``Sağlam Yaşa`` Gənclərin Maarifləndirilməsi İctimai Birliyi Mədəniyyət və Turizm Nazirliyinin maliyyə dəstəyi ilə `` Regionlarda yeni formalaşmış mədəniyyət müəsisələrində Azərbaycanda yaşayan xalqların mədəniyyətlərinin təbliği `` mövzusundakı layihəsinə Lənkəran rayonunda yekun vurmuşdur. Rayon Mərkəzi kitabxanasında keçirilən tədbirdə rayon mədəniyyət şöbəsinə daxil olan bütün müəsisələrin nümayəndələri fəal iştirak etmişlər. Tədbiri Mərkəzi kitabxananın xidmət şöbəsinin müdiri Xədicə Məmmədova açaraq tədbirin məqsədi barədə qısa məlumat verdi. Layhənin rəhbəri Tələt Qəribov və təşkilatın eksperti Nizami Məmmədzadə mövzu barədə iştirakçılara geniş məlumat verdilər. Tədbirdə rayon İH-in nümayəndəsi Cavad Miriyev iştirak etmişdir. Sonda iştirakçılara mövzunu əhatə edən bukletlər paylanmışdır.