Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
3172

Xalq rəssamı Arif Əzizin və tələbələrinin sərgisi açılıb

Yanvarın 15-də Mədəniyyət Nazirliyinin dəstəyi ilə Muzey Mərkəzində Xalq rəssamı, “Şöhrət” ordenli Arif Əzizin və tələbələrinin “Maestro & Artists” adlı sərgisinin açılış mərasimi keçirildi. Mərasimdə rəsmilər, çoxsaylı mədəniyyət, incəsənət xadimləri, sənətsevərlər iştirak edirdi.

Sərginin açılış mərasimində çıxış edən Azərbaycan Dövlət Mədəniyyət və İncəsənət Universitetinin rektoru Ceyran Mahmudova Arif Əzizin pedaqoji fəaliyyəti haqqında ətraflı məlumat verdi. Qeyd etdi ki, Arif Əziz 1971-ci ildən bu günədək Mədəniyyət və İncəsənət Universitetində çalışır. Onun 48 il ərzində yüzlərlə rəssam, dizayner, qrafik, xalçaçının yetişməsində böyük əməyi var. Bu sərgidə də öz tələbələrini ətrafına toplayıb. Vurğulandı ki, rəssamın fərdi üslubu, daim yaradıcılıq transformasiyalarına və bədii eksperimentlərə meyilliliyi, zamanın və məkanın təsirindən səmərəli istifadəsi, ən əsası, sonsuz dinamikası, çevikliyi və müasirliyi mütləq tərzdə onun sənətinin aktuallığını müəyyən edir.

Tədbirdə çıxış edən mədəniyyət nazirinin birinci müavini Vaqif Əliyev Xalq rəssamının həyat və fəaliyyətindən danışdı, müasir Azərbaycan incəsənətində Arif Əzizin xüsusi yerə malik olduğunu dedi: “Ötən əsrin 70-ci illərindən başlayaraq Arif Əziz dizayn, dekorativ-tətbiqi sənət, bədii tərtibat, kitab qrafikası, teatr dekorasiyası, moda, rəngkarlıq sahələrində çalışaraq, Azərbaycan incəsənətinin müasir vəziyyətinin formalaşmasına böyük təsir göstərib. İlk bədii təhsilini Bakıda, Əzim Əzimzadə adına Rəssamlıq məktəbində alıb, daha sonra isə Moskvada S.Q.Stroqanov adına Ali Bədii-Sənaye Məktəbində qrafik dizayn ixtisası üzrə davam etdirib. Arif Əziz öz yaradıcılığı, pedaqoji fəaliyyəti ilə incəsənətimizə bir sıra töhfələr verib. Onun dünyanın bir çox ölkələrində, o cümlədən Türkiyə, Almaniya, Rusiya və İranda sərgiləri təşkil olunub”.

Vaqif Əliyev Arif Əzizi 75 illik yubileyi münasibəti ilə təbrik edərək, ona gələcək fəaliyyətində uğurlar arzu etdi.

Millət vəkili, Respublika Ağsaqqallar Şurasının sədri Fəttah Heydərov sənətkarı təbrik edərək onun Azərbaycan rəssamlığına verdiyi töhfələri yüksək dəyərləndirdi. Qeyd etdi ki, Arif Əziz öz həyatını müqəddəs sənətə həsr edib, pedaqoji fəaliyyəti ilə yüzlərlə tələbə yetişdirib.

Xalq rəssamı Səlhab Məmmədov, “Dədə Qorqud” Fondunun prezidenti Eldar İsmayılov çıxış edərək Arif Əzizin yaradıcılıq yoluna nəzər saldılar. Rəssama “Dədə Qorqud” Fondunun xatirə medalı təqdim edildi.

Qeyd olundu ki, rəssamın 75 illik yubileyi çərçivəsində təşkil edilən silsilə sərgilər sırasında hazırkı ekspozisiyanı üslub və janr əlvanlığından asılı olmayaraq, xarakterizə edən əsas, prinsipial amil onun bu günədək tələbələrinə öyrətdiyi səmimiyyətdir. Müasir incəsənətimizin yeni formatlı sərgisində rəssam-maestro öz tələbələrinin əhatəsində təqdim olunur.

