Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
01.06.2020 17:07
Mədəniyyət siyasətinin əhatə təsiri uşaqların tərbiyəsindən başlanırBu gün Mədəniyyət üzrə Elmi Metodiki və İxtisasartırma Mərkəzi 1 iyun - Uşaqların Beynəlxalq Müdafiə Gününə həsr olunmuş vebinar-müzakirə təşkil edib. “Zoom” vasitəsilə baş tutmuş tədbirdə mərkəzin əməkdaşları ilə yanaşı, regionlarda çalışan gənc mədəniyyət işçiləri, habelə kitabxanaların uşaq şöbələrinin mütəxəssisləri də iştirak ediblər. Belə ki, mərkəzin elmi katibi Cavid Əliyev, şöbə müdirləri Nurəddin Babazadə, Nəzakər Rəhmanova, əməkdaşları Əkbər Rüstəmov, Rəfiqə Nəsirova, Leyla Qılıcova, Validə Hacıyeva, Aygün Hüseynova, habelə Gəncə şəhər Uşaq kitabxanasının şöbə müdiri Ellada Dəhazi Rəhimova və başqaları uşaqlara həsr olunmuş müxtəlif mövzularda çıxış ediblər. Vebinar zamanı əməkdaşların uşaqlarının tədbirə canlı qoşulması və fəal iştirak edilməsi iştirakçılar üçün böyük və xoş sürpriz oldu. Mərkəz tərəfindən keçirilmiş və uşaqlara həsr olunmuş tədbirlər nümunəsində geniş fikir mübadiləsi aparılıb. Tədbirin sonunda çıxış edən Mərkəzin direktoru Asif Usubəliyev uşaqlara qayğı dövlət siyasətinin ayrılmaz hissəsi olduğunu vurğulayıb. Mövcud istiqamətdə uşaqlarda estetik zövqün formalaşması, vətənpərvərlik hisslərinin aşılanması və onların adət-ənənələrə bağlılığının təmin olunması kimi məqsədlərə nail olunmasında görülə biləcək işlər haqqında öz münasibətini bildirib. Xatırladaq ki, 1950-ci il iyunun 1-də BMT Baş Məclisi tərəfindən keçirilən qadınların beynəlxalq konfransında bu günü uşaqların beynəlxalq müdafiəsinə həsr etmək qərara alınıb. Bu gün Azərbaycanda da geniş qeyd olunur. Azərbaycanda əhalinin təxminən 40 faizini uşaqlar təşkil edir. Ölkəmizdə uşaq və yeniyetmə gənclərin təxminən 95 faizi təhsil alır.   ..
01.06.2020 15:59
“Mərkəzi Asiyanın mədəni həyatı və sosial-humanitar elmlərin aktual problemləri” adlı videokonfransda Azərbaycan da iştirak edib“Mərkəzi Asiyanın mədəni həyatı, sosial-humanitar elmlərin aktual problemləri” adlı beynəlxalq elmi-nəzəri onlayn videokonfransda Azərbaycan da iştirak edib. Videokonfrans Daşkənddəki Əlişir Nəvai adına Özbək Dili və Ədəbiyyatı Universitetinin (ODƏU) təşkilatçılığı, Özbəkistandakı Heydər Əliyev adına Azərbaycan Mədəniyyət Mərkəzinin (AMM), M.Lomonosov adına Moskva Dövlət Universitetinin Asiya və Afrika Ölkələri İnstitutunun (AAÖİ) və Muxtar Auezov adına Cənubi Qazaxıstan Dövlət Universitetinin dəstəyi ilə baş tutub. Tədbirdə Azərbaycan, Amerika Birləşmiş Ştatları, Rusiya, İtaliya, Qazaxıstan və Tacikistandan 100-dən artıq alim, müəllim və tələbə iştirak edib. Videokonfransı ÖDƏU-nun rektoru, professor Şöhrət Siracəddinov açaraq pandemiya dövründə belə tədbirlərin keçirilməsinin vacibliyindən danışıb, mövzu ilə bağlı fikirlərini bölüşüb, qonşu dövlətlərin universitetləri arasında əlaqələrin dərinləşdirilməsinin vacibliyini vurğulayıb. AMM-nin direktoru Samir Abbasov konfransın mövzusunun aktuallığından söz açıb, Mərkəzi Asiyada elmin və mədəniyyətin inkişafında Azərbaycan alimlərinin də mühüm rol oynadığını bildirib. Ölkələrimiz arasında münasibətlərin inkişafından danışan S.Abbasov Özbəkistanın Türk Şurasının tam hüquqlu üzvü olmasını türkdilli dövlətlər arasında münasibətlərin daha da genişlənməsi istiqamətində mühüm addım kimi qiymətləndirib. O deyib ki, Özbəkistan Prezidenti Şavkat Mirziyoyevin Türk Şurasının Bakıda keçirilən Zirvə görüşündə iştirak etməsi, Azərbaycan Prezidenti İlham Əliyevin Şavkat Mirziyoyevlə görüşməsi əlaqələrimizin inkişafına təkan verir. Tədbirdə mövzu ilə bağlı Azərbaycan Milli Elmlər Akademiyasının Nizami Gəncəvi adına Ədəbiyyat İnstitutunun professoru Almaz Ülvi, AAÖİ direktorunun müavini Darya Jiqulskaya və digər alimlərin çıxışları da dinlənib. ..
