Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
2499

Ölkəmiz Çin Xalq Respublikasında beynəlxalq mədəni sənaye yarmarkasında təmsil olunur

14-17 noyabr tarixində Çin Xalq Respublikasının (ÇXR) Xaynan əyalətinin Sanya şəhərində 3-cü Beynəlxalq Sanya Mədəni Sənaye Yarmarkası keçirilir.

Festivalda ölkəmizi təmsil etmək üçün Mədəniyyət Nazirliyinin Xalq yaradıcılığı və mədəni marşrutların inkişafı şöbəsinin müdiri Vüqar Şixəmmədovun iştirakı ilə Azərbaycan Dövlət Mahnı və Rəqs Ansamblının üzvləri, xalq dekorativ-tətbiqi və təsviri sənət ustalarından ibarət qrup Çin Xalq Respublikasına ezam edilib.

Festivala Azərbaycanla yanaşı Rusiya, Nigeriya, Fransa, Ekvador, Xorvatiya, Cənubi Koreya, Tacikistan, Qırğızıstan, Belarus, Əfqanıstan, Nepal və digər ölkələr də qatılıb. Tədbir çərçivəsində Mədəniyyət Nazirliyi və Azərbaycanın ÇXR-dəki səfirliyi tərəfindən ölkəmizin stendi təşkil edilib.

Festivalın ilk günü Sanya şəhəri və tədbir haqqında təqdimat mərasimi keçirilib.

Noyabrın 15-də 3-cü Beynəlxalq Sanya Mədəni Sənaye Yarmarkasının rəsmi açılış mərasimi olub. Mərasimdə Azərbaycanın ÇXR-dəki səfiri Əkrəm Zeynallı çıxış edərək iki ölkə arasında münasibətlərin, o cümlədən iqtisadi və mədəni əlaqələrin inkişaf etdiyini vurğulayıb.

Mərasimdə Azərbaycan Dövlət Mahnı və Rəqs Ansamblı üzvlərinin ifasında milli rəqs nümunələrimiz yerli sakinlərin və xarici qonaqların böyük marağına səbəb olub.

Daha sonra ölkələrin stendlərinə baxış keçirilib. Azərbaycan stendində ölkəmizin tarixi, mədəniyyəti, milli mətbəximiz, eləcə də “Böyük İpək Yolu” mədəni marşrutu ilə sıx bağlı olan, müasirliklə və tarixi irsin ahəngdar şəkildə birləşdiyi respublikamız haqqında məlumatların əks olunduğu kitablar nümayiş etdirilib. Stenddə qurulmuş ekranda ölkəmiz haqqında videoçarxlar nümayiş etdirilib. Xalq dekorativ tətbiqi sənət ustalarımızn hazırladıqları müxtəlif əl işləri yarmarka iştirakçılarının xüsusilə diqqətini cəlb edib. Ustalar tərəfindən milli əl işləri sənəti nümunələrinin hazırlanması interaktiv formada nümayiş olunub, stendin ziyarətçiləri üçün ustad dərsləri təşkil edilib.

Daha sonra stendin önündə Dövlət Mahnı və Rəqs Ansamblının üzvləri ifasında konsert proqramı təqdim edilib.

Azərbaycanın mədəni sənayesinin perspektivlərinin iştirakçılara daha aydın çatdırılması üçün hazırlanan təqdimat çıxışları və rəqs nümunələri böyük rəğbətlə qarşılanıb.

Tədbirin ikinci günü Mədəniyyət və İqtisadi Turizm Beynəlxalq Forumu keçirilib. Forumda müxtəlif ölkələrin diplomatik nümayəndələri, mədəniyyət, iqtisadiyyat və turizm üzrə dövlət orqanları, özəl şirkətlər, elmi müəssisələrin təmsilçiləri iştirak edib.

Forumda ölkəmizi Mədəniyyət Nazirliyi Xalq yaradıcılığı və mədəni marşrutların inkişafı şöbəsinin müdiri Vüqar Şixəmmədov və Azərbaycanın ÇXR-dakı səfiri Əkrəm Zeynallı təmsil edib.

