Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
928

“Xalq teatrları peşəkar səhnənin beşiyidir” adlı Respublika xalq teatrları konfransı keçirildi

Mədəniyyət Nazirliyinin təşkilatçılığı ilə gerçəkləşən III Respublika Xalq Teatrlarının Festivalı çərçivəsində iyunun 25-də Muzey Mərkəzində ilk dəfə Respublika xalq teatrları konfransı keçirildi.

“Xalq teatrları peşəkar səhnənin beşiyidir” adlı konfrans Mədəniyyət üzrə Elmi-Metodiki və İxtisasartırma Mərkəzi (MEMİM) tərəfindən Azərbaycan teatr ənənələrinin qorunması və inkişafına dəstək göstərilməsi, peşəkar teatr üçün baza rolunu oynayan xalq teatrları və dram dərnəklərinin fəaliyyətinin stimullaşdırılması, gənc nəslin bu sahəyə marağının artırılması məqsədilə təşkil olunub.

Konfransın açılışında çıxış edən mədəniyyət nazirinin müavini Rafiq Bayramov başa çatan III Respublika Xalq Teatrlarının Festivalının əhəmiyyətindən söz açdı. Bildirdi ki, məhsuldar gündəliyi olan, final mərhələsində 13 kollektivin çıxış etdiyi festival yerlərdə teatr sənətinin inkişafına töhfə olacaq. Bu gün dövlət tərəfindən mədəniyyətin bütün sahələrinə, o cümləsən teatr sənətinə diqqət və qayğı göstərildiyini deyən nazir müavini peşəkar teatr kollektivlərinin formalaşmasında xalq teatrlarının mühüm rolunu vurğuladı. Bildirdi ki, xalq teatrlarının yerlərdəki mədəni mühitdə hərəkətverici missiyasına nail olmaq, onların fəaliyyət dairəsini genişləndirmək ümdə vəzifələrdəndir.

Rafiq Bayramov xalq teatrlarının gələcək fəaliyyəti üçün konfrans iştirakçılarından konkret təkliflər gözlədiklərini və nazirliyin xalq teatrları ilə bağlı bundan sonra da sistemli iş aparacağını dedi. Qeyd etdi ki, bu kimi konfranslar, fikir mübadilələri xalq teatrlarının inkişafına, onların yaradıcılıq səviyyəsinin artırılmasına kömək edir. Nazir müavini ayrı-ayrı rayonlarda yeni xalq teatrlarının yaradılması üçün zəmin yaradılmasının vacibliyini də qeyd etdi.

Mədəniyyət üzrə Elmi-Metodiki və İxtisasartırma Mərkəzinin direktoru Asif Usubəliyev çıxışında iki paneldə davam edəcək konfransın həm hesabat xarakterli fikirlər, həm də qarşıda duran məqsəd və vəzifələrlə bağlı konkret təkliflər üçün imkan yaratdığını vurğuladı.

Sonra konfrans “Xalq teatrlarına dövlət qayğısı” və “Xalq teatrlarının perspektivi” adlı iki paneldə işini davam etdirdi.

Birinci paneldə Xaçmaz Regional Mədəniyyət İdarəsinin rəisi Nazim Ağayev, Şəki Regional Mədəniyyət İdarəsinin rəisi Mirvari Zeynalova, Xalq artisti Tariyel Qasımov və başqaları xalq teatr kollektivlərinin fəaliyyət və nailiyyətləri, onların qarşısında duran problemlər barədə fikirlər səsləndirdilər. Çıxışlarda ustad dərslərinin keçirilməsi, təcrübə mübadiləsi, qarşılıqlı qastrol səfərləri, xalq teatrları üçün repertuarın zənginləşməsini təmin edəcək birpərdəli pyeslərin sifarişi və s. mövzularda təkliflər irəli sürüldü.

Panel iclaslarında həmçinin MEMİM-in əməkdaşı Hikmət Nəbili (“Azərbaycan teatrının tarixi və inkişafı”), Şəki Regional Mədəniyyət İdarəsinin Zaqatala rayon üzrə nümayəndəsi Fizzə Mahmudova (“Zaqatala xalq teatrının rayonun mədəni həyatında rolu”), Heydər Əliyev adına Xaçmaz rayon Mədəniyyət Mərkəzinin metodisti, Xalq teatrının bədii rəhbəri İlham Tağızadə (“Xalq teatrlarımız zamanın axarında”), AMEA-nın Memarlıq və İncəsənət İnstitutunun şöbə müdiri, sənətşünaslıq üzrə fəlsəfə doktoru Vidadi Qafarov (“Xalq özfəaliyyət teatrının milli teatr prosesinə təsir parametrləri”), Mədəniyyət və İncəsənət Universitetinin Teatrşünaslıq kafedrasının müəllimi Elçin Cəfərov (“Xalq teatrları müasir mədəniyyət prosesi konteksitində: problemlər və perspektivlər”), Zaqatala rayon Xalq teatrının bədii rəhbəri Bayram Qurbanov (“Xalq teatrları və onların yaradıcılıq yolu”) və başqaları çıxış etdilər.

