Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
224

“Mədəniyyət/Culture” jurnalının növbəti nömrəsi işıq üzü görüb

“Mədəniyyət/Culture” jurnalının növbəti nömrəsi işıq üzü görüb.

Dərgi Azərbaycan Cümhuriyyətinin 102 yaşı münasibətilə xüsusi xidmət orqanlarımızın sələfi olan 101 il öncə yaradılmış Əksinqilabla Mübarizə Təşkilatının ilk rəhbəri Məhəmmədbağır Şeyxzamanlı haqqında Dilqəm Əhmədin qələmə aldığı maraqlı qeydlərlə açılır.

Jurnalın əməkdaşı Şövkət Səlimovun vaxtilə - hələ Azərbaycan Televiziyasında çalışarkən Şuşaya səfəri zamanı topladığı qiymətli materiallar “Şuşa simfoniyası” adlandırdığı yazısı oxucunun “Şuşa yaddaşı”nı təzələyəcək.

“Elm və ədəbiyyat şəhidi” sərlövhəli müsahibədə böyük alim Salman Mümtazın həyat və fəaliyyətindən söhbət açılır, nəvəsi, şərqşünas Urxun Qalabəylinin söhbətlərinə əsasən, yorulmaz tədqiqatçının indiyədək tam araşdırılmamış elmi əlaqələri, ədəbiyyatımıza verdiyi töhfələrdən söz açılır.

Azərbaycanın poetika, birlik və mənəvi bütövlük rəmzi sayılan Məhəmmədhüseyn Şəhriyar barədə dolğun bilgilər, eləcə də ölməz poeziyasından nümunələri də “Ədəbiyyat” rubrikasında oxuyacaqsınız.

Azərbaycanımızın ayrılmaz tərkib hissəsi olan Naxçıvanda nadir sənət nümunələrinin toplandığı Əlyazmalar Fondundan məlumatlar isə AMEA Muxtar Respublika bölməsinin əməkdaşı Türkanə Bəylərlinin təqdimatında verilir.

Ölkəmizin adını ucaldan soydaşımız, görkəmli musiqiçi, hazırda ABŞ Texas Universiteti Dallas filialının professoru, Azərbaycan-Amerika Musiqi Fondunun həmtəsisçisi və icraçı direktoru Cəmilə Cavadova-Spitsberq haqqında məqalə ilə tanış olduqca sərhədlərimizdən uzaqlarda yaşayan belə həmvətənlərimizin uğurları qəlbinizi qürurla dolduracaq.

“Teatr” bölümündə pandemiya dövründə teatrlarımızın durumu, bu mədəniyyət müəssisələrinin öz işlərini dövrün tələblərinə uyğun qurması, səhnə əsərlərinin virtual nümayişindən danışılır.

Rəssam Günay Zebiçin “Biz birlikdə qalib gələcəyik” əsəri “Bir birlikdə güclüyük” şüarını bir daha təsdiq edir.

“Turizmin regionların sosial-iqtisadi inkişafına təsiri”, fiziki imkanları məhdud uşaqlardan bəhs edən “Siz tək deyilsiniz!”, multikulturalizm mövzusunda “Şahdağın övladları”, mədəni irsimiz sırasında “Beşbarmaq dağı: əfsanə, ziyarətgah, yoxsa istehkam” və digər yazıların da sevilə-sevilə oxunacağına inanırıq.

“Elm” rubrikasında isə hər zamankı kimi yenə müqtədir və gənc alimlərimiz səs-səsə, qələm-qələmə Azərbaycanın intellektual potensialının keşiyində dayanır, yeni ideyalar, mövzuların təqdimatı ilə kreativ elmi yanaşmaların təməlini qoyurlar.

XƏBƏRLƏR

30.10.2020 18:33
Mədəniyyət Nazirliyinin islahat strategiyasının təqdimatı keçirildi
30.10.2020 09:36
Azərbaycan Respublikasının işğaldan azad olunmuş ərazilərində müvəqqəti xüsusi idarəetmənin təşkili haqqında Azərbaycan Respublikası Prezidentinin Fərmanı
28.10.2020 19:48
“Azərbaycanın tarixi və mədəni irsinə qarşı Ermənistanın törətdiyi cinayətlər” mövzusunda brifinq keçirilib
28.10.2020 17:17
Əməkdar rəssam Faiq Abdullayev vəfat edib
27.10.2020 18:33
Əməkdar artist Etibar Qasımbəyli vəfat edib
27.10.2020 16:27
Mədəniyyət Nazirliyi sistemində kadr təyinatları
26.10.2020 17:14
Mədəniyyət Nazirliyi tərəfindən Ermənistanın təxribatları ilə bağlı xarici ölkələrə müraciət ünvanlanıb
26.10.2020 14:58
Qarabağ gerçəklərinə həsr olunan “Məzar daşı” romanı Türkiyədə işıq üzü görüb
23.10.2020 15:58
Azərbaycan Respublikası Mədəniyyət Nazirliyinin Zəngilandakı məscidin ermənilər tərəfindən təhqir olunması ilə bağlı BƏYANATI
20.10.2020 16:37
Mədəniyyət Nazirliyinin Xudafərin körpüləri ilə bağlı Bəyanatı
15.10.2020 18:02
Anar Kərimov Ermənistanın Gəncə şəhərinə raket hücumu ilə bağlı UNESCO baş direktoruna müraciət edib
14.10.2020 09:30
Şuşa qalasına həsr olunmuş virtual sərgi açılıb