Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
190

Azərbaycan Xalq Cümhuriyyətinin 100 illik yubileyi İstanbul Kitab Fuarında qeyd olunub

Azərbaycan Respublikasının Mədəniyyət Nazirliyi, TÜRKSOY və Azərbaycan Milli Kitabxanasının birgə təşkilatçılığı ilə Azərbaycan Xalq Cümhuriyyətinin 100 illik yubileyi çərçivəsində növbəti tədbir İstanbul Beynəlxalq Kitab Sərgisində təşkil olunub.

Tədbirin moderatoru Azərbaycan Respublikası Mədəniyyət Nazirliyinin Kitab dövriyyəsi və nəşriyyatlarla iş şöbəsinin müdiri Aslan Cəfərov çıxış edərək Prezident İlham Əliyevin Azərbaycan Xalq Cümhuriyyətinin 100 illik yubileyinin keçirilməsi haqqında sərəncamına müvafiq olaraq respublikamızda və onun hüdudlarından kənarda təşkil olunan silsilə tədbirlərin əhəmiyyətindən danışıb. A.Cəfərov çıxışı zamanı tədbir iştirakçılarına Azərbaycan Xalq Cümhuriyyətinin tarixi və milli dövlətçilik ənənələrinin formalaşmasında dövlət qurucularının həyata keçirdiyi müstəsna fəaliyyət barədə də geniş məlumat verib.

Tədbirdə çıxış edən TÜRKSOY-un Baş katibi Düsen Kaseinov son illər Mədəniyyət Nazirliyinin TÜRKSOY və Azərbaycan Milli Kitabxanası ilə birgə keçirdiyi tədbirlərin böyük əhəmiyyət kəsb etdiyini vurğulayıb. Noyabrın 8-də TÜRKSOY-un iqamətgahında Azərbaycan xalqının dövlətçilik tarixində önəmli yer tutan Xalq Cümhuriyyətinin 100 illik yubileyinin yüksək səviyyədə keçirildiyini tədbir iştirakçılarının diqqətinə çatdırıb.

Azərbaycan Milli Kitabxanasının direktoru Kərim Tahirov iştirakçılara Xalq Cümhuriyyətinin 100 illik yubileyi çərçivəsində Milli Kitabxana tərəfindən təşkil olunan tədbirlərdən söhbət açıb və Cümhuriyyət mövzusunu, eyni zamanda görkəmli şəxsiyyətlərin yaradıcılığını ətraflı öyrənmək, araşdırmaq arzusunda olan insanlara kömək etmək məqsədilə kitabxana tərəfindən xüsusi biblioqrafiyaların hazırlandığını bildirib.

Stendə "Azərbaycan Xalq Cümhuriyyəti – 100. Biblioqrafiya”, "Qara Qarayev. Biblioqrafiya” və Lalə Kazımovanın "Qara Qarayev – həyat və yaradıcılığı haqqında qısa oçerk” kitablarının təqdimatı keçirilib.

Daha sonra Bakı Dövlət Universitetinin kafedra müdiri Anar İsgəndərov və AMEA-nın Tarix İnstitutunun direktor müavini Cəbi Bəhramov çıxış ediblər. Natiqlər müsəlman Şərqində ilk demokratik respublika olan Azərbaycan Xalq Cümhuriyyətinin 100 illik yubileyinin qeyd edilməsindən söz açıb, təqdimatı keçirilən kitabları Xalq Cümhuriyyətinə və Qara Qarayevin yaradıcılığına dair sanballı nəşr adlandırıblar.

Tədbirdə Avropa Azərbaycanlıları Konqresinin fəxri prezidenti Başar Kömür də iştirak edib. O,  bu kimi tədbirlərin Türkiyədə keçirilməsinə böyük önəm verdiyini söyləyib. B.Kömür çıxışı zamanı bildirib ki, dünyanın ən böyük 11 bəstəkarından 2-si Azərbaycana məxsusdur. Onlardan biri məhz Qara Qarayevdir.

