Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
4404

Əfsanəvi qarmon ifaçısına həsr olunmuş kitab təqdim edilib

Mayın 22-də Beynəlxalq Muğam Mərkəzində əfsanəvi qarmon ifaçısı Əhəd Əliyevə (Kor Əhəd) həsr olunmuş “Qarmonun əfsanəsi” kitabının təqdimatı keçirilib.

Kitab Muğam Mərkəzinin “Unudulmayanlar” layihəsi çərçivəsində çap edilib. Kitabın müəllifləri Gülhüseyn Kazımlı və Aleksandriya Sevinc Sultanzadə - fon Brüseldorffdur.

ABŞ-da opera müğənnisi, pedaqoq və tədqiqatçı kimi çalışan, Kor Əhədin nəticəsi olan Aleksandriya Sevinc Sultanzadə - fon Brüseldorff çıxışında deyib: “Bu gün musiqimizi öz ruhunda yaşadan, musiqi tariximizdə öz yeri olan, Azərbaycan qarmonunu təkmilləşdirən və onun musiqi dilinə öz töhfəsini verən virtuoz ifaçı Əhəd Əliyevin 125 illiyinə həsr olunmuş kitabın təqdimatına yığışmışıq. Bu kitabın işıq üzü görməsində çox çətinliklərlə üzləşsək də biz bu işdən böyük zövq aldıq. Çünki kitabın yazılmasında Azərbaycanın bir çox hörmətli insanları, incəsənət xadimlərinin böyük rolu olub”.

O, bu işdə əməyi olan Beynəlxalq Muğam Mərkəzinin rəhbəri Xalq artisti Murad Hüseynova, “Mədəniyyət” kanalının rəhbəri Əməkdar artist Ramil Qasımova, kitabın redaktoru, akademik Nizami Cəfərova öz təşəkkürünü bildirib.

Sənətkarın nəticəsi qeyd edib ki, ölkənin Birinci vitse-prezidenti Mehriban Əliyevaya Muğam Mərkəzini yaratmaqla Azərbaycan xalqını öz kökünə bağlayıb. Məhz Muğam Mərkəzi sayəsində azərbaycanlılar musiqi keçmişini unutmur və yaranmış imkanlara görə öz musiqi tarixini gələcək nəsillərə daşıyır.

Tədbirdə çıxış edən akademik Nizami Cəfərov bildirib ki, Kor Əhəd qarmonu Azərbaycan musiqisinə uyğunlaşdıran ilk musiqiçidir. Qeyd edib ki, ötən əsrin 60-cı illərində qarmon dəbdə olduğundan çoxsaylı qarmonçular yetişib və onlar Əhəd Əliyevin sənətini davam etdiriblər.

Xalq artisti Ənvər Sadıqov bildirib ki, Kor Əhədin çalğısı məlahətli olduğundan vokalçıya artıq ehtiyac qalmayıb. O, özündən sonra Teyyub Dəmirov, Aftandil Sadıqov, Məmmədəli Abdullayev və s. məşhur ifaçılar yetişdirib.

Əməkdar artist, qarmon ifaçısı, sənətşünaslıq üzrə fəlsəfə doktoru Zakir Mirzəyev bildirib ki, Əhəd Əliyevi haqqında nə qədər danışılsa, kitablar yazılsa yenə azdır. Onun Azərbaycan musiqi aləmində çox müstəsna yeri var. Yeni üslubda ifa edirdi. Hələ dörd yaşında olanda ona qarmon bağışlamışdılar ki, bəlkə gözlərinin yoxluğunu hiss etməsin. Tələbələri da onun üslubunu yaxşı mənimsəyib və yaxın, uzaq məmləkətlərdə Azərbaycan musiqisini uğurla təbliğ ediblər.

