Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
2159

Dahi bəstəkar Qara Qarayevin anadan olmasından 100 il ötür

Dünya şöhrətli bəstəkar və pedaqoq, SSRİ Xalq artisti, Sosialist Əməyi Qəhrəmanı, SSRİ və Azərbaycanın dövlət mükafatları laureatı, akademik Qara Qarayevin anadan olmasından 100 il ötür.

Fevralın 5-də mədəniyyət və turizm naziri Əbülfəs Qarayev, nazirin birinci müavini Vaqif Əliyev, Azərbaycan Bəstəkarlar İttifaqının sədri, Xalq artisti Firəngiz Əlizadə, Üzeyir Hacıbəyli adına Bakı Musiqi Akademiyasının rektoru, Xalq artisti Fərhad Bədəlbəyli, respublikanın mədəniyyət və incəsənət xadimləri, ictimaiyyət nümayəndələri Fəxri xiyabana gələrək Qara Qarayevin xatirəsini hörmətlə yad etdilər, məzarı üzərinə gül dəstələri qoydular.

Anım mərasimində çıxış edən Firəngiz Əlizadə görkəmli bəstəkarın həyat və yaradıcılığından danışdı. Bildirdi ki, yaradıcılığı zəngin milli köklərə əsaslanan Qara Qarayev Azərbaycan musiqisinin yeni mərhələdə inkişafını təmin edən şəxsiyyətlərdəndir: “Qara Qarayevin həyat və fəaliyyəti bizim üçün örnəkdir. Onun yüksək insani keyfiyyətləri, yaradıcılıq istedadı musiqimizin gələcəyinə işıq tutub. Bütün həyatı boyu Azərbaycan musiqisinin inkişafına çalışıb. O, bizim muğamlarımızı, aşıq sənətimizi də dərindən öyrənib, bu haqda məqalələr yazıb.

Biz Qara Qarayevin tələbələri olaraq onun qoyduğu şərəfli missiyanı davam etdirməyə çalışırıq”.

Fərhad Bədəlbəyli sənətkarın Azərbaycan musiqisi tarixinə verdiyi töhfələrdən danışdı: “Düşünürəm ki, Qara Qarayev az yaşayıb. 63 yaş nədir ki. Amma buna baxmayaraq, o, bizə zəngin musiqi əsərləri miras qoyub. Əgər ömür vəfa etsəydi, Qara Qarayev daha da gözəl əsərlər yarada bilərdi. Görkəmli bəstəkarın əsərləri bu gün də dünya səhnələrində səslənməklə mükəmməlliyini bir daha sübut edir. O, bir çox filmlərə, tamaşalara musiqi bəstələyib. Qara Qarayev Azərbaycan musiqisinə böyük töhfələr vermiş dahidir”.

Fərhad Bədəlbəyli qeyd etdi ki, Prezident İlham Əliyevin “Qara Qarayevin 100 illik yubileyi haqqında” sərəncamı çərçivəsində böyük musiqiçinin yubileyi silsilə tədbirlərlə qeyd olunur.

Qeyd edək ki, böyük bəstəkar 1918-ci il fevralın 5-də Bakıda dünyaya göz açıb. O, milli və bəşəri xarakterli yaradıcılığı ilə gələcəyə yeni yollar açan novator sənətkar kimi tanınıb. Hər bir əsərinin premyerası Azərbaycan musiqi tarixində xüsusi hadisəyə, sənət bayramına çevrilib. Əsərləri keçmiş SSRİ respublikalarında, ABŞ, Polşa, Misir, İspaniya, İtaliya, Fransa, Yaponiya və Almaniyada keçirilən möhtəşəm musiqi tədbirlərində müvəffəqiyyətlə səsləndirilib.

Qara Qarayevin Nizami Gəncəvinin eyniadlı poeması əsasında yaratdığı “Yeddi gözəl” və Cənubi Afrika yazıçısı Piter Abrahamsın romanı əsasında yazdığı “İldırımlı yollarla” baletləri dünyanın bir sıra ölkələrində uğurla nümayiş olunub. Bəstəkarın “Birinci simfoniya”sı Azərbaycanın ilk simfoniyaları arasında mühüm yer tutur. “Don Kixot” simfonik qravürləri, “Leyli və Məcnun” (Nizami Gəncəvinin poeması əsasında), “Vyetnam süitası” əsərləri Qara Qarayev yaradıcılığının dəyərli səhifələridir.

Dahi musiqiçi “Uzaq sahillərdə”, “Onun böyük ürəyi”, “Bir məhəllədən iki nəfər”, “İnsan məskən salır”, “Nizami” və s. filmlərə, teatr tamaşalarına musiqilər yazıb.