Sonda tədbirin təşkilatçılarına və iştirakçılarına təşəkkür edən Arif Əziz əməyinə verilən yüksək qiymətə görə ölkə başçısına minnətdarlığını bildirdi, Azərbaycan incəsənətinin inkişafı naminə bundan sonra da əzmlə çalışacağını dedi.

Çıxışlardan sonra mərasim iştirakçıları qrup sərgisindəki əsərlərlə yaxından tanış oldular.

Qeyd edək ki, “Maestro & Artists” sərgisində Arif Əzizin və onun təxminən yarım əsr ərzində yetişdirdiyi rəssamların – 100-ə yaxın tələbəsinin əsərləri nümayiş olunur. Sərgi yanvarın 18-dək davam edəcək.

XƏBƏRLƏR

22.03.2024 22:10
Parisdə Azərbaycan və UNESCO arasında əməkdaşlığın inkişaf etdirilməsi müzakirə olunub
15.03.2024 15:16
Azərbaycan Milli Xalça Muzeyində “Türk xalqlarının geyim və zərgərlik mədəniyyəti” sərgisi açıldı
13.03.2024 14:13
Azərbaycan və Xorvatiya arasında iqtisadi əməkdaşlıq üzrə Birgə Komissiyanın 3-cü iclası keçirilib
07.03.2024 15:04
Mədəniyyət naziri Zaqatalada vətəndaşları qəbul edib
05.03.2024 17:19
Heydər Əliyev Mərkəzində Türk dünyası rəssamlarının “Tomris” adlı sərgisi keçirilib
04.03.2024 09:50
"Qarabağ” Futbol Klubu haqqında sənədli filmin təqdimatı keçirilib
01.03.2024 17:22
Bakı Şəhər Mədəniyyət Baş İdarəsinin tabeliyindəki müəssisələrin fəaliyyəti üzrə ictimai dinləmə keçirilib
01.03.2024 13:00
“Young Lions” Azerbaijan yaradıcı gəncləri səsləyir!
01.03.2024 12:55
Mədəniyyət Nazirliyində "TikTok" nümayəndə heyəti ilə görüş olub
28.02.2024 18:01
“Salam, Novruz!” 28 fevral – 15 aprel
28.02.2024 15:34
Xalq artisti Süleyman Ələsgərovun 100 illik yubileyinə həsr olunan konsert keçirilib
26.02.2024 09:00
CINEMO ilk Mobil Film Festivalının Qala Gecəsi keçirildi
24.02.2024 13:10
Dohada Azərbaycan Mədəniyyəti Günləri çərçivəsində qala-konsert keçirilib
23.02.2024 11:48
“TikTok” Azərbaycan Respublikası Mədəniyyət Nazirliyinin dəstəyi ilə #TikTokdanÖyrən layihəsinə başladı
23.02.2024 10:10
Qətər Milli Kitabxanasında “Qədim köklərə malik Azərbaycan mədəniyyəti” adlı kitab sərgisi açılıb
22.02.2024 18:05
Süleyman Ələsgərovun 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı
17.02.2024 17:43
Mədəniyyət naziri Salyanda vətəndaşların müraciətlərini dinləyib
16.02.2024 18:59
Mədəniyyət və yaradıcı sənayelər sahəsi üzrə mütəxəssislərlə görüş keçirildi
15.02.2024 09:36
Ekspert Şurasının növbəti iclası keçirilib
14.02.2024 09:24
VI Ümumdünya Mədəniyyətlərarası Dialoq Forumu Təşkilat Komitəsinin iclası keçirilib
06.02.2024 16:54
Tanınmış şair Baba Vəziroğluna “Şərəf” ordeni təqdim olunub
05.02.2024 13:57
Azərbaycan Milli Xalça Muzeyində qobelen ustası Adil Şıxəliyevin “Vətənim mənim” sərgisi açılıb
02.02.2024 14:42
Mədəniyyət naziri Türk Mədəniyyəti və İrsi Fondunun prezidenti ilə görüşüb
01.02.2024 17:53
Mədəniyyət naziri Adil Kərimli üçüncü “Yüksəliş” müsabiqəsinin qalibləri ilə görüşüb