Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
451

Mədəniyyət və turizm naziri Şəki şəhərində vətəndaşlarla görüşüb

Azərbaycan Respublikasının Prezidenti İlham Əliyevin tapşırığına əsasən, mərkəzi icra hakimiyyəti orqanlarının rəhbərləri hər ay şəhər və rayonlarda əhali ilə görüşlər keçirir. Mədəniyyət və turizm naziri Əbülfəs Qarayev avqustun 1-də Şəki şəhərindəki Sabit Rəhman adına Şəki Dövlət Dram Teatrının binasında Şəki, Balakən, Qax, Oğuz və Zaqatala rayonlarından vətəndaşları qəbul edib.

Tədbirdən öncə Əbülfəs Qarayev ümummilli lider Heydər Əliyevin şəhər İcra Hakimiyyəti binasının qarşısındakı abidəsinin önünə gül dəstəsi qoyaraq xatirəsini ehtiramla yad edib.

Nazirliyin məsul əməkdaşlarının iştirak etdikləri qəbulda 20-dən çox vətəndaşın müraciətinə baxılıb. Əvvəlki görüşlərdə olduğu kimi, bu dəfə də müraciətlər yerlərdə mədəniyyət müəssisələrinin fəaliyyəti, tarixi-mədəni abidələrin təmir-bərpası, bölgələrdə turizmin təşviqi və digər məsələlərlə bağlı olub.

Qəbula yazılan Şəki sakinləri 2 saylı musiqi məktəbinin şəhərin Qala divarları ərazisində yerləşən tarixi binaya köçürülməsi, Şəkidə fəaliyyət göstərən muzeylərin respublikamızdan keçən beynəlxalq turizm marşrutlarına daxil edilməsi, kitabxanaların tədris vəsaitləri və elmi nəşrlərlə təmin edilməsi barədə xahişlərini diqqətə çatdırıblar.

Balakəndən qəbula gələn vətəndaşlar tərəfindən rayon ərazisindəki “Pəri qalası” tarixi abidəsində təmir-bərpa işlərinin aparılması, regionda fəaliyyət göstərən hotellərin mədəniyyət müəssisələri ilə sıx əməkdaşlığının qurulması,  kitabxanaların müxtəlif nəşrlər, o cümlədən turizm və uşaq ədəbiyyatı ilə təmin edilməsi, rayon tarix-diyarşünaslıq muzeyində tərtibat işlərinin aparılması barədə müraciətlər edilib.

Qax sakinləri 2011-ci ildə yaradılmış “İçəribazar” Turizm və mədəniyyət mərkəzinin fəaliyyəti, Qaxbaş kəndində modern kənd kitabxana layihəsi və digər məsələlərlə bağlı nazirə müraciət ediblər.

Oğuz sakinləri tərəfindən 1986-cı ildən fəaliyyət göstərən “Oğuz” ailə ansamblına  xalq kollektivi adının verilməsi, rayon uşaq musiqi məktəbinin fortepiano aləti ilə təchiz olunması, Calud kəndi ərazisində məbədin təmir edilməsi və turizm marşrutlarına salınması, müalicəvi otların təbliği məqsədilə “Şəfa” bayramının keçirilməsi ilə bağlı təkliflər səsləndirilib.

Zaqatala rayonundan qəbula gələnlərin müraciətləri Şəki, Oğuz, Qax, Zaqatala, Balakən zonası üzrə rəqs müsabiqəsinin təşkili, rayonda fındıq festivalının keçirilməsi, kitabxana fondlarına rus dilində uşaq və bədii ədəbiyyatların verilməsi və digər məsələlər barədə olub.

Qəbulda vətəndaşların müraciətlərinin bir qismi həllini tapıb, qaldırılan digər məsələlər araşdırılması üçün nəzarətə götürülüb və lazımi tədbirlərin görülməsi ilə bağlı tapşırıqlar verilib. Nazirliyin fəaliyyət dairəsinə aid olmayan müraciətlər aidiyyəti qurumlara çatdırılmaq üçün qeydə alınıb.

Nazir Əbülfəs Qarayev jurnalistlərə müsahibəsində ölkə başçısının tapşırığı ilə şəhər və rayonlarda mütəmadi olaraq keçirilən bu cür görüşlərin əhəmiyyətini bir daha diqqətə çatdırıb. Bildirib ki, vətəndaşlarla ünsiyyət, onlar tərəfindən irəli sürülən təklif və təşəbbüslər yerlərdə mədəniyyət və turizm işinin daha səmərəli təşkilinə zəmin yaradır. Nazir tarixi-mədəni irsin qorunması, muzeylərdə ekspozisiyaların yenilənməsi ilə bağlı təşəbbüsləri xüsusi qeyd edib. Regionlarda turizmin inkişaf etdirilməsinin hər zaman dövlət başçısının diqqət mərkəzində olduğunu vurğulayan Əbülfəs Qarayev görüşdə bu xüsusda səslənən təkliflərin də nəzərdən keçiriləcəyini deyib.

