Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1260

Xalça Muzeyində xalçaçı-rəssam Eldar Mikayılzadənin mühazirəsi dinlənilib

Azərbaycanın Xalq rəssamı Mikayıl Abdullayev ötən əsrin 70-ci illərində Nəsimi obrazını yaratdı. Bizim də istinad etdiyimiz obraz məhz o rəsmdən başladı. Xalçanı yaradarkən həm də Nəsimin “Sığmazam” qəzəlindən ilhamlandım.

Bu sözləri “Nəsimi” xalçasının müəllifi, xalçaçı-rəssam Eldar Mikayılzadə Azərbaycan Milli Xalça Muzeyində mühazirəsi zamanı söyləyib.

Bildirib ki, sovet dövrünün ideologiyasından irəli gələrək Nəsimi obrazı yaradılarkən onun geyimində, əmmaməsində təhriflərə yol verilirdi. Onu tacirlər, bəzən də zadəganlar qiyafəsində təsvir edirdilər.

Yeni obrazların yaradılmasına ehtiyac duyulduğunu söyləyən rəssam izləyicilərin diqqətini Nəsimin əmmaməsinə yönəldib: “Sufizmin cərəyan etdiyi bir dövrdə Nəsimi başına Mikayıl Abdullayevin təsvir etdiyi əmmaməni qoya bilməzdi. O dövrün insanları başqalarına müsəlman olduğunu göstərmək üçün geyimlərinə xüsusi diqqət yetirirdilər. Sufilərin əmmaməsi insanın boyundan asılı olaraq beş metrə qədər uzanırdı. Bu həm də kəfən rolunu oynayardı”, -deyə E.Mikayılzadə vurğulayıb.

Vurğulayıb ki, Nəsimi hürufi olduğundan libası da sadə olmalı idi. Sufilər israfa yol verməzdilər, o dövrdə ən ucuz parça sayılan yundan istifadə edərdilər. Burada rəssam hədisləri əsas tutaraq dahi mütəfəkkirin saqqalını bir barmaqdan uzun təsvir etməyib.

Qeyd edib ki, obrazın yaradılmasında qırmızı rəng Nəsiminin inqilabi ruhda böyüdüyünü, yaşıl rəng isə onun seyid olduğunu göstərir. Xalçanın aşağı hissəsində Azərbaycan klassik ornamenti ilə əhatələnmiş şairin adı əks olunub. Bu tip ornament üçün ənənəvi olan bir-birinə dolaşan budaqlar xeyir və şərin mübarizəsini simvolizə edir. Şairin çiyinləri arxasında iki şəhərin – Şamaxı və Suriyanın Hələb şəhərləri təsvir olunub ki, bu da onun doğulduğu və vəfat etdiyi yeri göstərir.

Rəssamın emalatxanasında çalışan Zümrüd Hüseynzadə xalçanın toxunması zamanı ortaya çıxan çətinliklərdən və toxunma prosesindən danışıb: “Eldar Mikayılzadə “Nəsimi”yə çox diqqətlə yanaşdığından işimiz çox ləng gedirdi. Rənglərə diqqət yetirirdi, minə yaxın sap növündən istədiyi rəngi ala bilmirdi. Buna görə də toxuduğumuzu söküb bir də toxuyurduq. Ancaq bütün bunlara baxmayaraq gözləntilər bizi sevindirdi”.

Sonra xalçaçı-rəssam iştirakçıların suallarını cavablandırıb.

Qeyd edək ki, “Nəsimi” xovlu xalçadır. İpək və yundan istifadə olunan xalçanın toxucuları Dürdanə Babayeva, Şəfiqə Namazova və Solmaz Namazovadır.

XƏBƏRLƏR

04.08.2020 16:56
III ANİMAFİLM-in MÜSABİQƏ İŞTİRAKÇILARI BƏLLİ OLDU
04.08.2020 09:39
Arif Məlikovun əsəri ABŞ-da festivalda səslənib
02.08.2020 10:37
Avqustun 2-si Azərbaycan Kinosu Günüdür
30.07.2020 17:15
Mədəniyyət Nazirliyi Qurban bayramı münasibətilə mədəniyyət ictimaiyyətini təbrik edib
30.07.2020 14:41
Mədəniyyət Nazirliyi ölkəmizin kino ictimaiyyətini təbrik edib
30.07.2020 12:32
“Xəzərin dalğaları” adlı Beynəlxalq Sulu Boya Festivalına 500-dən çox sənət əsəri göndərilib
30.07.2020 12:31
Respublika Gənclər Kitabxanası yeni aksiyaya start verib
29.07.2020 13:58
“Sevilənlər, sevənlər” rubrikasının növbəti uğurlu görüşü
28.07.2020 16:50
Azərbaycan musiqisi naminə birləşən peşəkarlar
28.07.2020 09:50
Xəzər rayon Mərkəzi Kitabxanası onlayn tədbirlərini davam etdirir
27.07.2020 16:49
Qısa Filmlər Festivalına filmlərin qəbulu başlayıb
27.07.2020 16:45
Azərbaycan yazıçısı “2015-2019-cu illərin ən yaxşı yazıçısı” adına layiq görülüb
27.07.2020 15:46
Gənclər Kitabxanası Antarktida haqqında biblioqrafik icmal hazırlayıb
27.07.2020 10:53
Milli Kitabxana not məcmuələrinin onlayn kitabxanasını oxuculara təqdim edib
27.07.2020 09:49
Mədəniyyət işçiləri üçün açıq təlimlər davam edir
24.07.2020 15:50
Mədəniyyət Nazirliyi və Dövlət Rəsm Qalereyası yeni layihəyə start verir
24.07.2020 14:42
Azərbaycan istehsalı olan film Avropanın ən önəmli festivalının əsas müsabiqəsinə seçilib
24.07.2020 10:12
Sumqayıt Dövlət Dram Teatrı 51-ci mövsümünə yekun vurub
23.07.2020 16:43
Bakı şəhərində uşaq musiqi və incəsənət məktəblərinə onlayn sənəd qəbulu yeni portalda
23.07.2020 14:46
Respublika Uşaq Rəsm Müsabiqəsi davam edir
23.07.2020 12:43
Gənclər Kitabxanası “Ağdam yaddaşımızın tarixi,tariximizin yaddaşı” adlı videoçarx hazırlayıb
22.07.2020 14:07
Respublika Gənclər Kitabxanası “Dünyanın ən qeyri-adi kitabxanaları” adlı yeni layihə ilə izləyicilərinin görüşünə gəlir