Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
884

Nazir Novruz bayramı münasibətilə mədəniyyət və turizm ictimaiyyətini təbrik edib

Mədəniyyət və turizm naziri Əbülfəs Qarayev Novruz bayramı münasibətilə ölkəmizin mədəniyyət və turizm sahələrində fəaliyyət göstərən insanları təbrik edib.

Təbrikdə bildirilir ki, Novruz bayramı Azərbaycan xalqının humanist, mütərəqqi dəyərlərinin, minillik adət-ənənələrinin məcmusudur. Novruz insan və təbiətin möhkəm bağlılığına əsaslanır. Fəsil dəyişikliyi insanların düşüncəsində böyük fəlsəfi mahiyyət kəsb edərək müxtəlif rituallarda özünü göstərmişdir. Dörd əsas təbiət ünsürü – su, od, hava və torpağın kainatın əsasını təşkil etməsi insanlar tərəfindən ta qədim zamanlardan dərk və qəbul olunmuşdur. Novruz öncəsi xalqımız bu dörd ünsürün mahiyyətini əks etdirən ilaxır çərşənbələri də qeyd edir. Bu il baharın müjdəçisi sayılan ilaxır çərşənbələrdən sonuncusunun –  Torpaq çərşənbəsinin Novruz bayramı ilə eyni günə təsadüf etməsi ənənəvi bayram əhvalına daha bir rəng qatır.

“Novruz bayramı xalqımız üçün ona görə əzizdir ki, o, insanları birliyə, bərabərliyə, paylaşmaya, saflığa və fəaliyyətə səsləyir. Novruzun aşıladığı humanist dəyərlər çağdaş insanlığın da ehtiyac duyduğu əhəmiyyətli çağırışlardır. Ölkəmizdə yaşayan azsaylı xalqlar, etnik qruplar da bu bayramın mütərəqqi ideyalarını qəbul edir, ildən-ilə onu daha mütəşəkkilliklə qarşılayırlar. Azərbaycanda Bahar bayramının xüsusi təmtəraqla qeyd olunması, onun gətirdiyi mənəvi zənginlik, həmçinin müxtəlif ölkələrdən minlərlə insanı ölkəmizə cəlb edir. Bayram günlərində paytaxtda və bölgələrdə fəaliyyət göstərən bütün teatr və konsert müəssisələri tərəfindən xüsusi proqram hazırlanır, Novruzun əsas atributlarının iştirakı ilə maraqlı şənliklər təşkil olunur. Turizm şirkətlərimiz yerli və xarici turistlər üçün müxtəlif turlar təşkil edirlər. Deməli, bu bayram minillik dəyərlərimizi yaşatmaqla yanaşı, mədəniyyət və turizm sahələrinin də inkişafına öz töhfələrini verir”, - deyə təbrikdə vurğulanır. 

Təbrikin sonunda nazir bir daha respublikamızın mədəniyyət və turizm ictimaiyyətinə Novruz bayramı münasibətilə xoş əhval, cansağlığı, ruzi-bərəkət və yeni uğurlar arzulayıb.

XƏBƏRLƏR

24.04.2018 15:08
Akademik Zərifə xanım Əliyevanın xatirəsinə həsr olunmuş rəsm sərgisinin açılış mərasimi keçirildi
24.04.2018 09:10
“Azərbaycan Respublikası Nazirlər Kabinetinin yeni tərkibi haqqında” Azərbaycan Respublikası Prezidentinin 2018-ci il 21 aprel tarixli Sərəncamına əlavələr edilməsi barədə Azərbaycan Respublikası Prezidentinin Sərəncamı
23.04.2018 15:20
Mehdi Məmmədovun 100 illik yubileyinin keçirilməsi haqqında Azərbaycan Respublikası Prezidentinin Sərəncamı
22.04.2018 16:39
Mədəniyyət və turizm sahəsində dövlət idarəçiliyinin təkmilləşdirilməsi ilə bağlı bəzi tədbirlər haqqında Azərbaycan Respublikası Prezidentinin Sərəncamı
20.04.2018 18:02
Sənaye – Universitet əməkdaşlığı çərçivəsində “Virtual Azərbaycan Turizm və Menecment Universiteti-Onbranch” layihəsi
20.04.2018 17:40
Lüksemburqda keçirilən Avropa Şurası Mədəni Marşrutları üzrə Hissəvi Sazişin İdarə Heyətinin iclasında “Bakı Prosesi”nin təqdimatı keçirilib
20.04.2018 17:38
Sənaye-ATMU əməkdaşlığına həsr olunan seminar keçirilib
20.04.2018 17:27
Şəmkir hərbi birliyinin hərbi şəhərciyində “İsgəndərin sorağında” sənədli filminin nümayişi olub
20.04.2018 14:46
Azərbaycan Dövlət Musiqili Teatrında həftəsonu maraqlı tamaşalar nümayiş olunacaq
20.04.2018 14:44
"Turizm müəssisələrində nağdsız hesablaşmalar" mövzusunda təlim keçrilmişdir
20.04.2018 12:16
“Avtoportret” sənədli filminin təqdimatı keçirildi
19.04.2018 18:25
YUNESKO-nun “Mədəniyyətlərin Yaxınlaşması naminə Beynəlxalq Onillik layihə” nin həyata keçirilməsi ilə bağlı iclası keçirilmişdir
19.04.2018 17:52
Azərbaycan Xalça Muzeyində “İlmələnmiş zaman” sərgisi açıldı
19.04.2018 17:51
“Sərhədkeçmə prosedurlarının sadələşdirilməsi və turistlər üçün viza verilməsi prosedurlarının asanlaşdırılması üzrə” İşçi Qrupunun növbəti iclası keçirilmişdir
19.04.2018 16:31
“Beynəlxalq abidələr və tarixi yerlər” günü münasibətilə silsilə tədbirlər təşkil olunub
19.04.2018 16:27
Çinlilər Azərbaycana daha çox gələcək – Yeni saziş
19.04.2018 15:21
“EuropeSPA” Naftalan otellərindəki müalicənin Avropa standartlarına uyğun olduğunu beynəlxalq sertifikatla təsdiqləyib
18.04.2018 18:53
Beynəlxalq abidələr və tarixi yerlər günü ilə bağlı tədbir keçirildi
18.04.2018 18:09
Azərbaycan Dövlət Gənc Tamaşaçılar Teatrı növbəti səfərə hazırlaşır
18.04.2018 17:40
Məstan Günərin “Seçilmiş əsərləri”nin təqdimatı olub
18.04.2018 17:38
Qəbələ rayonunda “Kitabsevərlər klubu” nun növbəti toplantısı keçirilmişdir
18.04.2018 17:37
Musiqili Teatr müsabiqə elan etdi
18.04.2018 17:34
Biləsuvar Regional Mədəniyyət və Turizm İdarəsi ilə Nəcəf bəy Vəzirov adına Lənkəran Dövlət Dram Teatrı arasında əməkdaşlıq barədə niyyət protokolu imzalanmışdır
18.04.2018 17:23
“Zəng” Məşhəd festivalında “çalınacaq”