Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
350

Özbəkistanın televiziya kanalında Qobustan Milli Tarixi-Bədii Qoruğu haqqında veriliş yayımlanıb

Özbəkistanın “Mədəniyyət və Mərifət” televiziya kanalında Qobustan Milli Tarix-Bədii Qoruğu və Heydər Əliyev Mərkəzi haqqında özbək dilində veriliş yayımlanıb.

Videomaterial Daşkənddəki Heydər Əliyev adına Azərbaycan Mədəniyyət Mərkəzinin təşəbbüsü ilə bu yaxınlarda bir qrup özbək jurnalistin Azərbaycana mediaturu çərçivəsində hazırlanıb.

Jurnalistlər arasında olan Nazira Boymuradova qoruq haqqında söhbət açır. Qeyd edilir ki, bu nadir məkan Bakıdan təxminən 60 kilometr məsafədə, Qaradağ rayonunun Qobustan qəsəbəsi yaxınlığında yerləşir və 537 hektar ərazini əhatə edir. Buraya gələnlər özlərini sanki daşlar şəhərində hiss edir.

Bildirilir ki, qoruqda 6 mindən artıq qayaüstü təsvirlər olan daş var. Bu daşların üzərində qədim insanların həyatı və məişəti, insan və heyvan fiqurları, rəqs nümunələri, məişət əşyaları əks etdirilib. Müəllif həmçinin məşhur qavaldaş haqqında da söhbət açır.

Bildirilir ki, Qobustan Milli Tarix-Bədii Qoruğu 2007-ci ildə UNESCO-nun Bəşəriyyətin Qeyri-Maddi Mədəni İrs üzrə Reprezentativ Siyahısına daxil edilib.

Proqramın aparıcısı Nazira Boymuradova verilişdə Heydər Əliyev Mərkəzi haqqında da ətraflı məlumat verir. Bildirir ki, Bakının simvollarından biri olan bu gözəl binanın layihəsini 2007-ci ildə məşhur memar, mərhum Zaha Hadid hazırlayıb.

Dünyanın nadir memarlıq abidələrindən biri sayılan bu binanın 2012-ci il mayın 10-da təntənəli açılış mərasimi olub. Binada Heydər Əliyev muzeyi, sərgi salonları, beynəlxalq dialoq mərkəzi, iri konqres salonu var. Heydər Əliyev muzeyində bu böyük siyasətçinin həyatı və fəaliyyətinin müxtəlif anlarını əks etdirən fotoşəkillər göstərilir. Digər bir salonda Azərbaycan xalqının milli libaslar və xalçalar nümayiş etdirilir.

Birinci mərtəbədə böyük siyasi xadim Heydər Əliyevin vaxtilə istifadə etdiyi dörd xidməti avtomobillər nümayiş etdirilir.

Mərkəzdəki retro avtomobillər də buraya gələnlərin diqqətini cəlb edir.

Burada Almaniya, ABŞ, İtaliya, Fransa, Böyük Britaniya, Müstəqil Dövlətlər Birliyi və digər ölkələrdə istehsal olunan 60-dan artıq klassik avtomobilləri görmək mümkündür.

“Azərbaycan inciləri” sərgi salonunda ölkənin tarixini və mədəniyyətini əks etdirən müxtəlif eksponatlar nümayiş etdirilir. Burada Azərbaycan xalq çalğı alətləri ekspozisiyası diqqəti cəlb edir. “Mini Azərbaycan” sərgi salonunda 45 tarixi və memarlıq binasının maketləri var.

XƏBƏRLƏR

16.09.2019 18:07
33 nömrəli Uşaq musiqi məktəbi əsaslı təmirdən sonra istifadəyə verildi
16.09.2019 17:50
Yeni tədris ilinə böyük inamla
16.09.2019 12:45
Qoruqlarda "Avropa İrs Günləri" qeyd olunacaq
16.09.2019 10:59
İrəvan Teatrı yeni mövsümü “Soyqırımı tarixinin dastanı” ilə açıb
15.09.2019 15:23
Musiqi Mədəniyyəti Dövlət Muzeyində Arif Məlikova həsr olunan tədbir keçirilib
15.09.2019 14:46
Qubada keçirilən beynəlxalq simpoziuma beş ölkədən 50-yə yaxın alim və tədqiqatçı qatılıb
15.09.2019 12:58
Özbəkistanda keçirilən Birinci Beynəlxalq Xalq Tətbiqi İncəsənət Festivalının rəsmi açılış mərasimi olub
14.09.2019 15:55
Nazir Əbülfəs Qarayev Özbəkistandakı Daşkənd Prezident Məktəbi və “Minor” məscid kompleksi ilə tanış olub
13.09.2019 16:43
Neftçalada “Sülh aylığı” ilə əlaqədar sərgi təşkil olunub
13.09.2019 16:06
Şəkidə infotur çərçivəsində konfrans keçirilib
13.09.2019 15:57
“Tarixi Yerlər və Abidələr” I Beynəlxalq Quba Simpoziumu keçirilir
12.09.2019 19:38
Nazir media nümayəndələrini mədəni sərvətimizin təbliğində, mədəni maarifləndirmə işində daha fəal olmağa çağırdı
12.09.2019 18:02
Mədəniyyət və ədəbiyyat xadimlərinə mükafatlar təqdim olundu
12.09.2019 16:48
Azərbaycan nümayəndə heyəti Beynəlxalq Muzeylər Şurasının (ICOM) 25-ci Baş Konfransında iştirak edib