Bildirilib ki, Azərbaycanda qarmon musiqi alətinin inkişafı və təşəkkülündə unudulmaz ifaçının böyük əməyi olub. Məhz onun sayəsində qarmon əsl Azərbaycan musiqi alətinə çevrilib və 1932-ci ildə Əhəd Əliyevin təşkilatçılığı və rəhbərliyi ilə Azərbaycanda ilk dəfə “Şərq qarmonçalanları” ansamblı yaradılıb.

“Qarmonun əfsanəsi” adlı kitab Beynəlxalq Muğam Mərkəzinin dəstəyi ilə “Təhsil” Nəşriyyat-Poliqrafiya MMC tərəfindən nəfis tərtibatda çap edilib.

XƏBƏRLƏR

22.03.2024 22:10
Parisdə Azərbaycan və UNESCO arasında əməkdaşlığın inkişaf etdirilməsi müzakirə olunub
15.03.2024 15:16
Azərbaycan Milli Xalça Muzeyində “Türk xalqlarının geyim və zərgərlik mədəniyyəti” sərgisi açıldı
13.03.2024 14:13
Azərbaycan və Xorvatiya arasında iqtisadi əməkdaşlıq üzrə Birgə Komissiyanın 3-cü iclası keçirilib
07.03.2024 15:04
Mədəniyyət naziri Zaqatalada vətəndaşları qəbul edib
05.03.2024 17:19
Heydər Əliyev Mərkəzində Türk dünyası rəssamlarının “Tomris” adlı sərgisi keçirilib
04.03.2024 09:50
"Qarabağ” Futbol Klubu haqqında sənədli filmin təqdimatı keçirilib
01.03.2024 17:22
Bakı Şəhər Mədəniyyət Baş İdarəsinin tabeliyindəki müəssisələrin fəaliyyəti üzrə ictimai dinləmə keçirilib
01.03.2024 13:00
“Young Lions” Azerbaijan yaradıcı gəncləri səsləyir!
01.03.2024 12:55
Mədəniyyət Nazirliyində "TikTok" nümayəndə heyəti ilə görüş olub
28.02.2024 18:01
“Salam, Novruz!” 28 fevral – 15 aprel
28.02.2024 15:34
Xalq artisti Süleyman Ələsgərovun 100 illik yubileyinə həsr olunan konsert keçirilib
26.02.2024 09:00
CINEMO ilk Mobil Film Festivalının Qala Gecəsi keçirildi
24.02.2024 13:10
Dohada Azərbaycan Mədəniyyəti Günləri çərçivəsində qala-konsert keçirilib
23.02.2024 11:48
“TikTok” Azərbaycan Respublikası Mədəniyyət Nazirliyinin dəstəyi ilə #TikTokdanÖyrən layihəsinə başladı
23.02.2024 10:10
Qətər Milli Kitabxanasında “Qədim köklərə malik Azərbaycan mədəniyyəti” adlı kitab sərgisi açılıb
22.02.2024 18:05
Süleyman Ələsgərovun 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı
17.02.2024 17:43
Mədəniyyət naziri Salyanda vətəndaşların müraciətlərini dinləyib
16.02.2024 18:59
Mədəniyyət və yaradıcı sənayelər sahəsi üzrə mütəxəssislərlə görüş keçirildi
15.02.2024 09:36
Ekspert Şurasının növbəti iclası keçirilib
14.02.2024 09:24
VI Ümumdünya Mədəniyyətlərarası Dialoq Forumu Təşkilat Komitəsinin iclası keçirilib
06.02.2024 16:54
Tanınmış şair Baba Vəziroğluna “Şərəf” ordeni təqdim olunub
05.02.2024 13:57
Azərbaycan Milli Xalça Muzeyində qobelen ustası Adil Şıxəliyevin “Vətənim mənim” sərgisi açılıb
02.02.2024 14:42
Mədəniyyət naziri Türk Mədəniyyəti və İrsi Fondunun prezidenti ilə görüşüb
01.02.2024 17:53
Mədəniyyət naziri Adil Kərimli üçüncü “Yüksəliş” müsabiqəsinin qalibləri ilə görüşüb