Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1124

İndoneziya mədəniyyəti festivalının açılış mərasimi keçirildi

Sentyabrın 13-də Heydər Əliyev Sarayında İndoneziya mədəniyyəti festivalının açılış mərasimi keçirildi. Mərasimdən əvvəl tədbirə qatılan qonaqlar sarayın foyesində İndoneziya mədəniyyəti və incəsənətini əks etdirən sərgi ilə tanış oldular. İndoneziya təbiətini əks etdirən fotosərgi də maraqla qarşılandı.

Festivalın açılışında çıxış edən İndoneziyanın mədəniyyət və təhsil naziri Mühacir Əfəndi Azərbaycanda olmağından məmnunluğunu ifadə etdi. Bildirdi ki,  “Arxipelaqın ən zəngin mədəniyyətini yaşatmaq” devizi altında üçüncü dəfə təşkil edilən festival ildən-ilə daha maraqlı və zəngin proqramla təqdim edilir. Nazir diqqətə çatdırdı ki, builki festival İndoneziyanın müstəqilliyinin 73-cü ildönümünə təsadüf etməsi ilə də əlamətdardır.

Bildirildi ki, İndoneziya və Azərbaycan arasında münasibətlər qarşılıqlı şəkildə davam edir. Dünyanın ən böyük müsəlman əhalisi olan İndoneziya bütün dinlərə tolerant yanaşmaqda böyük məsuliyyət daşıyır və İSESCO ilə birgə layihələrdə yaxından iştirak edir. Azərbaycanla diplomatik və mədəni əlaqələrin yüksələn xətt üzrə inkişafı dünyada hər iki dövlətin qardaşlıq və sülh tərəfdaşı olmasına işarədir.

Tədbirdə çıxış edən Azərbaycanın mədəniyyət naziri Əbülfəs Qarayev ölkə rəhbərliyi adından festivalda iştirak edən bütün qonaqları salamladı. Qeyd etdi ki, festival iki ölkə arasında münasibətlərin genişlənməsinə, bir-birimizi daha yaxşı tanımağa və gələcəkdə birgə layihələrin gerçəkləşməsinə şərait yaradacaq. Vurğulandı ki, Azərbaycan və İndoneziya iki dost ölkədir. Biz bütün beynəlxalq platformalarda vahid mövqedən çıxış edirik. 1992-ci ildən etibarən mövcud olan dövlətlərarası münasibətlərimiz ildən-ilə güclənir. İndoneziya Azərbaycanda keçirilən beynəlxalq tədbirlərdə yaxından iştirak edir. Xüsusilə də İslam dünyasını birləşdirən İSESCO təşkilatı çərçivəsində reallaşdırılan layihələrdə bir-birimizə dəstək oluruq.

Nazir həmçinin Mühacir Əfəndiyə bu ilin iyununda Naxçıvanın “İslam mədəniyyətinin paytaxtı” elan olunması ilə bağlı rəsmi açılış tədbirlərində İndoneziya nümayəndə heyətinin rəhbəri kimi şəxsən iştirak etməsinə görə minnətdarlığını bildirdi.

Diqqətə çatdırıldı ki, İndoneziyanın Azərbaycandakı səfirliyi çox fəal mədəni proqramlar həyata keçirir: “Bu artıq üçüncü festivaldır  və əminəm ki, o da uğurla keçiriləcək, Azərbaycan xalqı İndoneziyanın qədim mədəniyyəti ilə yaxından tanış olmaq imkanı qazanacaq. İnanıram ki, ölkələrimiz arasında əlaqələr daim inkişaf edəcək və bu festival mədəniyyətlərin yaxınlaşmasına öz töhfəsini verəcək”.

Çıxışlardan sonra mərasim konsert proqramı ilə davam etdi. İlk olaraq İndoneziyadan gələn “Tubaba Pakem” rəqs qrupunun çıxışı izlənildi. Sonra tədbir İndoneziyanın məşhur caz musiqiçisi Diki Darmavan çıxış etdi. Azərbaycan Dillər Universitetinin azərbaycanlı tələbələri İndoneziyanın professional rəqqasları ilə birgə bu ölkənin ənənəvi və milli rəqs nömrələrini təqdim etdilər.

Qeyd edək ki, festival çərçivəsində Fəvvarələr meydanında sərgilər və müxtəlif tədbirlər keçiriləcək. Tədbirlərə qatılanlar İndoneziyanın kulinariyası ilə yaxından tanış olacaq və sərgilər vasitəsilə bu ölkənin mədəni irsini, müxtəlifliyini və gözəlliyini seyr edəcəklər. Festival çərçivəsində yarmarka da təşkil olunacaq ki, burada İndoneziyanın milli geyimləri, suvenirlər, əl işləri olan əşyalar, qəhvə və çaylar, digər məhsullar yer alacaq.

