Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
542

Parlaq, koloritli qadın obrazlarının mahir ifaçısı

Dekabrın 10-da M.Maqomayev adına Azərbaycan Dövlət Akademik Filarmoniyasında görkəmli opera müğənnisi, Xalq artisti Gülxar Həsənovanın 100 illiyinə həsr olunmuş tədbir keçirilib.

Tədbir Prezident İlham Əliyevin Gülxar Həsənovanın 100 illik yubileyinin keçirilməsi haqqında imzaladığı müvafiq Sərəncama uyğun olaraq Mədəniyyət Nazirliyi tərəfindən hazırlanmış tədbirlər planı çərçivəsində reallaşıb.

Tədbirdə mədəniyyət nazirinin birinci müavini Vaqif Əliyev sənətkarın həyat və yaradıcılığından söz açıb. Bildirib ki, səhnə fəaliyyətinə Azərbaycan Dövlət Gənc Tamaşaçılar Teatrında başlayan G.Həsənova Üzeyir Hacıbəylinin məsləhəti ilə 1942-ci ildə Azərbaycan Dövlət Opera və Balet Teatrına işə qəbul olub. Melodik səsə malik istedadlı aktrisanın sonrakı taleyi Azərbaycan Dövlət Opera və Balet Teatrının səhnəsi ilə əlaqədardır. O, çalışdığı sənət ocağının səhnəsində bir-birindən parlaq, koloritli qadın obrazları yaradıb. Vurğulanıb ki, 1980-ci ildən teatrın məşqçi pedaqoqu olan sənətkarın ifasında bir sıra partiyalar böyük professionallığı, özünəməxsusluğu ilə seçilib. G.Həsənovanın yaradıcılığının zirvəsi Müslüm Maqomayevin “Şah İsmayıl” operasında yaratdığı güclü, cəsarətli Ərəbzəngi və Ü.Hacıbəylinin “Leyli və Məcnun” operasında Leyli, Leylinin anası partiyalarıdır. Səhnə fəaliyyətini bitirən G.Həsənova milli muğam operasında gənc xanəndələrə ifaçılıq sənətinin sirlərini öyrədib. Onun sənət fəaliyyəti dövlət tərəfindən hər zaman yüksək qiymətləndirilib.

G.Həsənovanın insani keyfiyyətlərindən söz açan V.Əliyev deyib ki, o, heç zaman sənət dostlarından bilik və bacarığını əsirgəməyib. Ona görə də G.Həsənova bu gün yaddaşlarda mahir bir sənətkar və gözəl insan kimi qalıb. Aktrisanın sənətinin bugünkü nəsil üçün örnək olduğunu deyən nazir müavini söyləyib ki, o, səsi və ifaçılıq xüsusiyyətləri ilə bu gün də qiymətləndirilir və xatırlanır.

“Bütün sahələrdə olduğu kimi, dövlətimiz tərəfindən Azərbaycanın zəngin mədəniyyətinin, incəsənətinin mühafizəsi və inkişafı, gənc nəsillərə və dünyaya təbliğ edilməsi ilə bağlı çoxsaylı təqdirəlayiq işlər görülməkdədir. Mədəniyyət sahəsinin inkişafı ilə bağlı qəbul olunan dövlət proqramları, imzalanan sərəncamlar ölkəmizdə mədəniyyətə, mənəvi dəyərlərin qorunub saxlanılmasına dövlətimizin göstərdiyi qayğının əyani nümunəsidir. Bununla əlaqədar, cari ildə görkəmli mədəniyyət və incəsənət xadimlərinin yubileyləri təntənəli şəkildə qeyd edilib. Azərbaycan mədəniyyətinin inkişafında özünəməxsus rolu olan, onu gənc nəslə təbliğ etdirərək sevdirmiş görkəmli incəsənət xadimlərindən biri də Gülxar Həsənovadır. Prezident İlham Əliyev sənətkarın 100 illiyinin keçirilməsi ilə bağlı müvafiq Sərəncam imzalayıb. Mədəniyyət Nazirliyi tərəfindən Sərəncamın icrasını təmin etmək məqsədilə tədbirlər planı hazırlanıb. İl ərzində görkəmli sənətkarın yubileyi ilə bağlı Bakıda və regionlarda silsilə tədbirlər keçirilib. Bugünkü tədbir Azərbaycan xalqının və dövlətinin Gülxar Həsənovanın xatirəsinə növbəti ehtiramadır. İnanırıq ki, Gülxar Həsənovanın adı milli musiqimizdəki əvəzolunmaz varlığını hər dövrdə qoruyub saxlayacaq, neçə-neçə sənətkarlar nəsli bundan sonra da onun zəngin təcrübəsindən faydalanaraq Azərbaycan musiqisinin inkişafına öz töhfəsini verəcək”, - deyə V.Əliyev vurğulayıb.

