Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1018

Milli Kitabxanada “18 sentyabr - Milli musiqi günü” adlı geniş kitab sərgisinin açılışı keçirilmişdir

18 sentyabr 2018-ci il tarixində M.F.Axundov adına Azərbaycan Milli Kitabxanasında “18 sentyabr - Milli musiqi günü” adlı geniş kitab sərgisi açılmışdır.  

Tədbiri giriş sözü ilə Kitabxananın direktoru Kərim Tahirov açaraq dahi Azərbaycan bəstəkarı Üzeyir Hacıbəylinin dünyaya göz açdığı bu günün bayram kimi qeyd olunmasının onun anadan olmasının 110 illik yubileyi münasibətilə (1995-ci il) ümummilli lider Heydər Əliyevin imzaladığı fərmanla qərara alındığını bildirmişdir.

“Azərbaycan musiqisinin inkişafında böyük xidmətləri olan Üzeyir Hacıbəyli bəstəkar, alim, yazıçı, publisist, ictimai və siyasi xadim kimi çoxşaxəli fəaliyyəti ilə yanaşı, həm də Şərqdə ilk operanın banisi kimi məşhurdur. Dünya musiqi xəzinəsinə parlaq incilər bəxş edən Üzeyir Hacıbəyli Azərbaycanda peşəkar musiqinin banisidir.  Bəstəkarlıq məktəbinin, musiqili komediya janrının yaradıcısı olan ölməz sənətkar operettanın əsasını qoymuş, dövlət xorunu, simfonik orkestri yaratmış, dünya musiqi xəzinəsini ölümsüz əsərləri ilə zənginləşdirmişdir. Azərbaycan musiqi tarixində silinməz izlər qoyan Üzeyir Hacıbəyli əsərlərini yaradarkən xalq musiqisinə əsaslanırdı.”- deyə K.Tahirov qeyd etmişdir.

K.Tahirov çıxışında söyləmişdir ki, Azərbaycan mədəniyyətinin, musiqisinin təbliği məqsədilə ölkəmizdə mütəmadi olaraq beynəlxalq musiqi festivalları, müxtəlif müsabiqələr keçirilir ki, bunlardan biri də Prezident İlham Əliyevin imzaladığı müvafiq sərəncama əsasən 2009-cu ildən etibarən görkəmli musiqiçilər, müxtəlif ölkələrdən bədii kollektivlər, solistlər, dirijorların iştirakı ilə təşkil edilən Üzeyir Hacıbəyli Beynəlxalq Musiqi Festivalıdır.  

Direktor çıxışının sonunda Ü.Hacıbəylinin yazıçı kimi gözəl felyetonlar, ədəbi səhnəciklər, satirik, publisistik yazıları ilə ədəbiyyatımızda özünəməxsus yer tutduğunu, Azərbaycanda ilk dəfə məhz Üzeyir Hacıbəylinin ev muzeyinin açıldığını vurğulamış, Ulu öndərin açılış mərasimində dahi bəstəkar haqqında söylədiyi fikirlərdən sitatlar gətirmişdir. O, bu günün ənənə halında musiqi tariximizin ən əlamətdar hadisəsi kimi anılmasının vacibliyini və onun haqqında kitabxana tərəfindən iki dəfə biblioqrafik vəsaitin tərtib edildiyini, sənətkarın əsərlərinin təbliği məqsədilə sərgilərin təşkil olunduğunu qeyd etmişdir.

Daha sonra kitabxananın direktor müavini Ədibə İsmayılova və kitabxananın şöbə müdiri Kəmalə Seyidova çıxışlar edərək festivalla bağlı öz fikirlərini bölüşmüşlər.

Sonda Üzeyir Hacıbəylinin əsərlərindən və bəstəkar haqqında əsərlərdən ibarət Azərbaycan, rus və digər xarici dillərdə olan kitab və dövri mətbuat materiallarından ibarət geniş sərgi ilə tanışlıq olmuşdur.

Qeyd edək ki, sərgi bir həftə davam edəcəkdir.

XƏBƏRLƏR

24.05.2019 14:47
Abdulla Şaiqin Mənzil-Muzeyində Cəfər Cabbarlı yad edildi
24.05.2019 13:09
Mədəniyyət naziri və müavinləri regionlarda vətəndaşları qəbul ediblər
24.05.2019 09:54
Musiqi Mədəniyyəti Muzeyində Soltan Hacıbəyovun anadan olmasının 100 illiyi qeyd olunub
24.05.2019 08:53
“Mənim balaca şahzadəm” cizgi filminin təqdimatı keçirildi
23.05.2019 17:39
Bakıda tanınmış rəssam Vədud Müəzzinin fərdi sərgisi açılıb
23.05.2019 16:11
“Balaca Şahzadə” dörd dəfə nümayiş olunacaq
23.05.2019 16:00
Xalq yazıçısı İlyas Əfəndiyevə həsr olunan elektron məlumat bazasının təqdimatı keçirildi
23.05.2019 15:52
Gəncə Dövlət Kukla Teatrının aktyoru vəfat etmişdir
23.05.2019 11:36
Nizami Gəncəvinin “Sirlər xəzinəsi” Türkiyə Kitab və Mədəniyyət Sərgisində
23.05.2019 11:10
Musiqili Teatrda 60-cı dəfə “O olmasın, bu olsun” nümayiş olunacaq
23.05.2019 10:45
Akademik Musiqili Teatrın orkestr artisti Estoniyada konsert proqramı ilə çıxış edib
23.05.2019 10:30
Qusarın ən çox kitab oxuyan sakinləri mükafatlandırılıb
23.05.2019 10:23
Musiqili Teatr geniş heyətlə Qəbələdə qastrol səfərində olacaq
23.05.2019 09:31
Heydər Əliyev Mərkəzində dünya şöhrətli rəssam Zurab Seretelinin sərgisi açılıb
23.05.2019 09:29
Nizami Kino Mərkəzində “Mateo Falkone” filmi yenilənmiş versiyada təqdim edilib
23.05.2019 09:28
Əfsanəvi qarmon ifaçısına həsr olunmuş kitab təqdim edilib
22.05.2019 19:57
“Həyat gözəldir” adlı musiqili-ədəbi gecə təşkil olunub
22.05.2019 18:17
Prezident təqaüdü alan gənclərin iştirakı ilə konsert-festival keçirildi
22.05.2019 17:41
Azərbaycanın tarixi körpüsü bərpa olunur
22.05.2019 17:14
Mədəniyyət könüllülüyünə ADMİU-nun tələbələri də qoşulub
22.05.2019 13:57
Daşkənddə Mədəniyyət Mərkəzinin təşkilatçılığı ilə ulu öndər Heydər Əliyevin xatirəsinə həsr olunan konsert keçirilib
22.05.2019 09:43
“Bölgələrdən bölgələrə” yaradıcılıq festivalı Azərbaycanın şimal-qərb qapısı Balakəndə
21.05.2019 17:54
Azərbaycan Dövlət Uşaq Filarmoniyası binasının əsaslı təmir və yenidənqurmadan sonra açılışı oldu
21.05.2019 15:42
Bakıda ilk dəfə incəsənət əsərlərinin auksionu keçirildi
21.05.2019 15:40
Bolqarıstanlı mütəxəssis Xoreoqrafiya Akademiyasında ustad dərsləri keçib
21.05.2019 15:35
“Qartal yuvası” filminin təqdimatı keçirildi
21.05.2019 13:00
Xalça Muzeyində “Həyat gözəldir” adlı musiqili-ədəbi gecə təşkil ediləcək