XƏBƏRLƏR

16.08.2017 14:09
V Beynəlxalq Qəbələ Mürəbbə Festivalı keçiriləcək
15.08.2017 16:37
Nazir müavini Nazim Səmədov ilə Koreya Respublikasının nümayəndə heyəti arasında görüş keçirildi
15.08.2017 12:12
Azərbaycan Respublikasında mədəniyyət sahəsinin inkişafına dövlət dəstəyinin gücləndirilməsi ilə bağlı əlavə tədbirlər haqqında Azərbaycan Respublikası Prezidentinin Sərəncamı
14.08.2017 17:51
Əməkdar artist Mərdan Feyzullayev vəfat etmişdir
11.08.2017 17:05
Azərbaycan və Türkiyə arasında turizm əlaqələrinin genişləndirilməsi daim diqqət mərkəzindədir
10.08.2017 16:18
Bərdədə “Beynəlxalq əməkdaşlığın inkişaf etdirilməsi və mədəniyyət müəssisələrində milli məfkurənin öyrədilməsi” mövzusunda dəyirmi masa keçirilib
09.08.2017 17:48
Azərbaycanın dekorativ-tətbiqi sənəti “Halı” jurnalının gözü ilə
08.08.2017 18:04
Nazir müavini Nazim Səmədov Türkmənistanın Turizm üzrə Dövlət Komitəsinin sədri ilə görüşmüşdür
08.08.2017 15:22
Lerik Dövlət Rəsm Qalereyasında görkəmli rəssam Şahvələd Əliyevin rəsmlərindən ibarət sərgi nümayiş olunmuşdur
04.08.2017 12:08
“Avey” Dövlət Tarix-Mədəniyyət qoruğu ərazisində beynəlxalq ekspedisiya tərəfindən arxeoloji qazıntılar aparılmışdır
03.08.2017 09:49
Milli Kino Günü münasibətilə Bakıda təntənəli mərasim keçirilib
02.08.2017 16:23
Ağstafa Regional Mədəniyyət və Turizm idarəsinin nəzdində fəaliyyət göstərən Qazax rayon Mərkəzi kitabxanasında bir sıra tədbirlər keçirildi
02.08.2017 15:54
Bərdə Regional Mədəniyyət və Turizm İdarəsinin Tərtər və Bərdə rayon nümayəndəliklərində seminar-müşavirə keçirilib
01.08.2017 17:21
Bərdə Regional Mədəniyyət və Turizm İdarəsi tərəfindən konsert proqramı təşkil edilib
01.08.2017 15:31
Mədəniyyət və turizm naziri Şəkidə mədəniyyət müəssisələrinə baş çəkib
01.08.2017 13:53
Cari ilin birinci yarısında Azərbaycana gələn əcnəbilər tərəfindən həyata keçirilən nağdsız ödənişlərin həcmi artmışdır
31.07.2017 17:27
İvanovka I beynəlxalq elmi-praktiki seminarın qonaqlarını qəbul edib
31.07.2017 16:31
Qazax rayonunda “Açıq kitabxana” layihəsi çərçivəsində səyyar kitabxana xidməti təşkil edilib
28.07.2017 17:38
Milli Kino Günündə “Nar bağı” bədii filminin təqdimatı olacaq
28.07.2017 17:38
"Günlərdən ŞEİR" adlı birgə layihəsinin növbəti tədbiri həyata keçirilmişdir
28.07.2017 17:37
Dağıstanın tanınmış kaytaq və usişin tikmə növləri üzrə ustad dərslər
28.07.2017 17:35
Şəki M.F. Axundov adına şəhər Mədəniyyət Mərkəzində şair Abbas(Əmbala) Bəxtiyarova həsr olunmuş xatirə gecəsi keçirilib
28.07.2017 17:33
Atla gəzintilərin təşkili Şəkiyə gələn həm xarici, həm də yerli turistlər tərəfindən maraqla qarşılanır
27.07.2017 17:47
Əməkdar İncəsənət xadimi, Prezident təqaüdçüsü aşıq Ədalət Nəsibovun sənət dünyasına həsr olunmuş “Ecazkar barmaqların sehrində” adlı tədbir keçirilmişdir