16 may 2018-ci il saat 11:00-da Qazax rayon E.Hüseynov adına Mərkəzi kitabxanasında Uşaqlarda erkən yaşda kitaba, mütaliyə maraq və həvəs oyatmaq məqsədilə “Sənin Nağıllı Dünyan” adlı tədbir keçirib. Tədbirdə şəhər 1 saylı Körpələr evi - uşaq bağçasının müdiri İradə Mustafayeva, müəlimə Arzu Hacıyeva və böyük qrupun uşaqlarından ibarət olmaqla 22 nəfər iştirak edib.
İştirakçılar Uşaq şöbəsinin təşkil etdiyi “Açıq kitabxana” sərgisində yazıçı Gülzar İbrahimovanın “Nənəmin nağılları” , ”Sehrli dünya” jurnalları və müxtəlif uşaq nağılları ilə tanış olublar. Sonra “Nağıl otağında” bağçanın yuxarı qrup uşaqlarının iştirakı ilə görkəmli dramatruq Hüseyn Cavidin “Qızlar məktəbi” adlı şeirini səhnələşdirilmiş formada nümayiş etdirilib. Səhnəcik kiçik yaşlı oxucuların marağına səbəb olub və bu barədə sual-cavab aparılıb. Körpə fidanların müxtəlif şeirlər və şən mahnılar ifa etməsilə tədbir başa çatıb.