Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
647

Özbəkistanda “Qara Qarayev adına Azərbaycan Mədəniyyəti və İncəsənəti Mərkəzi” yaradılacaq

Özbəkistan Mədəniyyət və Sənət İnstitutunda “Qara Qarayev adına Azərbaycan Mədəniyyəti və İncəsənəti Mərkəzi” yaradılacaq.

Bu haqda razılıq Daşkənddəki Heydər Əliyev adına Azərbaycan Mədəniyyət Mərkəzinin (AMM) direktoru Samir Abbasovla Özbəkistan Mədəniyyət və Sənət İnstitutunun (ÖMSİ) rektoru, professor İbrahim Yuldaşev arasında keçirilən görüşdə əldə olunub.

Danışıqlar zamanı AMM ilə ÖMSİ arasında əməkdaşlığın genişləndirilməsinə dair memorandumun imzalanmasına, gələcəkdə Azərbaycanın ali təhsil müəssisələri ilə əlaqələrin yaradılmasına dair müzakirələr aparılıb.

İ.Yuldaşev xarici ölkələrin qabaqcıl təcrübələrinin öyrənilməsi və tətbiqinə dair ölkə rəhbərliyinin göstərişinə uyğun olaraq ali təhsil sahəsində Azərbaycan təcrübəsinin öyrənilməsinin onlar üçün maraqlı və faydalı olduğunu bildirib.

Rektor rəhbərlik etdiyi ali məktəb haqqında məlumat verib, institutda fəaliyyət göstərən teatr, kino, televiziya və radio sənəti, rejissorluq, folklor, xalq çalğı alətləri, etnoqrafiya, kitabxanaşünaslıq-informasiya, aşıq sənəti və rəqs üzrə fakültələr barədə məlumat verib.

Samir Abbasov Azərbaycanda dövlətin qayğısı nəticəsində ali məktəblərin inkişafı haqqında məlumat verib. O, rəhbərlik etdiyi Mədəniyyət Mərkəzinin fəaliyyəti, həyata keçirilən layihələr haqqında danışıb, son zamanlar Azərbaycanla Özbəkistan arasında mədəniyyət, təhsil sahəsində əlaqələrin inkişaf etdiyini, iki ölkənin ali təhsil müəssisələri arasında əməkdaşlığa dair memorandumların imzalandığını vurğulayıb. Ötən müddət ərzində ilk dəfə olaraq tərəflər arasında tələbə mübadiləsinin həyata keçirildiyini, Daşkənddə Azərbaycana dair özbək dilində çoxsaylı nəşrlərin çap olunduğunu qeyd edib.

S.Abbasov 2018-ci ilin Azərbaycanda “Azərbaycan Xalq Cümhuriyyəti İli” elan edilməsi, habelə bu il Azərbaycanın dahi bəstəkarı Qara Qarayevin 100 illiyi, böyük şair Hüseyn Cavidin 135 illik yubileylərinin qeyd olunmasına dair Azərbaycan Prezidenti İlham Əliyev tərəfindən müvafiq sərəncamların imzalandığını vurğulayıb. Bu institutda yaradılacaq “Qara Qarayev adına Azərbaycan Mədəniyyəti və İncəsənəti Mərkəzi”nə Azərbaycan tərəfindən müvafiq nəşrlərin, milli suvenirlərin, bədii və sənədli filmlərin, milli musiqimizə dair disklərin, foto və rəsmlərin hədiyyə olunacağını qeyd edib.

Görüşdə institutun elmi jurnalında mədəniyyət, kitabxana-informasiya sahəsi üzrə azərbaycanlı mütəxəssislərin Azərbaycan və rus dillərində elmi məqalələrinin dərc olunması məsələsi də razılaşdırılıb.

İnstitutda azərbaycanlı alimlər, mütəxəssislər tərəfindən ustad dərslərinin təşkili, qarşılıqlı səfərlərin reallaşdırılması, təcrübə mübadiləsinin aparılması məsələləri də müzakirə edilib.

S.Abbasov Azərbaycan və özbək xalqlarının milli- mədəni irsi olan muğam və aşıq sənətinə dair birgə layihələrin yerinə yetirilməsi, bu ilin mart ayında institutda “Azərbaycan Mədəniyyət Günü”nün keçirilməsi təklifi ilə çıxış edib və təklif qəbul olunub.

