Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
947

Azərbaycan və Gürcüstanın musiqi məktəblərinin birgə təşkilatçılığı ilə tədbir keçirilib

Abşeron rayon Xırdalan şəhər Onbirillik Musiqi Məktəbi və Gürcüstan Respublikasının Kutaisi, Qori və Zestafoni şəhər musiqi məktəblərinin kollektivləri “Qardaşlaşmış məktəblər” layihəsi əsasında Abşeron rayon Mədəniyyət mərkəzində ümummilli lider Heydər Əliyevin anadan olmasının 96-cı ildönümü münasibəti ilə birgə konsert proqramı ilə çıxış ediblər.

Tədbirdə Xırdalan şəhər musiqi məktəbin direktoru, Əməkdar müəllim İkram Manafov və Gürcüstan Respublikası incəsənət ittifaqının üzvü Maka Trapaidze çıxış edərək, Xırdalan şəhər Onbirillik Musiqi Məktəbinin Gürcüstanın Tbilisi, Marneuli, Bolnisi, Rustavi, Qardabani, Xaşuri, Kutaisi şəhərlərində fəaliyyət göstərən musiqi məktəbləri və mədəniyyət mərkəzləri ilə sıx əlaqələrindən danışaraq bu gün onların sırasına əlavə olunan Qori və Zestafoni şəhərlərindəki musiqi məktəbləri ilə yeni əlaqələrin yarandığını qeyd ediblər. Bu əlaqələrin qarşılıqlı məlumat mübadiləsi və əməkdaşlıq üçün vacibliyini vurğulayıb, uğurla davam münasibətlərin gələcəkdə daha da inkişaf etdiriləcəyini diqqətə çatdırıblar.

Sonra konsert proqramı təqdim olunub. Konsertdə Azərbaycan, Gürcüstan, Qərbi Avropa bəstəkarlarının əsərləri, Azərbaycanın xalq mahnıları və muğamları ifa olunub. Hər iki ölkənin xalq çalğı alətləri orkestrlərinin, xor və rəqs kollektivlərinin, fortepiano və xanəndəlik ixtisası üzrə şagirdlərinin ifaları tədbir iştirakçıları tərəfindən alqışlarla qarşılanıb.

Qeyd edək ki, səfər çərçivəsində gürcüstanlı qonaqlar Xırdalan şəhər Onbirillik musiqi məktəbində olub, məktəbdə yaradılan şəraitlə yaxından tanış olub, dərs proseslərini izləyiblər.

XƏBƏRLƏR

18.02.2020 17:18
Beşinci Buktreyler Festivalı. Buktreyler hansı tələblərə cavab verməlidir?
18.02.2020 16:45
Kukla Teatrında “Bahar“ tamaşasının premyerası olub
18.02.2020 13:59
Mədəniyyət naziri Əbülfəs Qarayev Londonda Britaniya Şurasının (British Council) baş ofisində görüş keçirib
18.02.2020 09:15
Sudan mətbuatı Azərbaycan əsilli məşhur müğənni Sami Yusuf haqqında məqalə yayımlayıb
18.02.2020 09:12
Beynəlxalq Muğam Mərkəzində uşaqlar üçün musiqili proqram təqdim edilib
17.02.2020 15:07
Özbəkistanda “Qarabağ-Azərbaycan mədəniyyətinin beşiyi” layihəsi çərçivəsində şeir müsabiqəsi elan olunub
17.02.2020 09:24
Nəsir İmanquliyevin ömür yolundan bəhs edən “Mətbuat fədaisi” kitabının təqdimatı olub
17.02.2020 09:19
Azərbaycan Televiziyasının 64, “Mədəniyyət” kanalının isə 9 illiyinə həsr olunmuş tədbir keçirilib
17.02.2020 09:07
“Balaca Şahzadə” yenidən səhnədə
14.02.2020 18:10
Nəriman Nərimanovun 150 illik yubileyinin qeyd edilməsi haqqında Azərbaycan Respublikası Prezidentinin Sərəncamı
14.02.2020 16:35
“SUNLIGHT WAY” Beynəlxalq Musiqi Müsabiqəsinə qeydiyyat davam edir