Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1519

Musiqinin müxtəlif janrlarında şah əsərlər yaradan dahi bəstəkar

Sentyabrın 18-də Üzeyir Hacıbəylinin ev-muzeyində Milli musiqi gününə həsr olunan tədbir keçirildi.

Tədbiri giriş sözü ilə muzeyin direktoru, Azərbaycan Bəstəkarlar İttifaqının katibi, Əməkdar incəsənət xadimi Sərdar Fərəcov açaraq Üzeyir Hacıbəylinin ömür yolundan və yaradıcılığından, musiqi mədəniyyətimizə verdiyi töhfələrdən danışdı. Bildirdi ki, həyatını başdan-başa xalqının tərəqqisi yolunda fəda edən böyük ziyalı hər bir sahədə istedad və bacarıq nümayiş etdirib.

Mədəniyyət nazirinin müavini Sevda Məmmədəliyeva çıxış edərək Üzeyir Hacıbəyli musiqisinin bənzərsizliyi və əbədiyaşarlığından söz açdı. Bildirdi ki, dаhi bəstəkar 1908-ci ildə ərsəyə gətirdiyi “Leyli və Məcnun” operası ilə təkcə Azərbaycanda deyil, bütün müsəlman Şərqində оpеrа sənətinin əsasını qoyub. Yaradıcılığında hər zaman milliliyi qoruyub saxlayan Üzeyir bəy ölməz əsərlərində Azərbaycan milli musiqisindən, muğamlarımızdan bəhrələnib. O, “Leyli və Məcnun”, “Əsli və Kərəm”, “Koroğlu” və digər operaları, eləcə də digər janrlarda çoxsaylı əsərləri ilə Azərbaycan musiqi mədəniyyətinin zənginliyini, bənzərsizliyini nümayiş etdirib.

Nazir müavini qeyd etdi ki, Üzeyir Hacıbəylinin o dövr Azərbaycanın məişətinin, xalq adət və ənənələrinin əksini tapdığı “O olmasın, bu olsun”, “Arşın mal alan”, “Ər və arvad” musiqili komediyaları bu gün də teatrlarımızı bəzəyir: “Üzeyir Hacıbəyli Azərbaycanın dövlət himninin musiqisinin də müəllifidir. Xalqımız, sözün həqiqi mənasında, xoşbəxtdir. Çünki onun Üzeyir bəy kimi dahisi var”. Vurğulandı ki, ümummilli lider Heydər Əliyevin 1995-ci ildə - bəstəkarın 110 illik yubileyi münasibətilə imzaladığı fərmanla hər il sentyabrın 18-i ölkəmizdə Milli musiqi günü kimi qeyd olunur. Prezident İlham Əliyevin imzaladığı müvafiq sərəncama əsasən, 2009-cu ildən etibarən Heydər Əliyev Fondu və Mədəniyyət Nazirliyinin birgə təşkilatçılığı ilə Üzeyir Hacıbəyli Beynəlxalq Musiqi Festivalı təşkil olunur. Festivalın konsertlərində görkəmli musiqiçilər, müxtəlif ölkələrdən bədii kollektivlər, solistlər, dirijorlar iştirak edirlər. Ölkəmizin mədəni həyatında xüsusi yer tutan festival bu il 10-cu dəfə keçirilir.

Sevda Məmmədəliyeva çıxışının sonunda qeyd etdi ki, Prezident İlham Əliyevin müdrik siyasəti ilə tezliklə Azərbaycanın musiqi və sənət beşiyi Qarabağ işğaldan azad ediləcək, bu musiqi bayramını dahi bəstəkarın ata yurdu Şuşa şəhərində keçirəcəyik. 

Azərbaycan Bəstəkarlar İttifaqının sədri, Xalq artisti Firəngiz Əlizadə çıxış edərək Üzeyir Hacıbəyli Beynəlxalq Musiqi Festivalı çərçivəsində keçirilən tədbirlərin əhəmiyyətindən danışdı. Qeyd etdi ki, dahi bəstəkar parlaq şəxsiyyəti, bənzərsiz yaradıcılığı ilə Azərbaycan xalqının qəlbində daim yaşayacaq: “Üzeyir Hacıbəyli ilə bağlı hər bir məlumatı təkrar-təkrar xatırlamaq bizim üçün şərəfdir. Musiqinin müxtəlif janrlarında şah əsərlər yaratmaq hər sənətkara nəsib olmur. Üzeyir bəy musiqimizə yeni formalar gətirib”.