Tədbirlər çərçivəsində ÖMSİ-nin kitabxanasına Azərbaycana dair zəngin kitab kolleksiyasının hədiyyə olunması və kitabxanada Azərbaycan guşəsinin yaradılması da nəzərdə tutulub.

 

XƏBƏRLƏR

21.05.2018 09:29
“Sərhədsiz teatr” III Şəki Beynəlxalq Teatr Festivalına yekun vurulub
18.05.2018 18:21
Hüseyn Cavidə həsr olunmuş tədbir keçirildi
18.05.2018 18:13
“Azərbaycanım” adlı Respublika Uşaq Rəsm Festivalının rəsm müsabiqəsi keçirilimişdir
18.05.2018 17:46
Rusiya Federasiyasının Tula şəhərində MDB ölkələrinin gənclərinin Mədəniyyət Forumu keçirilmişdir
18.05.2018 17:30
Sumqayıt Regional Mədəniyyət idarəsinin dəstəyi ilə Qobustan Dövlət Tarixi-bədii qoruğuna səyahət təşkil edilib
18.05.2018 17:27
Xətai Sənət Mərkəzində “Etüddən gəlirəm” adlı sərgi-təqdimatı keçiridi
18.05.2018 16:40
Mədəniyyət naziri Əbülfəs Qarayev ilə Fransanın ölkəmizdəki səfiri Aurelia Buşez arasında görüş keçirildi
18.05.2018 15:06
Xalça Muzeyində Beynəlxalq Muzeylər Günü münasibətilə tədbir keçirildi
18.05.2018 13:11
Xətai Sənət Mərkəzində “Vətənin tərənnümü” silsiləsindən Qusar etüd plenerinin “Etüddən gəlirəm” adlı sərgi-təqdimatı keçirildi
18.05.2018 08:55
Musiqili Teatr Sumqayıtda çıxış edib
17.05.2018 18:09
Gənc kamança ifaçılarının II Respublika müsabiqəsinin yekun konserti keçirildi
17.05.2018 17:38
Q.Qarayev adına Mərkəzi İncəsənət Məktəbinin hesabat konserti keçirildi
17.05.2018 15:57
Xaçmaz Regional Mədəniyyət İdarəsi tərəfindən regionda sənətkarların əl işlərinin sərgisinə start verildi
17.05.2018 15:56
“Xilas edilmiş mədəni sərvətlər” adlı növbəti sərgi-seminar
17.05.2018 12:33
İrəvan Teatrı “Sərhədsiz teatr” III Şəki Beynəlxalq Teatr Festivalında çıxış edib
17.05.2018 12:24
Sumqayıtda Xalq şairi Sabir Rüstəmxanlı ilə görüş keçirilib
17.05.2018 12:22
Azərbaycan Dövlət Gənc Tamaşaçılar Teatrı Lənkəranda “Cəza” tamaşası ilə çıxış edib
17.05.2018 12:10
“Ədibin evi”ndə ümummilli lider Heydər Əliyevin 95 illiyi münasibətilə ədəbi-musiqili mərasim keçirilib
16.05.2018 19:56
Mayın 14də Turin Beynəlxalq Kitab Sərgisi başa çatmışdır
16.05.2018 19:54
Habil Əliyev adına gənc kamança ifaçılarının II respublika müsabiqəsinin yekun konserti keçiriləcək
16.05.2018 19:36
“18-May Beynəlxalq Muzeylər Günü” münasibətilə tədbir keçiriləcək
16.05.2018 16:32
“İstedad sorağında” müsabiqəsinin yekun sərgisi keçirilib
16.05.2018 15:38
Lənkəran səhnəsində İran tamaşası
16.05.2018 15:35
Fərəc Qarayevin “Qodonun intizarında” əsəri Musiqili Teatrda
16.05.2018 15:34
Azərbaycan Xalq Cümhuriyyətinin yaranmasının 100 illiyinə həsr olunmuş Kitab bayramı keçirilib
16.05.2018 15:31
Azərbaycan Dövlət Uşaq Filarmoniyası “Buratinonun sərgüzəştləri” adlı tamaşasını təqdim etdi
16.05.2018 14:54
Ümummilli lider Heydər Əliyevin 95 illiyi münasibətilə X Ümumrespublika kitab bayramı keçirilib