01.06.2020 14:43
Uşaqlar üçün müasir aranjemanlarda 30 mahnı təqdim ediləcəkÖlkə ərazisində aparılan rəy sorğusu zamanı respondentlər birmənalı olaraq uşaqların maarifləndirilməsi üçün müasir aranjemanda olan uşaq mahnılarını əldə edə biləcək resurslara çıxışlarının olmadığını qeyd ediblər. Bu məqsədlə “Uşaq və Yeniyetmələrə Dəstək” İctimai Birliyi onlayn aksiyaya start verir. Aksiyanın məqsədi uşaqların estetik zövqünün formalaşması, asudə vaxtının səmərəli keçirilməsi və maarifləndirilməsi naminə valideynlərin yeni aranjemanda olan uşaq mahnılarına əlçatanlığının təmin olunmasına, ictimaiyyətin uşaq mahnılarına diqqətinin cəlb olunmasına xidmət edir. 1 İyun - Uşaqların Beynəlxalq Müdafiəsi Gününə həsr olunmuş aksiya iyun ayının 30-na qədər davam edəcək. Aksiya boyunca Birliyin sosial şəbəkə hesablarında (@uydib) hər gün bir uşaq mahnısı yerləşdiriləcək. Aksiya nəticəsində azyaşlı uşaqların valideynləri, uşaq bağçalarının əməkdaşları, ibtidai sinif müəllimləri və musiqi müəllimləri yenidən nəfəs verilmiş retro mahnılar ilə bərabər həmçinin yeni uşaq mahnılarına, bəzi mahnıların karaoke versiyalarına da çıxış əldə etmiş olacaqlar.  “Can Bala” , “Noğullar”, “Gülən Notlar”, “Dostlar” qrupu və digər uşaqların ifasında Fikrət Əmirov, Oktay Zülfüqarov, Məryəm Əlibəyli kimi bəstəkarların uşaqlar üçün hazırladığı əsərlər yer alacaq. Uşaq mahnılarının uşaqların həm mənəvi tərbiyəsi, həm də estetik zövqünün inkişafı üçün təkanverici qüvvə olması danılmaz faktdır. Uşaq mahnıları uşaqları maarifləndirməklə yanaşı, onları nikbin arzular ərtafında birləşdirir. İfa olunan və səhnələşdirilən mahnılar uşaqları doğmalaşdırır, sosiallaşdırır, onlara həmrəylik, əməkdaşlıq kimi müsbət və faydalı sosial-psixoloji vərdişlər aşılayır.        ..
01.06.2020 14:29
“Muzey eksponatının hekayəsini sən danış” müsabiqəsinin qalibləri elan olunacaqAzərbaycan Respublikası Mədəniyyət Nazirliyi Azərbaycan mədəniyyətini, xalça və xalçaçılıq, təsviri və dekorativ sənət nümunələrinin ən yaxşı hekayəsi ilə bağlı müsabiqə elan etmişdir. Müsabiqənin təşkilində əsas məqsəd ölkəmizdə yeni koronavirus (COVİD-19) infeksiyası ilə bağlı tətbiq edilən karantin rejimi ilə əlaqədar ev şəraitində asudə vaxtın səmərəli və faydalı təşkil edilməsi, muzey sahəsində cəmiyyətin yaradıcılıq fəaliyyətinin inkişaf etdirilməsi, istedadlı müəlliflərin aşkara çıxarılması, həmçinin mədəniyyətimizə marağın artırılması və yeni fikirlərin toplamasından ibarətdir. “Muzey eksponatının hekayəsini sən danış” müsabiqəsinin qalibləri aşağıdakı kateqoriyalar üzrə elan olunacaq: - Ən yaxşı hekayə - Ən yaxşı məktəbli hekayəsi - Ən yaxşı xarici dildə yazılan hekayə - Qran Pri mükafat Hər gün bir kateqoriya üzrə qaliblər elan olunacaq. Münsiflərimiz göndərdiyiniz hekayələrin hər birini çox bəyəndiklərini bildirirlər, lakin müsabiqənin şərtlərinə əsasən kateqoriyalar üzrə qaliblər təyin olunmalıdır. Eyni zamanda bildiririk ki, müsabiqənin bütün iştirakçılarına Azərbaycan Respublikası Mədəniyyət Nazirliyinin diplomu və Azərbaycan Milli İncəsənət Muzeyinə və Azərbaycan Milli Xalça Muzeyinə ödənişsiz giriş üçün biletlər təqdim olunacaqdır. Məlumat üçün qeyd edirik ki, bu müsabiqə davam etdiriləcək və yaxın zamanlarda sizlərə yeni eksponatların siyahısı təqdim ediləcəkdir. Müsabiqəyə qoşulan hər bir iştirakçıya öz təşəkkürümüzü bildiririk və hamıya uğurlar arzulayırıq. ..
