Qazax şəhərində keçirilən Novruz bayramı şənliyində MKS –in E. Hüseynov adına Mərkəzi kitabxana və filialları iştirak edib
16 mart 2018-ci il tarixdə saat 11:00-da Qazax rayon MKS –inin E. Hüseynov adına Mərkəzi kitabxana və filialları Qazax şəhərində Olimpiya İdman Kompleksinin qarşısında keçirilən Novruz şənliyində iştirak edib. Rayonun rəhbər işçiləri və şəhərimizin qonaqları “Qala” qapısına daxil olub. Girişdə onları Bahar qız qarşılayıb və Novruz bayramı münasibəti ilə qonaqları təbrik edib. Bayram tonqalnının alovlanması ilə bayram şənliyinin başlanmasına start verilib. Kosa və Keçəlin iştirakı ilə məzəli səhnəciklər nümayiş etdirilib, qonaqlarla yumurta döyüşdürülüb. MKS-in bütün filialları kitab sərgiləri, səmənilər, xonçalar, qurulan alaçıqlarda sakinlərdən topladıqları məişət əşyalarını nümayiş etdirib, fəal oxucular şeirlər söyləyib, rəngarəng rəqs nümunələri göstəriblər.
16-19 mart 2018-ci il tarixlərdə Aşağı Salahlı, Alpout, Məzəm, Qaymaqlı, Kəmərli kənd, N. Nərimanov qəsəbə, şəhər 2 saylı, Heydər Əliyev Mərkəzində fəaliyyət göstərən şəhər Multimedia kitabxana filiaları bayram şənliyi keçiriblər.
Sərhəd bölgəsində yerləşən Cəfərli, Bala Cəfərli və Xanlıqlar kənd kitabxana filialları “N” saylı hərbi hissədə Novruz şənliyi keçiriblər
19 mart 2018- ci il tarixdə saat 15:00-da sərhəd bölgəsində yerləşən Cəfərli və Bala Cəfərli kənd kitabxana filialları “N” saylı hərbi hissədə Novruz şənliyi keçiriblər. Tonqal ətrafında toplanan əsgər və zabitləri batalyon komandiri Elçin Qurbanov, Cəfərli kənd İcra Nümayəndəsi Şahin Mustafayev, katib Nizami Allahverdiyev, Xanlıqlar kənd İcra Nümayəndəsi Xasay Balayev, katib Ərəstun Məmmədov bayram münasibətilə təbrik ediblər. Kitabxanaçılar əsgərlərə apardıqları bayram sovqatı, səməniləri Vətənimizin keşikçiləri olan mərd ogullarımıza təqdim edib, maraqlı söhbətlər aparıb, onlarla şən musiqi sədaları ətrafinda rəqs ediblər.