İsmayıllı Regional Mədəniyyət İdarəsinin tabeliyində fəaliyyət göstərən İsmayıllı şəhər
Fazil Əzimov adına Uşaq İncəsənət Məktəbinin 2018-2019-cu tədris ilinin yekun hesabat konserti 20 iyun 2019-cu il tarixində məktəbin əsaslı təmirdən sonra açılışı olan binasında keçirilmişdir.Tədbirdə incəsənət məktəbinin kollektivi, İsmayıllı Regional Mədəniyyət idarəsinin tabeliyində olan musiqi məktəblərinin direktorları Cəbrayılov Gülağa, Cəfərov Zaur, Səfərov Yaqub, İsmayıllı Mərkəzi kitabxanasının direktoru Baxışova Könül, İsmayıllı Regional Mədəniyyət idarəsinin əməkdaşı Rəhim Bağırlı və digər qonaqlar iştirak edib.
Konsertdə Uşaq İncəsənət Məktəbinin tar, qarmon, nağara, kamança, fortepiano, xanəndəlik, xor ixtisasları üzrə təhsil alan şagirdlərin bir-birindən maraqlı əsərlərdən ibarət ifaları izləyicilər tərəfindən maraqla qarşılanmışdır. Daha sonra konsertdə fərqləndiklərinə görə məktəbin şagirdləri tərifnamə ilə təltif edilmişdirlər.