Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
524

Masallıda “Vətənin müdafiəsinə hazıram!” devizi altında təntənəli tədbir keçirilib

İyunun 21-də N. Gəncəvi adına Masallı Rayon Mədəniyyət Mərkəzində Azərbaycan Respublikası Səfərbərlik və Hərbi Xidmətə Çağırış üzrə Dövlət Xidməti (SHXÇDX), Azərbaycan Respublikasının Gənclər Fondu, Masallı Rayon Icra Hakimiyyətinin və Masallı Rayon Mədəniyyət Mərkəzinin birgə təşkilatçılığı ilə “26 İyun – Azərbaycan Respublikası Silahlı Qüvvələri Günü”nə həsr edilmiş “Vətənin müdafiəsinə hazıram!” devizi altında təntənəli tədbir keçirilib.

Tədbirdə SHXÇDX-nin rəisinin müavini, general-mayor Mayıl Şahverdiyev, Gənclər Fondunun şöbə müdiri Ramil Məmmədov, Azərbaycan-Əfqanıstan Veteranları İctimai Birliyinin sədri Məhəmməd Vəliyev, Azərbaycanın Səsi İctimai Birliyinin sədri Faiq Əhmədov və digər mötəbər qonaqlarla yanaşı, rayon İcra Hakimiyyətinin başçısı Rafil Hüseynov, SHXÇDX-nin Masallı rayon şöbəsinin rəisi, polkovnik-leytenant Vəli Rzayev, Masallı Regional Mədəniyyət İdarəsinin rəisi Lətifə Mövsümova və digər yerli rəsmi şəxslər iştirak edirdi.

Tədbir Azərbaycan Respublikasının Dövlət himninin səslənməsi ilə başlandı. Sonra şəhidlərin ruhu bir dəqiqəlik sükutla yad edildi.

Tədbirdə ilk olaraq çıxış edən rayon İcra Hakimiyyətinin başçısı Rafil Hüseynov, iştirakçıları salamladı və tədbirin təşkili və keçirilməsində göstərdiyi dəstəyə görə SHXÇDX-nin rəhbərliyinə təşəkkür etdi. R. Hüseynov dörd il əvvəl ilk dəfə Masallıda keçirilən analoji tədbiri yaxşı xatırladığını və bu kimi tədbirlərin yeniyetmə və gənclərin hərbi-vətənpərvərlik, vətənə sevgi və sədaqət ruhunda yetişməsindəki rolunu xüsusi olaraq vurğuladı. Masallıdan olan şəhidləri və milli qəhrəmanları xatırlayan R. Hüseynov, göstərdikləri igidlik nümunələri ilə onların gənc nəslə daim örnək olduqlarını qeyd etdi.

SHXÇDX-nin rəisinin müavini, M. Şahverdiyev isə çıxışında bildirdi ki, hələ Çar Rusiyası dövründə azərbaycanlıları hərbi xidmətdən məhrum etmək və onların hərbi-döyüş vərdişlərini unutdurmağa çalışsalar da, buna əsasən müvəffəq ola bilməmişlər. Azərbaycan xalqı hərbi ənənə və vərdişlərini qoruyub saxlamış, böyük sərkərdələr yetişdirməyə nail olmuşdur. Əli ağa Şıxlinski və Səməd bəy Mehmandarov kimi görkəmli hərbi xadimlərimizin hərb tariximizdəki rolunu vurğulayan M. Şahverdiyev, onların həm Rusiya İmperiyası, həm də Azərbaycan Cümhuriyyəti dövründəki hərbi fəaliyyətlərini, ilk milli ordumuzun qurulması və formalaşdırılmasında göstərdikləri tarixi xidmətləri müsbət qiymətləndirdi. O, həmçinin vurğuladı ki, müstəqillik illərində ümummilli lider Heydər Əliyevin rəhbərliyi altında müasir ordu quruculuğu və ordunun modern hərbi-texniki təchizatla təmin edilməsi işinə başlanılmış və bu proses bu gün də uğurla davam etdirilməkdədir.

Gənclər Fondunun şöbə müdiri R. Məmmədov təmsil etdiyi qurumun gənclərlə işin qurulması, gənclərin təhsil, əmək təcrübəsi və digər problemlərinin həlli istiqamətində gördüyü tədbirlərdən, həyata keçirdiyi layihələrdən söhbət açdı. Azərbaycan-Əfqanıstan Veteranları İctimai Birliyinin sədri M. Vəliyev isə Dağlıq Qarabağ uğrunda aparılan müharibədən, Aprel döyüşləri və qələbələrindən bəhs etdi və hazırkı mərhələdə yeniyetmə və gənclərin təlim-tərbiyəsi prosesində hərbi-vətənpərvərlik amilinin gücləndirilməsinin vacibliyini diqqətə çatdırdı.