Azərbaycan Dövlət Opera və Balet Teatrının baş rejissoru, Əməkdar incəsənət xadimi Hafiz Quliyev və digərləri çıxış edərək unudulmaz sənətkarın yaradıcılığından, onun incəsənətimizin inkişafındakı xidmətlərindən söz açıblar.

Gecədə Gülxar Həsənovanın rol aldığı səhnə əsərlərindən fraqmentlər təqdim olunub, lent yazılarında qorunan öz ifasında mahnılar səslənidirilib.

Tədbir respublikanın tanınmış və gənc ifaçılarının konsert proqramı ilə davam edib.

XƏBƏRLƏR

25.06.2019 15:44
Şəfiqə Məmmədova Akademik Musiqili Teatrda müsabiqə komissiyasına rəhbərlik edəcək
25.06.2019 15:38
Sumqayıtda 26 iyun Silahlı Qüvvələr günü münasibətilə tədbirlər keçirilib
25.06.2019 14:53
“Xalq teatrları peşəkar səhnənin beşiyidir” adlı Respublika xalq teatrları konfransı keçirildi
25.06.2019 14:46
Şirməmməd Ağaməmməd oğlu Hüseynov
25.06.2019 10:08
Moskvada təhsil alan azərbaycanlı tələbələrin sənət hesabatı
24.06.2019 19:01
III Respublika Xalq Teatrları Festivalı başa çatdı
24.06.2019 17:01
Əməkdar rəssam Teymur Rzayevin 60 illik yubileyi qeyd olunacaq
24.06.2019 16:39
Mərkəzi Zabitlər Evində “Güclü dövlətin güclü ordusu olmalıdır” adlı sərgi-müsabiqənin finalı keçirilib
24.06.2019 15:54
“Qarabağ” muğam qrupu Belçikada silsilə konsertlərlə çıxış edib
24.06.2019 15:53
Tokioda növbəti dəfə səslənən Azərbaycan musiqisi nümunələri alqışlarla qarşılanıb
24.06.2019 15:50
İtaliyada keçirilən İkinci Azərbaycan Film Festivalı başa çatıb
24.06.2019 15:48
“Nəsimidən Füzuliyə - Azərbaycan klassik poeziyasının dahiləri” adlı şeir müsabiqəsi qaliblərinin adları açıqlanıb
24.06.2019 15:44
Xalq artisti Məlik Dadaşovun xatirəsi yad edilib
24.06.2019 15:00
Gəncədə Azərbaycan Bəstəkarlar İttifaqının 85 illiyi qeyd edilib
24.06.2019 14:22
YUNESKO-nun Dünya İrs Komitəsinin 43-cü sessiyası çərçivəsində “Dünya irsi. Gənc Peşəkarlar Forumu” işə başladı
24.06.2019 14:17
Nəsiminin 650 illik yubileyi ilə əlaqədar Sumqayıt Dövlət Dram Teatrında tədbir keçirilib
24.06.2019 11:58
YUĞ Teatrında İbsenin “Vahimə” əsəri tamaşaya qoyulub
24.06.2019 10:58
III Respublika Xalq Teatrları Festivalının final mərhələsi keçirilir
24.06.2019 10:13
“Sumqayıtda ədəbi həyat” adlı kitabının təqdimatı keçirilib
24.06.2019 09:48
UNESCO jurnalının “Dünya irsi Azərbaycanda” adlı xüsusi nömrəsi ölkəmizə həsr olunub
24.06.2019 09:45
Forum iştirakçılarının gəliş günü
22.06.2019 15:30
Masallıda “Vətənin müdafiəsinə hazıram!” devizi altında təntənəli tədbir keçirilib
21.06.2019 17:43
Moskvada Xalq rəssamı Tahir Salahovun sərgisi açılıb
21.06.2019 17:35
Minsk şəhərində “Azərbaycan Günü” təşkil olunmuşdur
21.06.2019 15:45
Əbülfəs Qarayev Balakənə səfəri çərçivəsində bir sıra mədəniyyət müəssisələrinə baxış keçirib