15 İyun - Milli Qurtuluş Günü münasibətilə Sabirabad rayon İcra Hakimiyyətinin və Sabirabad Regional Mədəniyyət İdarəsinin birgə təşkilatçılığı ilə Heydər Əliyev Mərkəzinin qarşısında ümumşəhər tədbiri keçirildi. Tədbirdə Sabirabad rayon İcra Hakimiyyətinin başçısı Siraqəddin Cabbarov, hüquq-mühafizə orqanlarının, idarə, müəssisə və təşkilatların kollektivləri, ictimaiyyət nümayəndələri iştirak ediblər.
Sonra tədbir Ulu öndərin adını daşıyan Mərkəzin qarşısında davam etdirildi. Tədbiri giriş sözü ilə Sabirabad rayon İcra Hakimiyyətinin başçısı Siraqəddin Cabbarov açaraq “Azərbaycan xalqının taleyində böyük əhəmiyyət daşıyan elə günlər var ki, həmin günlərdə onun gələcək həyatını müəyyən edən mühüm başlanğıcların əsası qoyulub. Belə günlərdən ən önəmlisi tariximizə qızıl hərflərlə yazılmış 15 İyun – Milli Qurtuluş Günüdür. Milli Qurtuluş Günü Azərbaycan xalqı üçün sadəcə təqvim bayramı deyil, böyük ictimai, siyasi və tarixi əhəmiyyətə malik bir gündür. İyunun 15-i xalqımız üçün əsl qurtuluş tarixidir.” – deyə qeyd etmişdir.
Rəsmi hissədən sonra tədbir bayram konserti ilə davam edib. Sabirabad şəhər Üzeyir Hacıbəyli adına Uşaq Musiqi Məktəbinin, “Ana Kür” xalq çalğı alətləri ansambılının müşayiəti ilə olan konsertdə Əməkdar artistlər Yusif Mustafayev və Ehtiram Hüseynov, digər tanınmış müğənnilər, habelə Sabirabad rayon Adil İsgəndərov adına Xalq Teatrı aktyorlarının ifasında ölkəmizə, ulu öndərə həsr edilmiş kompozisiyalar, Əhmədabad kənd Folklor evinin “Axısxa Halay Türk” folklor qrupunun rəqsləri tamaşaçılar tərəfindən alqışlarla qarşılanıb. Sonda bayram tədbiri möhtəşəm atəşfəşanlıqla başa çatdı.