Çıxışlarda xalq teatrlarının bölgələrdəki mədəni həyata təsiri, istedadlı aktyorların yetişməsi üçün oynadığı rol önə çəkilərək, peşəkar teatrlar üçün baza kimi əhəmiyyəti vurğulandı, təkliflər səsləndirildi. Hər iki panel üzrə müzakirələrdən sonra iştirakçılara sertifikatlar təqdim olundu.

XƏBƏRLƏR

18.10.2019 17:22
Bakı şəhərində “Ustad dərslər” layihəsi həyata keçirilib
18.10.2019 17:20
Azərbaycanın Dövlət Müstəqilliyi Günü münasibətilə Daşkənddə sərgi açılıb
18.10.2019 16:31
Nizami Gəncəvinin “Yeddi gözəl” əsəri Daşkənddə özbək dilində işıq üzü görüb
18.10.2019 14:21
Yaradıcı əməyə verilən qiymət
18.10.2019 12:49
Almaniyada İmaddədin Nəsiminin 650 illiyi ilə bağlı tədbir keçirilib
18.10.2019 10:28
Azərbaycan Respublikasının Mədəniyyət naziri və nazir müavini bölgələrdə vətəndaşları qəbul edəcək
18.10.2019 09:42
ICOM Azərbaycan Milli Komitəsinin yeni sədri seçilib
18.10.2019 09:19
Azərbaycan Milli Kitabxanası ilə Berlin Universiteti arasında əməkdaşlıq haqqında Memorandum imzalanıb
18.10.2019 09:15
Muğam Mərkəzində “Solistlər ansamblı”nın müasir musiqidən ibarət konserti olub
18.10.2019 09:10
Musiqili Teatr beynəlxalq festivalda uğurla iştirak edib
17.10.2019 16:34
Ölkəmiz 71-ci Frankfurt Beynəlxalq Kitab Sərgisində təmsil olunur
17.10.2019 16:07
“Solistlər ansamblı”nın müasir musiqidən ibarət konserti maraqla qarşılanıb
17.10.2019 13:55
Finlandiya teatrının Bakı səhnəsində “Gediş”i
17.10.2019 12:33
M.A.P. festivalında “Universal hadisə”
17.10.2019 12:27
UNESKO-nun baş qərargahında Nəsiminin anadan olmasının 650 illiyi təntənəli şəkildə qeyd edilib
17.10.2019 11:45
Macarıstanda keçirilən tədbirdə Mərkəzi İncəsənət məktəbinin nümayəndə heyəti iştirak edib
17.10.2019 10:20
Respublika Uşaq Kitabxanasında “Türk birliyinə aparan yol” adlı tədbir keçirildi
17.10.2019 09:03
Tanınmış yazıçı-dramaturq və kinorejissor Əmir Pəhləvanın 60 illiyi qeyd olunub
16.10.2019 17:47
Azərbaycan Rəngkarlığı Muzeyində “Danışır Bakı: 1900-1940-cı illər” adlı sərgi açılıb
16.10.2019 15:49
Sumqayıt şəhər Heydər Əliyev Mərkəzində müsabiqə laureatları tətif edilib
16.10.2019 15:34
Abdulla Şaiqin xatirəsi anılıb
16.10.2019 14:20
Lənkəranda Respublika Folklor Festivalının seçim mərhələsi keçirildi
16.10.2019 09:59
Qazaxıstanın Mədəniyyət və Təhsil nazirləri ADMİU-da olub
16.10.2019 09:37
Qazaxıstanlı qonaqlar Bakı Xoreoqrafiya Akademiyasında olublar
16.10.2019 09:24
Bakıda Dağıstan poeziyasının görkəmli nümayəndəsi Stalskinin 150 illiyi qeyd olunub
16.10.2019 09:14
Nizami Kino Mərkəzində görkəmli şair Andrey Dementyevin xatirəsinə həsr edilmiş filmin təqdimatı olub
15.10.2019 18:48
Teatrımızın canlı ensiklopediyası İlham Rəhimlinin 70 illiyi qeyd olunub
15.10.2019 14:24
Beyləqanda Dərbənd Dram Teatrının tamaşası təqdim olunub