Avqustun 9-da Azərbaycan Respublikasının Mədəniyyət naziri Əbülfəs Qarayev Böyük Britaniya və Şimali İrlandiya Birləşmiş Krallığının ölkəmizdəki səfiri xanım Karol Kroftsu səlahiyyət müddətinin sona çatması münasibətilə qəbul etdi.
Nazir fəaliyyəti dövründə, bütün sahələrdə olduğu kimi, mədəniyyət sahəsində də aktiv təşəbbüslər irəli sürdüyünə və iki ölkə arasında əlaqələrin inkişafına töhfələrinə görə səfirə təşəkkürünü bildirdi.
Xanım Karol Krofts Azərbaycanda çalışdığı müddətdə ölkələrimiz arasında mədəniyyətin qarşılıqlı maraq kəsb edən sahələrində əməkdaşlıqdan və həyata keçirilmiş işlərdən söhbət açdı. Ölkəmizdəki diplomatik fəaliyyəti dövründə reallaşan çoxsaylı tədbirlərin xalqlarımızın daha da yaxınlaşması baxımından əhəmiyyətini vurğuladı. Səfir həmçinin ölkəmizin qədim və zəngin mədəni irsini yaxından tanıdığı üçün məmnunluğunu ifadə etdi. Xalqımızın gözəl mentalitetə və zəngin adət-ənənələrə sahib olduğunu deyən diplomat azərbaycanlıların qonaqpərvərliyini və ölkəmizin multikulturallığını yüksək qiymətləndirdi.
Səfir UNESKO-nun Ümumdünya İrs Komitəsinin 43-cü sessiyasının Bakıda yüksək səviyyədə təşkilindən söz açdı və Şəki Xan sarayı və şəhərin mərkəzi hissəsinin Dünya irs siyahısına salınması münasibətilə nazirə təbriklərini çatdırdı.
Vurğuladı ki, ölkə rəhbərliyinin diqqəti və Təşkilat Komitəsinin gərgin əməyi sayəsində bu sessiya uğurla reallaşdı.
Nazir öz növbəsində bildirdi ki, xanım Karol Kroftsun səlahiyyət müddəti başa çatsa da, Azərbaycan ona dost olan insanları hər zaman sevgi ilə qəbul edir və gözləyir. Ölkələrimiz hər zaman dostluq münasibətlərində olub və bu əlaqələr gələcəkdə də davam edəcək.
Əbülfəs Qarayev Azərbaycan ilə Böyük Britaniya arasında mədəniyyət sahəsində ikitərəfli münasibətlərin yüksək səviyyədə olduğunu diqqətə çatdırdı və ölkələrimizin bir-birinə qarşılıqlı dəstək verməsindən məmnunluğunu dilə gətirdi.
Nazir Azərbaycanda səfir kimi səlahiyyət müddəti başa çatan səfirə cansağlığı və gələcək fəaliyyətində uğurlar arzuladı.
Görüşün sonunda səfir Karol Krofts səmimi qəbula görə Əbülfəs Qarayevə minnətdarlığını bildirdi, bundan sonra da iki ölkə arasında əlaqələrin daha da genişləndirilməsi istiqamətində əlindən gələni əsirgəməyəcəyini qeyd etdi. Xanım diplomat həmçinin Azərbaycanı daim xoş təəssüratla xatırlayacağını vurğuladı.
Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.
HEYDƏR ƏLİYEVAvqustun 9-da Azərbaycan Respublikasının Mədəniyyət naziri Əbülfəs Qarayev Böyük Britaniya və Şimali İrlandiya Birləşmiş Krallığının ölkəmizdəki səfiri xanım Karol Kroftsu səlahiyyət müddətinin sona çatması münasibətilə qəbul etdi.
Nazir fəaliyyəti dövründə, bütün sahələrdə olduğu kimi, mədəniyyət sahəsində də aktiv təşəbbüslər irəli sürdüyünə və iki ölkə arasında əlaqələrin inkişafına töhfələrinə görə səfirə təşəkkürünü bildirdi.
Xanım Karol Krofts Azərbaycanda çalışdığı müddətdə ölkələrimiz arasında mədəniyyətin qarşılıqlı maraq kəsb edən sahələrində əməkdaşlıqdan və həyata keçirilmiş işlərdən söhbət açdı. Ölkəmizdəki diplomatik fəaliyyəti dövründə reallaşan çoxsaylı tədbirlərin xalqlarımızın daha da yaxınlaşması baxımından əhəmiyyətini vurğuladı. Səfir həmçinin ölkəmizin qədim və zəngin mədəni irsini yaxından tanıdığı üçün məmnunluğunu ifadə etdi. Xalqımızın gözəl mentalitetə və zəngin adət-ənənələrə sahib olduğunu deyən diplomat azərbaycanlıların qonaqpərvərliyini və ölkəmizin multikulturallığını yüksək qiymətləndirdi.
Səfir UNESKO-nun Ümumdünya İrs Komitəsinin 43-cü sessiyasının Bakıda yüksək səviyyədə təşkilindən söz açdı və Şəki Xan sarayı və şəhərin mərkəzi hissəsinin Dünya irs siyahısına salınması münasibətilə nazirə təbriklərini çatdırdı.
Vurğuladı ki, ölkə rəhbərliyinin diqqəti və Təşkilat Komitəsinin gərgin əməyi sayəsində bu sessiya uğurla reallaşdı.
Nazir öz növbəsində bildirdi ki, xanım Karol Kroftsun səlahiyyət müddəti başa çatsa da, Azərbaycan ona dost olan insanları hər zaman sevgi ilə qəbul edir və gözləyir. Ölkələrimiz hər zaman dostluq münasibətlərində olub və bu əlaqələr gələcəkdə də davam edəcək.
Əbülfəs Qarayev Azərbaycan ilə Böyük Britaniya arasında mədəniyyət sahəsində ikitərəfli münasibətlərin yüksək səviyyədə olduğunu diqqətə çatdırdı və ölkələrimizin bir-birinə qarşılıqlı dəstək verməsindən məmnunluğunu dilə gətirdi.
Nazir Azərbaycanda səfir kimi səlahiyyət müddəti başa çatan səfirə cansağlığı və gələcək fəaliyyətində uğurlar arzuladı.
Görüşün sonunda səfir Karol Krofts səmimi qəbula görə Əbülfəs Qarayevə minnətdarlığını bildirdi, bundan sonra da iki ölkə arasında əlaqələrin daha da genişləndirilməsi istiqamətində əlindən gələni əsirgəməyəcəyini qeyd etdi. Xanım diplomat həmçinin Azərbaycanı daim xoş təəssüratla xatırlayacağını vurğuladı.