Bəstəkar “Vətən” operasının (Cövdət Hacıyevlə birlikdə) və fransız yazıçısı Anri Barbüsün əsəri əsasında “Zəriflik” monooperasının müəllifidir. 24 prelüd silsiləsi, skripka və fortepiano üçün sonata, simli kvartetlər bəstəkarın bənzərsiz yaradıcılıq üslubunun təzahürü kimi qiymətləndirilir. Onun A.Puşkinin şeirləri əsasında yaratdığı “Mən sizi sevirdim” və “Gürcüstan təpələrində” romansları, eləcə də “Könül mahnısı”, “Səadət mahnısı” kantataları musiqi sənətimizin gözəl nümunələridir.

Azərbaycanın musiqi mədəniyyətini şedevr əsərlərlə zənginləşdirən Qara Qarayev 1982-ci il mayın 13-də vəfat edib.

XƏBƏRLƏR

18.01.2019 11:01
Daşkənddəki “Məhəllə” televiziya kanalında Azərbaycan mədəniyyətinə dair proqram yayımlanıb
18.01.2019 10:51
“Azadlıq aşiqləri günü-20 Yanvar” rəsm müsabiqənin yekun sərgisi açılıb
17.01.2019 18:13
Cəlil Məmmədquluzadənin 150 illik yubileyinin qeyd edilməsi haqqında Azərbaycan Respublikası Prezidentinin Sərəncamı
17.01.2019 16:42
Respublika Gənclər Kitabxanası tərəfindən “20 yanvar” faciəsinə həsr edilmiş tədbirlər keçirildi
17.01.2019 15:18
Milli Kitabxanada “20 yanvar – Ümumxalq hüzn və qürur günüdür” mövzusunda kitab sərgisi və filmin nümayişi keçirildi
17.01.2019 14:56
"Boqema" operasının tamaşasında opera ulduzları iştirak edəcəklər
17.01.2019 14:49
Milli Qəhrəman Alı Mustafayevin xatirəsinə həsr olunmuş filmin təqdimatı olub
17.01.2019 09:41
Xalq artisti Amalya Pənahovanın xatirəsinə həsr olunan “Mən aktrisa olmaq üçün dünyaya gəldim…” adlı tədbir keçirilib
16.01.2019 16:52
Niyazinin Mənzil Muzeyində ilin ilk görüşü Əyyub Quliyevlə olub
16.01.2019 10:30
Azərbaycan Respublikası Mədəniyyət Nazirliyinin strukturunun və idarə edilməsinin təkmilləşdirilməsi ilə bağlı tədbirlər haqqında Azərbaycan Respublikası Prezidentinin Fərmanı
16.01.2019 10:29
Qara Qarayevin ev-muzeyində Xalq artisti Firəngiz Əlizadə ilə görüş təşkil edilib
16.01.2019 09:34
Xalq rəssamı Arif Əzizin və tələbələrinin sərgisi açılıb
15.01.2019 15:14
Milli qəhrəmanlara həsr olunmuş filmlərin nümayişinə başlanılıb
15.01.2019 09:48
“Ağ şəhər” Rəsm Qalereyasında gənc rəssam Fidan Əliyevanın “Həyat şəfqəti” adlı fərdi sərgisi açılıb
15.01.2019 09:33
Azərbaycan Respublikasının mədəniyyət naziri Xızı şəhərində vətəndaşları qəbul edəcək
14.01.2019 17:20
"Wikipedia.org" Beynəlxalq Elektron Ensiklopediyasında “Kəlağayı - Azərbaycan ipəyinin dürdanəsi“ adlı Özbək dilində məlumat yerləşdirilib
14.01.2019 16:39
Lənkəran teatrının nümayəndə heyəti İranda keçirilən Fəcr Beynəlxalq Teatr Festivalında təmsil olunub
14.01.2019 16:36
Biləsuvar rayon Dövlət Rəsm Qalereyasının təmirdən sonra açılışı ilə əlaqədar tədbir keçirilib
14.01.2019 12:38
Mədəniyyət ocaqlarında 20 Yanvar faciəsinin ildönümü müxtəlif tədbirlərlə qeyd olunacaq
14.01.2019 10:30
“Maestro and Artists” Xalq rəssamı Arif Əzizin 75 illiyinə həsr olunmuş qrup sərgisi keçiriləcək
14.01.2019 09:53
İstiqlal Muzeyində II Dünya müharibəsi illəri ilə bağlı ekspozisiyada 100-ə yaxın eksponat nümayiş olunur
14.01.2019 09:38
Ötən il Şuşa Dövlət Musiqili Dram Teatrının tarixində əlamətdar hadisələrlə yadda qalıb
11.01.2019 17:39
Sumqayıt Regional Mədəniyyət İdarəsinin müşavirəsi keçirilib
11.01.2019 16:44
Azərbaycandan Özbəkistana göndərilən zəngin kitab kolleksiyasının sərgisi açılıb
10.01.2019 17:19
“Dilçilik elmində Afad Qurbanov irsi” kitabının təqdimatı keçirildi