01.06.2020 11:54
İrəvan Teatrının iyun ayı üçün virtual repertuarı açıqlanıbQafqazın qocaman sənət ocaqlarından biri, 138-ci teatr mövsümünü yaşayan, həmişə öz repertuarında milli-vətənpərvərlik mövzulu əsərlərə önəm verən C.Cabbarlı adına İrəvan Dövlət Azərbaycan Dram Teatrı iyun ayı üçün nəzərdə tutulmuş virtual repertuar çərçivəsində yenidən izləyicilərin görüşünə gəlir. Teatr iyun ayında aşağıdakı tamaşaları təqdim edəcək: 1 iyun – Mirzə Fətəli Axundzadə “Mürafiə vəkilləri” (Quruluşçu rejissor Oruc Qurbanov) 2 iyun – Sabir Şahtaxtı “Ölüm həsrəti“ (Quruluşçu rejissor Nicat Mirzəzadə) 3 iyun – Hidayət “İrəvanda xal qalmadı” (Quruluşçu rejissor və musiqi tərtibatçısı Nicat Mirzəzadə) 5 iyun – İftixar “Dan yeri söküləndə” (Quruluşçu rejissor Gümrah Ömər) 6 iyun – Teyfik əl Hakimi “Hərraca qoyulmuş sultan” (Quruluşçu rejissor və rəssam Əməkdar incəsənət xadimi Oruc Qurbanov) 7 iyun – Xalid Hüseyni “Min möhtəşəm günəş” (Səhnələşdirmə və quruluşçu rejissor Elvin Mirzəyev) 8 iyun – İftixar “Qanlı qızıl toy“ (Quruluşçu rejissor Rafael Dadaşov) 9 iyun – Üzeyir Hacıbəyli “O olmasın, bu olsun” (Quruluşçu rejissor Əməkdar incəsənət xadimi Hüseynağa Atakişiyev) 10 iyun – J.B.Molyer “Məcburən doktor” (Quruluşçu rejissor və rəssam Əməkdar incəsənət xadimi Oruc Qurbanov) 14 iyun – Aqşin Babayev “Xilaskar” (Quruluşçu rejissor və tərtibatçı rəssam Əməkdar incəsənət xadimi Oruc Qurbanov) 15 iyun – İftixar “Qurtuluş dastanı” (Quruluşçu rejissor Əməkdar incəsənət xadimi Oruc İzzətoğlu) 16 iyun – İftixar “İşıqlı, nurlu sabah“ (Quruluşçu rejissor, tərtibatçı rəssam və xoreoqraf Əməkdar mədəniyyət işçisi İftixar Piriyev) 17 iyun – İftixar “Nurlu ömrün anları” (Quruluşçu rejissor, rəssam və musiqi tərtibatı Əməkdar mədəniyyət işçisi İftixar Piriyev) 20 iyun – Ramiz Abdullayev “Biznesmen” (Quruluşçu rejissor Əməkdar artist Loğman Kərimov) 22 iyun – İftixar “Haqq mənəm“ (Quruluşçu rejissor, quruluşçu rəssam və xoreoqraf Əməkdar mədəniyyət işçisi İftixar Piriyev) 24 iyun – Azadə Taleh Abbasqızı “Xocalı şəhidim Şöhrət Həsənov” adlı poeması əsasında hazırlanmış “Xocalıya ədalət!” kompozisiyası (Quruluşçu rejissor Nicat Mirzəzadə) 25 iyun – İftixar “Soyqırımı tarixinin dastanı“ (Quruluşçu rejissor və tərtibatçı rəssam Əməkdar mədəniyyət işçisi İftixar Piriyev) 28 iyun – Marat Haqverdiyev “Məhəbbət əzabları“ (Quruluşçu rejissor və səhnə tərtibatçısı Həsən Əsgəri) 29 iyun – İftixar “Körpü“ (Quruluşçu rejissor Xalq artisti Vaqif Əsədov) 30 iyun – Ramiz Abdullayev “Olacağa çarə yoxmuş” (Quruluşçu rejissor Yusif Əkbərov) ..