Firəngiz Əlizadə qeyd etdi ki, Bəstəkarlar İttifaqı tərəfindən “Üzeyir Hacıbəyli” medalı təsis olunub. O, medalı Üzeyir Hacıbəylinin ev-muzeyinin direktoru Sərdar Fərəcov və professor Telman Ağdamskiyə təqdim etdi.

Xalq artisti, rejissor Əflatun Nemətzadə, professor Telman Ağdamski çıxış edərək böyük musiqiçinin zəngin yaradıcılığından söz açdılar. Bildirildi ki, Üzeyir bəy 300-dən çox xalq mahnısını nota salıb, marş, kantata, fantaziya, mahnı və romans, kamera və xor əsərləri yazıb.

Çıxışlardan sonra Bakı Musiqi Akademiyasının I kurs tələbələri Elyar Əliyev, Sübhan Rüstəmov, Vyana Konservatoriyasının I kurs tələbəsi Arzu Niyazi və başqalarının ifasında dahi bəstəkarın “Sənsiz”, “Sevgili canan” romansları və digər əsərləri səsləndirildi. Bütün ifalar alqışlarla qarşılandı.

XƏBƏRLƏR

24.05.2019 14:47
Abdulla Şaiqin Mənzil-Muzeyində Cəfər Cabbarlı yad edildi
24.05.2019 13:09
Mədəniyyət naziri və müavinləri regionlarda vətəndaşları qəbul ediblər
24.05.2019 09:54
Musiqi Mədəniyyəti Muzeyində Soltan Hacıbəyovun anadan olmasının 100 illiyi qeyd olunub
24.05.2019 08:53
“Mənim balaca şahzadəm” cizgi filminin təqdimatı keçirildi
23.05.2019 17:39
Bakıda tanınmış rəssam Vədud Müəzzinin fərdi sərgisi açılıb
23.05.2019 16:11
“Balaca Şahzadə” dörd dəfə nümayiş olunacaq
23.05.2019 16:00
Xalq yazıçısı İlyas Əfəndiyevə həsr olunan elektron məlumat bazasının təqdimatı keçirildi
23.05.2019 15:52
Gəncə Dövlət Kukla Teatrının aktyoru vəfat etmişdir
23.05.2019 11:36
Nizami Gəncəvinin “Sirlər xəzinəsi” Türkiyə Kitab və Mədəniyyət Sərgisində
23.05.2019 11:10
Musiqili Teatrda 60-cı dəfə “O olmasın, bu olsun” nümayiş olunacaq
23.05.2019 10:45
Akademik Musiqili Teatrın orkestr artisti Estoniyada konsert proqramı ilə çıxış edib
23.05.2019 10:30
Qusarın ən çox kitab oxuyan sakinləri mükafatlandırılıb
23.05.2019 10:23
Musiqili Teatr geniş heyətlə Qəbələdə qastrol səfərində olacaq
23.05.2019 09:31
Heydər Əliyev Mərkəzində dünya şöhrətli rəssam Zurab Seretelinin sərgisi açılıb
23.05.2019 09:29
Nizami Kino Mərkəzində “Mateo Falkone” filmi yenilənmiş versiyada təqdim edilib
23.05.2019 09:28
Əfsanəvi qarmon ifaçısına həsr olunmuş kitab təqdim edilib
22.05.2019 19:57
“Həyat gözəldir” adlı musiqili-ədəbi gecə təşkil olunub
22.05.2019 18:17
Prezident təqaüdü alan gənclərin iştirakı ilə konsert-festival keçirildi
22.05.2019 17:41
Azərbaycanın tarixi körpüsü bərpa olunur
22.05.2019 17:14
Mədəniyyət könüllülüyünə ADMİU-nun tələbələri də qoşulub
22.05.2019 13:57
Daşkənddə Mədəniyyət Mərkəzinin təşkilatçılığı ilə ulu öndər Heydər Əliyevin xatirəsinə həsr olunan konsert keçirilib
22.05.2019 09:43
“Bölgələrdən bölgələrə” yaradıcılıq festivalı Azərbaycanın şimal-qərb qapısı Balakəndə
21.05.2019 17:54
Azərbaycan Dövlət Uşaq Filarmoniyası binasının əsaslı təmir və yenidənqurmadan sonra açılışı oldu
21.05.2019 15:42
Bakıda ilk dəfə incəsənət əsərlərinin auksionu keçirildi
21.05.2019 15:40
Bolqarıstanlı mütəxəssis Xoreoqrafiya Akademiyasında ustad dərsləri keçib
21.05.2019 15:35
“Qartal yuvası” filminin təqdimatı keçirildi
21.05.2019 13:00
Xalça Muzeyində “Həyat gözəldir” adlı musiqili-ədəbi gecə təşkil ediləcək