qədim folklora, simvollara, müraciət edir.

Sənətsevərlər sərgidə Hüseyin Elmasın İslamdan öncə və sonra formalaşmış türk mədəni irsinin müasir interpretasiyası ilə tanış olublar. Tarixi keçmişimizin gələcəyimiz qədər dəyərli olduğunu vurğulamağa çalışan rəssamın tablolarında türk İslam memarlığının əvəzolunmaz simvolu olan “qübbə”yə və digər memarlıq elementlərinə, eləcə də miniatürlərə rast gəlinir. Qübbəni müşayiət edən göyərçin və at fiqurları ənənəvi türk sənəti tarixində kök salmış motivlər olaraq izləyici qarşısına çıxır.

Yaradıcılığının özülü musiqi və səslə yoğrulmuş Erkin Keskinin tabloları isə sanki musiqi ifa edir. Əsərlərinin aparıcı mövzusu musiqi və səsdir. Hər tablo sanki ayrıca bir musiqi əsəridir. Qarışıq texnikaya müraciət edən rəssam kətan üzərində bilərəkdən relyef effekti yaradaraq izləyicini boyalarla canlanmış səs və musiqini duymağa çağırır. Harmonik boyalarla işlənmiş lirik şəhər mənzərələri bir qayda olaraq musiqi ilə ahəngdarlıq təşkil edir.

XƏBƏRLƏR

22.03.2024 22:10
Parisdə Azərbaycan və UNESCO arasında əməkdaşlığın inkişaf etdirilməsi müzakirə olunub
15.03.2024 15:16
Azərbaycan Milli Xalça Muzeyində “Türk xalqlarının geyim və zərgərlik mədəniyyəti” sərgisi açıldı
13.03.2024 14:13
Azərbaycan və Xorvatiya arasında iqtisadi əməkdaşlıq üzrə Birgə Komissiyanın 3-cü iclası keçirilib
07.03.2024 15:04
Mədəniyyət naziri Zaqatalada vətəndaşları qəbul edib
05.03.2024 17:19
Heydər Əliyev Mərkəzində Türk dünyası rəssamlarının “Tomris” adlı sərgisi keçirilib
04.03.2024 09:50
"Qarabağ” Futbol Klubu haqqında sənədli filmin təqdimatı keçirilib
01.03.2024 17:22
Bakı Şəhər Mədəniyyət Baş İdarəsinin tabeliyindəki müəssisələrin fəaliyyəti üzrə ictimai dinləmə keçirilib
01.03.2024 13:00
“Young Lions” Azerbaijan yaradıcı gəncləri səsləyir!
01.03.2024 12:55
Mədəniyyət Nazirliyində "TikTok" nümayəndə heyəti ilə görüş olub
28.02.2024 18:01
“Salam, Novruz!” 28 fevral – 15 aprel
28.02.2024 15:34
Xalq artisti Süleyman Ələsgərovun 100 illik yubileyinə həsr olunan konsert keçirilib
26.02.2024 09:00
CINEMO ilk Mobil Film Festivalının Qala Gecəsi keçirildi
24.02.2024 13:10
Dohada Azərbaycan Mədəniyyəti Günləri çərçivəsində qala-konsert keçirilib
23.02.2024 11:48
“TikTok” Azərbaycan Respublikası Mədəniyyət Nazirliyinin dəstəyi ilə #TikTokdanÖyrən layihəsinə başladı
23.02.2024 10:10
Qətər Milli Kitabxanasında “Qədim köklərə malik Azərbaycan mədəniyyəti” adlı kitab sərgisi açılıb
22.02.2024 18:05
Süleyman Ələsgərovun 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı
17.02.2024 17:43
Mədəniyyət naziri Salyanda vətəndaşların müraciətlərini dinləyib
16.02.2024 18:59
Mədəniyyət və yaradıcı sənayelər sahəsi üzrə mütəxəssislərlə görüş keçirildi
15.02.2024 09:36
Ekspert Şurasının növbəti iclası keçirilib
14.02.2024 09:24
VI Ümumdünya Mədəniyyətlərarası Dialoq Forumu Təşkilat Komitəsinin iclası keçirilib
06.02.2024 16:54
Tanınmış şair Baba Vəziroğluna “Şərəf” ordeni təqdim olunub
05.02.2024 13:57
Azərbaycan Milli Xalça Muzeyində qobelen ustası Adil Şıxəliyevin “Vətənim mənim” sərgisi açılıb
02.02.2024 14:42
Mədəniyyət naziri Türk Mədəniyyəti və İrsi Fondunun prezidenti ilə görüşüb
01.02.2024 17:53
Mədəniyyət naziri Adil Kərimli üçüncü “Yüksəliş” müsabiqəsinin qalibləri ilə görüşüb