01.06.2020 11:49
Sumqayıt teatrı “Kimdir müqəssir” əsərini tamaşaya hazırlayırÖlkə başçısının Sərəncamı ilə bu il maarifpərvər yazıçı, görkəmli dramaturq, teatr təşkilatçısı, milli mücadilə tarixində silinməz izi olan Əbdürrəhim bəy Haqverdiyevin 150 illik yubileyi qeyd olunur. Sumqayıt Dövlət Dram Teatrı Ə.Haqverdiyevin 150 illiyi çərçivəsində ədibin “Kimdir müqəssir” əsərini repertuar planına daxil edib. Tezliklə tamaşanın onlayn təqdimatı baş tutacaq. Tamaşanın rejissoru Fuad Kazımov mövcud vəziyyətlə bağlı onlayn məşqlər aparır. Sumqayıt Dövlət Dram Teatrı “YouTube” kanalı, “Instagram” və “Facebook” hesabları vasitəsilə tamaşaçılarla xüsusi karantin şəraitində virtual aləmdə daha sıx ünsiyyət qurmağa çalışır. ..
01.06.2020 10:51
“Dörd əkizin nağılı” tamaşası nümayiş ediləcəkAzərbaycan Gənc Tamaşaçılar Teatrının səhnəsində bolqar yazıçısı Panço Pançevin “Dörd əkizin nağılı” əsəri əsasında səhnələşdirilən eyniadlı ikihissəli tamaşa sənət ocağının sosial şəbəkədəki hesabları vasitəsilə iyunun 2-də nümayiş olunacaq. Saat 14:00-da göstəriləcək tamaşanın quruluşçu rejissoru Əməkdar incəsənət xadimi Ağalar İdrisoğlu, quruluşçu rəssamı isə Elşən Sərxanoğludur. Tamaşada musiqi tərtibatının müəllifliyi İradə Muradovaya, səhnənin rəqslər və plastikası Vüsal Mehrəliyevə məxsusdur. Qeyd edək ki, tamaşa uşaqlar üçün nəzərdə tutulub. ..
31.05.2020 15:49
ÜST-ün Azərbaycan nümayəndəliyinin rəhbəri Qobustan Milli Tarix-Bədii Qoruğunun qonağı olub.Ümumdünya Səhiyyə Təşkilatının (ÜST) Azərbaycan nümayəndəliyinin rəhbəri Hande Harmancı Qobustan Milli Tarix-Bədii Qoruğunun qonağı olub. Qoruq ərazisində yaradılmış muzeyin ekspozisiyasında nümayiş etdirilən eksponatlara baxan qonağa Qobustan abidələri, burada aparılan arxeoloji tədqiqat işləri nəticəsində əldə olunmuş maddi-mədəniyyət nümunələri barədə məlumat verilib, bəşər sivilizasiyasının ilkin izlərini özündə əks etdirən Qobustan abidələrinin 2007-ci ildə UNESCO-nun Dünya İrs Siyahısına daxil edildiyi qonağın diqqətinə çatdırılıb. Sonra qonaq qoruq ərazisində aparılmış tədqiqat işləri ilə maraqlanıb, qayaüstü rəsmlərə baxıb. Qobustan abidələrinə heyranlığını ifadə edən qonaq Qobustan Milli Tarix-Bədii Qoruğundan xoş təəssüratlarla ayrılıb. ..
31.05.2020 15:45
Respublika Gününə həsr olunmuş “Birlikdə düşünək, birlikdə tapaq” ailəvi viktorinanın qalibləri elan edilibF.Köçərli adına Respublika Uşaq Kitabxanası 28 May - Respublika Gününə həsr olunmuş “Birlikdə düşünək, birlikdə tapaq” devizi ilə keçirilən onlayn viktorinanın qaliblərini elan edib. “Birlikdə düşünək, birlikdə tapaq” onlayn ailəvi viktorinanın suallarına düzgün cavab verən İbrahimli ailəsi seçilib və kitabxana tərəfindən qalib ailəyə 5 kitab hədiyyə edilib. Müsabiqənin keçirilməsində əsas məqsəd valideynlərin övladları ilə evdə qaldıqları müddətdə suallara birgə cavab tapmasıdır. ..