 

 

XƏBƏRLƏR

19.04.2019 16:55
Polşanın Krakov şəhərində akademik Yusuf Məmmədəliyevin barelyefinin təntənəli açılışı mərasimi keçiriləcəkdir
19.04.2019 16:03
III Respublika Xalq Teatrları Festivalının növbəti mərhələsi İsmayıllıda keçirilmişdir
19.04.2019 15:20
Milli Kitabxanada “İsmayıl Şıxlı. Biblioqrafiya” kitabının təqdimatı olub
19.04.2019 11:36
IV Buktreyler Festivalının Münsiflər Heyəti öz işinə yekun vurdu
19.04.2019 10:11
Beynəlxalq Abidələr və Tarixi Yerlər Günü qeyd olunub
19.04.2019 09:17
“Bölgələrdən Bölgələrə” Yaradıcılıq Festivalı cəbhə bölgəsinin sakinləri tərəfindən maraqla qarşılanıb
18.04.2019 17:47
“Bir xatirə kitabına bənzər ömrüm” kitabının təqdimatı keçirildi
18.04.2019 16:39
Respublika Gənclər Kitabxanasında “Tarixi abidələrimizi qoruyaq” adı altında dəyirmi masa keçirilib
18.04.2019 16:31
Mədəniyyət nazirinin birinci müavini Vaqif Əliyev Budapeştdə Nəsiminin 650 illik yubileyi münasibəti ilə keçiriləcək tədbirlərdə iştirak edəcək
18.04.2019 16:28
Bəstəkarlar İttifaqında dahi şair və mütəfəkkir Nəsiminin yaradıcılığına həsr olunan məruzələr dinlənilib
18.04.2019 16:23
Gəncə Dövlət Universitetində “Mədəniyyət sahəsində könüllülük fəaliyyəti” mövzusunda seminar keçirilib
18.04.2019 16:16
Niyazinin Mənzil Muzeyində Zülfüqar Hacıbəyovun anadan olmasının 135 illiyi qeyd olunub
18.04.2019 12:13
Milli Kitabxanada “18 aprel – Tarixi abidələrin mühafizəsi günüdür” adlı kitab sərgisi açılıb
18.04.2019 12:11
Özbəkistanlı qonaqlar İsmayıllıda silsilə görüşlər keçirəcək
18.04.2019 11:14
“Azərbaycan kinematoqrafiyasının inkişaf Konsepsiyası”nın hazırlanması ilə bağlı müzakirələr davam etdirilir
18.04.2019 11:00
“Creative Business Cup” startap proqramının ölkə finalı keçirildi
18.04.2019 09:39
Akademik Musiqili Teatrda Ramiz Mirişlinin xatirəsi anılacaq
18.04.2019 09:05
“Bölgələrdən Bölgələrə” Yaradıcılıq Festivalının növbəti ünvanı Ağcabədi rayonu olub
18.04.2019 09:03
İstanbulda Hüseyn Cavidin “İblis” əsəri tamaşaya qoyulub
17.04.2019 17:38
“Sumqayıt-70” layihəsi çərçivəsində yaradılan “Günəşim” kukla tetarının təqdimat mərasimi keçirilib
17.04.2019 16:28
Azərbaycanda “IMAGINE” Avropa Tolerantlıq Festivalı təşkil olunacaq
17.04.2019 11:56
Xaçmazda Tofiq Tağızadənin 100 illik yubileyi qeyd edilib
17.04.2019 11:34
Özbəkistanın “Dunyo Boylab” telekanalında “Qafqaz mirvarisi – Azərbaycan” adlı geniş veriliş yayımlanıb
17.04.2019 11:07
Tovuzda III Respublika xalq teatrları festivalının növbəti seçim mərhələsi və xalq yaradıcılığı kollektivlərinə baxış keçirildi
17.04.2019 11:04
X Beynəlxalq Mstislav Rostropoviç Festivalı keçiriləcəkdir
17.04.2019 10:50
“Bir, iki – bizimki!” Abbas Mirzə Şərifzadə səhnəsində
17.04.2019 10:19
“Birpərdəli pyeslər” müsabiqəsinin qalibləri müəyyənləşdi
17.04.2019 09:23
Musiqili Teatrda bu həftə ərzində səkkiz tamaşa nümayiş olunacaq
16.04.2019 15:48
Azərbaycanda dünyanın 70 ölkəsində təşkil olunan “Creative Business Cup” adlı startap proqramının Ölkə Finalı keçirilir