Laçın rayonunun Ermənistan silahlı qüvvələri tərəfindən işğalının 26-cı ildönümü ilə əlaqədar Qarabağ mədəniyyətinin canlı yadigarı olan Şuşa Dövlət Musiqili Dram Teatrı bir sıra anım mərasimləri keçirəcəkdir.
17-18 may tarxlərində Şəmkir və Gədəbəy rayonlarında keçiriləcək anım mərasimlərində, Elnurə Abdullayevanın “Əsgər papağı” tamaşası oynanılacaqdır.
Tamaşa Qarabağ müharibəsinin bəlalarından, bu müharibənin insanlara vurduğu mənəvi zərbələrdən bəhs edir.
Tamaşanın quruluşçu rejissoru Sərdar Gözəlov, quruluşçu rəssamı Valeh Məmmədov, musiqi tərtibatçısı MirVüqar Nəsirovdur.
Tamaşada əsas rolları Əməkdar Artist Nazir Rüstəmov, aktyorlardan Emin Sevdiməliyev, Zəhra Salayeva, Vüqar Ağayev, Bahar Həmzəyeva, Teymur Məmmədov, Məmməd Məmmədov, Mobil Qurbanov, Hamlet Qənbərov, Vüsalə Əsgərova və Asif Əhədov ifa edirlər.
Tamaşada video süjetlərdən də istifadə olunmuşdur ki, bu da tamaşanın təsir gücünü daha da artırır.