Çıxışlardan sonra rayon İcra Hakimiyyətinin başçısı R. Hüseynov, bir sıra Qarabağ müharibəsi veteranı, şəhid ailəsi və digərlərini diplom və qiymətli hədiyyələrlə təltif etdi.

Təltifetmə mərasimindən sonra tədbir bədii hissə ilə davam etdirildi. Masallı rayon Mədəniyyət Mərkəzinin solistləri, istedadlı müğənnilər Miriş Hüseynov və  Məlahət Əzizlinin ifa etdiyi vətənpərpərlik ruhlu mahnılar, “Masallı” rəqs qrupunun rəqs nömrələri tədbir iştirakçılarının alqışları ilə qarşılandı. Tədbirə hərbi-vətənpərvərlik mahnılarının ifaçısı, tanınmış sənətçi Şəmistan Əlizamanlının çıxışları ilə yekun vuruldu.

XƏBƏRLƏR

18.10.2019 17:22
Bakı şəhərində “Ustad dərslər” layihəsi həyata keçirilib
18.10.2019 17:20
Azərbaycanın Dövlət Müstəqilliyi Günü münasibətilə Daşkənddə sərgi açılıb
18.10.2019 16:31
Nizami Gəncəvinin “Yeddi gözəl” əsəri Daşkənddə özbək dilində işıq üzü görüb
18.10.2019 14:21
Yaradıcı əməyə verilən qiymət
18.10.2019 12:49
Almaniyada İmaddədin Nəsiminin 650 illiyi ilə bağlı tədbir keçirilib
18.10.2019 10:28
Azərbaycan Respublikasının Mədəniyyət naziri və nazir müavini bölgələrdə vətəndaşları qəbul edəcək
18.10.2019 09:42
ICOM Azərbaycan Milli Komitəsinin yeni sədri seçilib
18.10.2019 09:19
Azərbaycan Milli Kitabxanası ilə Berlin Universiteti arasında əməkdaşlıq haqqında Memorandum imzalanıb
18.10.2019 09:15
Muğam Mərkəzində “Solistlər ansamblı”nın müasir musiqidən ibarət konserti olub
18.10.2019 09:10
Musiqili Teatr beynəlxalq festivalda uğurla iştirak edib
17.10.2019 16:34
Ölkəmiz 71-ci Frankfurt Beynəlxalq Kitab Sərgisində təmsil olunur
17.10.2019 16:07
“Solistlər ansamblı”nın müasir musiqidən ibarət konserti maraqla qarşılanıb
17.10.2019 13:55
Finlandiya teatrının Bakı səhnəsində “Gediş”i
17.10.2019 12:33
M.A.P. festivalında “Universal hadisə”
17.10.2019 12:27
UNESKO-nun baş qərargahında Nəsiminin anadan olmasının 650 illiyi təntənəli şəkildə qeyd edilib
17.10.2019 11:45
Macarıstanda keçirilən tədbirdə Mərkəzi İncəsənət məktəbinin nümayəndə heyəti iştirak edib
17.10.2019 10:20
Respublika Uşaq Kitabxanasında “Türk birliyinə aparan yol” adlı tədbir keçirildi
17.10.2019 09:03
Tanınmış yazıçı-dramaturq və kinorejissor Əmir Pəhləvanın 60 illiyi qeyd olunub
16.10.2019 17:47
Azərbaycan Rəngkarlığı Muzeyində “Danışır Bakı: 1900-1940-cı illər” adlı sərgi açılıb
16.10.2019 15:49
Sumqayıt şəhər Heydər Əliyev Mərkəzində müsabiqə laureatları tətif edilib
16.10.2019 15:34
Abdulla Şaiqin xatirəsi anılıb
16.10.2019 14:20
Lənkəranda Respublika Folklor Festivalının seçim mərhələsi keçirildi
16.10.2019 09:59
Qazaxıstanın Mədəniyyət və Təhsil nazirləri ADMİU-da olub
16.10.2019 09:37
Qazaxıstanlı qonaqlar Bakı Xoreoqrafiya Akademiyasında olublar
16.10.2019 09:24
Bakıda Dağıstan poeziyasının görkəmli nümayəndəsi Stalskinin 150 illiyi qeyd olunub
16.10.2019 09:14
Nizami Kino Mərkəzində görkəmli şair Andrey Dementyevin xatirəsinə həsr edilmiş filmin təqdimatı olub
15.10.2019 18:48
Teatrımızın canlı ensiklopediyası İlham Rəhimlinin 70 illiyi qeyd olunub
15.10.2019 14:24
Beyləqanda Dərbənd Dram Teatrının tamaşası təqdim olunub