Sonra Artkaspi.az saytının baş redaktoru Fərid Hüseyn Azərbaycan Xalq Cümhuriyyətinin 100 illik yubileyi ilə bağlı "Kaspi” qəzeti və "Kaspi” Təhsil şirkəti tərəfindən nəşr edilən "XX əsr Azərbaycanın görkəmli dövlət qurucuları” və Əlimərdan bəy Tobçubaşovun "Kaspi”dən seçmələr” adlı kitablarından danışıb. Gənc araşdırmaçı Dilqəm Əhməd isə Xalq Cümhuriyyəti barədə apardığı tədqiqatlar nəticəsində əldə etdiyi maraqlı tarixi məlumatları iştirakçılarla bölüşüb.

Sonda təqdimatı keçirilən kitablar və Milli Kitabxana tərəfindən hazırlanan Qara Qarayevin əsərlərindən ibarət disklər hədiyyə edilib.

 

XƏBƏRLƏR

10.12.2018 16:33
Xalq artisti Gülxar Həsənovanın Fəxri xiyabanda xatirəsi yad olundu
10.12.2018 12:35
Musiqili Teatrda “Çarəsiz sərnişinlər” yola çıxdılar
10.12.2018 12:17
Mir Cəlal Paşayevin 110 illik yubileyinə həsr edilmiş “Gənc yazarların müsabiqəsi” keçirilmişdir
10.12.2018 10:38
Quba şəhərində Ulu Öndərin xatirə günləri çərçivəsində xüsusi layihə həyata keçirildi
07.12.2018 19:59
Azərbaycan Dövlət Gənc Tamaşaçılar Teatrının 90 illiyi qeyd edildi
07.12.2018 17:33
Ölkəmiz Avstriyanın Vyana şəhərində keçirilən “Avropa Mədəni İrs İli-2018” adlı tədbirdə təmsil olunur
07.12.2018 17:18
Mədəniyyət naziri Əbülfəs Qarayev Ceyhun Hacıbəylinin Bakıda səfərdə olan varisləri ilə görüşüb
07.12.2018 16:59
Şamaxı şəhərində Prezident təqaüdçülərinin konserti keçirildi
07.12.2018 15:49
Azərbaycan Dövlət Uşaq Filarmoniyasının “Şəms” uşaq xoru Dövlət Xor Kapellası ilə bir səhnəni bölüşdü
07.12.2018 12:40
Sabirabadda ulu öndər Heydər Əliyevin anım gününə həsr olunmuş tədbir keçirilib
07.12.2018 11:28
Azərbaycan Xalça Muzeyində konservasiya üzrə növbəti ustad dərsləri keçirilib
07.12.2018 11:22
Bakıda isveçli rəssamın fərdi sərgisi açılıb
06.12.2018 15:26
Həsən Məmmədovun 80 illik yubileyi Salyan şəhərində təntənəli şəkildə qeyd olundu
06.12.2018 15:21
UNESCO-nun Qeyri-maddi mədəni irsin qorunması üzrə Hökumətlərarası Komitəsinin 13-cü sessiyasında Azərbaycan növbəti uğura imza atıb
06.12.2018 14:42
Zaqatala və Ağsu rayonlarında “Mədəniyyət işçilərinin müasir peşə səriştələri” adlı beynəlxalq seminar-təlim keçirilmişdir
06.12.2018 14:28
Xalq artisti Gülxar Həsənovanın 100 illiyinə həsr olunmuş tədbir keçirildi
06.12.2018 14:16
Azərbaycanın İsmayıllı və Özbəkistanın Rişton şəhərləri qardaşlaşıb
06.12.2018 11:21
Avrasiya Kitabxanalar Asssambleyası üzvlərinin növbəti iclası keçirilib
05.12.2018 16:48
Prezident İlham Əliyev Xalq rəssamı Tahir Salahova 1-ci dərəcəli “Əmək” ordenini təqdim edib
05.12.2018 16:40
Kitabxana bəşəriyyətin mədəniyyət və elm xəzinəsidir
05.12.2018 15:08
Quba Heydər Əliyev Mərkəzində ulu öndər Heydər Əliyevin xatirə gününə həsr olunmuş “Əbədiyaşar lider” mövzusunda dəyirmi masa keçirilmişdir
05.12.2018 14:01
Respublika Gənclər Kitabxanasında “Kitabxanalar - ənənələr və innovasiyalar” mövzusunda beynəlxalq elmi-praktik konfrans keçirildi