Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
270

Kukla Teatrının direktoru beynəlxalq festivalda ölkəmizi təmsil edib

Abdulla Şaiq adına Azərbaycan Dövlət Kukla Teatrının direktoru Rəşad Əhmədzadə növbəti beynəlxalq sənət festivalından qayıdıb. O, ölkəmizi IX Monodram Tamaşalar Festivalında fəxri qonaq qismində təmsil edib.

Teatrların beynəlxalq əlaqələrinin genişləndirilməsi, yeni yaradıcılıq təşəbbüslərinin dəstəklənməsi və təcrübə mübadiləsinin təmin edilməsi məqsədilə səfər Mədəniyyət Nazirliyinin təşkilatçılığı ilə reallaşıb.

Birləşmiş Ərəb Əmirliklərinin Əl-Füceyra əmirliyində iki ildən bir baş tutan bu sənət tədbiri III Əl-Füceyra İncəsənət Festivalı çərçivəsində keçirilib.

Əmirliyin Mədəniyyət və Media Müvəkkilliyinin təşkil etdiyi tədbir əsasən ərəb dövlətləri olmaqla, ümumilikdə, dünyanın müxtəlif ölkələrindəki teatr, musiqi, sənət adamlarını bir araya gətirir. Hər il öz əhatə dairəsini daha da genişləndirən sənət bayramında bu dəfə 60 ölkədən 600 nəfərdən çox iştirakçı öz yaradıcılıq imkanlarını nümayiş etdirib.

Festival çərçivəsində tamaşaların nümayişi və mükafatlandırılması ilə yanaşı, seminarlar, forumlar, kitab təqdimatları, konsertlər də təşkil olunub.

Xatırladaq ki, festivalın təşkilində əsas məqsəd ərəb dünyasında o qədər də tanınmayan monodrama diqqət çəkmək və onu bir sənət növü kimi daha da inkişaf etdirməkdir.

Səfər təəssüratlarını bölüşən Əməkdar mədəniyyət işçisi Rəşad Əhmədzadə bu kimi tədbirlərin fərqli mədəniyyətləri birləşdirən körpü olduğunu deyib: “Bu festivalda artıq üçüncü dəfədir iştirak edirdim. Qısa zamanda populyarlıq qazanan, ən fərqli sənət istiqamətlərini bir səhnədə birləşdirən bu tədbir də möhtəşəmliyi ilə diqqət çəkdi. Zəngin proqram, rəngarəng nümayişlər və nüfuzlu sənət adamlarını, teatr təmsilçilərini bir araya gətirməsi baxımından festival çox maraqlı və yaddaqalan oldu.

Qlobal mədəniyyət hərəkatında diqqətəlayiq töhfə olan, baxımlı yaradıcılıq məhsulları təqdim edən bu festivalın digər önəmli cəhəti ərəb dünyasının məşhur sənət adamlarını dünyaya tanıtmaqdır ki, hər dəfə onlardan birinin şərəfinə mükafat təsis edilir və qalib iştirakçılara təqdim olunur.

Hər bir festival kimi bu tədbir də bizim üçün yeni yaradıcılıq əlaqələrinin qurulması, qarşılıqlı təcrübə mübadiləsinin reallaşması və növbəti əməkdaşlıq üçün körpü rolunu oynayırdı. Mən də teatrımız adına bu fürsətdən maksimum istifadə etməyə çalışdım”.

Vyetnam, Hindistan və Tunisdən olan teatr təmsilçiləri ilə danışıqlar apardığını deyən R.Əhmədzadə müştərək layihələr üzərində işləyəcəklərini də əlavə edib.

XƏBƏRLƏR

31.03.2020 14:39
31 mart - tarixi yaddaşımızdan silinməyən soyqırımı
30.03.2020 14:47
Lənkəran Dövlət Dram Teatrı Koronavirusla Mübarizəyə Dəstək Fonduna vəsait köçürüb
30.03.2020 12:54
Rəqəmsal mühitdə yeni mədəni xidmətlər
30.03.2020 10:15
Bu gün görkəmli aktrisanın 75 yaşı tamam olur
29.03.2020 10:09
Mədəniyyət Nazirliyi yeni layihəyə start verib
28.03.2020 10:06
Mədəniyyət Nazirliyi televiziya kanallarına müraciət edib
27.03.2020 18:21
Rauf Yusuf oğlu Babayev
26.03.2020 17:38
Əməkdar rəssam Rəşid Həsənov (Şerif) vəfat edib
26.03.2020 15:43
Mərkəzi İncəsənət məktəbində “Bizi birləşdirən mədəniyyət” layihəsinin çəkilişlərinə start verildi
26.03.2020 14:04
Milli İncəsənət Muzeyi onlayn iş rejiminə keçib
26.03.2020 14:01
“Yuğ” Teatrı Koronavirusla Mübarizəyə Dəstək Fonduna vəsait köçürüb
25.03.2020 13:55
Teatr Xadimləri İttifaqı Koronavirusla Mübarizəyə Dəstək Fonduna vəsait köçürüb
25.03.2020 13:42
“Bizi birləşdirən mədəniyyət” layihəsinə start verilir
23.03.2020 14:27
Əbülfəs Qarayev Mədəniyyət Nazirliyinin rəsmi facebook səhifəsi vasitəsilə ictimaiyyətə müraciət ünvanlayıb
23.03.2020 10:39
Muzeyləri onlayn ziyarət etmək imkanı yaradıldı
19.03.2020 17:38
Mədəniyyət naziri Novruz bayramı münasibətilə ölkəmizin mədəniyyət ictimaiyyətini təbrik edib
19.03.2020 14:12
“Vətənimizə virtual səyahət” layihəsi çərçivəsində Gəncə şəhəri haqqında videoçarx hazırlanıb