Qazax rayonunda “Açıq kitabxana” layihəsi çərçivəsində səyyar kitabxana xidməti təşkil edilib
Ağstafa Regional Mədəniyyət və Turizm idarəsinin nəzdində fəaliyyət göstərən Qazax rayon MKS-in təşkilatçılığı ilə Daş Salahlı kənd 1 saylı kitabxana filialında “Açıq kitabxana” layihəsi çərçivəsində səyyar kitabxana xidməti təşkil edilib.
29 iyul 2017-ci il tarixində Daş Salahlı kənd 1 saylı kitabxana filialı kəndin mərkəzində gün ərzində “Açıq kitabxana” layihəsi çərçivəsində səyyar kitabxana xidməti təşkil etdi. Tədbirdə kənd Sənətkarlıq evinin, Rabitə və poçt işçiləri və kənd sakinlərindən ibarət olmaqla 50 nəfər iştirak etdi. Tədbirdə “Vətənpərvərlik”, “Müstəqilliyimiz əbədidir”, “Uşaqların nağıllı dünyası” və “Yeni kitablar” başlığında maraqlı kitablar nümayiş etdirildi.
Kitabxana filialın kitabxanaçısı Rübabə Süleymanova tədbir iştirakçılarına bildirdi ki, tədbiri keçirməkdə məqsəd əhalinin kitaba olan marağını artırmaq, onları kitabxanaya cəlb etməkdir. Multimedia resursları üzrə mütəxəssis Hicranə Məmmədova da qeyd etdi ki, kitab insanın ən yaxın dostudur. Kitablarda axtardığımız suallara cavab tapırıq. Fərdi şəxs kimi yetişməyimizdə kitabların böyük rolu vardır. Nə qədər çox kitab oxusaq bir o qədər də zəngin olarıq.
Bir qrup kitabsevər kitabxanaya üzv yazıldılar.
Tədbir iştirakçılar tərəfindən maraqla qarşılandı.