Tədbirdə çıxış edən V.Şixəmmədov mədəni sənaye mövzusunun aktuallığını vurğulayaraq belə bir beynəlxalq forumun keçirilməsinə görə təşkilatçılara minnətdarlığını bildirib. O, ölkəmizin tarixi, coğrafiyası, milli mədəni irsi barədə söz açaraq Azərbaycanın Böyük İpək Yolu üzərində əhəmiyyətini diqqətə çatdırıb. Qeyd olunub ki, ölkəmizin 11 mədəni irs nümunəsi UNESCO-nun Qeyri-maddi mədəni irsi üzrə reprezentativ siyahısına daxil edilib. Azərbaycanın beynəlxalq mədəni marşrutlara daxil edilməsi üçün böyük perspektivləri var.

Tədbir kütləvi informasiya vasitələrində geniş şəkildə işıqlandırılıb.

 

XƏBƏRLƏR

22.03.2024 22:10
Parisdə Azərbaycan və UNESCO arasında əməkdaşlığın inkişaf etdirilməsi müzakirə olunub
15.03.2024 15:16
Azərbaycan Milli Xalça Muzeyində “Türk xalqlarının geyim və zərgərlik mədəniyyəti” sərgisi açıldı
13.03.2024 14:13
Azərbaycan və Xorvatiya arasında iqtisadi əməkdaşlıq üzrə Birgə Komissiyanın 3-cü iclası keçirilib
07.03.2024 15:04
Mədəniyyət naziri Zaqatalada vətəndaşları qəbul edib
05.03.2024 17:19
Heydər Əliyev Mərkəzində Türk dünyası rəssamlarının “Tomris” adlı sərgisi keçirilib
04.03.2024 09:50
"Qarabağ” Futbol Klubu haqqında sənədli filmin təqdimatı keçirilib
01.03.2024 17:22
Bakı Şəhər Mədəniyyət Baş İdarəsinin tabeliyindəki müəssisələrin fəaliyyəti üzrə ictimai dinləmə keçirilib
01.03.2024 13:00
“Young Lions” Azerbaijan yaradıcı gəncləri səsləyir!
01.03.2024 12:55
Mədəniyyət Nazirliyində "TikTok" nümayəndə heyəti ilə görüş olub
28.02.2024 18:01
“Salam, Novruz!” 28 fevral – 15 aprel
28.02.2024 15:34
Xalq artisti Süleyman Ələsgərovun 100 illik yubileyinə həsr olunan konsert keçirilib
26.02.2024 09:00
CINEMO ilk Mobil Film Festivalının Qala Gecəsi keçirildi
24.02.2024 13:10
Dohada Azərbaycan Mədəniyyəti Günləri çərçivəsində qala-konsert keçirilib
23.02.2024 11:48
“TikTok” Azərbaycan Respublikası Mədəniyyət Nazirliyinin dəstəyi ilə #TikTokdanÖyrən layihəsinə başladı
23.02.2024 10:10
Qətər Milli Kitabxanasında “Qədim köklərə malik Azərbaycan mədəniyyəti” adlı kitab sərgisi açılıb
22.02.2024 18:05
Süleyman Ələsgərovun 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı
17.02.2024 17:43
Mədəniyyət naziri Salyanda vətəndaşların müraciətlərini dinləyib
16.02.2024 18:59
Mədəniyyət və yaradıcı sənayelər sahəsi üzrə mütəxəssislərlə görüş keçirildi
15.02.2024 09:36
Ekspert Şurasının növbəti iclası keçirilib
14.02.2024 09:24
VI Ümumdünya Mədəniyyətlərarası Dialoq Forumu Təşkilat Komitəsinin iclası keçirilib
06.02.2024 16:54
Tanınmış şair Baba Vəziroğluna “Şərəf” ordeni təqdim olunub
05.02.2024 13:57
Azərbaycan Milli Xalça Muzeyində qobelen ustası Adil Şıxəliyevin “Vətənim mənim” sərgisi açılıb
02.02.2024 14:42
Mədəniyyət naziri Türk Mədəniyyəti və İrsi Fondunun prezidenti ilə görüşüb
01.02.2024 17:53
Mədəniyyət naziri Adil Kərimli üçüncü “Yüksəliş” müsabiqəsinin qalibləri ilə görüşüb